ولكن سامح يمسك أيدها ويقول لها وهو يحاول اسقاط السكينه من أيدها
أهدئي انتي تصدقي اني أعمل كده
هاجر بعصبيه
اومال الفيديو اللي شوفته ده أيه. دة انا ابويا كسر عضمي من بعد ما شاف الفيديو دة.
سامح
مش انا اللي عملت كدة. دة اكيد واحد أبن كلب صورنا ونزل الفيديو وانا مسيري اعرفه وهخلص عليه بايدية
ويبص سامح لخاله صبحي بعد ما خد من هاجر السكينة وقال
خالي انا بحب هاجر ولو كنت عملت معاها حاجه غلط فده. من حبي ليها
صبحي
واللي يحب حد يعمل معاه اللي انت عملته ده في الشارع كنت تعالي وقول لي انك بتحبها وعايزها انما تفضحني وتفضح بنتي وفي الاخر تقول لي بحبها
سامح
يا خالي،،،،،،،،،،
فيقاطعه صبحي ويقول بعصبيه
هي كلمه تجيب مفاتيح السيبر وتغور ما تورنيش وشك تاني واحمد ربنا لولا أختي انا كنت قتلتك وقطعتك بسناني
ويضرب هاجر ويمسك شعرها وهو بيقول
لكن العيب مش عليك العيب علي الفاجرة اللي قبلت تعمل معاك كدة وفين في جنينة. وياعالم حصل اية تاني ما بينكم
هاجر
والله ما حصلش اكتر من كدة
صبحي بعصبية وهو لسة ماسك شعرها
انكتمي انتي كمان ليكي عين تتكلمي
ويرجع يبص لسامح وهو بيمد ايده وبيقول
المفاتيح
فيخرج سامح من جيبه مفاتيح السيبر ويديها لصبحي. ويبص ل هاجر. وهو بيقول
حقك عليه. يا هاجر
فتعيط هاجر وسامح يديها ظهره ويخرج من السيبر وبعد اول خطوة لسامح برة السيبر يسمع صوت صراخ هاجر فيلف ويبص ناحية هاجر وصبحي فيلاقي صبحي مش قادر ياخد نفسه وبيقع علي الارض مخنوق وحوالين رقبته ايد سارة اللي كانت بتخنقه فراح بسرعه ناحية صبحي وبص لسارة وقال
ابعدي عنه
افتكرت هاجر ان الكلام ليها فقالت
مش عايزني اسند ابويا وهو في الحاله دي
بص لها سامح وقال
مش انتي
ورجع بص ناحية سارة وقال بتوسل
ابوس ايدك دة راجل طيب وغلبان
سارة وهي لسة بتخنق في قالت
وماكنتش عارف انه طيب وانت بتخونه في بنته. وبتسرقه في ايراد السيبر. انت يا سامح منافق. وخالك هيموت بسببك
وداست سارة مرة واحدة علي رقبه صبحي فمات في وقتها فصرخ سامح وخد صبحي في حضنه وبدا يصرخ باعلي صوت عنده ويقول
انا السبب انا السبب.
ويحضن خاله بندم شديد، ،،،،،،،،
وبعدها بكام ساعه يدفن صبحي بعد ما الحكاية كلها اتعرفت في حلوان ان صبحي الراجل الطيب مات بسبب اللي عمله سامح مع هاجر وكان كل اللي في الجنازة يترحموا علي صبحي شوية ويتكلمو علي اللي حصل من سامح شوية تانية وسامح كان بيسمع ويسكت ملهوش عين يرد.
ومن جوة شقة صبحي وبعد الدفنه تقعد هاجر مع اخت سامح الكبيرة واسمها نجاة. ومع ام سامح واسمها هانم واصبحت هاجر يتيمة الاب والام وكانت بتقول هاجر
والله يا خالتي سامح كان بيكلم واحدة مش موجودة وعمال يقولها ابوس ايدك دة راجل طيب وغلبان
نجاة
يعني اية اتجنن
هانم
اللي حصل برضو مش شوية دة خاله اللي مربي مات بسببه. اقول اية بس طالع لابوه ناقص
في الوقت دة يدخل سامح الشقة بعد سمع امه قالت اية فبص لها وقال لها
هو يقول اني طالع لك ويشتمك وانتي تقولي اني طالع له وتشتمي. بس عايزا الحق انا بقيت مش متربي وبعمل اي حاجة حرام بسبب اني طلعت لقيت ابويا وامي مش فاضين الا لمشاكلهم مع بعض اللي خلصت بالطلاق
ويتعصب سامح وهو بيقول
انا بقيت ناقص وواطي وخسيس علشان ما حدش فيكم فكر يربيني. لما في بينكم مشاكل كنتو بتخلفوني لية
ويبص لامه مستنيها ترد لكنها تسكت فيقول بقهر وخنقة
ردي عليه. من يوم ما اتجوزتو وانا عرفت منكم ومن حكايتكم انكم مش حابين بعض. لية خلفتونا. ولا هي المشاكل تفضل طول النهار شغاله وبالليل باب الاوضة يتقفل ونسمع الضحك والهزار
ويتنرفز اكتر واكتر وهو بيقول
وهاتو عيال. بس احنا هنطلق. نطلق وماله بس نجيب عيال ونرميهم في الشارع هو اللي يربي
ويقعد سامح علي اقرب كرسي وهو منهار وبيقول
واهه النتيجة خالي مات بسببي وكنت السبب في فضيحة بنت خالي.
هاجر
هو انت اية خدوهم بالصوت ليغلبوكم. ليك عين تتكلم
فيقف سامح ويبص لنجاة ويقول
أنا مش جاي اغلب ولا اتغلب. انا فعلا مغلوب علي امري
ويبص ل هاجر ويقول
عارف انك مش طيقاني لكن الصح لازم يحصل نخلص ايام الحداد وتكوني مراتي علشان نقطع اي لسان في المنطقة يجيب سيرتك
فتبص له هاجر وما تردتش من شده الحزن والقهر ف هاجر بين نارين حبها لابوها اللي مات بسبب سامح. وبين حبها ل سامح اللي بالنسبه لها حياتها كلها وما تقليش هاجر اي حاجة تقولها فتقوم وتدخل اوضتها وتقفل الباب وراء منها فتبص نجاه ل هانم وتقول لها
روحي وراها يا ماما ما تسيبهاش لوحديها
فتروح هانم وراء هاجر وهي بتبص لسامح وتقول
الله يسامحك عمرنا ما شوفنا من وراك خير طالع لي ابوكع
فيبص لها وهي تدخل الاوضة وراء هاجر فتبص نجاه لي سامح وتقول له
مبسوط كده خالك ده كان اطيب واحد في العيله ليه عملت في كده
سامح
نجاه انا مش ناقص بلاش كلامك ده ارحميني
نجاه
ارحمك وانت ليه ما رحمتش خالك في عرضه خلاص
ما فيش بنات في الدنيا الا هاجر
سامح
خالك ما متش موتة. طببعية خالك قتلتة، ،،،،،،،
ويسكت سامح ويبص وراء نجاه فيلاقي خاله واقف قدام منه وهو في كفنه ويبص له بصة مخيفه ويقول
انا ميت غضبان عليك ومش مسامحك وربنا هايجيب لي حقي منك انت قتلتني قتلتني
ويخرج الذباب الازرق من جثه خاله بشكل مخيف ويروح ناحيه سامح فيحاول سامح أبعاد الذباب عنه فتبص له نجاه باستغراب لانها كانت لاتري شي وتقول لي سامح
سامح مالك بتعمل ليه كده
وفجاه يقف سامح ويبص ل نجاه ويقول لها
خالك واقف وراكي وبيقولي لي انا مش مسامحك وانت اللي قتلتني
فتبص نجاه وراء منها خائفة فلا تجد شي فتبص ل سامح وتقول له
سامح مالك
سامح
الافارقة
وفجاه يرا الافارقه اللي شافهم في الفيديو وهم يعزفوا موسيقي الشيطان ومتجهين ناحيه قبر خاله وخاله يصرخ ويقف قدام سامح ويقول
ألحقني يا سامح عايزين يخدوا جثتي
سامح
ماتخفش يا خالي ماحدش هايقدر ياخد جثتك وانا عايش،
ويجري ناحيه باب الشقة مسرعا فتبص له نجاه باستغراب وتقول
رايح فين يا سامح
سامح
رايح الحق خالك قبل ما يخدوا جثته
ويقفل الباب وراء منه بمنتهي السرعة ونجاه تنادي علي هانم وتقول
الحقيني يا ماما
فتخرج هانم من الاوضة بسرعة وتبص لها وتقول لها
في ايه يا نجاه
نجاه
سامح أتجنن بيكلم نفسه وسابني وخرج من الشقه وهو بيقول أنا رايح ألحق خالي قبل ما ياخدو جثته
هانم بعصبية
هو اتجنن دة ولا اية. طيب يالا بينا بسرعه نلحقه قبل ما يعمل حاجه في جثه خالك
فتسمعهم هاجر وهم يتكلموا فتخرج من اوضتها وتقول لهم
انا جايه معاكم،،،،،،
ويصل سامح عند مقبره خاله بعد أذان العشاء فيلاقي الافارقه اللي شافهم في الفيديو وهم يحملو جثه خاله ويخرجوا بها من المقبره فيهجم عليهم سامح بمنتهي الغضب وكان احدي الافارقه يمسك بشعله نار ويستعد لي حرق جثه خال سامح ولكن سامح يلكمه لكمه قويه ويمسك أيده الموجود بها الشعله فينظر له ذلك الافريقي ويبتسم ابتسامه مخيفه وينزل الافارقه الي تحت الارض وسامح يمسك الشعله في أيده وجثه خاله كانت تحترق ويقف وراء منه هانم و نجاه وهاجر وتصرخ هاجر وتحاول اطفاء النار الذي تأكل في جسد والدها ولكن النار أكلت جثه والدها حتي تفحمت فامسكت نجاه بالشعله الموجوده في أيد سامح وهي تقول له
ليه عملت كده ليه
وتهجم هانم عليه وتفضل تضربه بالاقلام علي وشة وسامح واقف مصدوم مش مستوعب كل اللي بيحصل لكنه فاق وكان لازم يدافع عن نفسه فصرخ وقال
انا ماعملتش حاجه ده انا كنت بمنعهم من انهم ياخدوا جثه خالي. والله ما عملت حاجة
هانم بعصبية
بتمنع مين انت ايه بقيت مجنون تطلع خالك من قبره علشان تحرقه حرام عليك حرام عليك
سامح
والله انا كنت بلحقه من أيديهم صدقوني
هانم وهي بتضربة بالقلم. كمان مرة.
