سفاح بنات ثانوي
★الحلقة السابعة★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
وبعد 16 سنة هوديا بنت ماي تحب جدا فن تشوي اللي شهرته تخطت كوريا. وفازاته وتماثيلة المنحوته اصبحت تباع باعلي سعر وتقرر انها تراسلة عن طريق النت. وبعد كام رساله رد عليها تشوي. لما عرف انها في المرحلة الثانوية. وطلب منها تيجي تزورة في معرضة لو نفسها تاخد تحفة هدية وفرحت جدا هوديا بالعرض وراحت ل ماي وقالت لها
انا هنزل المدينة
ماي
لية
هوديا
هحضر معرض الفنان تشوي
ماي اتصدمت وقالت
تشوي مين
هوديا
في حد في كوريا ما يعرفش اعظم نحات.
وورتها هوديا صورة تشوي اللي علي موبيلها. اتصدمت ماي اكتر واكتر وشريط ذكرياتها عدي قدام منها اغتصابه ليها وقتله ل امها قدام منها صرخت فيها ماي وقالت. وهي في حاله هياج
لا. دة. لا.
هوديا مستغربه
لا. لية. دة الفنان اللي انا بعشق موهبته واتمني اكون زية
جت شيوان علي صوت ماي العالي وصوت هوديا وقالت شيوان
مالكم بتتخانقو لية
هوديا
امي عايزا تمنعني من النزول للمدينة وزيارة الفنان تشوي
ماي
سابت اهل المدينة كلهم ورايحة للي قتل، ،،
قطعتها شيوان وقالت
ماي. مش اي كلام يتقال
ماي بعصبية
انا مش بقول اي كلام انا امها ولازم تعرف تشوي دة يب،،،،،،،،،،
شيوان قطعتها تاني وقالت
تاني ماي. انا قولت مش اي كلام بتقال
وبصت شيوان. ل هوديا وقالت
امشي انتي دلوقتي. وبعدين هنبقي نتكلم
هوديا
انا همشي دلوقتي لكني مصممة علي زيارة تشوي ومش هسامح اي حد يمنعني من الزيارة دي. وانا عارفة انتم بتمنعوني لية. علشان خايفين عليه من سفاح بنات ثانوي. بس انا ما بخفش
ومشيت هوديا فقالت ماي ل شيوان
لية ما خلتيش اقول لها الحقيقة
شيوان
عايزا تقولها اية ان تشوي سفاح بنات ثانوي يبقي والدها. انتي عارفة معلومة زي دي لما تعرفها بنت في سن المراهقة ممكن تعمل فيها اية وتحول حياتها ل اية دي معلومة تدمر
ماي
اومال اسيبها تروح له برجليها
شيوان
لا. نمنعها بالعقل
ماي
ازاي بس
شيوان
نفكر ماي.
ماي
خايفة امي شيوان من اللي جاي
شيوان
متخافيش شيوان. انا جنبك. ،،،،،،،
لكن هوديا كان عندها طبع تتفرج علي افلام الرعب وتقطع منها احلي المقاطع وتنزلها علي موبيلها. وجمعت فيديوهات كتير. واحتفظت بيها علي موبيلها. وكانت بتمارس هويتها دي وقت ما جت لها رساله من تشوي فرحت اوي وفتحتها وكان مكتوب فيها
★مستنيكي بكرة ★
هوديا كتبت
★امي رافضة نزولي المدينة★
تشوي
★واية سبب الرفض★
هوديا
★الرفض حسيته في الاول ل سبب شخصي بينك وبينها لاني لما ذكرت اسمك هاجت واتعصبت لكني شكت ان سبب الرفض سفاح بنات ثانوي. مع اني بميل اكتر لان في سبب شخصي خاص بيك★
