★الحلقة الثالثة عشر★
الاخيرة
من تاليفي، ،
محمد منصور. * منص *
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
المشهد الاول
★عربية ملاكي★
وكانت العربية واقفة في حتة مقطوعة وسط عتمة الليل وخوخا جوة منها بتلف ايدها حوالين رقبه شاب وبتقول بدلع
شوفت بقي انك سهل تيجي لي تحت البيت وانزل واخرج معاك. قال وانت كنت خايف
الشاب
انتي بجد رهيبة انا ما عرفش انتي قدرتي تعمليها ازاي دي
قربت خوخا منه وقالت
اصلك ما كنتش مصدقني. وانا بكلمك طول الليل. وبقول لك اني اقدر انزل لك في اي وقت. واية بقي هنضيع الليل كله في الكلام
وقرب منها الشاب لكن هنا ازاز العربية يتكسر بقالب طوب وايد شاكر بتدخل وسط الازاز وبتسحب الشاب دة من رقبته والايد التانية بتفتح الباب وبينزل الشاب
وقاله بتهديد واضح وصريح
عارف انت لو ما غورتش دلوقتي من وشي انا ممكن اعمل فيك اية
الشاب اترعب وقال
هغور هغور
وجري الشاب وبص شاكر ل خوخا وشخط فيها وقال
انزلي
خوخا
انت مراقبني بقي. طيب ما انا جيت ل غاية عندك وانت اللي قولت لا
شاكر لف راح لغاية باب العربية اللي قاعدة جنب منه خوخا وفتح الباب ومسكها من ايدها وسحبها يرة
العريية وهو بيقول
كلمة تاني مش عايز اسمع
خوخا
طيب بالراحة علي ايدي.
شاكر ماردتش وفضل يسحب فيها. لغاية ما راح ناحية موتوسيكل وركبها وركب هو كمان واتحركت بالموتوسيكل. وقالت خوخا
للدرجة دي بتحبها
وبرضو ما ردتش شاكر. وهي تقول
مع انها مستحيل تحب واحد زيك. واحد ولا حاجة
شاكر برضو ما ردتش. وفضل مركز في طريقة وخوخا قالت
انا احسن منها خليك معايا. انا اللي هفضل وهي هتموت
شاكر
لو ماتت انتي كمان هتموتي وانتي لو كنتي عايزا تموتي كنتي موتيها من زمان. مش برضو هي تستاهل الموت
خوخا
انت اية طلعت لي منين. دة انا كنت قدرت اسيطر عليها وخلاص سلمت للسنين اللي جاية وركبت قطر الياس. جت انت بوظت كل اللي انا عملته
شاكر
انا دكتور وشغلتي اساعد المريض اللي محتاج مساعدة
خوخا
باين عليك نسيت نفسك انت ولا حاجة. اوعي تصدق انك دكتور
شاكر
ولما انا مش دكتور خايفة لية مني وعماله تجري معايا ناعم
،
خوخا
علشان انت مش هتستحمل الوش التاني
شاكر بلامبالاة
هو لسة في وش تاني
خوخا
في. وش الجنون
وزقت خوخا شاكر في ايدة خلت الموتوسيكل يقلب منه يمين وشمال. وقبل ما يقع نطت من فوق الموتوسيكل وهو ماشي. وبدات تدحرج علي الارض وشاكر الموتوسيكل بدأ يزحف بي علي الاسفلت لكن ربنا ستر وقام شاكر وقف بصعوبه وبص ناحية خوخا اللي كانت واقعه علي الاسفلت وعماله تتوجع راح لها بسرعه وهو بيعرج ومش قادر يمشي. وقال
اية اللي انت عملتي دة
خوخا بصت حوالين منها وقالت
انت مين. واية اللي بنعمله في المكان المقطوع دة
ابتسم شاكر وعرف ان دي خوخا. وقال
مش عايزك تخافي انتي بخير
خوخا شافت شعرها سايب ولابسة فستان ما ينفعش يتلبس بعدت عن شاكر بخوف شديد وقالت
انام كنت نايمة في اوضي اية اللي وصلني ل هنا. واية اللي انا لابسة دة
شاكر
انسة خوخا اهدئي الانفعال دة مش كويس علشانك
خوخا بعصبية
عايزني افتح عيوني اشوف نفسي مع بني ادم غريب وبالمنظر اللي انا في دة. وابقي هادية طيب ازاي.