نصدق أيه قوم امشي من هنا واوعي اشوفك تاني انت من النهارده لا أبني ولا اعرفك
فتبص الي جثه اخوها المتفحمه وتاخذ هاجر المنهارة من العياط في حضنها وتقول لها
حقك عليا يا بنتي
فيبص سامح لاخته نجاة وعيونه مليانه دموع
نجاه صدقيني انا مش مجنون ولا جاحد علشان اخرج جثه خالي واحرقها
نجاة بعصبية
غور بقي يا اخي من هنا ما حدش طايق يشوفك
وتروح نجاة ناحية هاجر وتاخدها في حضنها
فيبص لهم ويشوف سارة مكان هاجر اتصدم ولسة هيهجم عليها وقف وقال لنفسه
سارة عايزاهم يشوفوني مجنون. امشئ احسن يا سامح ،،،،،،،
ومن داخل شقه حسام. صاحب سامح كان حسام قاعد مع ابوة وامه واخته فيسمعوا صوت طرق علي الباب فيقوم حسام ويروح يفتح الباب علشان يلاقي سامح فيقول باستغراب
سامح انت هنا بتعمل أيه
سامح
حسام انا ابويا وامي طردوني من بيوتهم وعايز ابات عندك يومين لغايه ما أشوف انا ها عمل أيه
حسام بارتباك
ادخلك ازاي بس والظروف
ويسكت حسام مكسوف فيقول سامح
ما انا كنت ببات عندكم عادي. هما يومين بس. علشان خاطري
فيقف ابوة حسام وراء منه ويقول
اية يا حسام انت مكسوف تقوله اننا ما ينفعش ندخل بيتنا واحد زية دة سارق اعراض وانت عندك اخت
سامح بكسرة نفس
صح يا عمي بس،،،،،
لكن قبل ما يقول سامح كلمة تانية كان باب الشقة اتقفل في وشة فتنزل دموع سامح ويقعد علي السلم قدام باب الشقة مش عارف يروح فين وخصوصا ان نفس اللي حصل عند حسام حصل عند باهر صاحبة التاني ونزل يمشي في الشارع مش عارف يروح حتي الحمام اعذكم الله كان بيعملو تحت احدي الكباري او في الجامع لو في وقت الصلاة وجاع سامح وحط ايدة في جيبة لقي اخر 20 جنيه معه. فحطها تاني في جيبة وراح لمحل كشري وطلب كشري ب 10 ج. وبعد ما خلص اكل راح وقف قدام الكاشير علشان يحاسب حط ايدة في جيبة طلع ال 20 ج. لسة هيضيقها لعامل الكاشير النار مسكت في ال 20 ج. بطريقة مخيفة رماها من ايده وداس عليها برجله وسمع صوت عامل الكاشير بيقول
ايه يا استاذ حطيت ايدك في جيبك وطلعت فاضيه يعني
سامح
فاضيه ازاي انا خرجت عشرين جنيه واتحرقت قدامك
عامل الكاشير بعصبية
عشرين ايه انت مبرشم باين عليك. طلع حق الكشري اللي انت طفحته والا هنادي الرجاله تنفخك
سامح وهو خايف
والله اخر فلوس معايا اللي اتحرقت دي
في هذه اللحظه تهجم عليه سارة في صورة امراة محجبه وتمسكه من ياقه القميص وتقول
موبيلي يا حرامي يا أبن الحرامي
فيمسكها سامح من هدومها بمنتهي العصبية وقال
هو انتي
فتصرخ سارة وتقول
يعني حرامي وكمان عايز تضربني
فيتجمع الناس ويمسكوا سامح بقوة وسامح بيقول
اوعوا انا مش حرامي. واللي قدامكم دي شيطانه
فيقول احدي الرجال الواقفين
في ايه يا ستي
سارة
سرق موبيلي
سامح
انا اسرق منك موبيل
سارة
فتشوا وهتلاقو في هدومة
فيمد احدي الرجال ايدة في جيب بنطلون سامح ويطلع موبيل. سامح فتقول سامح
اهو دة موبيلي
سامح
والله كذابة دة موبيلي. حتي دة ببصمتي ومستعد افتحه قدام منكم
ويحاول سامح انه يفتح الموبيل لكن سارة تبص ناحية الموبيل وتغير كل الصور اللي عليه لصورها وتقول
موبيلك يا حرامي
وتمسك الموبيل من ايد سامح وتفتحة ببصمة صباعها وتوري للناس صورها علي الموبيل. وتقول
موبيلة وعليه صوري مع جوزي وعيالي
فيضربة احدي الرجال ويقول
والله كذابة دي شيطانه حتي حاول تمسكها مش هتعرف
سارة
اما انت باين عليك مجنون. انا عايزا حقي يا رجاله
ويبدأ الرجاله يضربوا في وسامح بيحاول يتفادي الضرب الغشيم ويسمع صوت سارة في ودانه بتقول
علشان ماتقاليش حاجة تبيعها وتاكل بسببها. جوع وابرد واتهان. طالما اخترت انك تكون عدو سارة
فيصاب سامح ببنزيف في مناخيرة ويتفتح الحاجب اليمين عنده لكن سامح يزق اقرب اتنين لي ويجمع كل اللي فاضل من قوته ويهرب من بطش الناس بي ويدخل في بيت تحت الانشاء. ويستخبي ويفضل يتوجع ويتالم وقطع قماش من هدومة وبدأ يوقف الدم اللي بينزل منه
وعند تمام الساعه الثالثة فجرا راح سامح عند الجامع وفضل قاعد علي الرصيف مستني باب الجامع يتفتح فظهرت له ساره وبصت ل حالته السئيه والدم اللي نشف علي هدومة وعلي وشة وقالت بنعومه الثعابين
يعني كويس اللي انت في ده
فيبص لها سامح ومايردش فتلف حوالين منه ببطي مخيف بطي يشبة عقرب الدقائق في اوقات الانتظار وقالت
اسمع كلامي وبدل ما انت قاعد علي رصيف هاتكون قاعد في قصر وكل اللي قفل بابه في وشك هايفتح الباب ويدور عليك انا عايزا ليك الخير فرانس كانت حالته زيك بقي اشهر عازف في العالم بسببي اختار مره صح وصدقني مش هاتخسر
سامح اللي انهار حرفيا. قال
عايزاني اعمل اية
ساره
تزني في ليلي
سامح
وأكون اغني واشهر واحد في العالم
ساره
هاتكون ملك الكون كله
في الوقت دة يجي الشيخ مرسي علشان يفتح باب الجامع ويجهز لاذان الفجر فشاف سامح قاعد علي الرصيف راح له وشاف حاله
سمعت باللي حصل لك في محل الكشري ودورت عليك وقولت اجي افتح الجامع بدري يمكن تكون محتاج تخش
فتقول سارة في ودان سامح الشمال
ما تردش عليه. دة مافيش من وراء خير
فيبص سامح للشيخ مرسي وما يردش ويفضل مرسي يبص له ويقول
مالك يا سامح ما بتردتش عليه لية
سارة لسامح
ما تفكرش كتير ابوك النهارده بايت في الشغل وليلي عايزاك زي ما انت عايزها. روح وافتح ابواب الجنة وادخل
فيقف سامح ويبص للجامع وبابه المفتوح لكنه ادي ظهره للجامع ومشي مع ساره ناحية بيت ابوه ومرسي كان بيبص عليه ومستغرب.
