بفعل فاعل
★الحلقة الثالثة عشر★
والاخيرة
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★وانهي الباشا المكالمة وبعدها جه عنوان ل نور في رساله فتح نور الرساله وقراء العنوان واتصدم من اللي شافو وقال
مش ممكن
مريم
في اية
ادي نور الموبيل ل مريم علشان تشوف العنوان اللي بعته الباشا واتصدمت مريم اكتر من نور لانه العنوان كان عنوان شقة عز اللي كانو متجوزين فيها. وبصت ل نور وقالت
معني اية الكلام دة
نور
لي كذا معني. وهو اما عز هو السينتور. والاحتمال دة بعيد اوي. او اما بيتلعب بينا ومش دة عنوان السينتور.
مريم
انا مش قادرة استوعب ولا افهم الحوارت دي. انا هاخد ابني واروح اقعد عند اخويا
وبصت للشيك اللي في ايدها وقالت
والشيك دة انا مش عايزا
نور
بس دة حقك وحق ابنك
مريم
حقي في اية. هايجي عليه الزمن واخد ثمن موت جوزي. يبقي انت لسة ما تعرفنيش
وسابته مريم ومشيت ونور فضل ينادي عليها. وهي ما تردش وقال
هو انا كنت ناقصك يا مريم. بس انا لازم اسيبني منها واعرف اية اللي وراء عنوان شقة عز، ،،،،،،
ومن قدام البيت اللي في شقة عز ينزل نور من عربيته ويجهز سلاحة ويدخل البيت بحذر شديد وسلاحة قبل منه ويطلغ درجات السلم بمنتهي الحذر متوقع اي غدر لغاية ما يوصل لشقة عز ويلاقي باب الشقة مفتوح. لكن الشقة ظلمة كحل طلع موبيلة وشغل الكشاف وزق الباب ودخل وفتح اوضة وراء اوضة لغاية ما وصل لاوضة النوم واول ما فتح باب الاوضة كشاف موبيلة اطفئ وجهازة بدأ يهنج وسمع صوت عز من جوة الاوضة بيقول
جاي لية يا نور
نور اتصدم وقال
عز. معقول
وحاول يولع الكشاف تاني لكن الموبيل كان مهنج وقال عز
الاوضة مجهزة بنظام تشويش علي الموبيلات وميكروفنات التسجيل. بتصيب اي شئ يعتمد علي التكنولوجيا. بالعطل ودلوقتي مستنيك ترد علي سؤالي جاي لية يا نور
نور
جاي اقتل السينتور.
عز
وانت فاكر انك ممكن تخلص من السينتور بسهوله كدة
نور
واية اللي يمنعني
عز
الصداقة اللي بينا مثلا
نور
بعد كل اللي بتعمله فيا دة ازاي تبقي صاحبي
عز
ما يبقاش قلبك اسود
نور.
السواد دة يعرفه اللي زيك. ما تولع النور وخليني اشوفك واتكلم معايا راجل ل راجل
عز
امشي يا نور وبلاش تضيع نفسك علشان خاطر كلام فارغ قاله ليك الباشا
نور
انت السينتور يا عز انت سبب في كل اللي حصل لي
عز
زي. ما حصل لك حصل لي
نور
انت اية يا اخي شيطان. عذبتني في اول. معرفتي بيك وخدعتني في الاخر. بس كل اللي بتعمله دة مش هيخلص اللي بموتك وعلي ايدي يا عز
عز
هتقدر تقتلني
نور
هقتلك
عز
في الظلمة دي
نور
انا قدرت احدد مكانك من صوتك. وسهل اصطادك
عز
طيب اضرب كدة وريني هتقدر تعملها ولا. لا.