شاكر
دة موضوع ما ينفعش شرحة في الشارع. ممكن ارجعك شقتكم وهناك هتعرفي اية اللي وصلك ل كدة
خوخا
انا افتكرت انت شاكر
شاكر
كويس انك افتكرتيني
خوخا
بشوفك بقالي يومين ماشئ ورايا
شاكر
مش ل غرض وحش انما ل مصلحتك. ممكن نروح بقي
خوخا مش مستوعبة كل اللي بيحصل لكنها كان لازم ترجع شقتها، ،،،،،،،،،،
المشهد الثاني
★شقة شعبان ★
ومن قدام الباب يقف شاكر وفي ايدة خوخا وكان بيخبط علي الباب لغاية ما فتحت انعام الباب واترمت خوخا في حضنها وقالت انعام
انتي كنتي فين. دة ابوكي قالب عليكي الدنيا وراح القسم يبلغ عن العربية اللي. ركبتيها. واية اللي ملبسك كدة ومبهدلك البهدلة دي
شاكر
حادثة بسيطة. من فضلك دخليها ترتاح
انعام
انت اللي كنت معها
شاكر
لا. انا اللي انقذتها من اللي كانت معه.
انعام بصت ل خوخا فقال شاكر
اوعي تلومي علي خوخا. لانها ما كنتش في وعيها. خليها ترتاح دلوقتي واتصلي طمئني استاذ شعبان ان بنته رجعت وبخير. وبلاش ياخد اي اجراء عنيف ضد خوخا. لان اللي في حضنك دلوقتي غير اللي خرجت من شوية
انعام
عايزا اقول لك ادخل بس
شاكر
انا لازم امشي علشان امي ما تقلقش عليه
خوخا بصت له وقالت
مش هتقولي ازاي دة حصل
شاكر بمنتهي الحب
ارتاحي النهاردة وبكرة لو ينفع هنبقي نتكلم
ومشي شاكر وخوخا قالت ل انعام
انا بقيت مجنونه تاني صح. والجنان المرة دي خلاني امشي وانا نايمة
انعام
لا. يا حبيبتي انتي مش مجنونه. واوعي تقولي الكلمة دي تاني،،،،،،،،،،،،،،،،،،
المشهد الثالث
★الشارع★
وكان شاكر بيجر في الموتوسيكل اللي باظ وكان بيقول ل نفسه
اقول اية ل صاحبها دلوقتي.
ودخلها البيت وحطها تحت بير السلم لغاية ما يطلع النهار، ،،،،،،،،،،
المشهد الرابع
★مطعم شاكر ★
يطلع النهار وشاكر واقف في المحل مربط شوية حاجات في جسمة مكان الوقعه اللي وقعها وجنب منه صديق عمره عرفه ويدخل عليهم المطعم شعبان وقال
شاكر يا ابني. انا محتاجك تساعدني في علاج بنتي
بص له شاكر وابتسم وقال
صدقت اني نيتي خير
شعبان
صدقت انك ابن حلال. واللي انت عملته امباراح مع بنتي وانقاذك ل شرفها وشرفي يستاهل اني اعيش مديون لك
شاكر
انا ما عملتش غير الواجب والاصول
شعبان
ربنا يجعله يا ابني في ميزان حسانتك. هتبدأ علاج بنتي من امتي
شاكر
من النهاردة لو ينفع. وتسمح لي اقعد معها ساعه يوميا اخر اليوم في شقتكم لاني ما عنديش مكان يسمح
ب جلسة زي دي
شعبان
