حكاية سلطان
الجزء الثاني والاخير
★افتكرت امباراح واللي حصل في وكانت اخر حاجة فاكرها اني اتكهربت ووقعت اية دة هو عاوز يجنني ولا اية وسمعنا كلكس الاتوبيس تاني وهنا ما كنش في وقت لاي استغراب قولت اخرج وبعديها اتصرف وجيت اخرج من الاوضة الاقي والدي قاعد قدام الباب بالظبط وبيبص لي وفي ايدة قطر. وقدام منه صورة ل رضوي وكان بيغرز القطر في رقبتها وهو بيبتسم ما بقتش عارف اقول اية بس الرساله وصلت. علي قد ما فهمت ان الحركة دي معنها ان لو حد عرف باللي اتقال امباراح هتكون النتيجة موت رضوي دي حركة ديما بشوفها في الافلام العربي والاجنبب اللي بتفرج عليها. ما عنديش اي كلام يتقال لكني خد بعضي وروحت ناحية باب الشقة وانا بفكر امشي من قدامه وخلاص وفتحت الباب ولسة هخرج لقيت والدي بيديني صورة راس رضوي اللي قطعها بالقطر من الصورة اللي كانت قدامه واداني الصورة وهو بيقول
انا عملت لك صورة صغيرة ل رضوي خليها معاك علشان ديما تبقي قدام عينيك. حطها وسط الكتب
هو في اية. وبيعمل لية كدة. وفضلت ابص له وانا حاسس اني بتعامل مع شخصين شخص امباراح كان حاجة والنهاردة حاجة تانية خالص. ومديت ايدي وخد الصورة مش فرحان اني بخدها لا. خايف ومش عارف خايف لية. ونزلت وروحت المدرسة وفضلت ادور علي رضوي لغاية مالقتها ووقف معها وحكيت لها كل اللي حصل فقالت
انا هخلي بابا يكلم كابتن عماد ويخلي يجي النهاردة هنا وتحكي له كل اللي حصل.
وفعلا خلص اليوم وجه والد رضوي ومعه كابتن عماد ما هما اصلا معرفة. ونفس اللي حكيته ل رضوي حكيته ل كابتن عماد اللي استغرب اوي وقال
مش ممكن. دة يحصل من عزيز اكيد انت كنت بتحلم. دة كابوس
بصيت وسكت وكنت عمال اسمع كلام من عماد وهو بيوصف والدي باحلي الاوصاف واحلي الكلام وخلص عماد قال دكتور احمد بحر والد رضوي نفس الكلام تقريبا الكلام كله بيوصفو بي ملاك مش انسان عادي وانا كعيل صغير في وقتها حسيت ان لية لا. ما كنش انا الغلطان واني فعلا كنت بحلم وكل اللي حصل ما حصلش ولحظوا كلهم اني سرحان فبدأ عماد يهز فيا وهو بيقول
سلطان انت سمعنا
انتبهت لي وقولت
ايوة يا كابتن عماد سامع
عماد
طيب احنا كنا بنقول اية
سكت لاني فعلا سرحت وما كنتش معاهم فقال عماد ل دكتور احمد بحر
صدقتني اهو واقف وسطينا وماكنش معانا. انا صح الوحدة اللي عيشوا فيها والده كانت السبب في انه يبقي بالشكل دة. بيتخيل وبيسمع كلام ما حصلش بس هتبقي كويس صدقني. وانا هخدك واروح دلوقتي وهيبقي ليا كلام كتير مع عزيز
وروحت انا وكابتن عماد وملقناش اي اثر لوالدي في البيت اتصل عليه عماد لقي موبيله مقفول استغرب وقال
يكون راح فين بس. عموما انا هطلب ليا وليك اتنين بيتزا لغاية ما يرجع واهو نتغدي سوي. تلاقيك جعان زيي
وفعلا طلب لينا اثنين بيتزا وجت البيتزا وكلنا وشربنا حاجة ساقعه معها وكان ديما بيتكلم معايا عن الكورة وازاي هي لعبة ممتعه وحكاياته مع اللاعيبة وانا بسمع له ومستمتع بالحكايات ومحتش معه بالوقت تخيلو عديت علي القعدة دي. تلت ساعات. بس غريبة والدي ما رجعش راح فين بس وفضل يتصل عليه عماد وبرضو موبيلة مقفول ويعدي اليوم وما يرجعش والدي ويقرر عماد انه يبات معايا وتاني يوم راح بلغ في القسم عن اختفائة ورغم كل التحريات ما قدروش يوصلو لي سال في المستشفيات وبرضو ملهوش اي اثر اختفي نهائي كان الارض انشقت وبلعته. وتعدي الايام مش عارفبن نوصل له. وقرر كابتن عماد ياخدني اعيش معه في البيت كان وحداني ولسة ما تجوز رغم انه من سن والدي ورغم حبه ليا لكني كنت ديما بشتاق لحب والدي. اللي عيشت معه في لبنان مش اللي عيشت معه في القاهرة. وتعدي السنين وتيجي سنة 2022 وكنت وقتها عندي 16 س. 6 س. عدوا وانا ماعرفش اي حاجة عن والدي. ماعرفش مات ولا لسة عايش اختفي راح فين لكني في ال 6 س دول بقيت حر زي العصفور اللي اتفتح له القفص وطيرت وفضلت اطير مش بس كدة دة انا كمان بقيت حارس ناشئين النادي الاهلي عديت اول جبل ووصلت لاخرة جبل اسمه عزيز اللي ما عرفش لغاية دلوقتي هو والدي ولا مش والدي لكن كل اللي اعرفه اني شايل اسمه. وهفضل شايل اسمه لغاية ما موت. واتولد في قلبي حب رضوي اللي كان بيكبر كل ما نكبر. وفي نفس القلب اتولد كرهي ل خالد اللي كان بيلعب معايا في نفس الفرقة. مش عارف لية خالد وصل الامور بيني وبينه للشكل دة. والسبب في كدة اسما. وحبها ليا. لكن مش مهم المهم ان. جه يوم وعرفت ان المدير الفني الاجنبي قرر ياخدني معه علشان اتمرن مع الفريق الاول. فرحت اوي وقولت جت فرصتي اظهر مع الفريق الاول وفضلت ليلتها اتمرن طول الليل عايز اثبت نفسي دة اول مرة هيشوفني فيها واللي كان بيمرني عماد وشاط عليه كورة وطيرت علشان امسكها هنا ركبتي اتخبطت في حاجة صلبه حديدة مثلا بصيت حوالين مني وانا مستغرب جت منين الحديدة دي وكنت بتوجع وحاولت اقف ما قدرتش جري عليه عماد وقال
اية اللي حصل
سلطان
حسيت زي ما كون اتخبط في حديدة وانا بطير علشان امسك الكورة.
استغرب عماد وقال
حديدة هنا في وسط النجيلة
سلطان
دة اللي حسيت بي يا كابتن
عماد
طيب قوم وبدل دلع
وقومت ووقفت بصعوبه وكنت حاسس بوجع شديد في ركبتي لكني اوحت وعافرت لغاية ما قدرت اقف حس بيا عماد وقال
انت كويس
قولت
اة. الحمد لله.