ومن قدام شقة ابوة سامح يخبط سامح علي باب الشقة فتفتح له ليلي فيبص لها وتبص له وهي بتقول
اخيرا جيت يا واد يا موز
سامح
جيت افتح ابواب الجنة وادخل
ليلي وهي بتفتح احضانها لسامح
انا الدنيا والجنة اللي نفسك فيها تعالي في حضني
واترمي سامح في حضن ليلي وفي الوقت دة. يسمع سامح صوت أذان. فيستغفر ربنا ويزق ليلي بعيد عنه ويجري بسرعه ناحية اوضة ويدخل يجيب اللاب توب بتاعه من جوة. ولسة هيخرج يلاقي قدامه سارة في جسم ليلي وبتقفل باب الاوضة وتقول
مش هتقدر تخرج من هنا
فيقول سامح
قل هو الله احد الله الصمد لم يلد ولم يولد ولم يكن له كفوا احد
فتصرخ سارة وتهرب من قدام سامح ويفضل سامح يكرر الايات ويخرج جري من الشقة ويروح للجامع ويدخل بسرعه واللاب معه ويبص له الشيخ مرسي ويقول
كنت حاسس انك محتاج مساعده
يبص له سامح ويقول
علشان كدة انت اذنت قبل الميعاد
يبتسم الشيخ مرسي وهو يقول
دة ما كنش اذان دة مجرد تنبية. ليك
سامح
جه في وقته
ويفتح سامح اللاب وبدأ يمسح اي شئ حرام علي اللاب فقال له الشيخ مرسي
انا ماعرفش اية اللي صابك لكن اللي شوفته النهاردة وانا بكلمك وما بتردش عليه يقول انك في ورطة
سامح
انا في مصيبة سوداء.
مرسي
طيب قوم اتضوأ وصلي لغاية الفجر ما يأذن وبكرة نبقي نتكلم
سامح
هينفع تسيبني ابات هنا تاني النهاردة
مرسي
طبعا هو دة بيتي علشان اطردك منه،،،،،،،
وتاني يوم وبعد صلاة الظهر يقعد الشيخ مرسي قدام سامح بعد ما فطروا. وكان سامح بيقول
انا ماكنتش شايف الضلمه اللي كنت ماشي فيها
مرسي
علشان انت ماكنتش عايز تشوف
سامح
صح انا عمري ما كنت بشوف النور اللي انا شايفه دلوقتي
مرسي
النور موجود وهايفضل موجود اهم حاجه تعرف طريقك للنور
سامح
وأنا خلاص عرفت طريق النور
مرسي
ودي اهم حاجه انك مهما تعيش في الضلمه تعرف طريق النور جاي منين وتوصل له مع اني زعلان بسبب اللي حصل لخالك الطيب
سامح
مش اكتر مني وربنا يعلم انا اتكسرت ازاي بعد موت خالي.
مرسي
واللي عملته مع مرات ابوك.
سامح باستغراب
وانت عارف ازاي
مرسي
ابوك حكي لي ساعه ما دخل عليك ولقي ايدك علي،،،،،،
قطعته وقولت له
طيب هاتصدقني يا شيخ مرسي لو قولت لك أني مظلوم
مرسي
مظلوم أزاي ده أبوك شافك بعينه وانت مع مراته. ابوك صاحبي وحكي لي كل اللي شافه
سامح
صدقني يا شيخ مرسي انا عارف اني غلطان وعاصي وعارف ان ذنوبي كتير. بس زي ما حكيت لك. في روح خبيثة هي السبب في كل اللي بيحصل لي دة. علشان كدة انا عايز افضل في الجامع اصلي وانظف الحمامات دة المكان الوحيد اللي ما بتقدرش تظهر لي في
مرسي
هو انت فاكر انك لما تفضل في الجامع يبقي هو ده الحل
سامح
طيب أعمل أيه يا شيخ مرسي انا تعبت وخايف أضعف وأعمل اللي هي عايزا
مرسي
أوعي تضعف لانك لو ضعفت هاتخسر دينك ودنيتك واخرتك
سامح
طيب أعمل ايه
مرسي
تحاربها وتحرقها وتبعدها عنك يعني بالبلدي زي ماحضرتها تصرفها
سامح
طيب أزاي. وانا ما كنتش عايزها تتحضر يبقي ازاي هعرف اصرفها
مرسي
علشان تعرف نصرفها لازم تعرف ساره دي ايه
سامح
اللي انا فهمته انها روح شيطانيه جايه من الجحيم ومش هتبعد عني لغايه ماموت زي فرانس وأدخل جهنم انا وكل من هو من نسلي
مرسي
وأشمعني انت
سامح
ما انا قولت لك علشان الموسيقي اللي عزفتها وكانت السبب في تحضيرها
مرسي باستغراب
كلام غريب وعجيب انما احنا بقينا في زمن تصدق في اي حاجه بس في حاجه وانت بتحكي قولت لي ان في جثه بنت جت لك وقالت لك خرجتهم ليه من الجحيم يعني ساره لو روح شيطانيه فهي معها ارواح تانيه
ثم يسكت سامح لي لحظات ويقول
صح ياشيخ مرسي هما اكتر من حد الافارقه اللي شوفتهم عند قبر خالي وفي كام أيد شكلهم محروقين بتطلع من تحت الارض وعايزين يسحبوني لتحت الارض
مرسي
الموضوع كده كبير قوي ولازم حد دارس وفاهم علشان يقدر يفدنا ويشوف لينا حل.
ويفكر مرسي للحظات في اللي يقدر يساعدهم ثم يقول
بص انا هاخرج دلوقتي اروح وهارجع لك علي صلاه العصر ومعايا الشيخ ناجي راجل صاحب علم وقاري ودارس علم الروحانيات
ويقف مرسي ويخرج من الجامع. ويقفل باب الجامع علي سامح فيتردد في ودان سامح كلام الشيخ مرسي وهو بيقول
علشان تصرفها لازم تعرف مين سارة دي
فراح بسرعه ناحية اللاب توب بتاعه وفتح اللاب توب وأتصل بالنت ودخل علي قناه اليوتيوب الخاصه بي وفتح الفيديو الذي سجله لنفسه وهو بيعزف عيون القمر ويمسح الفيديو ولكن الغريب ان الفيديو لا يمسح ويكرر محاوله مسح الفيديو اكثر من مره ولكن تنتهي محاولاته بالفشل فيفتح جوجل ويبحث عن موسيقي الشيطان فظهر له بحث قام به عالم يهودي يدعي ليفي. بان موسيقي الشيطان تم عزفها اول مره امام الامبراطور اليوناني اسطفينوس ومن قام بعزفها فرقه ساره كومنز العازفه اليونانيه ومعها فرقتها المكونه من خمس اشخاص وكانت ساره يحبها جن كافر يدعي هلاك وكان هلاك من ابناء الشيطان ولكن الامبراطور اسطفنيوس حب ساره جدا وقرر ان يتزوجها وبالفعل تزوجها اسطفنيوس رغما عن هلاك وبموافقه من ساره اللي حبت الامبراطور اليوناني وقرر هلاك الانتقام من ساره والامبراطور فقام هلاك بسلسلتهم في زنزانه كبير تسمي. نار الجحيم واحرق ساره وفرقتها والامبراطور وتركهم في الزنزانه ولكن هلاك سلط لعنه علي ساره وجعلها خادمه للشيطان وكل من يعزف موسيقي الشيطان يصاب بلعنه ساره للانتقام من ساره ومن يفتن بالموسيقي اللي عزفتها كما فتن بها الامبراطور واصبحت ساره مسخره لخدمه الشيطان وجلب من يعزف الموسيقي الخاصه بها الي جهنم هو وكل من هو من نسله وفجاه تظهر ساره علي الشاشه وتقول له
ايه رايك في قصتي اديني خليتك تعرف عني حاجات
ما فيش حد يعرفها غيرك عارف ليه علشان انا حبيتك
سامح بفزع
أنتي
ساره
هاتفضل مستخبي في الجامع
سامح
أيوا هو ده المكان اللي عمرك ما هاتعرفي توصلي لي في
ساره
للدرجه دي انت خايف مني
سامح
انا مش خايف منك
ساره
طيب اطلع بره الجامع وواجهني
سامح
هاواجهك بس لما اكون شيطان زيك
ساره
أوعي تفتكر انك هاتفضل في المسجد كتير وأن مرسي او الشيخ اللي ها يجي معا ده هايحموك مني
سامح ضاحكا
انا مش مستني دول اللي يحموني
ساره
اومال مين اللي هايحميك مني
فيبص سامح الي كلمه الله الموجوده في الجامع فتبص ساره ناحية ما بص سامح وتشوف كلمة الله فتصرخ وتختفي من علي الشاشه مسرعا فيبص سامح لكلمة الله ويقول
يارب أحميني منها،،،،،،،،
ومن جوة شقة الشيخ مرسي تقف بنت الشيخ مرسي واسمها اسراء قدام البوتاجاز وكانت بتسلق فرخة وتعمل رز فيدخل عليها الشيخ مرسي ويبص لها ويقول لها
حضرتي الاكل يا اسراء
فتبص له اسراء وهي بتقول
علي النار اهو يا بابا.