في اي وقت تحب تيجي عرفني قبلها وهنكون في انتظارك. سلام عليكم
ومشي شعبان فقال عرفه ل شاكر
يا اخي دة انت طيب اوي بعد ما كسفك مرتين تقوم بسهوله كدة توافق
شاكر
عرفه دي خوخا. وانت عارف هي اية بالنسبة لي ومن زمان
عرفه
عارف وعلشان كدة ساعدك في مراقبتها انت شوية بالنهار وانا شوية بالليل. وكل دة جه علي دماغي والماكينة بتاعتي باظت. يارتني ما كنت عرفتك انها خرجت ليلتها ولا كنت. اديتك الماكينة اللي رجعت لي بيها شبة صفيحة السمنة
شاكر
انت هتمثل ما انا وديتها. ل. الميكانيكي وقال انها بسيطة وهتخلص ب 200 ج. هدفعهملك من معايا
عرفه
طالما هتدفع يبقي فداك يا صاحبي
وضحك عرفه وشاكر ضحك وقال
طيب خلبنا بقي نركز في المطعم عايز افتح قريب، ،،،،
المشهد الخامس
★اوضة الضيوف★
وكانت خوخا قاعدة قصاد شاكر. وبتقول
هو انا لية ديما بنساك
شاكر
هي السبب اللي عايزا تبعدك عني. علشان خايفة مني
خوخا
هي مين
شاكر
خوخا التانية
خوخا استغربت
انا
شاكر
انا قولت خوخا التانية. لكن انتي الاصل
خوخا
هو انت مش خايف مني
شاكر
واخاف لية
خوخا
اصلي وشي وحش علي اللي بيعرفني. كفاية انك كنت بسببي هتموت مرتين
شاكر مازحا
وانتي الصادقة تلاته
خوخا
انا مش فاكرة التلتة دي
شاكر بص لجرح في ايدها وقال
بصي للجرح اللي في ايدك يمكن تفتكري الموتوسيكل واللي حصل في
بصت خوخا ل ايدها وافتكرت حادثة الموتوسيكل وقالت
افتكرت. بس هو انا لية بقيت بنسي وانا معروف عني ان ذاكرتي كانت حديد
شاكر
خوخا التانية عايزاكي كدة. تايهة. وناسية
خوخا
وانا عايزا اخلص منها
شاكر
خليكي اقوي منها.
خوخا
بحاول
شاكر
اكتر من كدة. ما تخلهاش تقدر عليكي وحاتم اللي عايزا تشيلك ثمن موته انتي برئية منه
خوخا
انا بجد برئية دة هو اللي كان عايز ياذيني ازاي افضل احبة
شاكر
مع الاسف حبتي ودي خوخا التانية اللي كبرت جوة منك وفضلت تكبر وانتي سمحت لها تظهر وتتكلم وتسمعيها وكمان تتحكم في جسمك وتاذيكي
خوخا
واقدر عليها ازاي
شاكر
بانك ترجعي خوخا اللي ما تعرفش حاتم
خوخا
ينفع
شاكر
طبعا ينفع مع انه صعب لكن مش مستحيل واحنا ما بعض هتقدري
خوخا
مع بعض
شاكر احرج
في العلاج يعني
خوخا بصت في عيونه والكلام بقي بالعيون ل غاية ما شاكر بدا يمسك نفسه وطلع ورقة وقلم وقال
عايزك تحكي لي كل حاجة عنك
خوخا
اي حاجة
شاكر
اي حاجة
خوخا
هو انت طالما دكتور كنت لية شغال في المطعم
شاكر
اصلي مش دكتور اوي انا دكتور الا حتة.