عماد
طيب يلا نروح وكفاية تمرين النهاردة
وفعلا روحنا. ما خبيش عليكم ركبي كانت وجعاني اوي لكني ما رضتش اقول كدة ل عماد والا كان هيرفض اني اروح تمرينه بكرة مع الفرقة الكبيرة. بس لو اعرف انا اتخبط في اية. وخد مسكن شديد علشان اقدر امشي علي رجلي ماكنش كفاية رشيت بنج علي ركبتي علشان اقدر امشي وقدرت امشي وعماد ما كنش مرتاح ليا وعمال يقول
لو فيك حاجة قول
ابتسمت وقولت
انا كويس صدقني
ووصلنا النادي ورحب بيا المدرب الاجنبي وبدات اتمرن واطير واصد اي كورة تتشاط عليه. كان نفسي اكسب ثقة المدرب. وخلص اليوم ولقيت المدرب جاي لغاية عندي ومعه المترجم وكان شكلة مبسوط بيا اوي وكان بيقول بالالماني والمدرب يترجم لي
انا مستقبل حراسة المرمي في النادي الاهلي. انا فخور بيك استمر سلطان
وسابني ومشي وهنا احس بنفس الحديدة بتخبط في نفس الركبه وكان حد ضربني بيها المرة دي. صرخت ووقعت علي الارض واتلم كل الجهاز الفني واللاعبين حوالين مني والوجع كان شديد. لدرجة اني اغمي عليه،،،،،،،،،
قفل فاروق المذكرات وقال
يعني اية يا جدي الكلام دة حديدة اية اللي تضرب بيها من غير ما تشوف مين اللي ضربك
شيرين
انا كنت لسه هسال والله نفسي السؤال
سلطان
المرة دي ليكم حق تساله ومش هلوم عليكم لان فعلا وقتها دة كان سؤال كل اللي كانوا معايا في المستشفي وبرضو ماحدش صدقني
شيرين
والضربتين دول بقي سبب العاهة اللي حصلت لك صح كدة
سلطان
صح كدة. الضربتين سببوا لي عاهة مستديمة بسبب قطع في الرباط الداخلي والخارجي للركبة وكسر عضمة المفصل
فاروق
للدرجة دي.
سلطان
ما تستهونش بخبطة حديدة في ركبتك لمرتين وراء بعض في نفس المكان وكمان تتمرن وانت مصاب
فاروق
دة اية كمية الشر دي.
سلطان
المصيبة مش في كمية الشر المصيبة في اللي شوفته في ازاز المرايا ليلة ما كنت بايت في المستشفي
شيرين باهتمام شديد
شوفت اية يا جدي
فاروق
هات يا فاروق الصفحة اللي فيها اول ليلة في المستشفي وانتو تعرفوا اية اللي حصل
وفتح فاروق الكتاب لغاية ما وصل للصفحة دي وبدأ يقراء ،،،،،
بعد ما تم علاجي علاج اولي واجراء بعد الاشاعات اتكرر ان يتعمل لي يعمله الرباط الصليبي بعد شهر في المانيا عند دكتور متخصص في علاج لاعبي الاهلي ومشيوا كل اللي كانو معايا في المستشفي ماعدا عماد اللي كان مرافق ليا في الاوضة ونام جنب مني من التعب. ما هو برضو شاف يوم مش سهل وانا كنت فارد طهري علي السرير مش جاي لي نوم وزعلان اني مش هلعب كورة تاني بسبب الاصابة دي. وهعيش بقيت حياتي بعرج وممكن يوصل الامر ان اركب جهاز في ركبتي. لقيت نور الاوضة بيطفي وتبقي الاوضة طلمة كحل واشوف علي ازاز المرايا الموجود في الاوضة والدي ماسك حديدة. وواقف قدام مني وانا بطير بصد الكورة وبيضربني بالحديدة في ركبتي
وبيبص لي وبيضحك. ويختفي المشهد ويظهر مشهد تاني بيوصف تاني مرة اضربت بالحديدة في ركبتي. وكان هو برضو اللي بيضربني. ورجع النور تاني للاوضة علشان الاقي والدي قدام مني وفي ايده بوكية ورد وبيقول
الف سلامه عليك. يا ابني. وحشتني
برقت وكنت هموت من المفاجاة. وقولت بفزع شديد
انت وبعد السنين دي كلها ويوم ما اشوفك. اشوفك هنا ودلوقتي وتكون السبب كمان في اللي حصل لرجلي
عزيز
انا عمري ما كنت بعيد عنك انا بس انشغلت بناس غيرك. واية بقي حكاية اني اكون السبب في اللي حصل لرجلك
قولت
دة انا لسة شايفك بعنية علي ازاز الاوضة دي وانت قاصد تكسر ركبتي بالحديدة اللي كانت في ايدك. انت لية بتعمل كدة
عزيز بهدوء شديد
انا بعمل فيك اية. بس دة انا لما حسيت انك مضايق مني سيبتك ومشيت. علشان تعيش حياتك
سلطان
اعيش حياتي عاجز
عزيز
اممممم. انت عايز تعيش حياتك وكمان تبقي سليم. لا بقي انت كدة بقيت طماع. بس هما البشر كلهم كدة. انا كمان لما كنت منكم كنت طماع زيك
سلطان باستغراب
انت تقصد اية بكلامك دة
عزيز
عماد هيندهه عليك دلوقتي لانه شايفك بتكلم نفسك بلاش ابني حبيبي حد يشوفه مجنون
واختفي وسمعت صوت كابتن عماد بيقول
سلطان انت بتكلم نفسك
بصبت ل عماد وفضلت ابص في كل ركن في الاوضة يمكن اشوف اللي اسمه عزيز دة. اصلي خلاص ما بقاش ينفع اسمي والدي كرر عماد السؤال وقال
سلطان كنت بتكلم مين
لقيت انه ملهوش لزوم احكي قصة كل اللي يسمعها يعرف بعديها اني مجنون فقولت
اظاهر عليه كنت بحلم بكابوس
عماد
كابوس
غمض عيوني وانا بقول
ما تقلقش يا كابتن انا لسة ما تجننتش. اطفي النور وخلينا ننام
طفي عماد النور تاني ولقيت غضب عني دمعه بتنرل من عيوني وبقيت حاسس ان الجبل المرة دي اللي محتاج اطلعه جبل ملهوش اخر جبل وهم انا نفسي مش عارف حقيقي ولا خيال جبل اسمه عزيز عايز مني اية وبيحاسبني علي اية. وازاي بيقدر يعمل كل دة وكل كوم وجملته اللي قالها لما كان بشر. باين عليه بدفع فاتورة لحاجة معملتهاش بس اية هي. الله اعلم. وتعدي الليلة ويطلع النهار وافتح عيوني اشوف اجمل ما رات عيني رضوي واقفة قدامي ومعها سندوتشات لانشون بيفي ورومي وشيدر. ودي كانت اكتر سندوتشات بحبها وقعدت قدامي وقالت
عامل اية النهاردة
بصيت لها وكان باين عليه الهم واللي باين اكتر من الهم اني ما نمتش وانام ازاي بس. فقولت
انا كويس طول ما انتي كويسة
وهنا دخلت اسما ووقفت قدام مني وقالت
اية اخبارك يا قلبي
بصيت رضوي ل اسما وقالت
مش تعرفيني انك جاية دلوقتي علي الاقل كنت جيت انا بعدين
ضحكت ضحكتها اللي بضايق رضوي وقالت
نسيت انك بتغيري عليه.
رضوي
وهو انا يعني يوم ما اغير علي سلطان اغير عليه من واحد زيه
ضحكت اسما وقالت
وهو انا حلوة زي سلطان كدة.
وغمزت لي. هو انا قولت لكم قد اية اسما دي جرئية. وحلوة. ورغم اني ما عملتش معها اللي يخليها تعمل معايا كدة. لكنها وخداني من باب التحدي اظل تقريبا انا الوحيد اللي مش محسسها قد اية هي حلوة. وطبعا الزيارة اتقلبت لماتش مصارعه حريمي بس مش ضرب لا بالكلام. وان جيته للحق انا ما كنتش فايق لكل الحوارت دي. انا الهم اللي علي صدري اكبر بكتير من خناقة بنتين علي ولد وولد اية. هيعيش بقيت حياته بعاهه. وتعدي الايام واعمل العملية وارجع بعد 6 شهور تاهيل لكن ما رجعتش زي الاول وعلشان بس اقدر امشي علي رجلي الدكتور الالماني ركب لي جهاز وطبعا واحد زيي بالحاله دي ما بقاش ينفع يلعب كورة. والنادي عمل اللي عليه للاخر لكن هيفضل يصرف علي لاعب ما فيش رجاء من علاجة علشان كدة قررت اعتزل لعب الكورة اعتزلت قبل ما ابدأ والسبب عزيز. ممكن يبقي في منكم اللي يقول.