اتردد نور لكام ثانية وحط ايدة علي الزناد وبدأ شيطانه يزين له قتل عز ويطلع له اكتر من مبرر ونور ايدة مش قادرة تنفذ كلام شيطانه وضحك عز وقال
غشيم بس قلبك ابيض
نزل نور سلاحة وقال بعصبية
انت بتعمل فيا لية كدة دة احنا ماكنش لينا اللي بعض
عز
المصلحة بتحكم يا صاحبي. وعايز منك اخر خدمة تبلغ السينتور بان خزنته اتسرقت واللي سرقها انا
نور اتصدم وقال
ابلغ السينتور اومال انت اية. مش السينتور
عز
انا عز صاحبك اللي مات علي ايدك ازاي تشك ان لسة عايش
نور وهو بينهار
انت ميت ولا عايش. كفاية لعب باعصابي انا خلاص تعبت
لكن عز ماردتش وسمع نور شباك الاوضة بيتكسر وحد بينط من الشباك. الشباك دخل اضاءة خفيفة للاوضة جري نور ناحية الشباك وبص وشاف عربية نص نقل محملة رمل فوق منها واحد ما قدرتش يحدد ملامحة لانه كان لابس ماسك ورجعت الاضاءة للشقة من تاني ونور بص حوالين منه مش مصدق اللي بيحصل. وفي الوقت دة يرن موبيل نور يرد نور ويسمع الباشا بيقول
رجالتي بيقولو انهم شافو حالا واحد بينط من شباك شق،،،،،،،،،،،
نور قاطعة بعصبية
جثة عز لسة عندك
الباشا
تحت ايدية بتسال لية
نور
اصل اللي نط دلوقتي عز. اللي جثته معاك
الباشا
انت. هتلعب بيا ولا اية دة انا الباشا
نور
انت اللي بتلعب بيا ولعبتك ملهاش لزمة.
الباشا
باين عليك بعت جثة صاحبك. وقبض الثمن من السينتور وعلشان كدة سيبته يهرب
نور
انت لسة مصمم ترغي في نفس الموال. ما انا بقول لك عز كان معايا دلوقتي. كفاية رغي ملهوش لزمة بقي،
وقفل نور السكة والباشا وقتها كان قاعد في قصرة اتصدم وبص ل راجل من رجالته اسمه سروجي وقال
سمعت نور قال اية
سروجي
دة بيهرب بالطريقة. ازاي عز عايش وجثته في الثلاجة عندنا
الباشا
لا. يا سروجي لهجته معايا ما كنتش لهجة عيل بيلاوع دة بيتكلم بحرقة
سروجي
يعني نصدقة ونكدب عيونا
الباشا
قوم بينا نشوف الجثة اللي في الثلاجة ونتاكد انها جثة عز
وفعلا قامو وراحو ناحية ديب فريزر كبير وفتحة الديب فريز وبصو ل جثة عز وقفل سروجي الثلاجة وقال
صدقتني يا باشا الواد بيلعب بينا
الباشا اتعصب وقال
كدة هو هرب السينتور وباع جثة صاحبة لينا
سروجي
طيب والعمل. الواد دة لو قال للسينتور مين اللي بعته هنا هتبقي حماية وموال نهايته دم
وهنا يلاقي قدام منه يحيي وفي ايدة كلب شرس من نفس فصيلة كلبه لسة هيخرج سروجي سلاحة من جرابه كان يحيي اسرع وقتل سروجي برصاصة في نص رقبته بص الباشا ل يحيي وقال
انت مين
يحيي
كنت كلمتك انا من كام يوم فاتو بامارة ماكنت في حمام السباحة والكلب دة انا حوشته عنك
الباشا وهو بيبص للكلب ومرعوب
انت تبع السينتور. لكن دخلت هنا ازاي
يحيي
انا اللي بتشاف قبل عذرائيل علي طول
الباشا بلع ريقة بصعوبه وقال
لو موت اللي فوق مننا مش هيرحموك ولا هيرحمو السينتور احنا فين بينا اتفاق ما حدش يجيي علي سكة التاني. علشان المصلحة تفضل ماشية
يحيي
والعنوان اللي احنا بعتنا ليك وانت بعته ل نور علشان يقتل السينتور مش كدة عيب
الباشا
العنوان دة كان كمين منكم
يحيي
اصل السينتور لقاك عمال تدور وراء منه وتاعب نفسك قولنا وماله نريحك. وبعتنا ليك عنوان عز صاحب نور. وعلشان انت خاين ملايكة العذاب هتنزل تاخد روحك بعد. ما تموت قضاء وقدر. اصل كلبك لسبب ما حدش يعرفة قرر يكسر عضم رقبتك
وادي يحيي الاشارة للكلب اللي هجم علي الباشا ومسكة من رقبته وبدأ يكسر عظم رقبته والباشا بيتوجع وبيحاول الخلاص لكن فك الكلب كان قوي جدا. وبدأ الباشا يستسلم لمصيرة. ويحيي شاور لكام راجل كانو معه وجم وقفو وراء منه وقال لهم
نظفو المكان كويس ومش عايز اي دليل يقول اننا كنا هنا
وفعلا بداو ينفذوا المطلوب منهم وشالو جثة سروجي ويحيي موبيلة رن فرد وقال
الو
صوت السينتور
انت فين
يحيي
في قصر الباشا بصفي زي ما طلبت
السينتور
سيب رجالتك يخلصو وتعالي حالا شوف المصيبة اللي انا فيها
يحيي بقلق
خير
السينتور
خزنتي اتسرقت
يحيي
ازاي دة حصل، ،،،،،،،
وبعدها بشوية ومن جوة مكتب السينتور كان السينتور متعصب ووراء مكتبه في نفس الاوضة الظلمة اللي بيقابل فيها يحيي وكان بيقول
لازم تعرف مين اللي قدر يوصل للخزنة بتاعتي ووصل لها ازاي وعدي كل الحواجز الامنية اللي انا عملها
يحيي
انا عايزك تهدئة بس واللي عمل كدة اوعدك ان نهايته هتبقي سوداء.
