فراق وحرمان
★الحلقة التاسعة★
الاخيرة
.
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
المشهد الاول
★فيلا فايد★
وفضلت شيرين تخبط وتخبط وداست على زرار التشغيل في الوكمن وطلع صوت سمر وهي بتقول
افتح يا جدي صادق بقى لو بتحبني
وفضلت شيرين تكرر الصوت على أمل أن صادق يفتح لكن الباب ما اتفتحش واليأس أتملك منها وقررت تمشي وقبل ما تمشي تسَمع باب الفيلا بيتفتح ويظهر صادق لفت شيرين وشها وبصت ناحيته وهو قال
فين سمر طالما جت معاكي تبقي سامحتني
شيرين قليها فرح ووريته وشها وقالت
سمر معايا اهه اديني رحاب بنتي وخد حفيدك سمر
صادق فضل باصص للبنت نظرات مجنون وقال
وهي فين رحاب انا من ساعة ما دفنتها ما شوفتهاش تاني
شيرين صرخت باعلي صوت عندها ووقعت من ايدها جثة سمر وقت ما هجمت علي صادق وحفرت ظوافرها في رقبته وقالت
بنتي فين والا روحك هتطلع في ايدي
صادق بجنون
دفنتها جنب جدها هناك
وشاور ناحية شجرة موجودة في جنينة الفيلا هنا ينضم لهم اسامة ويتمكن من القبض عليه وشيرين قالت
دفن بنتي يا اسامة قتلها ودفنها
وراحت جري ناحية الشجرة اللي شاور عليها وبدات تحفر بايديها وهي منهارة من كتر العياط اسامة ل شيرين
يا شيرين اللي بتعملي دة ما ينفعش
شيرين ما ردتش واسامة طلع سلاحة الميري وحطة في راسة وقال
انطق عملت اية في البت
صادق
دفنتها مع جدها اللي كان عايز يقتلني علشان هي تعيش
اسامة
جدها مين مش انت جدها
صادق
انت غلطان انا ابوها عادل يا حضرة الظابط مش انت برضو الظابط اللي جة فتش الفيلا
اسامة اتصدم اكتر واكتر وعادل بيشيل المكياج من فوق وشة ويظهر تحت المكياج رجل في الاربعينات وقال
طالما عرفتو توصلو لي يبقي ملهوش لزمة اللي انا عاملة في نفسي
شيرين بعد ما حفرت حوالين متر ولقت ما فيش حد قالت
بنتي مش موجودة
وراحت ناحية عادل وهدومها كلها تراب وشعرها تراب ووشها تراب وغرزت ظوافرها تاني في رقبته وقالت
انطق فين بنتي
بص لها وبعدين بص ناحية شجرة تانية وقال
شوفيها هناك كدة
شيرين حست انها بيلاعبها مسكت المسدس من ايد اسامة وشدد الاجزاء وحطتها في نص راسة وقالت بتهديد واضح وصريح
لاخر مرة فين بنتي
خد اسامة منها المسدس وقال
اللي بتعملي دة مش صح
شيرين وهي بتعيط
اومال اية اللي الصح اتحرم من بنتي وينكتب عليه اتكوي بنار الفراق والحرمان ودة كله لية علشان وقعنا تحت ايد مجنون
عادل
انا مش مجنون صادق ابويا هو اللي مجنون
وبدأ عادل يبكي وهو بيقول
لما اب يفكر يقتل ابنه علشان خاطر بنته تعيش يبقي مين اللي مجنون انا ولا هو
شيرين باست ايد عادل
ابوس ايدك طلع بنتي برة اللي بينكم بنتي ملهاش اي ذنب وقولي هي فين
بص عادل ل شيرين وحالتها ودموعها اللي نزلت علي ايدة وقال
بنتك جوة في اوضة سرية وراء المدخنة
دخلت شيرين الفيلا جري ،،،،،،،،،،،
المشهد الثاني
★من جوة الفيلا★
شيرين واقفة قدام المدخنة وعماله تبص ليها وتمشي بايدها علي الحيطة زي المجنونة وبتقول
رحاب لو سماعني ردي عليه
هنا تسمع شيرين صوت رحاب بتقول
ماما انا هنا
شيرين بلهفة
رحاب انتي بخير
وهنا كان اسامة ومعه عادل واقفين وراء منها واسامة بيقول
افتح الاوضة وخرج البت