لية متاكد انه عزيز ما ممكن اللي شوفته دة مجرد حلم او وهم ما حصلش اصلا. ولية ما تكنش انت فعلا تكون مريض بمرض نفسي. ممكن كلامكم يكون صح بس الاكيد هو اني انا اللي صح. وهتعرفوا لية. بس قدام. المهم ان الناس اللي كانت تعرفني قبل الحادثة اتقسموا نصين في اللي فضل قريب مني زي رضوي ووائل وكام واحد من صحابي في شلة النادي. وفي اللي بعد عني زي اسما وخالد ودول قربهم مني زي عدمه. لكن فضل خالد ورغم ان اسما بقيت ديما معه فضل كرهني لية بقي ماعرفش وكان قائد حملة التنمر عليه في النادي وطلع عليه القاب كتير زي مثلا. ابو رجل مسلوخة. او الاعرج. وغيرة اسامي كتير تهد جبل مش بني ادم بس الصراحة اني كنت ديما عايز انجح وابقي متميز وماخليش الاعاقة اللي عندي سبب موتي بالبطئ. واخلي ديما اللي قدامي يحترمني. جبل جديد نويت اطلع وهو جبل الاعاقة. اللي ما حاشتنيش عن اني اعلم خالد الادب ليلة عيد ميلادي كانت ليلة جميلة عمالها ليا رضوي علي حمام السباحة بتاع النادي. وعزمت كل اللي بيحبوني وبحبهم وفي عز الانبساط نسمع كلنا صوت خالد بيقول
كل سنة وانت طيب يا نجم الكورة
وسكت ثانية ورجع قال
يووووو. نسيت دة انت اعتزلت
بصيت له وضحكت وقولت بثبات انفعالي
وانت طيب يا نجم اسما.
وسكت نفس الثانية وقولت
يووووو. نسيت دة انت الاستبن
اضايق خالد وكان باين عليه اوي لكنه اتمالك اعصابة ونفسه ولقيته بيمد ايدة ناحية اليمين وبيخرج كرسي بعجل ملفوف لفة هدايا وراح بالكرسي ناحيتي وسط نظرات كل الموجودين وهو بيقول
جبت لك هدية يارب تعجبك. علشان سمعت ان الجهاز اللي في رجلك ساعات بيفصل شحن ورجلك بتقف
هنا ادخلت رضوي وقالت بعصبية
انت مش ملاحظ انك زودتها اوي. ومش عامل احترام لاي حد واقف
بصيت ل رضوي وقولت
سيبي هو بيتكلم صح. وما غلطتش انا فعلا معاق في رجلي. زي ما هو
وبصيت له وقولت
معاق في دماغه. والاعاقة دي ملهاش علاج.
وقربت منه وهو بيغلي ووقفت قدام منه بالظبط وقولت
هدية مقبوله. بس انا حابب انك تجربها الاول علشان اتاكد انها شغاله
ومسكته من لايقة القميص وقعدته علي الكرسي بعجل ولفيت حوالين رقبته شريط الهدايا الاحمر وربط شريط الهدايا في الكرسي من وراء وزقيت الكرسي بكل قوتي واتحرك الكرسي ناحية حمام السباحة ووقع خالد بالكرسي في قلب الحمام وسط ضحك كل الموجودين وبصيت ل رضوي. ووائل وقولت
انا بتاسف لكم. بس كان لازم يتربي
وسيبتهم ومشيت وتعدي السنين. وانا دلوقتي خلصت فترة الكلية وبقي عندي 22 سنه ورغم اني بقيت خريج تجارة انجليش لكني فضلت حابب الكورة ومتعلق بيها فطلبت من كابتن عماد انه يخليني ديما في النادي فرد عليه وقال
اعملها ازاي دي بس
سلطان
خليني عامل غرفة خلع الملابس
اتصدم وقال
انت اتجننت عايز تشيل شنط اللعيبة وهدومهم. وتلم كور من وراء الجون. وانت راجل متعلم وخريج تجارة انجليش
سلطان
واية يعني. واية العيب في كدة المهم اني افضل ديما قريب من اكتر حاجك حبيتها في دنيتي الكورة
عماد
قرب زي ما انت عايز بس ما تبقاش عامل غرف خلع الملابس دة انت عزيز سلطان المهندس المش،،،،،،،
صرخت في وقولت مقاطعه له
انا مش ابن حد. ان،،،،،،،،،،،
وسكت لما حسيت اني هبتدي اقول كلام لا هيودي ولا هيجيب وبوست ايد عماد وقولت
بالله عليك ما تحرمنيش من اني اكون ديما قريب من اوض اللبس زي زمان واشوف التدريبات من ارض الملعب وابقي ديما مع الفرقة في اي بطوله
عماد
طلب غريب
قولت له
ما تحرمنيش من اني احققه.
عماد
دي شغلانه متعبه وديما هتبقي رايح جاي وانت رجلك
وسكت عماد فقولت
ربنا هيقدرني وابقي قدها.
قعد يفكر عماد لكام دقيقة وبعدها قال
سيبني افتح الموضوع مع مدير النادي واشوف اقدر احلها ازاي
بوسته في دماغه وقولت
تسلم لي يا احلي عماد في الدنيا
وسيبته ودخلت اوضي اغير هدومي علشان اللاقي علي الارض جنب سريري تابوت اسود كبير وبينزل منه نقط دم سوداء وحد بيعيط بصوت مكتوم قولت اخرج انادي عماد لقيت باب الاوضة بيتقفل بالمفتاح رغم ان المفتاح مش في الباب ولقيت التابوت بيتحرك بمنتهي البطئ ناحيتي لغاية ما بقي قدام مني بالظبط فضلت ابص للتابوت وانا مرعوب. مديت ايدي افتح التابوت وفتحت التابوت وانا مرعوب علشان اشوف اخر شئ كنت ممكن اشوفه شوفت. عزيز ذقنه طويلة وشعره طوبل يشبه اهل الكهف لو يعني شوفته اهل الكهف ودة طبعا ماحصلش بس انا عايز اوصلكم قد اية المنظر يخوف لبني ادم كان باين عليه انه محبوس في التابوت دة من سنين وريحة التابوت ما كنتش قادر استحملها وهنا لقيت نفسي بكسر في الباب فعلا اتفزعت من المنظر وبصراحة انا كلمة رعب بقيت مربوطة في حياتي باني اشوف اللي اسمه عزيز دة. وبعد محاولات كتير قدرت افتح الباب وجريت ناحية عماد وكنت بنهج وكاني بجري بقالي كتير وقولت ل عماد
تا. تاب
عماد
سلطان مالك
سلطان بصعوبه
تابوت وجوه منه عزيز
عماد باستغراب شديد
عزيز ابوك
سلطان
هو.