تشوي
★هو اسم مامتك اية★
هوديا
★ماي ★
تشوي
★ماي. ممكن تبعدي لي صورتها★
وفعلا بعدت هوديا صورة ماي. وشافها تشوي وبعت رساله
★انتم عايشين فين ★
هوديا
★في قرية البحيرة الصغري★
تشوي
★ابعت لي عنوانكم بالظبط★
هوديا
★لية★
تشوي
★هقوم بزيارتكم لاني اخو مامتك.★
هوديا بفرحة شديدة
★انت من العائلة. انت ما تعرفش انا فرحانه ازاي. بس لية امي هاجت لما شافت صورتك ★
تشوي
★خلاف قديم بين اخ واخته كان لازم يتحل من زمان وجه الوقت انه يتحل. اوعي تعرفيها اني جاي في زيارتكم خليها مفاجاة★
هوديا
★طبعا وانا اعرف ان طبقك المفضل شوربة الخضار ب لحم الدجاج. هقوم بتحضيرة ليك★
تشوي
★اتمني بكون جميل زيك ★
وانتهت المحادثة وتشوي ابتسم ابتسامة المجنون. وقام ولبس هدومة. وراح ناحية باب اوضة كبير فتح الباب وظهر ارفف كتير وعلي كل رف فازة باسم الضحية اللي قتلها وفضل يتمشي وسط الفازات 100 فازة بالظبط. وراح لفازة داي ووقف قدام منها وقال
قريب جدا هتكون ماي جنب منك. وبنتها.
وضحك بجنون وخرج من الاوضة وقفل الباب وراء منه، ،،،،،،،،،،
وبعدها بكام ساعة وقت ما كانت ماي قاعدة بتبيع خضار تلاقي قدام منها تشوي واقف وبيبص لها وهي ما كنتش واخدة بالها منه. لانها كانت مركزة مع زبون وبمجرد ما بصت له صرخت ورمت الخضار اللي قدمها كله في وشة وقامت تجري وسط السوق وهو بيجري ورها واي حد كان بيحاول بمنعه كان بيزقه بعيد عنه واتعطل شوية ودة خلي ماي توصل لبيت شيوان. ودخلت البيت بسرعه وقفلت الباب وراء منها وشافتها شيوان وقالت
في اية
ماي
تشوي هنا
شيوان اترعبت وقالت
ودة عرف مكانا ازاي
هنا تظهر هوديا وتقول
مني انا.
ماي راحت ناحيتها وقالت بعصبية
انت ازاي تعرفي مكانا
هوديا
فيها اية لما يعرف مكانا دة اخوكي ومهما كان في اي خلافات ما بينكم اكيد ليها حل
ماي
حل الخلاف اللي بيني وبينه هو موتي او موته
هوديا
للدرجة دي
ماي
واكتر تشوي ابن شيطان ما بيرحمش وهو سفاح بنات ثانوي. واللي اكتر من كدة هو يبقي والدك
هوديا برقت من هول المفاجاة في نفس الوقت باب البيت اترزع بالرجل و اتفتح وظهر تشوي عند مدخل البيت وبص ل ماي وقال
كان بينا كلام. لسة ما خلص
شيوان راحت ناحية كنبة وسحبت من تحت منها سلاح وحطته في وش تشوي وقالت
احسن لك تخرج من هنا بدل ما تموت
تشوي وهو بيقرب منها وهي بتبعد عنه من شدة الخوف
تعرفي ان الحياة في الغابة وسط الوحوش خلتني لما بص في عيون اي فريسة اعرف هي خايفة قد اية.
ومسك السلاح منها وفضل باصص في عيونها وقال
وانتي مش خايفة وبس انتي مرعوبه مني.
وقرب منها اوي وقال بصوت مرعب
انا شامم ريحة الخوف طالعة منك.