في نفس الوقت تيجي رساله ل يحيي علي موبيلة من رقم غريب فتح الرساله وقري اللي فيها واستغرب اوي شاف السينتور ملامح وش يحيي اللي اتغيرت فقال
وريني الموبيل دة
يحيي
دي رساله مش مهمة
السينتور بمنتهي الحدة
اوعي تمسح الرسالة وسيب الموبيل علي المكتب
يحيي
صدقني رساله ملهاش لزمة
السينتور بمنتهي العصبية
قولت سيب الموبيل
حط يحيي الموبيل علي المكتب ومد السينتور ايدة ومسك الموبيل ولقي الرساله مكتوب فيها
★تمت الخطة زي ما انت طلبت وحسابي من نصيب تركة السينتور عايزه كاش. صديقك المخلص عز ★
بمنتهي العصبية قال السينتور
خونتي يا يحيي
يحيي
انا مستحيل اخونك. دي شكلها لعبة من نور
السينتور
نور الغشيم يطلع منه دة كله. اصدقك ازاي.
يحيي
لازم نصدقني لاني بخدمك من سنين وعمري ما اخونك
السينتور
لا تخوني لاني في يوم كنت هخونك واركب فوق كتفك حمزة. بس برافو عليك خلتني اخلص من حمزة علشان الجو يخلي لك. وتحط ايدك في ايد عز وتسرقني. مش كدة
يحيي
لا مش كدة انت غلطان انا مش خاين والخيانه مش طبعي.
السينتور
صح. انت مش خاين لكن انا خاين
وفي لحظة تخرج رصاصة من مسدس السينتور بعدها
يقع يحيي قتيل ويمسك السينتور موبيل يحيي ويبعد رساله للرقم اللي بعت الرساله وكتب
★خلينا نتقابل النهاردة بالليل في المقطم ونوزع تركة السينتور★
وحط السينتور الموبيل قدام منه. وهنا الموبيل يرن فيفتح السينتور الخط ويفضل ساكت فيسمع صوت عز بيقول
يحيي باشا انت بلعت لسانك ولا اية. ولا موت والموبيل مثلا مع السينتور
اتصدم السينتور وقال
دة انت شايفنا بقي
عز
لا خالص بس انا متوقع انت هتعمل اية في يحيي لما تعرف انه بيخونك. مع ان الشهادة لله هو كان اخلص راجل ليك. والرساله اللي انا بعتها دي رساله اونطة. حتي حكاية حمزة وعلاقته ب زاهر المر. برضو اونطة وكله من تاليفي
السينتور اتصدم لكنه اتمالك نفسه وقال
لا برافو عرفت تخليني اخلص علي رجالتي
عز
زي ما انت خلصت عليه وخلتني من ظابط جيش لي ولا حاجة
السينتور
ما تنكرش ان موتك بسبب شغلك معايا كسبك 1/2 مليون ج. حالا عليك وهديك قدهم بس خلينا نخلص الحكاية الماسخة دي
عز
مش هتخلص الا لما اشوفك واعرف انت مين
السينتور
هديك 10. مليون بس رجع فلوسي واوعدك ملفك اللي ضاع من الجيش هيرجع تاني
عز
انا قولت اللي عندي وبالليل ميعادنا في المقطم وخلي بالك لو جيت بحملة قسما برب العزه لا هترجع انت او الحملة وهدفنكم في المقطم اصل انا مش ل وحدي
وانهي عز المكالمة والسينتور اتعصب اوي وحط الموبيل قدام منه وبدأ يفكر للحظات وبعدها طلع موبيلة واتصل ب نور واول ما رد نور قال السينتور
صاحبك عز عايش وسرقني
نور
مين معايا
السينتور
انا السينتور
نور
انت عرفت ان عز عايش
السينتور
عرفت ولو ما ساعدنيش ارجع كل اللي خده مني. هقتلك انت ومراته وابنه. مع اني عارف ان موتك مش هيوجعك لكن موت مريم دة اللي هيخليك تساعدني احنا دلوقتي مصلحتنا واحدة. وعز زي ما ضحك عليه ضحك عليك خلانا كلنا نركز في موته والتعويض وهو بيخطط لسرقتي ومش هستغرب هو عرف مكان الخزنة ازاي لكني هستغرب هو قدر يدخلها ازاي
نور
انا ماليش دعوي بكل الرغي دة انا المهم عندي مريم تبقي بخير
السينتور
هتفضل بخير دة لو قدرنا نوقع عز
نور
اية الخطة
السينتور
هو عايزني لوحدي ومن غير حملة. وانا فكرت فيك انت لوحدك حملة. بالليل نتقابل في المقطم تتمكن منه اظهر انا وبعديها الكلام يبدأ.
