خوخا وقطر السنين
★الحلقة الثانية عشر★
من تاليفي، ،
محمد منصور. * منص *
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
المشهد الاول
★اوضة شاكر★
بعد ما مشيت خوخا من عنده دخل وقفل الباب وقالت امه
فهمني يا ابني الله يسترك مين دي واية حكاية حاتم وعاطف دول
شاكر
امي ما تصدقيش اللي قالته اللي كانت هنا.
حميدة
انا لا هصدق ولا هكذب انا عايزا اطمئن عليك وخلاص دة انا ماليش غيرك في الدنيا دي
شاكر
انا بخير دول ما انتي بخير. وما بعملش اي حاجة تخليكي تخافي عليه
حميدة
وانا عارفة ابني وعارفة انا مربياك ازاي. بس والنبي
يا شاكر بلاش توجع قلبي عليك
شاكر
متخافيش، ،،،،،،،،،،،،
المشهد الثاني
★الشارع★
شاكر كان واقف مع الصنيعية اللي بيجهزوا المحل علشان يكون مطعم تيك اواي وقت ما عدي عليه شعبان وكان بيبص للمحل ول شاكر وكان محتار يقول له شكرا ولا ما يقولش لكن شعبان قرر يروح. ل شاكر اللي كان مدي له ظهرة وقال
ازيك يا شاكر يا ابني
بص له شاكر وفرح اوي انه شافة وقال
استاذ شعبان انا بخير والله
شعبان بص للمحل اللي بيتجهز وقال
مبروك ما بتعمل
شاكر
الله يبارك فيك. اهو بحاول ما بقاش مجرد عامل في مطعم
شعبان
دة انت زعلان بقي
شاكر
انت ما قولتش اي حاحة غلط انا فعلا كنت عامل في مطعم وناويت اكون صاحب مشروع صغير يمكن يكون فتحة خير عليه
شعبان
طيب انا كنت عايز اقول لك شكرا علي اللي عملته. خوخا الحمد لله خفت
شاكر
لسة بدري اوي علي كلمة خفت. مريض الفصام ما بيخفش بسرعه كدة. وعلاجة ببفضل ل سنين. اتمني انك تديني فرصة اكمل علاجها
شعبان
بص يا ابني لو وقفتي معاك هطعمك فيا وفي بنتي اعتبرني ما وفقتش معاك.
شاكر
لية بس بتقول كدة. لية بتعاملني كاني ولا حاجة. انا والله مش عايز ل خوخا الشر
شعبان وشة اتقلب وقال
خوخا
شاكر بارتباك
الانسة خوخا. انا اسف.
شعبان بقلبة وش
بعد كدة ابقي خلي بالك
واستعد شعبان للانصراف فقال شاكر
قبل ما تمشي اسمع مني الكلمتين دول ل وجه الله.
شعبان
انا مستعجل
شاكر
هي دقيقة مش اكتر
وقف شعبان قال شاكر
الانسة خوخا لسة تعبانه ومحتاجة علاج ولو فاكر انها بقت كويسة تبقي غلطان هي تبان كويسة انما مش دي الحقيقية. لو المشكلة معايا انا في انك مش عايزني اقرب منها. وديها لاي دكتور تاني بس بلاش تهمل في علاجها. واوعي تقعد لوحدها. خليكم ديما معها. واتكلمو معها في اي حاجة خلوها تنسي اللي حصل ل حاتم وعاطف. والا الحالة هتبقي سيئة جدا. اسوء مما تتخيل. المريض النفسي ما ينفعش نواجه او نفكره بسبب مرضة.
شعبان بجحود
شكرا علي النصيحة
وسابة شعبان ومشي. وشاكر عمال يبص له ومستغرب هو لية مش عايزة يعالج خوخا حتي بعد ما اتاكد انه يقدر لكن شاكر رجع تاني يبص للصنيعية. ،،،،،،،،،،
المشهد الثالث
★شقة شعبان★
كان شعبان قاعد في الصاله بيشرب فنجان قهوة وعينه علي خوخا اللي قاعدة مع سحر بيتكلمو وكلام شاكر خلي يحتار يا تري هي فعلا بقت كويسة ولا لسة محتاجة علاج. قعدت جنب منه انعام وقالت
شعبان مالك
شعبان بص لها وقال
مالي
انعام
قاعد تشرب فنجان القهوة وعينك ما نزلتش من علي خوخا
شعبان
نفسي اطمئن عليها
انعام
ما هي بقت بسم الله ماشاء الله زي الفل رجعت وردة منورة. رجعت خوخا بتاعت زمان
شعبان
اومال هو لية قالي انها لسة محتاجة علاج
انعام
هو مين
شعبان
اللي اسمه شاكر
انعام
انت روحت له
شعبان
قابلته في الشارع وقولت اعمل بنصحيتك واقوله شكرا لقيته بيقولي انها لسة ما خفتش وعايز يكمل علاجها
انعام
طيب ما تخلي يكمل طالما هو شاطر كدة
شعبان
يكمل اية. الواد دة عايز يقرب من خوخا وخلاص اللي يعرض نفسه للموت يبقي حكايته مش حكاية علاج وخلاص دي حكاية اكبر من كدة
انعام
تقصد انه بيحبها
شعبان
لية لا.