وراح عادل ناحية المدخنة وداس علي زرار جوة منها وانشقت الحيطة نصين وظهرت اوضة فيها ثلاجة وسرير وحمام واكل وفاكهة ومية ورحاب تخرج من الاوضة اول ما تتفتح وتجري ناحية شيرين وتاخدها بالحضن لكن دماغها توجعها شوية فتتوجع فتقول شيرين وهي بتبوس كل حتة فيها
انتي كويسة
عادل
ما تقلقيش عليها دماغها هتوجعها شوية بسبب الخياطة انتي ناسية انها عاملة عملية
وبص عادل ل رحاب وقال
واحنا متفقين انك ما تتحركيش جامد كدة
رحاب
نسيت يا عمو عادل
شيرين استغربت وقالت
عمو عادل
رحاب
دة عمو طيب اوي يا ماما مع اني كنت بخاف منه لما كان سايبني لوحدي في الظلمة لكنة بقي يلاعبني ويجيب لي احلي اكل وكان بيدور عليكي
ورجعت رحاب تبص تاني ل عادل وقالت
شكرا يا عمو عادل انك لقيت ماما
استغرب اسامة وبص ل شيرين وما بقوش فاهمين اي حاجة ،،،،،،،،،،،،،
المشهد الثالث
★قصاد مكتب اسامة★
شيرين واقفة مع اسامة وبتقول
مش هروح يا اسامة ولازم اعرف اية حكاية عادل دة
اسامة
يا شيرين دة تحقيق رسمي ازاي بس تحضري افرضي
المامور جة في اي وقت
شيرين
اية اللي يجيب المامور في ساعة زي دي
اسامة
يعني بنتك ضايعة بقالها كام يوم واول ما ترجع تسييها وتيجي تحضري تحقيق
شيرين
رحاب مع فريدة وزمانها نايمة ومهما تقول انا لزقة وعندي فضول اعرف حكاية عادل دة وانت عارف بقي فضول الستات من فضلك يا اسامة علشان خاطري
اسامة فكر للحظات وقال
طيب يا ستي
ودخلو المكتب ،،،،،،،،،
المشهد الرابع
★مكتب اسامة★
اسامة وشيرين قاعدين وقصاد منهم عادل وكان بيقول
عايزين تعرفو اية بالظبط
اسامة
الحكاية من اولها ل اخرها وازاي صادق كان عايز يقتلك علشان سمر تعيش ازاي يقتل ابنه علشان تعيش حفيدته
عادل
انا مش ابنه
اتصدمت شيرين وحال اسامة ما اختلفش وعادل بيقول
صادق والفت ما بيخلفوش فقررو يتبنوء طفل من الملجاة وانا كنت الطفل دة وكبرت وانا كل اللي اعرفه ان صادق بابا والفت امي وبعد سنين كتير الفت تحمل وهي في سن ال 45 حمل كان مستحيل لكنه حصل وتخلف سمر لكن وقتها صادق كان بقي كبير في السن خاف من الفضيحة وازاي راجل في السن دة مراته تحمل قرر اني اتجوز وسمر تبقي بنتي وقدام الناس هو جدها وهي حفيدة وتبقي كدة شكلها اظرق بكتير وفعلا اشتري لي زوجة بفلوسة وهي اخت صديق عمره سامح وبعلاقات سامح البنت اتكبت باسمي وبقيت ابوها ما كنتش اقدر اقول لا والا هتحرم من الفلوس والعز اللي انا عايش في وبسبب ان سمر اتولدت من ام عندها 45 س دة خلاها ضعيفة وعندها ضمور في خلايا المخ حاول كتير صادق علاجها لغاية ما تمت عشر سنين وعلشان تعيش كان لازم عملية وهي نقل جزء من نخاع المخ ل سمر ودة معني احتمال كبير يموت اللي يتاخد منه الجزء دة دور كتير صادق علي حد يقدر ياخد منه ولو حتي يالفلوس لكنهم ملقوش وقررت الفت تعمل العملية ل بنتها ولو حتي فيها موتي ودة بتحريض من سامح علشان لما اموت مش هورث ويبقي كل اللي ملك صادق ل سمر وفعلا بداو يجهزوا للعملية وانا ما عرفش وجابو كل المعدات وعملو اوضة عمليات هنا في فيلا فايد
شيرين
واشمعني فيلا فايد
اسامة
بعيد عن العمار ولو مات يدفنوا في اي مكان
وبعدها بص اسامة ل عادل وقال