قام معايا عماد بسرعه ودخل الاوضة وبص للتابوت واللي جوة منه وما قدرش يستحمل الريحة وقال لبا
ايدك معايا نساعده نطلعه من هنا
سلطان
انت المرة دي شايفه
عماد بص لي باستغراب وقال
سلطان مالك النهاردة. بطل كلام خايب وتعالي ساعدني نطلع عزيز
وفعلا طالعنا عزيز من التابوت وخدنا علي الحمام وبدأنا ننزل كل القرف اللي كان عليه ولف نظري صوابع ايدة العشرة اللي مكتوب عليهم بلغة غريبة مش مفهومة والدم الاسود نازل من صباعه الكبير ودم مش عايز يقف اية دة وفي اية. اسئلة ملهاش اجابة. بس اتولد في قلبي شك لية اللي قدامي دة ما يكنش هو هو نفس اللي كان عندي في المستشفي وقاصد يعذبني بطريقة جديدة. بس يا تري ناويي علي اية المرة دي يا عزيز.،،،،،،
قفل فاروق المذكرات وبص لجدة سلطان وقال
جدي
سلطان
نعم
فاروق
هو ممكن اب يعذب ابنه بالشكل دة
سلطان
بالشكل دة مافيش. بس ممكن اب يعذب ابنه بحبه المبالغ في
شيرين
الحب ممكن يتولد منه عذاب
سلطان
الحب هو العذاب نفسه بس عذاب لذيذ بيتمنا اي قلب حي
شيرين
معلش نفهم بقي بالراحة يعني اية الحب عذاب لذيذ
سلطان
انتي بنت ولو جربتي الحب وقلبك عرف طعمه هتلاقي نفسك ديما في عذاب. ياتري هو بيحبني زي ما انا بحبه ولا لا. ياتري لما بكون بعيده عنه بيفكر فيا زي ما بفكر طيب قابل مين النهاردة واتفن بحلاوتها طيب ممكن فعلا نتجوز ويبقي ابو عيالي ولا هتحرم منه. وياتري هعرف اعيش بعده ولا صعب. انا عارفه انه كداب لما قال ما حبتش قبلك بس برضو بحبه انا بعمل في نفسي لية كدة لية ديما بدور عليه وهو ما بيسالش فيا. كل دي اسئلة واكتر تكون سبب عذاب قلبك بس عذاب قلبك بيحبه. الحب ببساطة العذاب اللذيذ. وتكمل سلسلة العذاب بعد الجواز واسئلة من نوع جديد مخك ديما بيسال وقلبك يجاوب اجابات تريحك علشان تعرفي تعيشي. الحب زي مية البحر لو سيبنا نفسنا لي هيشلنا لكن احنا لازم نضرب بايدينا ورجلينا ونبقي عايزين نعوم بالعافية ودة كفاية اوي اننا نلاقي نفسنا غرقنا في قلب الحب
ويبص ل فاروق ويقول
ورد علي سؤالك. من ناحية تانية لما الاب يحب ابنه بقلب ام بيخاف عليه لدرجة تخنق الابن وتخلي يرفض الحب دة كتير هتشوف اب وهو بيضرب ابنه علشان خايف عليه اتسبب له في انه يخسر عينية او كسر له ذراعه او فتح له حاجب وحوادث كتير. دة مش حب دة قهر وكلمة في ودان كل اب انت في بيتك مش اب وبس انت رب. والرب عمره ما كان قاسي علي الرعية بتاعته ولا بيحكم عليهم بجهنم وبس. الجنة موجودة زي ما النار موجودة بلاش توصل عيالك لدرجة انهم يكروا الدقيقة اللي بتبقي فيها معاهم
وعيط سلطان وخدوا الاثنين في حضنهم وقالت شيرين
بس يا جدي
فاروق
انت اتعذبت اوي وانت صغير. دة انت المفروض تسمي مذكراتك الجبل سلطان. انا لو مكانك ما فتكرش اني كنت اقدر انجح زي ما انت نجحت وعملت اسم يعرفوا العالم كله
شيرين
علشان كدة انت كنت عايز تقتل عزيز. زي ما بابا قال
سلطان
انا كنت عايز اقتله علشان كان عايز يحرمني من رضوي
فاروق
ولية بس يعمل كدة
سلطان
علشان التعويذة اللي اترمت عليه بتخلي ياكل صباع من ايده مع كل سنة اكون فيها قريب من رضوي
بصوا الاخين ل بعض وقالت شيرين وقلبها بيدق من الخوف
تعويذة اية.
سلطان
عزيز كان عليه سحر اسود ملعون
فاروق بنفس حاله الترقب الشديد
ومين سلط عليه السحر دة
بص له سلطان وقال
عزيز
استغربوا الاخين اوي وقالت شيرين
بالله عليك بالراحة دماغي ساحت
سلطان
خلي فاروق يكمل قراءة وانتو هتفهموا
خطفت شيرين المذكرات وقالت
ماحدش هيقراء اللي جاي دة غيري انا
وفتحت شيرين المذكرات وبدات تقرأ ،،،،،،،،،،،
وبعد ما نظفنا عزيز حاولنا نخلي يمشي لكن كان واضح اوي ان حبسته في التابوت خليته مش قادر يدوس علي رجله شيلنا وروحنا بي للاوضة بتاعتي وحطينا علي السرير فضل يصرخ ويصرخ وشاور بصباعه اللي بينزل منه الدم الاسود ناحية التابوت فهمنا انه عايز يرجع التابوت فقال عماد
باين عليه عايز يرجع التابوت
سلطان
ازاي بس والتابوت مليان فضلات من بتاعته
عماد
نظف التابوت من اللي في وخلي يرجعه تاني
سلطان
ودة كلام ناس عاقلة. في حد يحب ينام في تابوت
عماد
مش وقت الاسئلة دي. وخلينا نعمل اللي هو عايزه علشان يبطل صريخ
بدات اسحب التابوت ناحية الحمام والحمد لله ان الحمام عندنا كبير دخل التابوت جوة منه وبدات انظف التابوت من كل القرف اللي في ورجعت بي تاني للاوضة وحطينا عزيز جوة التابوت هدي وبطل صريخ بص له عماد وقال
اجيب لك تاكل
هز دماغه باشارة معنها لا. وبص لي وقال ل عماد بصوت مبحوح
مين دة
عماد ما سمعش هو قال اية فقرب منه وقال
انت بتقول اية
عزيز قال بصوت اعلي شوية لكن برضو مبحوح
مين دة
استغرب عماد وقال
عزيز انت مش عارف ابنك
بص لي عزيز اوي وقال
واعرفو ازاي وانا اخر مرة شوفته كان عنده 7 س.
اتصدمنا احنا الاثنين وقال عماد وهو بيبص لي
اومال مين اللي كان معاك في شقة الزمالك
كان رد السؤال عند عزيز وقال
عزيز ظهر لكم
كنت هتجنن وقولت بعصبية
هو عزيز وانت برضو عزيز. انا لية بقيت كل ما عيش حياتي وانساك ترجع لي واشوفك وحياتي كلها تتقلب عايز مني اية
ولقيت نفسي بهجم عليه وبمسكة من هدومة وبهز في بعصبية حاشني عماد وخلاني ابعد عنه وهو بيمسكني بكل قوته وبيقول
اهدئة مش كدة ومتنساش ان دة ابوك
سلطان بعصبية
دة ابويا واللي حبسني وظلمني وكان هيرميني من البالكونة وكسر رجلي برضو ابويا. اية اللي بيحصل لي
عماد
ما حدش كسر رجلك دي كانت حادثة. انت بس بيتهي لك ان ،،،،،،،،،
لقيت نفسي بقاطعه وانا بقول بعصبية
انا مش مجنون علشان اشوف واتخيل شئ ما حصلش
عزيز قال
صدق سلطان. يا عماد عزيز اللي انا بتكلم عنه يقدر يظهر ويختفي ويتشكل في اي صورة هو عايزها. علشان هو مش بشر
بصينا لي احنا الاثنين وهو كمل وقال وهو باصص لي
عزيز التاني جن عاشق ل امك. رفضت حبه فقرر ينتقم
برقنا احنا الاثنين والصدمة المرة دي كانت اكير من اي صدمة فاتت. وهو كمل وقال
امك يا سلطان كانت من اجمل بنات لبنان وكانت ديما تحب تقف قدام المرايا بالساعات ولوحديها ودة كان سبب اساسي من الاسباب اللي خليت ملك من ملوك الجن اللي هو. واديم. يعشقها ووصل الامر انه يعاشرها وهي ما كنتش تعرف لكن ابوها راجل دين جدك قاسم قدر يعرف باللي صاب بنته وقدر يحرر جسمها من واديم. او دة اللي كان فاكر انه قدر يعمله واختفي واديم واتحكم عليه باللعنه من كل اهل قبيلته. واتعرفت انا علي امك وحبينا بعض واتجوزنا وجيت انت واختك وهنا ظهر تاني واديم في حياتنا واديم كان مسجون وقدر يهرب وقرر ينتقم واول انتقامه انه خلي امك ترمي نفسها وكان معها اختكر قدام عربية علي الطريق السريع وماتو وبعد ما دفنتهم قررت ارجع بيك مصر وفعلا رجعنا مصر واول ليلة ليا في مصر بيتها جوة التابوت دة بعد ما قدر واديم ينتحل شخصيتي ويبقي شكلي بالظبط. وبقي هو عايز.
