سفاح بنات ثانوي
★الحلقة الثامنة★
الاخيرة
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
من بيت تشوي في المدينة يقعد تشوي اللي خيط الجرح اللي في كتفه قدام هوديا علي سفرة وكان بياكل طبق لحم. وعمال يبص ل هوديا وليبص لطبق اللحم اللي قدام منها وبيقول
هتفضلي من غير اكل
هوديا بص له وساكتة وهو بيبتسم لها وقال
تعرفي ان لولا هروب امك. وهي حامل فيكي انتي ما كنتيش هتبقي من اهل الدنيا
هوديا
كنت هتقتلني وانا طفلة
تشوي
وانتي رضيعة. زي ما عملت فيا امي كنت هعمل فيكي
هوديا
بتنتقم مني علشان اللي عملو غيري فيك
تشوي
عادي ماهما كانو عايزين يقتلوني.
هوديا
هما مين
تشوي
اللي اتولد في زمنهم. لكني قدرت اخد حقي منهم ومن نسلهم
هوديا
وانتقامك منهم رجع لك حقك. دول خلوك مشوهه
بص تشوي ل وشة في مرايا الصاله فقالت هوديا
مشوة من داخل. جسم انسان لكن عقل وقلب حيوان
تشوي
اللي ربتني خلتني كدة. والسبب امي اللي رمتني
هوديا
تشوي. معني العدل. ومن العدل انك تحرمني من حياتي لمجرد تصفية حساب قديم انا برئية منه
تشوي بص لها وهو بياكل حتة لحمة وفضل ساكت. وهي قالت
انت ما تعرفش ان بحبك قد اية. دة انت مثلي الاعلي. وكمان. تطلع والدي
تشوي
انا ما نفعش اكون اب ليكي او ل غيرك
هوديا
بس انا عايزاك ليا اب
ومسكت ايدة بحنان شديد بص لها تشوي وبص ل ايدها ويدأ يتاثر لكنة سحب ايده من تحت ايدها وقال
ادخلي نامي وبكرة الصبح هنروح البنك تفتحي الخزنة اللي باسمك وتسحبي نسخة الفيديو الاصلي
هوديا
دة لو طلع عليك صبح
وغرزت الشوكة في ايدة. ومسكت طبق الشوربة اللي قدام منها ورمته في وشة. اتوجع تشوي لكن هوديا كملت علية وضربته بالطبق الازاز في وشة. وقع بعدها تشوي علي الارض غرقان في دمه قامت. هوديا بسرعه وراحت ناحية باب البيت لقيته مقفول بالمفتاح حاولت تفتح الباب ما عرفتش قام تشوي وهو في منتهي الغضب وبص لها وهو دايخ وحاول الهجوم عليها لكن هوديا لقت شباك ازاز في وسط الريسبجين بيطل علي جنينة البيت راحت ناحية الشباك دة ودخلت في بجسمها كسرته وبقت برة البيت
اتوجعت وحاولت تطلع رايش الازاز المكسور اللي دخل جسمها وبصت لقت تشوي بيخرج وراء منها من الشباك المكسور وفي ايدة البلطة قامت بصعوبه وبدات تجري وهي مش قادرة وهو وراء منها وكان برضو مش قادر مطاردة بدات وانتهت سريعا لان تشوي وقع علي الارض فاقد الوعي وهوديا خرجت للطريق السريع وحاولت توقف عربيه لكن ما حدش وقف فضلت تمشي في الطريق مش عارفة هي رايحة فين. اول مرة تنزل المدينة لكنها فضلت ماشية قاصدة وسط المدينة وبنك كوريا. وميعاد لقائها مع ماي. ،،،،،،،،،
في نفس الوقت كانت يون في مكتبها اللي في المطعم وكانت بتقول ل بيكان
انت مجنون ترفض عرض زي دي بملايين
بيكان
عايزاني اساعدك في الخلاص من تشوي. هو احنا نقدر نخلص عليه
يون
مش احنا اللي هنخلص عليه. دي عصابة المسار المكلفة بالخلاص من السفاح اللي قتل بنت رئيسهم
بيكان
هما عرفو ان السفاح هو تشوي
يون