مرسي
طيب شهلي فاضل علي العصر ساعه وعايز اخد لسامح الغداء دة معايا. تلاقي جعان
اسراء وهي بتقلب في الاكل
والله يا بابا انا مش عارفة انت ازاي قلبك جايبك تساعد اللي اسمه سامح دة. بعد اللي عمله
مرسي
بني ادم وغلط اية نقفل كلنا ابواب الرحمة في وشة هو دة يرضي ربنا
اسراء
يا بابا دة سبب فضيحة بنت خاله اللي مربي. دة انت لو الشيخ ناجي عرف انك عايزه علشان سامح مستحيل يوافق يجي لك
مرسي
الشيخ ناجي عرف انا عايزه لية ووافق انه يساعد سامح لكنة في شغله وهايجي علي المغرب كدة. وقال لازم كلنا نساعده ونعمل كل اللي نقدر عليه دة انسان في ورطة ومحتاج اللي يقف جنبه
اسراء
اللي انت شايفة يا بابا. المهم ان حاله يتعدل ما يبقاش يومين ويرجع يخيب تاني
مرسي
يارب
وفي هذة اللحظة يسمعوا الاثنين صوت خبط علي باب الشقة وباب انفتح واتقفل فيبص مرسي ل اسراء ويقول
انتي سايبة شباك مفتوح ولا اية. دة الباب اترزع جامد اوي
اسراء
باين كدة
مرسي
طيب انا هاروح اشوف مين بيخبط واقفل الشباك المفتوح
ويروح مرسي ناحية باب الاوضة اللي اتفحت واتقفلت وملقاش اي شباك مفتوح استغرب جدا وسمع صوت الخبط علي باب الشقة بيتكرر. فيروح يفتح الباب ميلقيش اي حد يستغرب اكتر واكتر ولسة هيقفل الباب لقي قطة واقفة علي الباب وبتبص له فيبص لها باستغراب شديد ويقول
انتي جيتي منين
فتنونو القطة وتفضل تنونو فيقول لها بطيبة قلب
انتي باين عليكي جعانه
فيقول مرسي ل اسراء. بصوت تسمعه
هاتي علبه تونه من عندك يا اسراء. علشان في قطة جعانه جت علي ريحة الفرخة اللي بتعمليها
اسراء
حاضر يا بابا
وتفتح اسراء الثلاجة وتجيب علبه تونه وتخرج من المطبخ وفي الوقت دة. يخرج من شق في الحيط ثعبان اسود رجيم ويمشي علي الحيطة بمنتهي السرعه ويروح ناحية حل الاكل ويبخ سمه ويرجع تاني بمنتهي السرعه للشق اللي في الحيط، ،،،،،.،،،،
ويمر الوقت ويفتح باب الجامع ويدخل مرسي للجامع. ومعه الاكل ويروح ناحية سامح اللي كان بيقراء في المصحف فيبص له سامح ويقول
اومال فين الشيخ ناجي اللي انت قولت عليه
مرسي
في شغله وهيفوت علينا مع اذان المغرب. ولغاية ما يجي هنصلي العصر ونقعد نتغدي وندردش شوية سوي
سامح
والله يا شيخ مرسي انا مش عارف اقول لك اية تعبك معايا
مرسي
قول انك بعت ما تعدي الازمة دي ما ترجعش تاني لطريق الضلمة
سامح
انا توبت ورجعت لله ومن بعد ما شوفت النور ازاي اتمني الضلمة،،،،،،
ويصلو العصر ويبدوا ياكلو. وبعد كام معلقة من الاكل يمسك سامح بطنه ويصرخ بشدة ويقول
أه بطني بتتقطع يا شيخ مرسي
مرسي
ولية بس كدة
سامح بصعوبه
ماعرفش مغص شديد ووجع. مش قادر استحمله
ويتوجع سامح بشدة فيقول الشيخ مرسي
طيب قوم معايا اوديك المستشفي
فيبص له سامح ويقول
لا انا مش هاخرج من هنا. هلاقيها في طريقي. ومش بعيد تكون هي اللي عملت فيا كدة علشان اخرج من الجامع
مرسي
ما أنا كلت معاك من الاكل وماحصلش لي حاجه
سامح بصعوبه
علشان هي عايزاني انا بس
ويصرخ سامح كمان مرة من شده الوجع. وهنا تظهر سارة قدام باب الجامع وكانت اخر حاجة يشوفها سامح قبل ما يقع علي الارض. فاقد الوعي. فيشيلة الشيخ مرسي ويخرج بي من الجامع بسرعه بعد ما بدأ سامح يجيب العصارة اللي في معدتة كدليل واشارة علي انه يعاني من حاله تسمم، ،،،،،،،،،،
ومن جوة احدي غرف المستشفيات العامة بحلون ينام سامح علي السرير وهو متعلق له محلول بعد ما قام الدكتور بغسيل معده له وكان مرسي يقف مع الدكتور في الاوضة والدكتور يقول له
ازاي أنت واكل معه من نفس الاكل وهو يجي له تسمم وانت لا
مرسي
ماهو ده اللي مجنني يا دكتور
وفي الوقت دة يفتكر مرسي الباب لما خبط والقطة اللي ظهرت فجاة فقال لنفسه
انا كدة فهمت
فيلاحظ الدكتور سرحان الشيخ مرسي فيقول له
سرحان في اية يا شيخ مرسي
مرسي
لا ما فيش انا معاك اهو. بس يعني هو يا دكتور هايبقي كويس
الدكتور
ان شاء الله.