عماد باستغراب
حكاية اغرب من الخيال. مع اني اتعاملت مع واديم دة علي انه انك بس ولا شكيت في لحظة واحدة
عزيز
وديم اقوي من قريني وقدر يسيطر علي القرين ويعرف منه كل شي عني من طفولتي لغاية دلوقتي
عايزين الحق كل الحكاية اللي سمعتها دي ما دخلتش دماغي وحسيت ان دي لعبة من واديم بقي او عزيز. مش هيفرق الاسم وان اللي قدامي في التابوت دة جاي وجايب معه شر ليا ماعرفش هو اية بس فعلا بقيت اشوف عزيز دة احس ان ما فيش خير جاي المهم فضل عماد يتكلم معه وحاول يقنعه يطلع ينام علي السرير فقال
ماقدرش انام برة التابوت والا جسمي كله يصرخ بسبب النار اللي بتمسك في
هنا قولت انا. سؤال بصيغة الشك
طيب واديم دة سابني لية عايش. لية ما قتلنيش زي ما قتل امي واختي
بص لي وقال
لما تشوفو ابقي اساله هو مش انا
قولت
ولية دلوقتي واديم خلاك تظهر طالما كان حابسك وازاي السنين دي كلها تبقي محبوس في التابوت ولسة عايش
عزيز
كان بيجيب لي اكل وشرب كل يوم. ولية خلاني ارجع لك دة برضو سؤال هو بس اللي يعرف اجابته
كنت بسال ولا كاني وكيل نيابة وقولت
كنت قريت بحث علمي قبل كدة ان الانسان اللي يتحبس مع فضلاته سواء بول او انت عارف بقي. الريحة كفيلة انها تصيب خلايا مخة بالتلف. ازاي انت قدرت تعيش جوة التابوت وهو مقفول عليك وجوة منه فضلاتك
عماد هنا ادخل وقال
سلطان في اية اسالتك دي ملهاش الا معني واحد ان دة مش عزيز
بصيت ل عماد وقولت
تقدر انت تثبت لي ان دة عزيز والدي مش واديم وعامل عزبز
سكت عماد وبدأ الشك يتسرب لي ورجع بص ل عزيز اللي قال
انا تعبان ومحتاج انام
سلطان
نام بس خلي بالك انت مش هتقدر تخدعني وهعرف انت مين قريب اوي وعايز مني اية
هنا اتحركت ايد عزيز ناحية صورة رضوي اللي مرسومة جوة التابوت وصرخ بشدة وبدأ ياكل في صباعه الغريب ان الوجع كله كنت بحس بي انا. وكاني انا اللي باكل صباعي شاف عماد اللي بيحصل اتفزع وانا قولت ل عماد بصعوبه بسبب شدة الوجع
خلي يبطل ياكل صباعه. مش قادر استحمل الوجع
وبدات الحروف والرموز اللي عنده تتكتب علي ايدي وقدر عماد يبعد بوق عزيز عن صباعه وعزيز قال
كل سنة في قربها بوجع والوجع كل مرة هيزيد ابعد عنها انا عايز مصلحتك
ما كنتش قادر اتكلم وماسك صباعي والوجع عمال يقطع فيا لكني بصيت ل عزيز وخرجت من الاوضة وعماد خرج وراء مني واول ما خرج قولت وانا لسة بتوجع
الكائن اللي جوة دة لازم يمشي من هنا
عماد
انا خايف امشي من هنا يطلع عزيز والدك ونتخلي عنه وهو محتاج لمساعدتنا
قولت بعصبية
يطلع عزيز يطلع واديم لازم الكائن الخبيث دة ما يفضلش هنا
عماد
طيب اهدئة وانا هعمل لك اللي انت عايزة
وهنا لقبت صباعي بدأ يخرج منه بقعه دم. واتشكلت بقعة الدم علي شكل بوق في اسنان حادة والبوق دة خلي صباعي جوة منه وضغط مرة واحدة. واتقطع صباعي صرخت وهنا هزني عماد وقال
سلطان بتصرخ لية
وبصيت لقيت صباعي سليم. طلعت بتخيل بس كنت خلاص هتجنن روحت ناحية باب الاوضة وكسرت الباب برجلي وقولت
اسمع يا واديم،،،،،،،،
وسكت لاني لقيت الاوضة فاضية. لافيها تابوت ولا فيها عزيز وهنا سمعت صوت عماد جاي من وراء مني وكان بيقول
راح فين
بصيت له وقولت
صدقت انه جن وبيلعب بينا
عماد
انا هروح اشغل سورة البقرة
وراح عماد فعلا وشغل سورة البقرة وانا فضلت ابص في الاوضة وقولت باعلي صوت عندي
انا مش هخاف منك او من غيرك العيل الصغير اللي كنت بترعبه ببصه منك. كبر وهيقدر عليك سامعني هقدر عليك سواء كنت واديم او عزيز او كنت الشيطان نفسه ومهما تعمل رضوي ليا وانا ل رضوي.
وصرخت باعلي صوت وقولت
سامعني يا عزيز،،،،
وتعدي الايام وقدر عماد يشغلني عامل في غرفه خلع الملابس واستلمت شغلي وفي اول يوم شغل ليا تفتكروا اشوف مين. شوفت خالد اللي بص لي بشماته ورمي ليا شنطتة اللي فيها الموبيل وهدومة وقال
روح يا شاطر حط الهدوم بتاعتي في الدولاب وطلع لي طقم الكورة اللي هلعب بي. واياك جنية ينقص من الفلوس اللي في الشنطة حاكم انا عارف اللي زيكم بيبقي ايديهم طويلة
طبعا كان باين اوي انه بيستفزني بس مش هينفع اعمل مشكلة في اول يوم ليا شغل. ومع واحد ناقص زي دة. وخد شنطتة وحضرت له هدومة اللي هيتمرن بيها وبقيت اتفرج علي التمرين واعيط بحرقة كنت من كام شهر بس بلعب زيهم وبجري وفي عز ما انا بتفرج وحزين لقيت ايد اطيب بنت قابلتها رضوي بصيت لها وهي قالت
اية اللي انت بتعمله في نفسك دة
سلطان
بعمل اية
رضوي
سلطان اللي كان حارس لعيب في النادي هنا يبقي عامل في غرفة خلع الملابس. مش مقامك يا سلطان تشيل شنط اللاعيبة انت اكبر من كدة
سلطان بصوت حزين
انا واحد اعرج. تفتكري يبقي ليا مقام
رضوي
هو مقام الواحد مننا في رجله ولا في دماغه
سلطان
عايزا دلوقتي اية يا رضوي
رضوي
انت كاريزما. وشخصية قوية شخصية قائد لما يوصل بيك الحال لمجرد شيال لشنط يبقي ما تزعلش مني تروح تموت احسن. علشان ما حبتش شيال شنط. انا حبيت سلطان. وسلطان يعني ملك مش حاجة تانية
وسابتني رضوي ومشيت والكلمتين اللي قالتهم دول كانو بمسابة دش مية ساقع في عز الشتاء. كملت اليوم في النادي وخلص اليوم وروحت وقولت ل عماد
انا مسافر انجلترا
عماد
تسافر انجلترا لية
سلطان
هعمل هناك معايشة واتعلم التدريب.
عماد
تدريب انت عايز تبقي مدير فني
سلطان
وفيها اية
عماد
انت ناسي رجلك
سلطان
انا هدرب بدماغي مش برجلي
عماد
بس عمرنا ما شوفنا مدير فني ،،،،،،
وسكت عماد فقولت انا
ببعرج.
عماد
سلطان انا مقدر اللي انت في بس بالراحة علي نفسك فكر صح التدريب مهمه صعبة لواحد سليم ما بالك بقي بحد زيك
وقفت وحسيت اني مخنوق
زيي زيي. هو انا فيا اية كل دة علشان مركب جهاز في ركبتي. انا مش هخلي الاعاقة توقفني مش هموت بالبطئ اللي ما عرفتش اعمله وانا سليم هعمله وانا ب رجل واحدة واخر كلام عندي هتساعدني اسافر انجلترا ولا اتصرف انا
عماد
هساعدك. طالما دة اللي نفسك في
ولقيت عماد قام ووقف وفتح لي حضنة وقال
كان نفسي كنت اتجوزت وبقي ليا ابن زيك ما حدش بيقدر يوقفة وناوي يطلع الجبل للاخر
اترميت في حضن عماد وهو قال
وهاجي معاك كمان وهاعمل انا كمان معايشة
وفعلا بدانا نخلص اوراق السفر وخلصت الاوراق وجه ميعاد السفر وركبنا الطيارة وزي ما انتم عارفين لازم فرحتي تكون مصحوبة بالفزع والمرة دي شوفت الطيار اللي كان واقف قدام مننا وبيرحب بينا والطيار كان عزيز وبيبص لي وبيقول
اتمني لكم رحلة اخيرة للجحيم. الا اذا
وبص لي اوي وقال
انت رجعت مكانك وسط الشنط شيال
طبعا الكلام ليا انا وانا بس اللي سامعه لكن للباقي بما فيهم عماد كانو سماعين كلام تاني خالص. وبصيت وماردتش فهو قال
المرة دي مش هيبقي وهم المرة دي فيها طلوع روحك انت وكل اللي في الطيارة.