ما حدش عرف لكني عرفت ان اللي هيساعدهم في معرفة السفاح والخلاص منه هيكون لي منهم ملايين كهدية
بيكان
وهما هيتاكدو ازاي ان تشوي هو السفاح مش ممكن يشكوا اننا هنخليهم يخلصو من اي شخص
يون
لازن يعترف بانه هو سفاح بنات ثانوي قبل ما يخلصو عليه. ونقبض ثمن الدم اللي هيسيل منه
بيكان
ولو ما قدروش يخلصو عليه وقتها هيعرف ان احنا اللي عرفناهم حقيقته وهتكون نهايتنا
يون
هيخلصوا عليه انا متاكدة. لاني هسلمو ليهم بعد ما حط له المخدر في طبق شوربة الخضار المفضل لي بكرة الصبح وقت احتفال اهل المدينة بعيد التحرير
بيكان
الصبح وقت العيد
يون
دة احسن ميعاد مش هيكون في حد في المطعم وصوت الناس في الشارع هيمنع اي حد يسمع اصوات اللي جوة المطعم
بيكان
انا خايف
يون
ما تخفش واتصل بي وقول ان امك يون في انتظاراك للاحتفال بالعيد سوي
بص بيكان ل يون. وكان مغلوب علي امره فقالت يون بحدة
اتصل،،،،،،،،،،،
ومن جنينة بيت تشوي كان تشوي لايزال مغمي عليه وموبيلة بيرن فتح عيونه وبص ناحية الييت وهو مش مستوعب هو فين وحط ايدة علي الجرح اللي في دماغه وبص حوالين منه علي هوديا وقام دخل الببت ورد علي بيكان وقال
الو
بيكان
صحيتك من النوم ولا اية
تشوي
لا. عايز اية بيكان
بيكان
امك يون مستنيك الصبح للاحتفال بالعيد
تشوي استغرب وقال
امي يون
هنا سمع صوت يون بتقول
وهحضر لك بنفسي طبق شوربة الخضار المحبب ليك
ابتسم تشوي وقال
للدرجة دي
يون
واكتر من كدة. فنان كوريا الاول لازم يتعامل معاملة الملوك
تشوي
غريب امرك امي يون
يون
كل ما هو غريب في الدنيا اصبح طبيعي
وهنا تقع عين تشوي علي ظهر الجاكت بتاعه واللي مكتوب عليه ورغم انه اتمسح لكن كان باين بعض الحروف. وراح ناحية الجاكت وهو بيقول في الموبيل
جاي بكرة.
وانهي المكالمة ومسك الجاكت وبص للكحل المكتوب بي الرساله وقال
ذكية هوديا. ،،،،،،،،،،،،
ومن القرية كانت ماي بتدخل البيت وهي لسة متاثرة بالجرح اللي في دماغها ووقفت قدام مرايا الحمام ويدات تغسل وشها وتنزل الدم الناشف المختلط
ب الطين وافتكرت رساله هوديا علي جاكت تشوي. وربطت دماغها بشاش وراحت ناحية جثة شيوان غطتها بملايا وهي بتعيط. وراحت ناحية المطبخ ومسكت الساطور وحطته وسط هدومها وخرجت بي من الييت. قاصدا بنك كوريا وسط المدينة، ،،،،،،،،،،
ويطلع النهار والساعة تدق 9. وتظهر هوديا قصاد البنك وبعدها تظهر ماي. راحت عليها جري وخدتها في حضنها وهي بتقول
انتي كويسة
هوديا
انا خايفة امي ماي
ماي
متخافيش انا معاكي
وهنا يظهر تشوي وهو لابس ماسك علشان ما حدش يعرفه ويقف قدام منهم ولسة هيقرب منهم تجري ماي وهي ماسكة ايد هوديا وكان الاحتفال بالعيد ابتدي والشارع بقي مليان ناس والاحتفالات علي اخرها وتشوي وراء منهم واستمرت المطاردة من شارع ل شارع لغاية ما قدر تشوي الوصول ليهم وغرز ابرة مخدر في رقبه ماي. ووقعت ماي مغمي عليها وبصت ل هوديا وقال كاذبا
السم اصبح بيسري في دم امك. وقدامها ساعة بالظبط وبعدها هتموت. الا لما خدت مني المصل
بصت هوديا ل ماي وصدقت فعلا انها مسمومة فقالت
ل تشوي
ارحمها.