ويمشي الدكتور ويخرج مرسي من الاوضة ويقف في الطرقا قدام باب الاوضة. وهو بيفكر في اللي حصل وبعد ما كان مصدق سامح 80% بعد اللي حصل دة صدقة 100% واتاكد ان كدة في فعلا شئ غريب بيحصل. فخرج الموبيل بتاعه واتصل بالشيخ ناجي. واول ما رد ناجي قال مرسي
يا مولانا با الله عليك لو تنفع تسيب شغلك وتيجي حالا ياريت
صوت ناجي
اية يا مرسي في اية
مرسي
الشاب اللي حكيت لك عنه. حصلت له دلوقتي حاجة غريبة جدا،،،،،،،،،
ويعدي بالظبط كام دقيقة ويدخل المستشفي المحجوز فيها سامح شيخ في السبعينات من عمره وهو الشيخ ناجي لابس عباية بيضاء وطقية بيضاء وفي ايدة سبحة من كريستال عليها اسماء الله الحسني ويقابله في طرقا الدور الثاني الشيخ مرسي واول ما يقف قدام منه يسلم عليه بترحاب شديد ويقول
أزيك يامولانا
الشيخ ناجي
الحمد لله انت بخير يا مرسي
مرسي
انا بخير. بس سامح لا. و معلش بقي يامولانا أزعجتك كنا المفروض نتقابل في الجامع بس بقي الظروف بتحكم
الشيخ ناجي
أزعاج ايه بس ده أحنا اخوات وتيلفونك وانه أتسمم قلقني اكتر علي اللي اسمه سامح ده
مرسي
الحمد لله لحقنا. من التسمم بس عقبال ما نقدر نلحقة من ايد الروح الشيطانية اللي بطادرة
ناجي
شكلنا كدة قصاد جنية عاشقة
مرسي
ما فتكرش دي وجودها في دنيا سامح مربوط باذيته
ناجي
طيب هو فين سامح دة،،،،،،
ومن داخل الاوضة المحجوز فيها سامح يقف الشيخ ناجي قدام سامح ويخرج من جيبه حقنه وأنبول به ميه ويقرأ أيات قرانيه خاصه بالمس الشيطاني علي هذه الميه ويضع سن الابره في الانبول ويسحب الماء الموجود بداخل الانبول فيبص له مرسي وهو مستغرب ويقول
أنت بتعمل أيه يا مولانا
الشيخ ناجي وهو بيدي الحقنة لسامح في الوريد. يقول
لو جنية عاشقة او مس شيطاني الحقنة دي والقران المذكور عليها هيحمي من شر اللي بتلاحقة
مرسي
وليه اديته الحقنه في الوريد
ناجي
علشان الايات القرانيه اللي قراتها علي الميه تجري في عروقه مجري الدم وبأذن الله تحفظه من كل سوء
ولكن فجاه يصرخ سامح بشده وتنتفخ معدته بشكل مخيف ثم ترجع معدته كما كانت ويبدا نزيف شديد والدم يخرج من كل فتحه في جسم سامح بشكل مخيف جدا دم لونه اسود ومع الدم يخرج ثعبان اسود وذباب ازرق كتير من بوق سامح وفجاة يقعد سامح علي السرير ويخلع المحاليل المتعلقة في ذراعه ويختفي النني الاسود من عيونه وتصبح عيونه بيضاء تماما وتقول سارة بصوت غاضب
هذا الجسد ملكي أنا ولن يستطيع أحد ان يخرجني منه، ،،،
وتصرخ ساره صرخه مخيفه تجعل الدم يخرج من أذن الشيخ ناجي ومرسي لان طبله الاذن الخاصه بهم قد أنفجرت وحاول الشيخ ناجي ان يقرأ ايات تحمي من سارة لكن سامح يتحرك بمنتهي السرعه ناحية الشيخ ناجي ويفتح بوق ناجي بقوة رهيبة ويخرج لسان ناجي ويقطع سامح لسان ناجي باسنانه في مشهد مخيف ويقرأ مرسي ايات من القران فيصرخ سامح ويروح بنفس السرعه ناحية مرسي وزي ما عمل مع ناجي عمل مع مرسي وبص سامح للشيوخ وهم يتالمو والدم ينزل منهم بشكل مخيف وقالت سارة
هذا جزاء من يريد ان يحرمني من سامح
فيرفع ناجي السبحة اللي في ايدة في وش سامح فيصرخ لما يشوف اسماء الله الحسني ويخرج من الاوضة بسرعه
والشيخ ناجي وراء منه بيحاول الامساك به لكنه كان تعبان والدم بينزل منه بطريقة ترعب وبدأ ناجي يخرج من جيبة ازازة مية مقري عليها قران ويرمي المية علي جسم سامح اللي كان بيتحرق وهو بيجري في المستشفي وناجي وراء منه وفجاة لمح سامح طفل بيرضع علي صدر امه سحب الطفل من حضن امه وراح ناحية احدي الشبابيك الموجودة في الطرقا وكسر الشباك وبدأ الرضيع يصرخ وامه هتجنن عليه وقالت سارة
اختار اما الطفل الرضيع يعيش او جسد سامح يرجع له
فيقف ناجي مش عارف يعمل اية لكنه شاور ليها بانها ترجع الطفل الرضبع لامه فابتسم سامح بخبث ورمي الطفل الرضيع من الشباك فصرخ كل الموجودين وهنا. شاور ليها بانها ترجع الطفل الرضبع لامه فابتسم سامح بخبث ورمي الطفل الرضيع من الشباك فصرخ كل الموجودين وهنا تمتد ايد سامح اليمين وبمنتهي السرعه ويلحق الطفل المعلق في الهواء من رجله وكانت الحركة دي برة ارادة سارة اللي صرخت في ودان سامح بكل قوتها لكن سامح تحامل علي نفسه ورجع الطفل الرضيع لامه بصعوبه وقدرت سارة تسيطر علي جسمه تاني وخرج جري من المستشفي رغم محاولات الامن لمنعه، ،،،،،،،،،،
وبعد دقائق ومن جوة الاوضة اللي كان محجوز فيها سامح يقف اثنين دكاترة ومعه ثلاثه من الممرضين وكانوا يقيمون باسعاف مرسي والشيخ ناجي والاطمئنان عليهم بعد اللي حصلهم وايقاف الدم فيقول اول دكتور.
انتو هتبقوا كويسين باذن الله. بس اللي مستغرب له ان رغم هجوم سامح عليكم والدم اللي نزل منكم لكن
ما فيش اي ضرر عضوي حصل لكم
ثاني دكتور وهو بيبص لمرسي قال
واللي انا مستغرب له لية بس. اللي اسمه سامح دة يعمل كدة. فيك دة انت اللي جيبته لغاية هنا ولحقته وهو مسموم يعني انقذت حياته
فيبص مرسي لناجي ودة مش قادر يتكلم ولا دة قادر يتكلم ويخرج ناجي لسانه ويتحسسه بايدة ويبص لمرسي ومرسي يبص له ويشاور له بان لسانه مفيهوش اي شئ فيلاحظ الدكتور اللي بيحصل فيقول
لسانكم سليم حاولو تتكلمو وتفهمونا اية اللي حصل. ولية سامح دة عمل كدة
وفي الوقت دة يدخل الي الاوضة ظابط قام احدي الدكاترة بالاتصال به لاثبات حاله التعدي اللي دمت علي الشيخين وبعد ما يعرف الظابط كل اللي حصل ويراجع كاميرات المراقبة اللي رصدت الحادثة. قال
وطبعا ماحدش يعرف راح فين سامح دة
اول دكتور
هرب بعد ما عمل عملته.
الظابط
بس اللي حصل دة في شئ غريب ازاي يرمي الطفل الرضيع من الشباك وهو برضو اللي يلحقة. ورد فعله كان غريب جدا بعد اللي حصل دة
تاني دكتور
كل شئ حصل النهاردة غريب جدا. يعني رغم انه هجم علي الشيخين وقطع لهم لسانهم ودمهم سال علي الارض الا ان السنتهم ما فيهاش اي قطع. ورغم كدة ولا واحد فيهم قادر يتكلم
الظابط
بس انا محتاج استجوبهم
اول دكتور
ممكن حضرتك تسالهم وهما يكتبوا الاجابة
الظابط
فكرة برضو
ويخرج الظابط من جيبة اجندة صغيرة بقلم ويكتب اول سؤال
★ أيه علاقتكم بسامح. وتفتكروا لية عمل كدة★
فيقراء الشيخ ناجي ومرسي المكتوب ويمسك مرسي القلم من الظابط علشان يقول له علي اللي حصل وبمجرد ما يكتب يلاقو الكلام مكتوب بلغه غير مفهومه فيتعجب الشيخ ناجي ومرسي لا يختلف عنه لكن الشيخ ناجي عرف ان دي لغة خاصة بالجن الكافر. ويتابع كل الموجودين اللغة الغريبة ويسيب مرسي القلم لانه عرف ان مافيش فايدة هما كدة تحت تاثير لعنه تخص سارة ولازم يفكروا ازاي يقدروا يتحررو منها. بس ازاي. وقال الظابط للدكتور
واضح كدة اننا قدام قضية من اغرب القضايا، ،،،،،،،،،،،
وفي نفس الوقت ومن احدي الشوارع كان سامح بيحاول يروح ناحيه جامع علشان يهرب من ساره لكنه مش قادر وحاسس بوجع شديد فبص تحت رجله لقي الالاف المشارط اللي بيستخدموها الاطباء وهو دايس عليهم فتوقف عن المشي وبدأ الدم ينزل من رجله وبقي لا قادر يمشي ولا قادر يقف. بص للسماء بصعوبه وحاول انه يقول يارب لكنه ماكنش قادر وسمع صوت سارة جاي من جوة منه وبتقول
ماتحولش كل أعضاء جسمك ملكي هاتقول اللي انا عايزا وهاتعمل اللي انا عايزا
سامح بصعوبه
مش قادر المشارط قطعت رجلي
فاختفت المشارط وسارة قالت
كل هتحاول تهرب مني هيحصل لك اللي حصل لك دلوقتي. وكفاية اني سيباك لسة عايش بعد اللي عملته في المستشفي
سامح
كنت عايزاني اسيب طفل رضيع يموت
سارة
انا امرت بموته. يبقي يموت
سامح
انتي مين علشان تقول،،،،،،،
ويصرخ سامح ولسانه بيلف حوالين نفسه بشكل مرعب وسارة تقول
عارف لما اللسان يتبلع اية اللي بيحصل
ويبدأ لسان سامح ينزل في القصبة الهوائية ويتخنق سامح وحتي الصرخة اصبحت مستحيلة. ويرجع لسانه زي مكان وتتفك الخنقة عن سامح ويكح بشدة وسارة تقول
قولت لك مش هاتقول غير اللي انا عايزا
سامح بصعوبه
أزاي حتي لساني اتحكمتي في
ساره
طول ما انت قلبك أسود من كتر الذنوب أنا متحكمه فيك
سامح
لكن انا بقيت انسان تاني
ساره
أنت اتغيرت اه بس لسه قلبك أسود وانا أمتلكت قلبك وعقلك. وحياتك كلها هاتمشي زي ما أنا عايزا
سامح
أنتي مالكيش اي سلطان عليه
ساره بغضب
لا ليا
سامح
لكن انا توبت ورجعت لطريق النور
ساره
توبتك ما تقبلتش
سامح
انتي مين علشان تقولي التوبه تتقبل ولا لا
ساره
سامح انت دخلت الجامع بس علشان تهرب مني. لكن انت عمرك ما كنت هاتخش الجامع وعلشان كده التوبه بتاعتك ما تقبلتش
سامح
انتي كدابه انا عارف ان،،،،،
ويحاول ان يقول كلمه ربنا ولكنه لا يستطيع ويفضل لسانه عاجز عن ذكر الله فتقول ساره
مش هاتقتدر تقولها ودلوقتي جه الوقت اللي اعرفك ازاي تقول لسارة لا.،،،،،،،
ومن قدام شقة صبحي خال سامح يقف سامح وهو بيرن الجرس فتفتح له هاله أمه. فتقول له بعصبية
انت. هو احنا مش كنا ارتحنا منك ومن خلقتك
لكن سامح يمسك امه من ذراعها ويطلعها برة الشقة ويقفل الباب في وش امه ويسمعها بتقول
سامح. انت ناوي علي الشر. سامح افتح ما فيش غير هاجر بس في الشقة افتح ما ينفعش كدة
لكن سامح كان في الوقت دة كان بيكسر باب اوضة نوم هاجر وبيبص لهاجر بصة كلها شر وهاجر تبص له مستغربه وجودة وقالت
انت بتعمل اية هنا
لكن سامح ما بيردش وراح ناحية هاجر واتهجم عليها وصرخت هاجر وامه برة كانت بتطلب منه انه يرحم البت ورغم ان سامح بيحاول يمنع نفسه من انه يقرب من هاجر لكنه مش قادر. وبدأ يغتصب هاجر وماحدش كان قادر يفتح باب الشقة وينقذ هاجر وشاف خاله واقف وراء السرير وهو في كفنه وبيبص له صرخ سامح وحاول يبعد لكنه ماقدرش ونزلت دموع سامح من عيونه الدموع اللي مقدرتش سارة انها تمنعها، ،،،،،،،،،،،
وبالليل ومن قدام المصنع اللي شغال في والد سامح. سامي يقف سامح وكان بيقول
ادخل لابويا ازاي. دة عمره ما هيسمحني بعد اللي شافه بعينه بسببك
فتضحك ساره وتقول
ادخل انت المصنع وهتلاقي والدك مستنيك. ونفسه يشوفك كمان.