ولما كل حاجة كانت متجهزة قدرت تفلت منهم ازاي
عادل
مراتي عرفت في اخر ساعة باللي بيتجهز ليا بعد ما سمعت الف بتكلم سامح في التيلفون وبتقول ان صادق ضميرة صحي ومش عايز يعمل العملية وخليت سامح يروح فيلا فايد بالليل علشان يقنع صادق ودة من فضل ربنا انهم فضلو كتير يتكلمو لغاية ما قدرت مراتي يارا توصل وتنقذني وقدرت تفوقني من البنج اللي كنت تحت تاثيرة لكن الفت رفضت ان الليلة تخلص بهدوء وضربتني علي دماغي مالقتش قدامي غير سمر اتحاما فيها كنت دايخ من الينج والضريه وسمر في ايدي والفت مصممة علي الشر والشر خلي سامح يهجم عليه بدافع عن نفسي جه يضربني برجله حطيت سمر في وش الضربه وقعت من بالكونة الدور الثالث نزلت فوق كبوت عربية صادق صادق بص ل دم بنته اللي علي الكابوت ما استحملش وقع ميت يارا استغلت انهيار الفت وموت بنتها خدتني وهربنا لكني شوفت سمر بتبص لي وهي بطلع في الروح وبتقول بابا هتسيبني اموت ما قدرتش استحمل لكن يارا خدتني وهربنا
شيرين
هي سمر ما كنتش تعرف ان صادق ابوها
عادل
تعرف ازاي بس باتفاق الشياطين اللي تم بينا كلنا
اسامة
ولما انت هربت رجعت لية تاني الفيلا
عادل
رجعت اعالج سمر
اسامة
تعالجها
عادل
مستغرب لية انا دكتور جراح زي صادق
اسامة
طيب هتعالجها ازاي وهي ميته
عادل
ما كنتش مصدق انها ماتت بعد ما دفنوها طلعتها وحطتها في تابوت ازاز جوة منه ثلج وملح يحفظ الجثة من التحلل وعيشت سنين كتير قصاد الجثة لغاية ما قررت اعذب نفسي ولو اقدر اموت زيها اموت
بس خوفت حد يجي الفيلا جبت مهندس صاحبي وعملي الاوضة السرية وعشت كل السنين اللي فاتت عشر سنين في صورة صادق علشان لو حد من الفت او سامح جه الفيلا ارعبهم وفي نفس الوقت كنت كل فترة والتانية اشتري اكياس دم لكذا فصيلة وابدأ اعالج سمر يمكن تعيش وتقولي مسمحاك يا بابا
اسامة
ودة اللي خلاك تفتح باب الفيلا لما سمعت صوتها
عادل
هو مع اني شوفت في رحاب سمر واللي خلاني افتح الباب اول مرة ل مدام شيرين اني كنت خايف لبنتها تموت زي سمر وماقدرش اعالجها وخدها وحبستها في الاوضة السرية وكنت كل شوية اتخيل نفسي بدفنها جنب جدها اللي حكم عليه يالموت علشان هي تعيش
وعيط عادل وقال
لكني حبتها رحاب خلتني اتولد من جديد واشوف فيها سمر
شيرين
حكاية من اغرب الحكايات
عادل ل شيرين
انا اسف علي اني كنت السبب في حرمانك من بنتك
عادل ل اسامة
اعدمني وخلصني من حياتي انا خلاص عايز اموت وارتاح *******
بعد اللي قاله عادل اتقبض علي الفت بتهمة الشروع في قتل عادل واتحكم علبها هي وسامح ب 15 سنة سجن واتقبض علي ابو المجد المحامي بعد ما اعترف عليه سعد بانه هو اللي سلطهم يخطفوا رحاب وشيرين عاشت مع بنتها في سلام بعد ما طارق بعد نهائي عن سكتهم وخلصت الحكاية
كل اللي حصل دة كوم واللي هيحصل للي ما يغلقش ل منص كوم تاني هعرف اسمه واكتب له قصة وشوفو بقي هيحصل في اية جوة القصة 😂
مستني راي كل اللي شرفني بقراءة القصة
تحفة
ردحذفقصصك كلها جميله
ردحذفكل القصص تحفه
ردحذفههههههههه يارب قصه باسمي واشوف الابداع تحياتي لك اديبنا الكبير
ردحذفكل قصصك رائعه
ردحذفحلوة جدا جدا جدا جدا
ردحذفبجد تسلم افكارك
ردحذف