انعام
لو طلب الحلال اهلا بي
شعبان بحدة
اهلا بمين يا انعام هي خلاص خوخا بقت رمية ادايها للي زي شاكر
انعام
وهو ماله بس
شعبان
معه ثانوي وبنتي مؤهل عالي. شغال عامل في مطعم وقاعد هو وامه في اوضة فوق سطح
انعام
وعرفت منين هو قاعد فين
شعبان
سالت علبه صاحب المطعم. اللي هو شغال في
انعام
ولو هو ابن حلال فيها اية لما يكون جوز بنتك
شعبان
اجوز خوخا ل عامل
انعام
غريبة ما انت من كام سنة اتجوزت بنت بياع الجرجير
ولا نسيت
شعبان بحدة
انعام خوخا مراتي مافيش حد زيها. اوعي كلامك يقلل منها
انعام
ما حدش قلل من خوخا مراتك
شعبان بعصبية اكتر
كون ان انتي تقارني خوخا ب شاكر دة يقلل منها الف مرة ومرة. وحسك عينك خوخا تتشبة بحد. حتي لو انتي
انعام اتوجعت وقالت
حتي انا
سحر وخوخا راحو علي الصوت وقالت سحر
في اية مالكم
شعبان
مافيش
وسابهم شعبان ودخل اوضتة وانعام فضلت باصة ناحيتة قالت خوخا
في اية
انعام ابتسمت ومسحت الدمعة اللي هربت وقالت
ما فيش حاجة حصلت. روحو شوفو كنتو بتتكلمو في اية
سحر
لا في اية اللي حصل ومين شاكر دة اللي شبهتي ب ماما خوخا
خوخا
شاكر دة اللي كان هنا يوم ما ضربته بالسكينة صح
انعام
هو.
خوخا
ماله ومالكم بقي.
انعام
ما تشغليش بالك
خوخا
ازاي يعني ما شغلش بالي انا شوفته مرتين تلاته وفي الكام مرة اللي شوفته فيهم كان هيموت بسببي. ورغم اني كنت فاكرة اشكرة علي كل اللي عمله لكني نسيت خالص اعمل كدة. دة انا نسيت خالص اني شوفته لولا انكم قولته اسمه. انا ازاي انسي اصلا
سحر
هو دة اللي انتي زقتي من فوق الكوبري وقع في المية
خوخا
هو. وهو برضو اللي لحق السكينة قبل ما تيجي في صدري وكان ممكن يروح فيها.
انعام
طيب خلاص كفاية كلام بقي. وروحو شوفو كنتو بتعملو اية
خوخا
مش نعرف الاول اية حكايته ولية اسمة اتحط في جملة واحدة مع امي
انعام
خوخا انا مش فايقة وما عنديش كلام اقوله.
وقامت انعام ودخلت اوضة بودي. وسحر بصت ل خوخا باستغراب شديد وقالت سحر
انتي فاهمة حاجة
سحر
لا.
خوخا
يبقي انا لازم افهم ولو مش منهم يبقي منه
سحر
نسيت اقولك صحيح مش كريمة جالها عريس. وخطوبتها بعد بكرة
خوخا استغربت وقالت
عريس من غير ما تقولي
سحر
هتقول لك ازاي بحالتك اللي كنتي فيها دي
خوخا
ايوة صح. اما البس واروح ابارك لها، ،،،،،،،،،،،
المشهد الرابع
★شقة كريمة★
وقت ما كانت مني قاعدة بتحضر الغداء تسمع صوت خبط علي باب الشقة ندهت علي كريمة وقالت
تعالي افتحي يا كريمة
كريمة
مش فاضية بصبغ شعري علشان الخطوبة
مني وهي بتقوم
افتح انا
وراحت مني فتحت علشان تشوف خوخا اتصدمت وقالت
سلاما قولا من رب رحيم
خوخا استغربت وقالت
في اية يا طنط شوفتي عفريت
مني
لا شوفت ملك الموت
خوخا اضيقت وفهمت هي تقصد اية لكنها قالت
هي كريمة هنا
كريمة سمعت صوت خوخا فرحت اوي وخرجت من اوضتها جري والصبغة علي شعرها وقالت
تعالي يا خوخا خشي
مني
هتخش فين بس
كريمة زقت امها بعيد عن الباب وقالت
وسعي يا ماما مش كدة
ودخلت خوخا وكريمة قالت
عايزا اخدك بالحضن لكني هبهدلك بالصبغة
خوخا ابتسمت وقالت
انا عرفت ان خطوبتك بعد بكرة جيت ابارك لك
مني
مش عايزين. يا قدم الخير.
