بفعل فاعل
★الحلقة الحادية عشر★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
حمزة ل نور
لكن الفحص الفني اثبت ان كان في مكالمة جت علي موبيل عز من رقم غريب وبعد التحريات عرفنا ان دة رقم موبيل مرات سعد. اخت راضي المرشد. بتاعكم واكيد كانت بتعرفكم بان سعد رايح يصفيكم. يعني انتو كنتو عارفين بمجئ سعد. يعني جهزتوا نفسيكم للي جاي. وفي الحاله دي موت سعد كانت بتخطيط منكم. وموت عز بسهوله كدة وراء اينا. دة حتي يا يحيي باشا مرات عز. راحت النهاردة الصبح القسم وبلغت عن نور واتهمتة في محضر رسمي بانه قتل جوزها
نور اتصدم. لكنة قال
انا مش هنكر ان مرات سعد كلمت عز. بس دة علشان راضي كان بيتهان وقتها وطلبت منه انها تنقذ اخوها باعتبار يعني ان عز ظابط زي ما راضي يعرف.
ولا انت سجلت المكالمة وسمعت هما قالو اية ل بعض
يحيي بص ل حمزة وقال
عندك رد علي الكلام دة
حمزة
دة كذب
يحيي بحدة
فين الدليل
حمزة
يحيي باشا انت معايا ولا معاهم
يحيي بعصبية
احنا هنلعب ولا تكنش فاكر اني هاجي في صفك ضدتهم. عندك دليل قوي اظهره قدام مننا خلينا نقفل الملف دة
حمزة
مريم امباراح اتخنقت معه في قلب الشقة اللي قاعدين فيها واتهمته انه هو اللي قتل عز. وراحت
وبلغت عنه شايف حضرتك ان دة مش دليل قوي واتهام واضح وصريح لي نور بانه هو اللي قتل عز
نور ل يحيي
يحيي باشا مريم شاكة فيا. لاني قدام منها وقت ما عرفت بالحركة الوسخة اللي عملها عز كنت هقتله لكني رجعت وحسبتها من تاني وقولت لية اقتله واضيع نفسي ما خلاص اللي حصل دة عدي علية سنين وهي بقت مراته وام ابنه. قتله ما فيهوش اي مكسب ليا. بالعكس كله خساير. واكبر خسارة عمري اللي هينتهي علي حبل مدلدل. بعد ما اخد اعدام
يحيي
بس واضح ان مريم مش مصدقاك
نور
ست يا باشا وقلبها بيتحكم. في قرارتها وكون انها بلغت عني دة مش دليل. دة مجرد شك. والمفروض ان حمزة ما يفرحش انها بلغت عني. لان دة هيفتح علينا ابواب كلها وش وسين وجيم ويتعرف من التحريات اني مش ظابط
يحيي
من الناحية دي انا عايزك تطمئن انت ظابط وورقك رسمي وسليم
نور
انا مش فاهمها من الاول بس احب افهمها. دلوقتي انا كنت ظابط جيش ازاي بقدرة قادر ابقي ظابط دخلية
يحيي
عادي وعلشان مصعبهاش عليك ملفك اللي في الجيش ضاع وملفك اللي في دخلية ظهر. وبقيت من ظابط جيش ل ظابط شرطة
نور وقف وقال
دة لعب علي تقيل. وانا ماليش في. ودلوقتي عايز حاجة تاني مني يا باشا
يحيي
تقدر تمشي
نور
وفلوس التعويض الخاصة بعيلة عز
يحيي
قريب اوي. هياخدوها
وبص يحيي ل حمزة اللي قال
لما انا اقول ان عز يستحقها
ابتسم نور وخرج من المكتب وحمزة قال ل يحيي
بتصفي حسابك مني في انك تكون معاهم ضدي مش كدة.
يحيي بعصبية
مش اللواء يحيي العلم. اللي يصفي حساباته من عيل بانه يعند في. انا اكبر من كدة يا حمزة ومش هيوصل بيا الحال اني اخلي راسي سوي راسك. وبعدين انت مش محتاج حد يصفي حساباته منك. لانك بتخلص علي نفسك ب نفسك. ونور معه حق مش من مصلحة المكتب ان يتقدم بلاغ بجريمة قتل في راجل من رجالتنا
حمزة
وانا مالي باللي عملته مريم. واحدة شاكة ان جوزها اتقتل وراحت تبلغ
يحيي
بجد هتبلغ عن حبيبها الاولاني في موت جوزها مش وسعت منك دي
حمزة
تقصد اية
يحيي
اقصد ان مريم مرات عز وخطيبة نور زمان ما تعملش كدة انما ممكن واحدة تانية ببطاقة مضروبة هي اللي تعمل كدة ويتقال انها مريم. كنت بعملها وانا اصغر منك
حمزة ارتبك
دة واضح ان حبك للعيال دي هيوصلنا لمرحلة انك تتهمني بالباطل
يحيي
انا في شغلي ما بحبش حد. بس احب المكتب اللي اكون مديرة ما يحصلش في اي تجاوزات وانت طايح ومش عجبك حد. ولو فاكر ان السينتور هيفضل في ظهرك علشان اللي عملته في يوم. ف دة مش هيدوم خدها نصيحة مني. اللي بيعيش علي الماضي. مستقبله بيبقي فاضي.