تشوي
وصليني لنسخة الفيديو الاصلي وانا ارحمها
هوديا
ما فيش فيديو انا كنت بخدعك. اديها المصل
هنا يرن موبيل تشوي واللي بيتصل كان بيكان بص للموبيل وقال ل هوديا
بتخدعيني
هوديا وهي حاضنة امها وخايفة ل تموت
ايوة بخدعك. اديها المصل وابعد عننا
تشوي
حظك اني مش فاضي دلوقتي. بس تعالي معايا نروح مشوار وبعدها نكمل كلامنا
هوديا
انا مش هروح معاك في اي مكان قبل ما تدبها المصل
تشوي
ممكن تفضلي جنب منها وانا مش عايزك تيجي معايا
ومشي تشوي خطوتين جريت وراء منه هوديا
هاجي معاك ،،،،،،،،
وبعدها بشوية تقف عربية تشوي قدام مطعم يون فيبص ل هوديا ويقول
حابب اعرفك. علي اللي خلتني وحش
هوديا وهي بتعيط وبتبص ل ماي
مش عايزا اتعرف علي حد. ابوس ايدك رجع لي امي
تشوي
للدرجة دي بتحبيها
هوديا
امي. وماليش غيرها في الدنيا
تشوي
كنت اتمني وانا في سنك الاقي حد يحبني. لكن خلاص عدي وقت الحب وبقي كل اللي فاضل مني. غريزة الاصطياد. انزلي وسيبي امك هنا ما تخافيش عليها
هوديا
اسيبها لوحديها ازاي
تشوي
ما تخافيش عليها. مش هتموت الا بايدية.
وقال بلهجة حادة
انزلي.
وتنزل هوديا ووراء منها ينزل تشوي ويدخلو المطعم علشان يلاقي تلت رجال قاعدين علي تربيزة وقدام منهم اطباق شوربة واطباق لحوم وبصو له اول ما دخل ويون وبيكان علي تربيزة تانية وبصو ناحية هودبا باستغراب وعيونهم بتقول مين دي وقفلت يون باب المطعم عن طريق الريموت. وقعد تشوي علي التربيزة معاهم ومسك ايد هوديا وقعدها وبص ل يون وقال
ممكن طبق شوربة تاني ل بنتي هوديا
يون
بنتك.
تشوي
حيوانك المفترس اصبح لي عائلة.
بصت يون با ستغراب اكتر وقامت تحضر طبق الشوربة وبص تشوي بطرف عينه للثلاث رجال لقاهم لسة باصين لي ورجع بص ل ببكان ومسك ايدة لقي اتفزع ابتسم وقال ل هوديا
دة بقي اخي ببكان. اللي حررته من ثوب الكلب اللي كان لابسة
وبعدها بص ل بيكان وقال
فاكر بيكان السلسة اللي كانت ملفوفة حوالين رقبتك
هنا تيجي يون بطبق الشوربة وتقول
ملهوش لزوم الكلام دة
وحطت طبق الشوربة قدام هوديا مسك تشوي طبق الشوربة اللي لسة نازل وحط طبق الشوربة بتاعه قدام هوديا وقال
اعتقد ان الشوربة السخنة هتكون الذ
ارتبكت يون وقالت
بس دي شوربتك انت
تشوي وهو بيشرب الشوربة
ما اعتقدش ان امي يون هتقدم ل بنتي طبق شوربة اقل من اللي هتقدمة ليا
وبص بطرف عينه تاني للرجال الثلاث وقال
مش غريبة امي يون
بون
اية الغريب في الامر
تشوي
التلاتة اللي ورايا دول لا بياكلو من الاطباق اللي قدام منهم ولا بيتكلمو مع بعض.
يون ارتبكت اكتر وتشوي لف بسرعه البرق ونط علي تربيزة الثلاثة رجال واصبح في نص التربيزة بالظبط ومسك طبق الشوربة وكسره في دماغ الاول وسكينة قدام التاني ذبحة بيها والثالث سحب مطرقة حديد كانت تحت التربيزة ولسة هبضرب بيها تشوي.