سامح باستغراب
أزاي بس
ساره
ماتسالش ازاي. انت تنفذ وخلاص
سامح
مش كفاية بقي اللي عملته في هاجر بسببك.
سارة
انا خليتك تعمل اللي كان نفسك تعمله من زمان. ولا نسيت الفيديو بتاعك معها.
سامح بعصبية
اخرسي بقي. وما تجبيش سيرة هاجر علي لسانك كفاية اوي اللي حصل لها. هو اية المعصية بالعافية. اشمعني انا اللي انتي اختارتي. ما الناس كلها أصحاب ذنوب
سارة
مش انا اللي اخترتك دة الشيطان خلاك تعزف وانت اللي اخترت طريق الشيطان لية دلوقتي عايز ترجع من الطريق اللي انت طول عمرك بتحب تمشي في
سامح
كنت غلطان وخلاص فوقت سيبيني في حال بقي
سارة
مش هقدر واحدة حملت منك والتانية لازم تحمل. مكتوب لك تجيب ولدين من الاثنين والاثنين هيكونو ولاد حرام
سامح باستغراب شديد
تقصدي مين بالتانية
سارة
ليلي
ولسة هيتكلم سامح ويرد لقي نفسه جوة المصنع وبيبص للماكينة اللي شغال عليها والدة سامي اللي اول ما شافة راح ناحيته وقال له
أزيك يا سامح اخيرا افتكرت ابوك
سامح
مش أنت اللي طردتني
سامي
أنا بردو اطردك ده أنت أبني الوحيد. ازاي تفتكر اني اعمل فيك كدة.
سامح
يعني سامحتني
سامي
هاسمحك علي أيه هو انا اصلا زعلان منك
فيتعجب سامح ويستغرب مما سمعه وابوة يقول له
ارجع البيت وخلي ليلي تحضر لنا عشوة حلوة وانا كلها ساعتين وجاي وراك
سامح
بابا. انت متاكد من اللي بتقوله
سامي
يلا يا سامح ما ضيعش وقت. خليني اشوف شغلي
ومشي سامح من قدام ابوة وبمجرد ما يدي ظهرة للمصنع يتحول المصنع الي سراب وكانه لم يكن موجود ،،،،،،،،،
ويرجع سامح للبين وتقابله ليلي وتقول له
حمد لله علي السلامه يا واد يا موز انت
سامح
بقول لك أيه أبعدي عني نهائي والا،،،،،،،
ليلي مقاطعه له وهي تقترب منه
والا أيه يا واد يا ،،،،،،،،،،
ويقترب منها سامح وهو يحاول ان يبعد نفسه عنها ولكن ساره جعلته يقترب منها مع ان سامح رافض بقلبه وعقله ولكن أعضاء لا تستجيب الا لي رغبه ساره وتتحرك يده ناحيه ليلي ويحملها ويدخل بها الي اوضتها والصراع يزيد بين اعضائه وعقله وقلبه ويغلق باب الاوضة وراء منه وتعزف موسيقي عيون القمر او موسيقي الشيطان، ،،،،،،،
ومن داخل المستشفي يقف ناجي ويبص لمرسي ويدي له اشارة انه لازم يخرج من هنا علشان يقدر يساعد سامح ويتجة ناجي ناحية باب الاوضة ولكن الباب يختفي ويظهر بدل منه حائط لتصبح الاوضة من اربع حوائط لا خروج منها فيبص الشيخ ناجي لمرسي اللي كان مستغرب كل اللي بيحصل ومش عارف يعمل اية. في الوقت دة افتكر الشيخ ناجي الانبول اللي جيبة وفيها مية مقري عليها قران فخرج الانبول ورش المية علي الحوائط الاربعة وابطل سحر سارة وظهر الباب فقدر يفتحة ناجي وخرج هو ومرسي من الاوضة، ،،،،،،،،،
وفي نفس الليلة كان سامح سهران علي القهوة ورجع للبيت بالليل علشان يلاقي ليلي مربوطة في كرسي خشب وبتجيب دم من مناخيرها وقدام منها واقف سامي وفي ايدة سلك كهرباء سميك جدا وبيضرب بي ليلي وبيقول لها
انطقي وارحمي نفسك ابن مين اللي في بطنك دة
سامح باستغراب
بابا ايه اللي انت بتعمله في ليلي دة
فيبص سامي لسامح ويقول بعصبية
انت بتعمل اية هنا يا ابن الكلب
سامح باستغراب
بعمل اية. مش انت قولت لي ارجع وانك سامحتني
سامي وهو بيقرب من سامح
ترجع فين يا ابن الواطية. هو انا كنت نسيت اللي انت عملته علشان ارجعك هنا.
سامح
والله يا باب،،،،،،،،
سامي مقاطعه له ويبص ل ليلي
بس بس. انا كنت فهمت انت رجعت تاني تيجي البيت وانا مش موجود وطبعا هي قايلة لك اني هبات في الشغل النهاردة. فتيجي وتهيص معها والمغفل نايم علي ودانه
سامح
أنا يا بابا. اعمل كدة
سامي
لا عملت لما تزني مع مراتي اللي هي في مقام امك تبقي عملت وعملت عمله سوده زي اخلاقك انت عارف بسبب اللي انت عملته ليلي مراتي حامل فاهم يعني ايه حامل
سامح بانكار
لا.