ومشي وبقيت محتار اصدق ولا اكذب واكمل رحلتي وهنا اتحركت بينا الطيارة وبدات اقراء قران علشان يحميني من شر واديم وفي وسط الرحلة بالظبط تتهز الطيارة بشكل مرعب قولت دة وهم وتتهز تاني وتالت ويتم الاعلان في الميكروفون الداخلي للطيارة عن ان جناح الطيارة اليمين اصطدم بجسم معدن ودة سبب تلف في محرك الطيارة وبدئنا كلنا نعيش لحظات في فزع مخيف وما بقتش عارف الطيارة بتقع حقيقي ولا. وهم لكن حصل اللي خلاني اتاكد ان فعلا الطيارة بتقع وهو اننا بدنا نلمس الارض والاصطدام بالارض كان شي صعب جدا ومرعب وفجاة لقيت نار جهنم جاية من اخر الطيارة قامو كل اللي في الطيارة وحصل هرج ومرج كل بيحاول يوصل لباب الطيارة الكل عايز يهرب قبل ما النار تاكلهم فضلت قاعد بلوم نفسي انا السبب في كل اللي حصل للناس دة ولقيت عماد بيهز فيا وبيقومني بالعافية وهو بيزعق فيا وبيقول
قوم النار هتاكلك
بصيت له وانا ببكي وبقول
انا السبب في كل اللي حصلكم دة.
عماد
انت شايف ان دة وقته. قوم وبطل كلام
وقومت من علي الكرسي والنار بتاكل في اي بني ادم تقابله واتكوم كل ركاب الطيارة عند باب الطيارة وطبعا بسبب الضغط الشديد علي الباب. ماكنش عايز يتفتح والنار بتقرب وما كنش في مفر من الموت وفجاة الافي نفسي برة الطيارة واقع علي الارض وسط صحراء رملتها صفراء جدا. وكنت لوحدي والطيارة قدام مني بتولع وبتاكل كل الركاب اللي فيها بما فيهم عماد فضلت اصرخ واضرب الارض بايدية وهنا ظهر عزيز قاعد جنب مني وكان بيهز دماغه وبيقول
شايف عملت اية في الطيارة بكل اللي فيها. كنت هتخسر اية لو رجعت مش كان زمان الناس دي لسة عايشة
قومت اهجم عليه لقيت نفسي بهجم علي شئ مش موجود ووقعت علي وشي وهو قال
ما تعرفش انا بفرح ازاي لما بشوفك كدة واقع علي وشك هو دة مكانك يا ابن عزيز
صرخت باعلي صوت عندي وقولت
انت عايز مني اية. اللي انت كنت بتعشقها ماتت واللي سيبتك علشانه مات برضو. عايز مني انا اية. اية اية.
بص لي وقال
ما حبش اشوف ابن عزيز ناجح. طول ما انت فاشل انا هسيبك تعيش. كل ما تفكر تطلع لفوق هظهر لك وهسحبك واخليك تنزل ل تحت. انا حجر مربوط في رجلك يمنعك تعيش زي ما انت عايش. عايز تعيش عيش زي ما انا عايز
سلطان
انا مش عبد عندك علشان اعيش علي مزاجك. انا حر وطريقي هختارة بنفسي
عزيز
حتي لو انت قولت لك لا.
سلطان
لو الدنيا كلها قالت لا. انا هسعي وهبقي ديما في احسن صورة قدام نفسي وربنا معايا ضدك
عزيز
انت ازاي كدة كل دة حصل فيك وما تهددش.
سلطان
الهدد كلمة مش في قاموسي. وعايز ترتاح مني موتني
ضحك ساعتها قوي وقال
ومين قال ان موتك راحة ليا. موتك راحة ليك.
واتحول وشه للون الجحيم وقال
والهزار عدي يا ابن عزيز واللي جاي جد بس انت استحمل.
سلطان
هتعمل فيا اية تاني اكتر من كدة
عزيز
هسيبك تطلع الجبل اللي انت عايز تطلعه ولما توصل لاعلي حتة في الجبل هتلاقي ابوك عزيز اللي انت من لحمه ودمه بيزقك بايدة يوقعك وفي وقتها ياقاتل يا مقتول
وفي لحظة اتحولت الرملة الصفراء لحشرات صغيرة جدا لونها اسود وليها اسنان حادة وكلها بدات تطير ناحيتي وتقطع في لحم جسمي بسنانها الحادة. وبدات اصرخ من الوجع وبحاول ابعدهم عني باي شكل لدرجة ان في حشرة منهم دخلت جوة صدري وقطمت حتة من قلبي وبدات اصرخ اوي وهنا لقيت عماد بيصحيني من النوم وفتحت عيوني لقيت نفسي في الطيارة وكل الركاب تقريبا باصين عليه وعماد بيقول
كابوس انت بخير
لقيت عيوني بتدمع وحسيت بوجع في صدري مديت ايدي تحت الهدوم لقيت دم بينزل من صدري كتمت الدم بايدي وقولت
وهفضل بخير طول ما ربنا معايا
وبصيت لفوق وغمض عيوني. وخدت الرحلة وقتها ووصلنا انجلترا وبدات الرحلة التانية واتعلمت اصول التدريب وقضيت فترة المعايشة كاملة ورجعت القاهرة تاني وانا اصغر مدير فني في مصر واخد شهادة معتمدة من اكبر اكاديمية في انجلترا. وخد دراسات علي ايد اعظم مدربي كورة القدم واحلي حاجة شوفتها اول ما وصلت مطار القاهرة. رضوي كانت وحشاني اوي وكنت عايز اخدها في حضني وبمجرد ما قربت منها شوفت عزيز في التابوت وبياكل تاني صباع من ايده اتوجعت كدة ولقيت نفسي بتالم بشكل مش قادر استحمله ووقعت من طولي قدام رضوي اللي اترعبت عليه وبصيت ل عماد وقالت
هو ماله
عماد
هيبقي كويس ما تقالقيش
بصيت لها وانا بتحدي اللي عزيز وقولت بصعوبه
رضوي تتجوزيني
استغرب عماد واستغربت رضوي وقالت
سلطان انت بس في اية ولا اية
وقفت علي رجلي رغم الوجع اللي فيا وقولت
حبي ليكي هيخيلني اقدر اكمل. عايز اعرف ردك تتجوزيني
رضوي
تقدر علي اية بس. انا مش فاهمة انت تقصد اية. انا مش فهماك انت اصلا
قولت
في اللي عايز يبعدني عنك وانا مش هخلي يعيشني زي ما هو عايزني اعيش انا هاعيش زي ما انا عايز اعيش.
وبصيت ناحية التابوت وقولت
سامعني كويس هعيش زي ما انا عايز اعيش
رضوي وهي بتبص وراء منها
سلطان انت بتكلم مين
ابتسمت وقولت وانا الوجع بيقطع فيا.