تشوي تفادي الضربه وزرع حقنة تدمر الاعصاب في الايد اللي ماسكة المطرقة وقعت المطرقة من ايد الثالث مسكها تشوي ونزل بيها علي دماغه وقع الثالث غرقان في دمه خافت هوديا من منظر الدم والرجل الاول سحب سيف من تحت التربيزة وضرب تشوي في ظهرة اتوجع تشوي وبص له. وبالمطرقة ضربه في جنب دماغه اليمين كسر له الفك وفضل يضربه بالمطرقة لغاية ما دماغه انفجرت ورمي المطرقة علي الارض وبص ل يون وقال
عايزا الاحتفال. انا جاهز. للاحتفال
ومسك حتة من الطبق المكسور وراح ناحية يون ويون بتطلب الرحمة لكن تشوي فتح بوقها وحط لها حتة الازاز المكسورة جوة بوقها وقفل بوقها علي الازاز. الازاز اخترق جلد وشها. وسحبها من شعرها لغاية حلة الشوربة اللي بتغلي ونزل وشها في الحلة وقال
عايزا تموتيني. دة جزاء خيانتك ليا
وسمع هوديا بتصرخ وبتحاول تفتح الباب وتهرب وبيكان قبل منها لكنه راح لها وزقها بعيد عن الباب. ومسك بيكان اللي كان بيترعش. لدرجة انه قلبه وقف من كتر الخوف ووقع جثة هامدة. وبعدها بص ل هوديا اللي كانت مرعربه وقرب منها وهي بتبعد وكان بيقول
جه وقت النهاية
وهجم علبها لكن هوديا قدرت تهرب وراحت ناحية سكينة كانت في المطبخ ومسكت السكينة وقالت
لو قربت مني هقتلك
هنا تسمع صوت خبط علي باب المطبخ وصوت ماي بتقول
هوديا
ردت عليها هوديا وقالت
امي انا جوة المطعم
وبدات ماي تخبط علي الباب بمنتهي العنف عايزا تدخل ل بنتها ابتسم تشوي وقال
فاقت بسرعه. من المخدر ودة كويس خلي النهاية تكون عائلية
وراح ناحية جثة يون وطلع الريموت من هدومها وفتح الباب دخلت ماي قفل الباب تاني ورمي الريموت وبص ل ماي وقال
تحبي انتي تموتي الاول ولا هوديا
ماي بصت لبنتها وقالت
هوديا انتي كويسة
هوديا
انا خايفة امي
طلعت ماي الساطور من هدومها وقالت
متخافيش لو الموت هيحصد روح النهاردة فهتكون روحه هو
وهجمت علي تشوي وضربته بالساطور لكنه تفادي الضربه بمنتهي التعالي. وضرب ماي بالرجل في بطنها وقعها علي الارض وهجمت هوديا لكنه برضو تفادي هجومها وضربها بالقلم وقعها علي الارض وبدا يبص للاثنين وهما علي الارض وبيقول
دي احلي نهاية لاسطورة سفاح بنات ثانوي انه يقتل اخته وبنته. ما فيش احلي من كدة نهاية
لكن ماي شافت المطرقة وصلت لها ورمتها في قصبة رجله واصابته المطرقة ووقع علي الارض متاثر بالضربه وقامت هوديا ونطت فوق منه وبدات تغرز ظوافرها في عيونه لكنه مسكها من شعرها ورماها علي الارض قدام منها وداس برجله علي بطنها بمنتهي العنف اتوجعت هوديا هجمت عليه ماي وغرزت سنانه في رقبته وبدات تعض بمنتهي القوة لغاية ما طلعت بلحم الرقبه وهو اتعصب جدا وخنقها بمنتهي العنف لكن هوديا مسكت الساطور ومن ظهرة نزلت علي دماغه لف لها لقاها بتصرخ ونزلت بالساطور تاني علي نص دماغه ومرة تالته ومرة رابعة كانت في حاله انهيار عصبي. وفضلت تضرب وتضرب وتضرب لغاية ما ماي مسكتها وخدت من ايدها الساطور وحضنتها وهوديا بتصرخ والدم علي وشها وهدومها وصراخها لا يتوقف، ،،،،،،،،،،،
وتخرج ماي ومعها بنتها هوديا وفضلو ماشيين وسط الناس اللي بتحتفل وكانت حالتهم صعبه. وراحو للشرطة وبلغو عن اللي حصل واتعرف مين السفاح
وراحت الشرطة ولمت الجثث اللي كانت في المطعم
ومات الوحش ورجعت كوريا للهدوء. بس سنين كتير من رعب السفاح ،،،،،،
خلصت حكاية سفاح بنات ثانوي. اللي يارب تكون عجبتكم. وبكرة باذن الله نبدأ حكاية جديدة. كوميدي
14 بت. وشايب.
هايله ونهايه جميله فعلا
ردحذفبس انت فالاكشن والدراما افضل كتير من الكوميدي اسفه لراي بس انت استاذنا تحياتي لك