فراق وحرمان
★الحلقة الثامنة★
.
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
المشهد الاول
★مكتب سامح★
نرجع ل اسامة وسامح ويقول اسامة وهو مصدوم
وازاي بقي انت ميت وانا شايفك قدام مني واقف علي رجلك.
سامح
اوقات عيونا ما بتشوفش الحقيقية. لكن انعكاس صورتي في المرايا اللي وراك هيعرفك انا مين
اسامة باستهزاء
اية يعني عفريت ولا روح سامح
سامح
شوف بنفسك في المرايا اللي يخليك تعرف انا مين
اسامة من لهجة سامح صدق وبدأ يلف وشة ناحية المرايا الموجودة في المكتب علشان يشوف في المرايا سامح ماسك طفاية سجاير وبيستعد علشان يضربه بيها لكن اسامة بسرعه رد فعل انحي بجسمة ولف نفسه بسرعه وضرب سامح بالرجل في بطنه قدر يطيح بي ومن قوة الضربه اتخبط في الحيطة راح ناحيتة اسامة ولف ايدة حوالين منه وقال
دة اللي ربنا قدرك عليه
سامح
ابوس ايدك سيبني اهرب وقول انك ما قدرتش تمسكني وانا هديك نص ما املك
اسامة
ياريت ينفع يا سامح باشا
وسحبة اسامة قدام منه وهو لافف ايدة حوالين ظهرة وخرج بي من المكتب، ،،،،،،،،،،،،،
المشهد الثاني
★مكتب التحقيقات★
اسامة وشريف قدام منهم سامح. وشريف بيقول
ما كفاية عند بقي يا سيادة اللواء وقول الحقيقة
سامح
الحقيقة لو اتقالت هيكون ثمنها رقبتي
شريف
وهو الإنكار اللي هيضمن لك حياتك انت في الحالتين خسران يا سيادة اللواء فأحسن لك تقول اللي يوصلك ل أقل الضررين
أسامة
واضح ان سامح باشا. بيضيع وقت عقبال ما يألف قصة تانيه يحكيها غير القصة اللي حكها ليا وقال اية مات في آخر القصة.
سامح
ما عنديش كلام يتقال شوفو الإجراء اللي جاي اية وخلصوني من الحكاية دي
بص شريف ل اسامة فقال أسامة ل سامح
سامح باشا عندي ليك صفقة تخلصك من المطب دة ونطلع كلنا كسابنين
سامح
اية هي الصفقة دي
اسامة
في الأول قولي انت اللي قتلت سمر
سامح
والله العظيم ما انا
شريف
مين اللي قتلها
سامح
جدها صادق
اسامة
طيب ما انت في السليم اهو احكي لنا بقي اية اللى حصل ليلتها
سامح
أسامة بلاش تلعب معايا لعبة القط والفار قولت انك عندك ليا صفقة. قول اللي عندك لاني مش هقدر اقول اي كلمة تاني. تخص الليلة دي
أسامة
ماشي انا عايز اعرف مكان دكتور صادق ارجع رحاب يلبس هو القضية يدخل السجن حكم إعدام وانت تبقى شاهد ملك. وتفضل سيادة اللواء
سامح
ما عرفش مكانه دة انا اصلا ما كنتش اعرف انه عايش الا لما انت روحت فتشت فلبته اللي في فايد ووقتها هو اتصل بيا وقالي ابعدك عن الفيلا والباقي انت عارفه مش محتاج اعيده تاني
شريف
بحكم ان دكتور صادق صديق عمرك ف انت اكيد روحت فيلا فايد كتير
سامح
كنت كل صيف بروح اقضي كام يوم مع صادق
شريف
تفتكر أن ممكن يكون فيها اوضة سريه
سامح
وصادق هيعمل اية بالاوضة السرية
أسامة
هو مش صاحبك اكيد تعرف هو ممكن يعمل اية باوضة سرية
سامح
لو في اوضة سرية كان قالي.