وحط ايدة في بوقها ولف راسها بحركة سريعة كسر لها الفك مع كسر رقبتها. وقعت شيوان من طولها وصرخت ماي وقال لها تشوي
اهل القرية طيبين مش هيدخلو لاني قولت لهم اننا بنصور فيلم.ودي بروفة. والكاميرات حوالين مننا. اضطريت اقول لهم كدة علشان مطاردتي ليكي في السوق تعدي بسلام. وتقدري تبصي عليهم من الشباك وتشوفيهم واقفين ازاي مستنيني اخرج علشان اتصور معاهم
وفعلا بصت ماي من الشباك وشافتهم واقفين وكانو في حاله استمتاع باللي بيحصل وقال تشوي
دي ميزة انك تكون مشهور وكلامك لو حتي كذب في اللي يصدقه
هوديا
بعد موتنا هتخرج من هنا وهيكتشفو اللي حصل وانك قاتل وساعتها هيتقبض عليك
بص تشوي ل ماي وقال
بنتنا هوديا كبرت وبقت تعرف تخوف
ومسك تشوي رقبه. ماي ورفعها ل فوق وقال
عرفتي تربي. بس انا زعلت انها طلعت انسانه. كنت عايزا زيي حيوان
وبدا يعصر رقبه. ماي وهوديا بتصرخ وبتطلب الرحمة وبتحاول تبعده عن امها لكنها ماقدرتش. وماي بدات تختنق وهنا هوديا افتكرت مقاطع الفيديوهات اللي عندها علي الموبيل فاختارت مقطع ل حد في نفس جسم تشوي وكان بيجر بنت مقتوله في اوضة طلمة شغلت الفيديو وقالت وهي بعيد عنه علشان ما يكشفش الخدعه
ابعد عن امي والا الفيديو بتاعك دة هبعته للشرطة
بص تشوي للفيديو وماقدرش يحدد ملامح لكن الممثل اللي في. الفيديو شبه وفي نفس جسمه وحست هوديا ان خدعتها نجحت فنزلت الموبيل وقالت
انا عارفة من زمان اني بنتك وصورتك وانت بتقتل وقدرت اخدعك لغاية ما توصل ل غاية هنا واساومك اما فلوسك او الفيديو يتقدم للشرطة
ساب تشوي ماي وقعت علي الارض وراح ل هوديا وقال
وريني الفيديو دة
كسرت هوديا الموبيل وداست عليه بجذمتها وقالت
النسخة الاصلي من الفيديو موجودة في خزنة اكبر بنوك كوريا. مش هتقدر تقتلني انا او امي لان روحك في ايدي
مسكها تشوي من شعرها وقال
انتي تكوني سبب نهاية تشوي. اللي محققين كوريا كلهم ما قدروش عليه
هوديا شالت ايدة بعيد عنها وقالت
بنت الشبطان مش هتكون غير شيطانه.
ابتسم تشوي وهو مغلول من جوة لكن ماي كانت جابت سكينة وحطتها في كتفة من وراء اتوجع تشوي وبص لها وهو بينزف وماي مسكت ايد بنتها وخرجت جري من البيت وهو شال السكينة من ذراعه وخرج وراء منها جري. وسط اشجار القرية. وازداد الخوف والرعب وتشوي كان بيقرب من ماي وبنتها وقرب وقرب ومسك هوديا من شعرها وضرب ماي بجزع شجرة في دماغها وقعت علي الارض مصابه وبصت ل تشوي وهو شايل هوديا وبيقول
لو فكرتي تبلغي الشرطة جثة بنتنا هتكون اخر تحفي
وبص ل هوديا وقال
هتوصليني للنسخة الاصلي. من الفيديو وبعدها نتحاسب
وخدها مشي بيها وهي بتبص ل امها وامها علي الارض دايخة بسبب الضربة اللي خدتها في دماغها لكن هوديا بصت لها وكتبت بقلم كحل كان في هدومها علي ظهر تشوي اللي كان لابس جاكت ابيض
★بنك كوريا وسط المدينة الساعة 9 ★
بصت ماي للي مكتوب وهي عيونها مزغلله. وبتفتحهم بالعافية واغمي عليها، وبقت هوديا في ايدين الوحش، ،،،،،،،،،،
خلصت حلقة النهاردة اللي يارب تكون عجبتكم. واستنوني بكرة باذن الله والحلقة الاخيرة
تحفه حقيقي تحياتي
ردحذفاكتر من رائع جدا جدا احسنت
ردحذفروعة
ردحذف