نور
هو عز ناوي علي اية بالظبط
السينتور
ناوي يشوفني وانا مش هحرمة من اللقطة دي. وبعديها هيبقي الله يرحمه بجد، ،،،،،،،،،،،،
ويجي الليل ونور واقف وسط المقطم. وهنا يظهر من بعيد وكانه شبح. عز بص ل نور وقال
انت تاني
نور
في بينا كلام ما خلص يا صاحبي
عز
انا النهاردة كلامي مش معاك انت. انا جاي للسينتور
نور
مش هتوصل له الا لما تعدي فوق جثتي
عز
لية بس كدة دة احنا الاثنين اتاذينا بسببه. خرج نفس انت برة الحكاية دي
نور
مش هخرج
ولسة هيتحرك نور ناحية عز لقي طلقة جت جنب منه بالظبط وعز قال
خطوة تاني واترحم علي نفسك. خلي السينتور يظهر لو هو خايف عليك
نور
ما حدش في لعبتنا تاني بيخاف علي التاني. دة انت صاحبي اهو وعشرة عمري وما خوفتش عليه
وبدأ يتحرك نور وعز مستمر في تهديدة وهنا يسمع صوت مريم بتقول
نور لو اتقدمت حركة تاني هيقتلني
وقف نور وقال
هي وصلت بيك البجاحة تتحامي وراء مريم. مراتك ام ابنك
عز
ما بقتش تلزمني انا كدة كدة ميت. واخر امنية في حياتي اشوف السينتور قبل ما اموت
هنا كان لازم يظهر السينتور وكان لابس ماسك اسود وقال
انا هنا. وياريت نخلص من المشهد دة وبسرعه
عز
طيب مش في الاول تعرفني عليك
السينتور
اللي بيعرف حقيقتي لازم يموت
عز
قولتها وهقولها تاني انا كدة كدة ميت
السينتور
ومريم ونور تحكم عليهم لية بالموت
عز
ما حدش فيهم يفرق معايا انا كل اللي عايزه اعرف مين خرب لي حياتي
السينتور
فين فلوسي يا عز
عز
عرفني بيك اعرفك مكان فلوسك
وبقي مسدس عز في مستوي جسم السينتور وقال
هتعرفني انت مين وانت من اهل الدنيا ولا انهي حياتك واعرف انت مين وانت من اهل جهنم
ما بقاش قدام السينتور الا انه يقلع الماسك ويبان علي حقيقته والصدمة بجد كانت شديدة. لان وراء الماسك تظهر خلود برق نور وقال
انتي
خلود
ايوة انا.
نور
بس انا كنا بنسمع صوت راجل
خلود
التكنولوجيا. خلت تغير الاصوات شي سهل جدا
نور
لية يا خلود عملتي فيا كدة
خلود
عملت اية. خليتك تلعب بالفلوس لعب. مش احسن ما كنت مش لاقي
نور
دة انا كنت بحب،،،،،،،
خلود قطعته وقالت
اوعي تكملها انا بس اللي حبيتك لكن انت ما حبتش غير مريم ورغم اني فرقت بينكم زمان بمساعدة عز علشان تكون ليا. وفشلت اخليك ليا.