بعدين هقول لك
وهنا وقف قدام مني عزيز وقال
عندي. وانا احب اوي اللي زيك
قالها واختفي من قدام مني وروحنا كلنا وبعديها باسبوع قدر عماد يجيب لي عقد تدريب لنادي درجة تانية وهو نادي الترسانه نادي كبير لكن ظروفة المادية ما بقتش زي الاول وطبعا اجر مدير فني زيي ملهوش اسم لسة كان هيبقي مناسب ليهم جدا. وجة اول يوم تدريب لبست هدومي ونزلت روحت النادي وباني وبينكم كنت مرعوب جدا من التجربة دي نجاحي مع الترسانه معني انطلاقة لاسم اصغر مدير فني في العالم كله مش مصر بس لاني ما كنتش جيبت سن الثلاثين وقتها لكني صممت وقررت اخوض التحدي ودخلت النادي واستقبلي معظم اعضاء مجلس الادارة وعلي راسهم رئيس مجلس الادارة وعرفوني علي اللاعيبة واحد وراء التاني وكنت بتنقل بين اللاعيبن وانا بعرج وطبعا بسمع همس اللاعيبة مع بعض. وكلام بيتقال في ظهري زي
★ودة هيدربنا ازاي★
★اكيد الادارة جابته علي ببلاش★
★احنا باين علينا وقعنا★
وكلام كتير كله بسمعه وبرمي وراء ظهري ما احنا متفقين الهدد كلمه مش في قاموسي وماعرفش معني ليها ومشي مجلس الادارة وبقيت انا واللاعيبة لوحدينا بصيت لهم واستنيت لغاية ما يخلصوا كلام مع بعض عليه وظهر عزيز
وقال
صدقني مكانك مش هنا. ماحدش هيقبلك انت مجرد شيال شنط كانت لايقة عليك
عملت نفسي ولا كاني شايفة ولا سمعه وخلصوا اللاعيبة كلامهم مع بعض وبدأ السكوت يبقي هو المسيطر علي المكان فقولت لهم
انا لو مكانكم كنت قولت نفس اللي انتم قولتو انا بالنسبة لكم واحد معاق وفي عرف بلدنا المعاق ما ينفعش يبقي الليدر او القائد علي شخص سليم. تفتكروا ان دة صح. في منكم اتربي علي ان دة صح. وبقي عنده عقيدة بكدة ودة ملهوش مكان عندي في الفرقة. وفي اللي دلوقتي حس انه هو غلط وبيلوم نفسه ودة لي مكان معايا لانه يجي منه وفي اللي شايف اني صح في كل كلمة قولتها ودة هيبقي كابتن الفرقة.
وروحت ناحية كرسي وقعد وقولت
احب دلوقتي اعرف مين عنده الجراءة انه يسمعني هو قال اية في ظهري
بصوا لبعض كلهم وما حدش اتكلم فقولت
طيب اخليها سهله شوية. النوع الاول واللي شايف ان صاحب الاعاقة ما ينفعش يبقي القائد بتاعه يمشي ودلوقتي وانا هدي له كل مستحقاته وكل اللي لي عند النادي
ما حدش اتحرك من مكانه والكل سكت وكانها الصدمة وقال واحد منهم
احنا اسفين يا كوتش
ابتسمت وقومت وقفت وقولت
اي كلمة بتتقال في الظهر مش لازم نتاسف عليها لانها بتقل من اللي قالها مش من اللي اتقالت عليه. كدة احنا اتعرفنا علي بعض. نبدأ الشغل
وبدأ نتدرب وبدات اتحكم في اوضة اللبس بكل تفاصيلها وكل واحد بيتعب في التدريب كل بيلاقي نتيجة تعبة وبيلعب ما فيش ظلم الكل تيم واحد لا عيلة واحدة وبدات النتائج تبقي في تحسن وبقينا في المركز الاول وفي يوم جت لي رضوي التدريب ووقفت وهي مبهورة. لما شافت اللاعيبة كلها بتحبني ازاي وفي نفس الوقت بتخاف مني فقالت
سيطرت بدماغك
بصيت في عيونها وقولت
خد بنصيحتك. مش دة اللي انتي قولتي ليا
رضوي
وبقينا نسمع اسمك في البرامج الرياضية والنت ما بقاش لي سيرة غيرك. المدرب اللي قرب يرجع الترسانه للدوري الممتاز
سلطان
كل دة مش مهم عندي المهم انتي يا احلي ما في حياتي
رضوي
طيب مش هتبطل جنان بقي. وتقولي معني اية اللي انت قولته في الموبيل دة
سلطان
قولت اية
رضوي
عايز اقابل بابا
ضحكت وقولت
ودي فيها اية. هو اللي مش عايز يتجوز واحدة بيقول
ل باباها.
رضوي وهي مكسوفة
جواز حتة واحدة
سلطان بهزار
لا جواز علي كذا حتة. ومش عاوز كلام كتير. حكم الجواز صدر والحكم نهائي
رضوي وهي بتضحك.
طيب اوكل محامي
سلطان
انسي
وضحكنا وخلص اليوم. ورجعت لعماد ولبسنا احلي طقم عندنا وروحنا لشقة والد رضوي واستبقلونا احسن استقبال ودخلنا وبعد الرسميات والكلام اللي بيتقال في المناسبات اللي زي دي وقرينا الفاتحة وقبل ما نقول امين. اشوف التابوت وعزيز بيخرج منه ورايح ناحية رضوي وطبعا اي كلمة لي كانوا هيقولو عليه مجنون بيكلم نفسه ولقيت عزيز التاني ظهر وقال
لو فضل عايش هيقتل رضوي. اختار عزيز يعيش ولا رضوي تعيش
قولت بكل غل الدنيا
عزيز يموت
قال عزيز
بص له وهو هيرجع التابوت وهيختفي نهائي وتبقي انت اللي حكمت عليه بالموت.
اتردد للحظة بصة مني هتكون السبب في موت ابويا لكن طالما اتحط مع رضوي في كفة ف رضوي كفتها هي اللي هتكسب وهتكون اتقل. وبصيت ل عزيز وبدأ يصرخ ويطلب الرحمة ويقول
انت اللي في ايدك تحررني اختار اني اعيش ونجيني ارحم ابوك منهم
لكني ما رحمتش وفضلت باصص لي لغاية ما رجع التابوت والتابوت اتقفل عليه واختفي تماما. وهنا شوفت رضوي بتضحك وبتبص لي وتقول
دفعت الثمن يا ابن عزيز. برافو عليك
ما بقتش فاهم أية معني دة والمفاجاة كانت هتصبني بالشلل. هنا لقيت شيرين قفلت كتاب المذكرات وقالت
رضوي لية عملت فيك كدة. مش هي المفروض بتحبك
سلطان
رضوي ملكة من ملوك الجن. حضرها والدي علشان يخلي امي اللبنانية تعشقة
شيرين
واحدة واحدة علينا يا جدي واحكي بالتفاصيل علشان عايزا افهم
سلطان
هحكي لك اللي عرفته من رضوي علي لسانها. من سنين كتير قرر والدي يسيب القاهرة ويسافر لبنان يجرب حظة في مصنع خاله. وفعلا سافر وهناك قابل والدتي. انجي المهندسة زميلته في المصنع.،،،،،
احنا دلوقتي جوة مصنع وعزيز واقف قدام انجي وبيقول
انا لو اعرف اني كنت هقابل في لبنان قمر زيك كنت جيت من زمان
انجي بحزم
مهندس عزيز اتمني ان كلامك معايا يكون في حدود الشغل ومن غير اي تلميحات تتفهم بكذا معني والا اسفة هضر ابلغ خالك عبد الرحمن وهو بقي يتصرف. لان كدة كتير
عزيز
انتي بتعملي معايا لية كدة. دة انا بحبك
انجي
وانا بحب جوزي وبنتي. ياريت تفهم اني ست متجوزة
وسابته ومشيت لكن عزيز فضل يطاردها في كل مكان ما كنش بيزهق لغاية ما قرر يلجا للسحر وراح ل ساحر في اعلي جبال لبنان اسمه نذير وقعد قدام منه وقال
سمعت عنك كتير وانك تقدر علي اي شئ مستحيل
بص له نذير وقال
هات اللي عندك يا مصري
مد عزيز ايدة في جيب بدلته وطلع منديل في عرق انجي وقال
عايزها تحبني زي ما انا بحبها وهاديك اللي انت عايزه بس هي تقول اة
مسك نذير المنديل وبدأ يشمة وقال
بس دي متجوزة وعندها بنت
عزيز
عارف
نذير
كدة الحساب هيبقي ضعف
عزيز
معاك لغاية 100 الف ج.