ليلي
لا. هو انت هتنكر اومال مين دخل معايا الاوضه من شهرين تقريبا
سامح باستغراب شديد
شهرين انا لسة راجع النهاردة البيت
ليلي
لا. دة انا اروح فيك في ستين داهية
لكن في الوقت دة يدخل الي المطبخ سامي. ويحضر انبوبه البوتاجاز ويحط الانبوبه قدام منهم ويفتح الانبوبه ويتسرب الغاز في الشقة كلها فيبص سامح للانبوبة وبعدها لابوه ويقول
انت هاتعمل أيه يا بابا
فيخرج سامي ولاعه من جيبه ويقول
هاخلص من العار اللي انت كنت السبب في
فتظهر ساره لسامح وتقول له
ابوك أتجنن وهايقتلك
سامح
اتصرفي انتي السبب
ساره
انا اللي أقدر عليه اني انقذ واحد منكم انتو التلاته تحب انقذ مين. انت ولا والدك ولا ليلي بابنك اللي في بطنها
سامح
بتقولي ايه
ساره
اللي انت سمعته اختار وبسرعه قبل الشقه ماتتحول جحيم
فيبص سامح لوالدة اللي ماسك الولاعه في أيده ويبص
ل ساره وفجاة. يحدث انفجار شديد يهز ارجاء البيت ثم يفتح باب الشقه ويخرج. سامح من الشقه ولم يصاب بأي اذي وكانت الشقه تحترق وراء منه وسامي يحترق ومعه ليلي وسامح يبص لهم ويحاول الدخول الي الشقه ل أنقاذ والده ولكن أيد ساره تخرج من جسمه و تمنع رجله من التحرك وسامح يقاوم علشان يدخل الشقه وكان ببصرخ باعلي صوت ويقول
بابا
وينهار سامح من كتر البكاء وينزل علي ركبه قدام باب الشقة ويبص للنار اللي كانت بتاكل لحم جسم والدة ويقول
ليه عملتي كده
سارة
علشان تبقي زانيت وقتلت
سامح
انا مازنيتش وما قتلتش حد
ساره
ازاي اومال اللي حصل بينك وبين ليلي ده كان ايه
سامح
انا دخلت مع ليلي الاوضه لكني ما عملتش حاجه وانتي عارفه
ساره
هو انت كمان كداب
سامح
انا مش كداب وانتي عارفه انا كل اللي فاكره اني دخلت الاوضه مع ليلي لكن عقلي وقلبي رفضو أي حاجه تحصل وخرجت من الاوضه من غير مالمسها
ساره
والحمل اللي حصل ده
سامح
مش انا
ساره ضاحكا
لو مش انت يبقي ليلي مش حامل
سامح
انتي بتقولي أيه
ساره
انا اللي خليت ليلي تتخيل انك يوم ما شيلتها ودخلت بيها الاوضه انها تشوفك معها في علاقة. وخليتها تحس انها حامل ووالدك سنه كبر وسوست له بان اللي في بطن ليلي مش منه. ضربها وربطها لغايه مايعرف مين السبب في حملها وطبعا ليلي هاتقول له علي اللي حصل بينك وبينها وكان لازم اوسوس له تاني بانه يقتل علشان ينتقم لشرفه وفعلا حصل لكن انت قتلته يوم ما اخترت انك انت اللي تعيش
سامح
لا. انتي قولتي واحد بس اللي ها تقدري تنقذي واقبل ما اختار والدي كان حصل اللي حصل
ساره
عقلك اختار الدنيا وقرر انه يعيش وتموت والدك علشان انت تعيش
سامح
لا انا كنت عايز أبويا هو اللي يعيش
ساره
ما كنش من قلبك انت كنت عايز تعيش وانا خليتك تعيش
المفروض تشكرني
وفي الوقت دة يقف وراء سامح الشيخ ناجي فيبص له سامح مسرعا وتصرخ ساره ولكن الشيخ ناجي كان معه سلسه من حديد مكتوب عليها كلمه الله ويلف هذه السلسه حوالين رقبه سامح فتحترق رقبه سامح وتصرخ ساره ويتألم سامح مع صراخ ساره ويمسك سامح السلسه بأيده وهو بيحاول فك السلسه عن رقبته ولكنه لا يستطيع لان الشيخ ناجي كان يمسك السلسه بكل قوته ويخرج من جيبه ماء مقروأ عليه قران ويلقي هذه الماء علي سامح ويظهر في المشهد الشيخ مرسي ويلف ايدة حوالين جسم سامح بمنتهي القوة وتظهر كمان اسراء وتقرأ القران باعلي صوت عندها كلها ايات تبطل المس الشيطاني والسحر
ويصرخ سامح مع صراخ ساره وتخرج ساره من جسم سامح وهي تحترق ويحاول الشيخ ناجي أحراق ساره ولكن ساره تهرب وتختفي لتحت الارض ويرجع لسامح جسمة ويبص حوالين منه فيلاقي لااثر لشقة والده. فيستغرب اوي ويبص للشيخ مرسي ويقول
شيخ مرسي. سارة من ثواني ولعت في ابويا
وهنا تتكلم اسراء وتقول
الشيخ مرسي والشيخ ناجي ما بيقدروش يتكلمو.
اتصدم سامح وقال
وانا السبب في اللي حصلهم
مرسي وهو بيشاور بعلامه معنها لا. وان دة نصيب وقدر وناجي يطبطب عليه يعني ما تشيلش هم اللي حصلنا احنا جنبك فبص سامح للشيخ ناجي وقال
انت الشيخ ناجي اللي الشيخ مرسي قالي عليه
فشاور ناجي بعلامه معنها انه هو فعلا فمسك سامح ايد ناجي وباسها وهو بيقول
ابوس ايدك خلصني من الكابوس دة
فطبطب عليه ناجي تاني علشان يطمئنة وقالت اسراء
مش عايزاك تقلق احنا كلنا هنا علشان نساعدك ومش هنسيبك الا والكابوس دة خلص.
سامح
هو انتي مين
اسراء
انا اسراء بنت الشيخ مرسي. والوحيدة اللي اقدر اقرأ اللي هيكتبة الشيخ ناجي علشان نساعدك. واول حاجة الشيخ ناجي عايزك تعرفها ان كل اللي انت شوفته وعيشتة عبارة عن وهم من تدبير سارة.
سامح
ازاي بس وانا دخلت شقة خالي صبحي واتهجمت علي هاجر
فيكتب الشيخ ناجي في ورقة اللي عايز يقوله ويستغل سامح كتابة الشيخ ناجي ويقول لاسراء
مافيش اي علاج لحالتهم دي.
اسراء
مافيش غير ان سارة تتحرق. هي دي أساس اللعنه اللي سلطها هلاك علي ساره. الانتقام من عازف موسيقي الشيطان ومن كل اللي يعرفهم واللي يفكر يساعده وتكون ساره هي وسيله هلاك للانتقام وارسال كل من يفتن بالموسيقي الي جحيم جهنم كما فعل بالامبراطور الذي تزوج ساره غصب عنه.
فيمد ناجي بورقة ناحية اسراء مكتوب فيها باللغه العبرية فبص سامح في الورقة وقال
أية اللغه الغريبة دي
اسراء وهي بتبص في الورقة
دي لغة عبرية خاصة باهل الجن. وانا درستها بحكم البحث اللي بعمله في عالم ما وراء الطبيعه. واسمع بقي كويس الشيخ ناجي كاتب اية. عايزك تعرف ان ساره مش هاتسيب اي حد من عيلتك حي ولازم كل عيلتك يكونو في جهنم واللي شوفته اول مرة في الوهم. هيتكرر تاني في الحقيقة. دة مخطط سارة
سامح
طيب والعمل أخلص منها أزاي
فيكتب الشيخ ناجي وتقرأ اسراء
ما فيش قدامك غير انك ترجع لربنا بقلبك وتعيش بنور الايمان وكل السواد اللي في قلبك يروح ساعتها بس ساره هاتبعد عنك بلعنتها. او تموت من غير ما تستسلم ليها وساعتها لعنتها هاتزول للابد. واوعي تفتكر انها اقوي منك ان كيد الشيطان كان ضعيفا.
سامح
طيب ولغايه ما اقدر اعمل كده ساره ها تسيبني أعيش حياتي
فيخرج الشيخ ناجي سلسه من حديد عليها أسم الله ويلبسها لسامح فتقول اسراء
اكيد الشيخ ناجي عايزك تلبس السلسة دي علشان تحميك
فيبص سامح للسلسة اللي حوالين رقبته واللي محفور عليها اسم الله بشكل عجيب ويقول سامح لاسراء
طيب انا محتاج اشوف هاجر واتاكد منها اللي حصل بيني وبينها كان وهم ولا حقيقة
اسراء
انا هاجي معاك علشان لو اللي حصل بينك وبين هاجر كان حقيقة افهما ان انت ما كنتش متحكم في نفسك وفي اللي كان متحكم فيك.،،،،،،،،،
ومن جوة شقة هاجر كانت هاجر في اوضتها وبتعيط ومش طايقة نفسها وقاعدة معها هاله خالتها ووالدة.سامح وكانت هاله واقفة علي باب الاوضة وهي شايلة صنية اكل وبتقول
هاجر حرام عليكي اللي بتعملي في نفسك دة. افتحي يا حبيبتي كلي لقمه.
لكن هاجر ما تردش وبتبص للباب وهي ساكته وهاله تقول لها تاني
يا هاجر طيب ردي عليه طمنيني عليكي
وهنا تسمع هاله صوت خبط علي باب الشقة فتروح تفتح علشان تلاقي سامح ومعه اسراء فتستعد علشان تقفل الباب في وشهم لكن اسراء تلحق الباب قبل ما يتقفل وتقول
انا بنت الشبخ مرسي شيخ الجامع الكببر وكنت محتاجة اتكلم مع هاجر
هاله وهي بتبص لسامح
طالما جاية مع الخسيس دة يبقي مافيش كلام بينا وبينك كفاية اوي اللي هو عمله.