نور
وبقيتي ازاي بالجبروت دة وصاحبة مكتب سري
خلود
الرقاصة مننا علاقتها بالسياسين الشمال بتبقي كتير وانا قدرت اصور اي حد يكون معايا واستغل دة في شغلي ولقيت نفسي بكبر وبقيت صاحبة سلطة ونفوذ قولت لية ما استغلش دة في اني اكون صاحبة مكتب سري ياخد فلوس المجرمين لحسابة. وبعدها اتعرفت علي يحيي ودردشت معه لقيته عارف الكتير اوي عن الفساد اللي عندنا ظهرت له بشخصية السينتور وعرض عليه فكرة المكتب ووافق وجمع كل اللي كانو شغالين في. وبقي معانا المخ وفاضل لنا العضلات اتنين زيك انت وعز في ضرب النار معلمين وعرفت يحيي بيكم وهو اتولي الباقي. وبقيته معانا ويارتني ما كنت ضمتكم لمكتبي.
وبعدها بصت ل عز وقالت
خلاص اتعرفت عليه. ممكن بقي اعرف انت وصلت لفلوسي ازاي
عز
وسط الذهب اتحط جهاز تتبع لونة بنفس لون الذهب كان عز محتفظ بي لما لقي وسط وكر رجب التركي والجهاز دة يعدي من اي جهاز تشويش. ومايقدرش يتعرف ان في جهاز هنا. واول ماشاف يحيي وقت ما كانو في العوامة حط الجهاز وسط الذهب والذهب وكل ثروة سعد اتنقلت ليكي. وقدر يعرف مكان خزنتك. بصراحة عز دة كان عبقري
استغربت خلود وبصت ل نور وقال
يعني اية عز كان عبقري. هو انت مش عز
هنا يظهر زاهر المر ومعه مريم ويقول
انا ظابط المخابرات المصري فادي نظير. وصوت عز اتنقل لحنجرتي عن طريق التكنولوجيا. الصوتيه. وعز كتب ل مريم جواب وطلب منها بعد موته تيجي تسلمة لينا دة وعرفنا كل حاجة دة حتي رسم لنا الخطة اللي احنا مشينا عليها لغاية ما وقعنا السينتور.
وخلي الكل يضرب في بعضة وكله يشك ان كان عايش ولا ميت. علشان نكسب وقت ويقدروا رجالتنا يخترقوا خزنتك وطبعا قصاد المليارات اللي اتسرقت منك. كان لازم تكشفي عن شخصك بس ترجع لك فلوسك. ويبقي لاول مرة في ملفات القضايا ميت يقبض علي اخطر منظمة اتوجدت في مصر
وهنا يظهر رجال كتير وكلهم مكلفين بالقبض علي خلود لكن خلود تقدر تخرج سلاحها وتصوب مسدسها ناحية مريم وتقول
انا بقي هحرق الفرحة دي بموت مريم
وطلعت الرصاصة رايحة ناحية مريم لكن نور وقف قصاد مريم وحماها بجسمه وجت الرصاصة في صدرة ووقع علي الارض ورجال الشرطة خدة السلاح من خلود وكلبشو ايدها. ومريم كان بتقول ل نور
هتبقي كويس صدقني
نور بصعوبه
ومين قال اني مش كويس هو انا لو كنت اتمني اموت هتمني موته احلي من دي
فادي بدأ يقيس النبض وقال
ما تقلقش انا طلبت الاسعاف وجاية حالا.
نور ماردتش وفضل باصص ل مريم. وشاف في عيونها كل ايام زمان لما كان بيستنها وهي خارجة من المدرسة وكانو ببتمشوا سوي ورحلتهم لدريم وضحكة وهزارة معها. كل اللي كان ايام زمان. وافتكر عز وضحكة وهزارة معه. وكل ايامة معه. شريط حياته عدي قدام منه وبعدها قال ل مريم
جثة عز عند الباشا. رجوع مكانه. وادفنوني جنب صاحبي الوحيد
وابتسم وغمض عيون ومريم حزنت اوي. وفادي قاس له النبض. تاني وقال
البقاء لله، ،،،،،،،،،،،،،،،
واندفن نور جنب عز والبلد اعتبرتهم ابطال واتكرمو ورجع لهم معاشهم من الجيش ومكافاة اخر الخدمة. وعاشت مريم علي ذكري عز. اللي حبته بجد. ومن كل قلبها لكنها ما قدرتش تنسي نور اللي مات علشان هي تعيش. ،،،،،
يارب تكون الحكاية عجبتكم. واستنوني يوم السبت باذن الله. واولي حلقات سفاح بنات ثانوي.
مستني راي كل اللي شرفني بقراءة القصة، ،،،،،، سلام
رووووعه تحياتي
ردحذفروعة
ردحذفروعه. اوووي
ردحذفروعه تسلم الايادي
ردحذف