نذير
مش لدرجة المبلغ دة كله
لكن عزيز طلع دفتر الشيكات وحط امضته علي بياض وقطع الشيك وحطه قدام نذير وقال
حط الرقم اللي انت عايزه
نذير
للدرجة دي بتحبها
عزيز
ما عرفتش الحب الا لما شوفتها
نذير بضحكة خبيثة
روح دلوقتي وبكرة تيجي قبل الفجر بساعه وتكون لابس جلبية سوادء علي اللحم ومستحمي بمية نجسة
عزيز باستغراب
مية نجسة
نذير
اة. مية نجسة مالك مستغرب ليه انت جاي تعمل عمل سفلي خبيث هتيجي متوضي
عزيز
واجيب منين المية النجسة دي
نذير
مية بكون شرب منها كلب تاخدها وتغرق بيها جسمك كله من فوق ل تحت وتتاكد ان المية وصلت لكل حتة في جسمك
عزيز
حاضر
ومشي عزيز. وهنا مارس نذير بعض الطقوس وقال طلاسم مخيفة خاصة بتحضير الجن. وبعديها علي طول ظهرت امراة قبيحة جدا. وهي ملكة العشيرة العاشرة من الجن الازرق وتدعي العنقماء. بص لها نذير وقال
مستعدة يبقي ليكي ولد انسي. بدل اللي مات
قالت العنقماء بصوت ما يختلفش كتير عن شكلها
هات اللي عندك يا نذير
اداها المنديل اللي خده من عزيز وقربت المنديل من وشها وهنا اتحولت ل انجي بالظبط فقالت
عاشق. والعشق هيقتله
نذير
طلبتي انسي يبقي من نسلك علشان شبابك يرجع. وحصل
ضحكت العنقماء وقالت
انت خادم مطيع يا نذير احلم وهيتحقق حلمك
نذير
شفاعة قبيلتك والعفو عني. بعد ما كنت السبب في حرق خادم القبيلة الاول. وبالغلط
العنقماء
حصل ونولت الشفاعه. يا نذير
وبدات العنقماء وهي في صورة انجي تبص في المرايا وتضحك. ,,,,
وبعدها بساعه بالظبط كان عزيز بيملي طبق مية وحطة في الشارع واستني لغاية الكلب ما شرب منه وخد الطبق ومشي وروح بيتة وتاني يوم دخل الحمام واستحمي بالمية دي ولبس جلبية علي اللحم وخرج من البيت وركب عربيته وراح ل نذير في الميعاد المحدد واول ما شافة نذير قال
ميعادك مظبوط.
عزيز
الحب يعمل اكتر من كدة
بص له عزيز وقال
جاهز لبداية الطقوس
عزيز باصرار شديد
جاهز
نذير بدأ يتحرك وهو بيقول
تعالي ورايا
وبدأ عزيز يمشي وراء نذير لغاية ماوصلو عند مقبرة مفتوحة وقف عزيز وقلبه اتقبض من غير ما يبص له نذير قال
كمل واوعي تقف
اتردد عزيز للحظات لكنه بدا يتحرك ونزل المقبرة وراء نذير وداخل المقبرة بدات الطقوس وانتهت وخرج عزيز من المقبرة جري ونذير وراء منه وبيضحك وبيقول
قلبك ضعيف اوي
عزيز اللي كان مرعوب
عايزني ادخل مقبرة واشوف خيالات سوداء بتتحرك ورمل بيترفع ل فوق وما خفش
نذير
العشيرة بتزفك علي عروستك انجي
عزيز
دي زفة اية دي اللي توقف القلب
نذير
خلاص الجزء الصعب خلص ومن بكرة انجي اول ما هتشوفك هتترمي تحت رجلك
عزيز
بجد. دة انت يبقي ليك ضعف اللي تطلبه
نذير
الفلوس عندي مش كل شئ المهم انك هتكون مبسوط
ومشي عزيز وتاني يوم راح المصنع وشاف العنقماء في صورة انجي وطبعا حب اية وغرام اية. الطقوس اللي عملها عزيز خلته هو اللي يتعلق ويحب العنقماء علي انها انجي ولو شاف انجي الحقيقة في المصنع يتخيل لي انها واحدة تانية واتجوز العنقماء وعاش معها اسبوع بحاله لكنه لاحظ انه طول ما هو معها ما كنش بيسمع الاذان استغرب اوي وبدأ يسال نفسه كتير لية وهو معه ما بيسمعش الاذان وهنا رجع ل نذير وقال
انت الوحيد اللي تقدر تقولي اية معني اللي بيحصل دة
نذير
اسمع يا عزيز انت طلبت تتجوز انجي وانا جوزتهالك اكتر من كدة ماقدرش اعمل لك حاجة
عزيز
اومال لية ما بسمعش الاذان.
نذير
ما عرفش وما عنديش تفسير
هنا ظهرت العنقماء في صورة انجي وقالت وهي بتبص ل عزيز
اشهد لك انك اذكي رجل اتعملت معه. رغم وقوعك تحت تاثير السحر الا انك قدرت تلاحظ ان الاذان متحرم عليك تسمعه علشان ببساطة. انت بقيت منبوذ
عزيز
انتي مش انجي
اتحولت العنقماء من صورة انجي ل صورتها الحقيقة وقالت
انا مراتك من الجن الملكة العنقماء. وام ابنك سلطان
عزيز. وهو مصدوم
لا. مستحيل تكون دي الحقيقة.
العنقماء
هي الحقيقة وكلها كام شهر وسلطان يجي ومعه استعيد شبابي اللي ضاع مني بموت ابني الاول
عزيز
انا ابني بكون من الجن
العنقماء
الجنس الافضل.
عزيز
اسكتي انا احرقك قبل ما تفكري تولدي عيل ملعون زي دة
العنقماء
هولده وبايده هيخلص عليك. وانت بلا حيلة وهدفعك ثمن انك تقول لا. للعنقماء
وبدات العنقماء تدخل عزيز جوة تابوت وقفلت التابوت علية وهي بتقول
هخلي سلطان يكرهك علشان موتك يبقي سهل.
وفضلت العنقماء تضحك. ونرجع تاني ل سلطان مع احفادة وكان بيقول
وبقيت رضوي اللي حبيتها وهي مخلوقة من جهنم.
في الوقت دة تظهر العنقماء وتقف وراء سلطان اللي كان بيبص للحيطة اللي عليها رسمة ل فاروق ورسمة ل شيرين ورسمة ل عماد ورسمة ل عزيز الحيطة عليها كل الشخصيات اللي قابلها سلطان فتقعد العنقماء قدام منه وتقول
كل ما اسال عليك يقولو انك هنا وقاعد مع شخصيات من خيالك
بص لها سلطان
حتي الخيال متحرم عليه في ايام خروجي من التابوت اللي انتي حبساني في
العنقماء
نفذ اللي بطلبة منك وانت تبقي حر
سلطان
عايزا تستخدميني في سحرك الاسود
العنقماء
عايزاك تتجوز انسية علشان شبابك يرجع.
سلطان
وانا مش عايز
العنقماء
بطل عند بقي. انا امك والملكة بتاعتك وعايزا مصلحتك
سلطان
وانا مش هعمل زي ما انتي عملتي في والدي وخلتيني اقتله علشان تعيشي انتي
العنقماء
غبي. وهتفضل غبي. عديت سنين عمرك وانت مسجون في تابوت الجبل تحت سابع ارض ومش عايز تتحرر وكل اللي بتعمله في ايام الخروج من التابوت تحكي لشوية رسومات علي اللي كنت نفسك تحققه.
سلطان
ولية ما تقوليش اني بفكرك ديما باللي انتي عملتي فيا.
صرخت العنقماء في سلطان وقالت
سجين تابوت الجبل
وبدأ يتلاشي جسم سلطان لكنه رمي ورقة جوة ازازة في نهر رسمة علي الحائط والنهر بدأ يتحرك ويتحرك وابتلع الازازة.
وفي نفس الوقت كان سلطان يدخل جوة تابوت واخر شئ بيشوفة قبل قفل التابوت هو جبل الجن اللي موجود تحت سابع أرض. ويقفل التابوت علي سلطان وتصبح الظلمة هي كل ما تبقي ل سلطان. وللسنة ال 75. يفضل سلطان سجين التابوت، ،،،،،،،،،
وبعدها بيومين ووسط النيل تظهر الازازة اللي رماها سلطان فتعدي مركب جنب الازازة ويمد شخص علي المركب ايدة ويمسك الازازة ويفتحها ويطلع الورقة ويبص فيها ويقول
جبل الجن.
ويرمي الازازة باللي فيها،،،،،،،،،،
ولغاية هنا تخلص حكاية سلطان والجبل اللي يارب تكون عجبتكم. مستني تعليق كل اللي شرفني وقراء القصة ،،،،،،،،،،،
إرسال تعليق