سامح
اني حرقت جثة خالي. ولا بتتكلمي علي حاجة تاني
هاله
وهو في اكتر من انك حرفت جثة خالك. كنت عايز تعمل اية تاني اكتر من كدة
اسراء
يعني من ساعتها انتي ما شوفتيش سامح تاني هنا
هاله
هو كان يقدر يقرب من الشقة دة انا كنت طلعت عينه
اسراء لسامح
كدة اتاكدنا انه كان وهم وبنت خالك بخير
وهنا تقف هاجر وراء خالتها وهي منهارة من العياط وبتقول
بخير ازاي بعد ما اتهجم عليه. وحرمني من شرفي
وتهجم هاجر علي سامح وتحاول انها تخنقة وتلف فعلا ايدها حوالين رقبته وهي بتقول
روح منك لله. اذيتك في اية علشان تاذيني كل الاذية دي
سامح وهو بيبعد ايد هاجر عن رقبته اللي ظوافرها طلعت بلحم رقبه سامح. وقال لها
اهدي واسمعيني
هاجر وهي بتحاول تفلت ايديها من ايده
ابعد عني انا مش طايقة اشوفك ولا طايقة اسمع صوتك. غور. من وشي وروح ربنا ينتقم منك ربنا ينتقم منك
فتاخدها اسراء في حضنها وتحاول تهديها وتقرأ عليها قران ترقيها وتقول لها
اهدي ابن خالتك مظلوم.
فتبدأ هاجر تهدي بعض الشئ وبدا الجيران يتلمو علي صوت هاجر وهي وقتها كانت بتقول
يتهجم عليه ويسرق شرفي ويبقي مظلوم ازاي
فيبص سامح للناس اللي واقفة ويقول
والله العظيم تلاته انا لو عملت كدة فانا عملت كدة وانا بتتحكم فيا روح شيطانية. وماكنتش متحكم في جسمي. لكن دلوقتي وقدام منكم كلكم. بشهد ربنا وانتم ان هاجر مراتي وانا هنزل من هنا اجيب ماذون يكتب كتابنا رسمي،،،،،،،،
وفي نفس الوقت ومن جوة شقة نجاه أخت سامح كان زوج نجاه قاعد علي السفره في انتظار الغداء ومعه اولاده الثلاثه وكانت نجاه تقف في المطبخ تحضر الغداء ومن احدي حوائط المطبخ تخرج ساره في هيئه مخيفه ومريبه تشبه حيه كبيره سوادء وتقف وراء نجاه وتخرج لسانها وتلف لسانها حولين رقبه نجاه وتعصر رقبة نجاه بكل قوه وتصرخ نجاه فيدخل جوزها واولادها الثلاثه فيلاقو نجاه في المطبخ بتبص لهم وهي بتبتسم وتقول
الاكل جاهز
فيستغرب جوزها ويقول
انتي صرختي دلوقتي
نجاه
انا صرخت لا خالص
فيخرج جوزها من المطبخ ومعه اولاده وهما في غايه الاستغراب ويجلسوا مكانهم مره تانية علي السفره فتدخل عليهم نجاه ومعها اطباق مغطاه فيرفع جوزها لغطاه وهو يقول
اول مره تخبي الاكل كده
فيلاقي تحت الغطاء ذباب ازرق كتير فيبدأ الذباب ينتشر حوالين جوز نجاة وولادها ويصرخو كلهم وتدخل نجاة للمطبخ وتخرج وفي ايديها ساطور وبتبص لجوزها وعيالها بشر مخيف وتقول
غضب ساره جحيم
وتصرخ صرخه مخيفه وجوزها بيبص لها وولادها مرعوبين منها، ،،،،،،،،
وفي نفس الوقت ومن جوة اوضة نوم سامي والد سامح كان سامي قاعد بيتفرج علي التيلفزيون فيسمع صوت خبط في الدولاب فيستغرب جدا لان ليلي عند امها وماحدش في الشقة غيرة فيروح ناحيه الدولاب وهو خايف ويفتح الدولاب فيلاقي نار بتخرج من الدولاب وكان وسط النار ليلي فيبص للنار وبيستعد للدخول جوة النار، ،،،،،،،،،،،،،
ويحضر سامح الماذون ويروح بي لهاجر ويكتب الماذون الكتاب وتصبح هاجر مرات سامح رسمي ويشهد علي العقد كلا من ناجي ومرسي. وبمجرد ما ينتهي كتب الكتاب يلاقي سامح كلام من نار يظهر علي حوائط البيت ورساله واضحة وصريحة من سارة
★اختك هتقتل جوزها وعيالها. وابوك هيدخل النار ويترمي في حضن ليلي. لو عايز تلحقهم كن ملكي قدامك خمس دقائق والا الهلاك هيكون مصير كل عيلتك★
والمرة دي كل اللي في الشقة شافو الكلام المكتوب. واتغير الكلام وانكتب
★أختار مين عايزه يعيش ومين تحب يسبقك علي جهنم★
فيبص سامح لناجي ويقول له
اعمل أيه انا دلوقتي
يكتب ناجي وتقرأ اسراء
الشيخ ناجي بيقول لك توضاء وصلي ركعتين بنيه زوال هذه اللعنه لعل الله يحدث امرا
سامح
هاصلي واسيب عيلتي في أيديها
أسراء
ربك هو الحافظ وهو الوحيد اللي قادر ينجيهم
فيتوضاء سامح ويدخل اوضة هاجر ويصلي ويبكي ويدعي ربنا بأن يغفر له ويرحمه ويرحم عائلته من هذه الروح الشيطانيه وقال لربه وهو يبكي بشده وساجد علي الارض
يارب انت المعين انت الرحيم انت الرحمن. عصيتك وسترتني ورغم كل ذنوبي فضلت ديما رحيم بيا.
لو كان في موتي الراحه ليا وللي يعرفني فأرجعني اليك وانا مطيع وانا بين يديك لا تحرمني من رحمتك ولا تجعلني أذوق طعم عذابك ارحم ضعفي وقله حيالتي ارحم كل اللي يعرفني برحمتك. ارحمني
ويعيط بحرقة وتنزل دموعه وهو يقول
يارب رضاك والجنه
وفي هذه اللحظه تحترق ساره تماما وتصرخ وتصرخ وتصرخ والنار تحيط بها من كل مكان حتي تتحول الي رماد ،،،،،
وفضلو كل اللي في الشقة واقفين مستنين خروج سامح فيبص ناجي لاسراء ويشاور لها فتقول
عايزني اخش اشوف سامح اتاخر ليه حاضر
وتدخل اسراء للاوضة فتلاقي سامح واقع علي جنبه اليمين والدموع لا تزال تنزل من عيونه مع ابتسامه رضاء أستجاب الله لدعاء سامح ومات. مات وهو ساجدا وبيصلي. مات سامح. علشان تعيش عائلته في سلام وامان. مات سامح علشان تنتهي قصه سامح مع ساره ويرجع كل شي كما كان بموت سامح تنتهي لعنه ساره والموسيقي اللي بتفتح لها أبواب الجحيم مع موت سامح تنتهي اللعنه تماما لان ساره لم تاخذ سامح وتروح بي لجهنم. لكن رب سامح اراد انه يكون من اهل الجنه بفضل الله ونعمته. مات سامح وربنا راضي عنه رغم كل ذنوبه ولكنه مات ودخل قبره راضي الله عنه كان سامح يحسن الظن بربه. وهو في احسن من الظن بالله. وترجع نجاة لوعيها بعد ما كانت هتقتل جوزها وولادها ويرجع سامي لعقلة بعد ماكان هيرمي نفسه في النار. ورجع الشيخ ناجي ومرسي يتكلمو من تاني واول حاجة قالها ناجي
اشهد ان لا اله الا الله واشهد ان محمد عبده ورسوله
مرسي وهو فرحان وحزين علي سامح
الله يرحمك هزعل علشان فراقك وهفرح لان ربنا رضاك بعد كل اللي شوفته بالموته دي، ،،،،،
وعرفو اهل المنطقة حكاية سامح مع الروح الشيطانية
وتألم كل من كان يعرف سامح بموته وأصبح سامح بين اهل الشارع صاحب سيره عطره. وعديت الشهور وخلفت هاجر ولد وسمته سامح وتستمر الدنيا والحياه يولد من يولد ويموت من يموت ويبقي أبن ادم خطا وخير الخطائين التوابين
اللهم اني استغفرك ربي واتوب اليك سبحانك اني. كنت من الظالمين، ،،،،،،
النهايه
يارب تكون عجبتكم وياريت اعرف رايكم في القصه
استغفر الله العظيم واتوب اليه
ردحذف