وابتسم شاكر. فقالت خوخا
افهم بقى يعني ايَة دكتور الا حتة
شاكر
هبقي احكي لك بعدين لكن انا هنا النهاردة علشان انتي اللي تحكي
وبدات خوخا تحكي كل صغيرة وكبيرة وادق تفاصيل حياتها ويسجل شاكر كل اللي بيتقال. ومن قدام الاوضة كان قاعد شعبان وانعام عديت عليه بصنية الشاي وسابتها قصاد تربيرة قدام شعبان وقالت وهي لسة زعلانه
دخل له الشاي
مسك شعبان ايدها وقال
حقك عليه
انعام
انت لسة فاكر
شعبان
عارفك احسن مني وعارفة اني لما قولت كدة ما كنتش عارف انا بقول اية. وعارفك هتصدقيني لان اللي بيخرج من القلب بيوصل للقلب. وانا قلبي ملكك انتي
انعام قالت كلام مخلوط بالدموع
انت بتحب خوخا اكتر مني
شعبان
بحبها علشان عشت معها ماضي كان زي الحلم ومالحقتش أشبع منها لكن انتي ماضي وحاضر ومستقبل وعوض ربنا ليا
ومسك ايدها وباسها وقال
خلاص بقى يا ام خوخا
ابتسمت أنعام وقالت
خلاص يا ابو خوخا
شعبان
طالما ضحكتي. يبقي كدة اقوم ادخل الشاي ،،،،،،،،.،،،،
وتلف الايام وتلف وخوخا بتقرب من شاكر وشاكر بيقرب من خوخا والحب بيكبر والعلاج مستمر والكل مستني خوخا تخف وتكون احسن .،،،،،،،،،،،
المشهد السادس
★مطعم شاكر★
فتح شاكر المطعم وجاب طباخ كويس وبدأ يبيع ويكسب من حلال والمطعم بيكبر والاسم بيكبر وسد الفلوس اللي استلفها. واشتري بيت وبقت حالته ميسورا وخوخا راحت له ووقفت جنب منه وقالت
ممكن بقي تسيب لي انا المطعم دة. وتروح تعمل اللي اتفقنا عليه
شاكر
تقصدي اكمل الكلية
خوخا
طبعا هو انت فاكر اني ارضي اتجوزك وانت دكتور
الا حتة
وضحكت خوخا وضحك شاكر وبعدها قال
شغل المطعم كتير مش هتقدري عليه
خوخا
انا قدة ولا انت شايفني لسة عيلة صغيرة
شاكر
وقطر السنين يا خوخا اللي سرق منك 4 سنين في مرض ووجع قلب
خوخا
اللي فات ما ينفعش اندم عليه علشان اعرف افرح باللي جاي. مش دة كلامك وقولت لي كمان فرحتي معاك ملهاش نهاية
شاكر
هتستنيني يا خوخا كمان سنتين لغاية ما خلص كلية
خوخا
هستناك العمر كلة
شاكر
عارفة يا خوخا انك مش حبيبتي وبس
خوخا
اومال انا اية
شاكر
انتي كيان انا عايش جوة منه.
وابتسمت خوخا وابتسم شاكر وعيونه حضنت عيونها،،،،،،،
وفعلا كمل شاكر تعليمة وبقي دكتور نفسي ومن اشطر الدكاترة. وراح ل شعبان وطلب ايد خوخا وقال
افتكر اني دلوقتي ينفع اكون جوز بنتك
شعبان
اللي عملته في الكام سنة اللي فاتو يقول انك راجل بجد وياريت الكل يتعلم منك. ما رضتش تعيش تحت ظلم الظروف. وقدرت تغير ظروفك للاحسن وعشت علي امل ان ربنا عنده خير كتير مخبئ لاي حد بيسعي حتي لو طال وقت السعي. الخير جاي جاي.
شاكر
اللي عملته انت السبب في وحبي ل خوخا. اللي خلاني اكون شاكر تاني غير شاكر العامل اللي استسلم بعد موت ابوة وكانها النهاية.
انعام
خلصونا بقي من الكلام دة عايزين نفرح يلا. اقروا الفاتحة
رفع شاكر وشعبان ايديهم ل فوق وبدواء يقروا الفانحة وبمجرد ما خلصو تزغرط انعام وتفرح خوخا ويتعمل لها فرح من احلي الافراح فرح يليق ب خوخا و شاكر.،،،،،،،،،،،،
اوعو الفرح والجاتو ينسيكم التعليق ل منص بدل وعهد الله انادي مباحث الكهرباء. وابوظ الفرح.
خلصت حكاية خوخا. اللي اتمني انها تكون عجبتكم ومستني راي كل اللي شرفني بقراءة القصة، ،،،،،
حلوة جدا
ردحذفمن اجمل القصص
ردحذفايه الجمال ده كل القصة روعة
ردحذفهههههههه لا بلاش الكهربا هي كدا كدا بتقطع هههههههه مبروك يااديبنا الكبير
ردحذفروعة
ردحذفجميله تسلم افكارك وبالتوفيق دايما
ردحذف