أسامة
طيب لو ما فيش اوضة عرف ازاي اني دخلت الفيلا
سامح
ما عنديش اجابه
أسامة
طيب مراته ألفت ما تعرفش
سامح
ألفت ما تعرفش غير اللي انا اعرفه
شريف
انا من رأيي اننا نستدعيها ونسالها
سامح
ابعتي اختي ألفت عن الحكاية دي
شريف
ما هي متهمة زي ما انت متهم
سامح
متهمة بأية
شريف
لية ما تكنش هي اللي قتلت سمر
سامح بحدة
قولت من شوية أن اللي قتل سمر صادق
شريف
و اية اللي يثبت لنا أن دي الحقيقة. لازم نسالها
سامح
من فضلك بلاش
أسامة
انت خايف نسألها لية اية اللى تعرفو ألفت يخوفك كدة
سامح
مافيش اهي عندكم اسالوها.،،،،،،،،،،،
المشهد الثالث
**شقة شيرين**
وكانت شيرين وفريدة قاعدين قصاد أسامة اللي كان بيقول
وبعتنا جبنا ألفت وما وصلناش ل اي جديد هو نفس الكلام صادق هو اللي قتل سمر
شيرين
معقوله في جد يقتل بنت ابنه
فريدة
ويقتلها لية
أسامة
سألنا كل الأسئلة دي في التحقيقات وصلناش ل اي اجابه كلهم خايفين يحكوا اية اللى حصل ليلتها
شيرين
أسامة فين جثة سمر
أسامة
مدفونه قريب من فيلا اللواء سامح في مقابر تخص عيلته
شيرين
طيب انا عايزها
أسامة
هتعملي بيها اية
شيرين
قلبي بيقولي أن صادق مخلي معه رباب بدل سمر اللي قتلها ب ايدة
أسامة
نوع من الاحساس بالذنب
شيرين
حاجة زي كدة
فريدة
طيب جثة سمر هتفيدك في أية
شيرين
لو قدرت اعيد ليلة الحادثة واروح ل فيلا صادق وأطلب المساعدة مش ممكن يخرج من المكان اللي مستخبي في ووقتها لما يشوف سمر اقدر أساومة على رجوع بنتي قصاد انه ياخد سمر
اسامة
ياخدها ميته
شيرين
وقتها مش هيشوفها ميته. لأنها هتتكلم
إسامة
هو في ميت بيتكلم
شيرين
هنخليها تتكلم
أسامة
دي فكرة مجنونه ومش مضمون نجاحها
شيرين
أسامة ساعدني من فضلك دة آخر امل ليا أن يكون جوة الفيلا وهو اللي يفتح بس أمر العساكر اللي هناك يمشوا علشان يحس ان القضية خلصت واني بطلت ادور على بنتي دي بنتي وضاعت مني وانا بإذن الله اللي هرجعها
فريدة ل أسامة
انا شايفة اننا نجرب مش هنخسر حاجة
إسامة
خلينا طاوعتك وطلعت لك البت من قبرها تقدري تقولي هنخليها تتكلم ازاي،،،،،،،،،،،
المشهد الرابع
**فيلا صادق**
أسامة ومعه شيرين قاعدين قصاد ألفت والفت بتقول
في شرايط فيديو كتير ب صوت سمر لأنها كانت بتحب تغني وصادق كان بيحب بصورها وعادل ابني اكتر من مرة يقعد ويتكلم معه ويسجل لها ويقول الحاجات دي كلها بتبقى ذكريات جميلة بس لية عايزين شريط يكون في صوتها واضح
أسامة
دة شغل المباحث بقى واحنا هنا بصفة ودية ومش عايز لحضرتك الشوشرا
ألفت
ولو رفض
أسامة بابتسامة ثقة
ابعت لحضرتك ظابط واتنين عساكر وبوكس ياخد حضرتك وكل الشرايط اللي عندك لأنها دليل يمكن يعرفنا مين قتل سمر
ألفت
قولت صادق قبل كدة
اسامة
حقك تقولي وحقي اني ما صدقش حضرتك واشك فيكي كمان
شيرين
ملَهوش لزوم يا اسامة دي ست كبيرة ومش هتستحمل البهدلة
وتبص بطرف عينها ل ألفت وتقول
هي هتجيب لك الشريط. وياريت صوت واضح ولو في أي حوار بينها وبين جدها أو ابوها
أسامة
انا من رأيي تجيبي اكتر من شريط واحنا نختار منهم
ألفت جست على سنانها وقامت تجيب شريط،،،،،،،،،،
المشهد الخامس
**شقة شيرين**
شيرين وأسامة وفريدة قاعدين قصاد يتفرجو على شرائط الفيديو اللي خدوها من ألفت لغاية ما شافو فيديو ل عادل وهو بيلعب مع بنته في عيد ميلادها قبل مايجي الضيوف وظهر في الفيديو صادق ومعه علبه وقال
حزري فزري انا جايب لك ابة في العلبة دي
سمر
اية
صادق
قولي انتي انا جايب اية
سمر
افتح يا جدي صادق بقي لو بتحبني
وقفت شيرين الفيديو عند الجملة دي وقالت
هي دي اللي انا عايزها
وجابت وكمن من جنبها وكانت حطة في شريط فاضي وسجلت الجملة دي وشغلتها من الوكمن وقالت وهي بتبص ل أسامة
كدة ناقص لنا جثة سمر،،،،،،،،،،،
المشهد السادس
**فيلا فايد**
وشيرين بتدخل من بوابة الفيلا وعلى ايدها جثة سمر وكانت ورغم أن شيرين كانت مرعوبة الا انا تمالكت نفسها ودخلت ل غاية باب الفيلا الداخلي بعد ما بصت ناحية الأشجار المستخبي وراء منها أسامة وفضلت تخبط وهي بتقول
من فضلكم ساعدوني بنتي على ذراعي مصابه
وفضلت تخبط وتخبط وداست على زرار التشغيل في الوكمن وطلع صوت سمر وهي بتقول
افتح يا جدي صادق بقى لو بتحبني
وفضلت شيرين تكرر الصوت على أمل أن صادق يفتح لكن الباب ما اتفتحش واليأس أتملك منها وقررت تمشي وقبل ما تمشي تسَمع،،،،،،،،،،،،،،،،
خلصت حلقة النهاردة واستنوني بكرة بإذن الله والحلقة الأخيرة
تحفه تحفه تحفه
ردحذفايه الروعه دي تحفه جدا
ردحذف