كريمة احرجت وخوخا بصت ل مني وقالت كريمة
خوخا خشي اوضي وما تزعليش من ماما دي بتهزر
مني
لا. ما بهزرش انا عايزا الجوازة تتم مش بدل ما روح لك الصبحية بصنية الاكل نروح الترب بقرص علي روح خطيبك
خوخا باست كريمة وقالت
مبروك يا كريمة
وخرجت خوخا جري من الشقة. وسمعت باب الشقة بيترزع وراء منها قعدت علي السلم تعيط وبحرقة وسمعت مني بتقول
انا قايلة لك البت دي اياكي تعرفيها تاني. دي بومة لا دي غراب البين.
كريمة
يا ماما مش كدة
مني
وكتاب الله لاهبقي امك ولا اعرفك لو عرفت انك بتكلمي قدم الشؤم دي انتي فاهمة
نزلت خوخا علي السلم جري مش قادرة تستحمل، ،،،،،
المشهد الخامس
★اوضة خوخا★
خوخا رجعت من عند كريمة وفتحت باب اوضتها ودخلت وقفلت الباب وراء منها بالمفتاح واترمت علي السرير وفضلت تعيط وكلام مني في ودانها كلام خلي خوخا مش قادرة ولا حابة تسمع اي كلام تاني. وفضلت تعيط وتعيط لغاية ما حست بايد بتمشي علي شعرها قامت وبصت مالقتش حد ف قالت
مين
خوخا التانية
انا خوخا اللي انتي قلبتي عليها
خوخا
انتي اللي كنتي عايزا تقتليني
خوخا التانية
كنت غلطانه وجاهزة اصلح كل اللي فات. وجاي لك وناوية اقدم ليكي دنيا جديدة مافيهاش اي ذكري مؤلمة من اللي فاتت.
خوخا
دنيا جديدة
خوخا التانية
احلي دنيا. فيها خوخا اللي تستاهل تعيش. هتيجي معايا
خوخا
معاكي. ،،،،،،،،،،،،،،،
المشهد الخامس
★شقة شعبان★
بعدها بيومين الساعة 2. ص. تقريبا شعبان كان في الحمام خرج من الحمام لقي حد بيخرج من الشقة وبيقفل الباب وراء منه راح بسرعه ناحية باب الشقة وفتح الباب وقال
مين
شاف خوخا نازلة علي اخر درجات السلم وهي مسيبة شعرها وبتخرج من البيت فضل ينادي عليها لكنها ما كنتش بترد. كان لابس ملابسة الدخلية دخل اوضة بسرعة لبس جلبية تسترة وخرج جري من الشقة، ،،،،،،،،،
المشهد السادس
★الشارع★
شعبان بيخرج من باب البيت وهو زي المجنون وبيبص يمين وشمال بيدور علي خوخا وشاف خوخا بتضحك بصوت عالي وبتركب عربية ملاكي بس كانت بعيد شوية وجوة العربية شاب بيحضن خوخا وجري ناحية العربية وهو بينادي باعلي صوته
خوخا. خوخا.
والعربية اتحركت فضل يجري وراء العربية لغاية ما نفسه اتقطع وشاف رقم العربية وحفظة وما بقاش عارف يعمل اية بنته ضاعت قدام منه حط ايدة علي دماغه والحسرة اتمكنت منه،،،،،،،،،،،،،،،،
اوعو العربية اللي ركبتها خوخا تنسيكم التعليق ل منص. اخوكم انا برضو
حن عليكم التعليق الله يخليكم
خلصت حلقة النهاردة اللي يارب تكون عجبتكم. سلام
بتجنننننننن ممتعه جدا
ردحذفتحفه يا اديبنا الكبير تحياتي
ردحذفجميلة
ردحذفبالتوفيق إن شاء الله
ردحذفتحفه تحفه تحفه
ردحذف