واتغيرت لهجة يحيي للحزم الشديد وقال
تقدر تمشي ومعاك 24 ساعة تاني ويا اما تصرف شيك التعويض ل عيلة عز. او اما تجيب لي دليل قوي يدين عز او نور واحب اعرفك ان لو اثبت ان نور هو اللي قتل عز. فدة ما يمنعش عيلة عز من صرف ميلغ التعويض. لانه كدة مات بفعل فاعل وقانون المكتب واضح وصريح.
حمزة
انت عايزهم يصرفوا المبلغ باي شكل. وبدافع عن واحد ميت لية.
يحيي
الكلام خلص تقدر تخرج واقفل الباب وراك. علشان التكييف
بص له حمزة بغضب شديد وخرج من المكتب ويحيي بص له وكان بيضحك، ،،،،،،،،،،
من جوة الشقة المفروشة يقف نور قصاد مريم وخلود قاعدة وجنب منها حسام وكان نور بيقول بعصبية
ردي عليه تعرفي حمزة دة منين. وازاي يجي لك قلب تروحي تبلغي عني
مريم
نور. وطي صوتك وانت بتتكلم معايا انا مش شغاله عندك. وحمزة مين دة انا ما عرفش حد بالاسم دة.
نور
بقي كدة. ناقص كمان تقولي انك ما بلغتيش عني
مريم
عز ميت بقاله كام يوم لو انا عايزا ابلغ كنت بلغت في نفس اليوم اللي في عرفت بموت عز. بس انا ما عملتش كدة وعمري ما اعمل كدة
نور بدأ قلبه يلين وقال
اومال حمزة دة عرف ازاي باللي دار بينا هنا امباراح
مريم
ما عرفش. انت عمال تسالني عن حاجات غريبة
انا ماعرفش عنها حاجة.
نور
مريم. حمزة كان عارف تفاصيل كل اللي حصل بيني وبينك لو جالك وقال لك انه هيقدر يجيب حق جوزك مني فهو كذاب ودة اكتر بني ادم كان بيكره عز
مريم
هو انت لية مش عايز نصدق اني ما عرفش حد بالاسم دة.
نور بعصبية
اومال عرف ازاي
مريم بعصبية اكتر
ما عرفش وبطل بقي طريقتك المستفزة دي
وسابته مريم ومشيت وخافت خلود من اللي بيحصل وبعد ما كانت هتقول اللي حصل وان حمزة عرف منها رجعت في كلامها. وفضلت تتابع اللي بيحصل وهي ساكتة. وهنا يرن موبيل نور فيرد قائلا
الو
صوت الباشا
انا الباشا.
نور
الباشا مين
الباشا
انت نسيتني ولا اية
نور افتكره وقال.
اة. افتكرتك.
الباشا
حابب اعرفك ان اتقدم فيك بلاغ من واحدة اسمها مريم. بتتهمك بالقتل
نور
عارف
الباشا
وعارف مين اللي مسك ملف القضية بتاعتك
نور باهتمام
مين
الباشا
ارخم ظابط مباحث في مصر كلها. زاهر المر
نور
ودة يعني كبيرة يعمل اية
الباشا
خلينا نبدأ باقل حاجة عملها. وهو انه عرف تاريخك انت وعز
هنا نور اتصدم وما بقاش عارف يرد يقول اية لكن الباشا قاله
حط ايدك في ايدي وانا اخليك تعدي المطب دة. وسلمني رقبه السينتور
في نفس الوقت كان يحيي بيتصل فبص نور للموبيل وقال
طيب اقفل دلوقتي وما تتصلش بيا تاني
الباشا
مش عايزك تخاف. مكالمتي ليك ما يقدرش اي حد يتبعها او يعرف حتي اني اتصلت بيك. وفكر في اللي قولت لك عليه وانا هبقي اكلمك تاني
وقفل الباشا ورد نور علي يحيي اللي قال
نور بكرة الصبح تكون في مكتبك علشان قضبتك بقيت في ايد ظابط مباحث عقر. اسمه زاهر المر
وخلص يحيي المكالمة ونور ما بقاش عارف يعمل اية ويحلها منين ولا منين وقال في سرة
فينك يا عز ما تعرفش انا دلوقتي محتاجك ازاي ،،،،،،،،
وتاني يوم ومن قدام مديرية امن القاهرة كان نور واقف وهو مش عارف يدخل ولا يمشي لكنه دخل المديرية وطلع مكتبه وقعد وطلب قهوته وبعدها بساعه بالظبط يدخل عليه زاهر المر مفتش مباحث زي الكتاب ما قال شنب كبير ودقن محلوقة بموس بدل المرة تلاته. وشعر طويل وناعم ولونه ابيض مع بعض خصل الشعر السمراء. ووقف زاهر قدام نور وقال
النقيب نور فاخر
نور
ايوة
زاهر
انا زاهر المر مفتش مباحث. ومطلوب مني التحقيق في بلاغ جالنا من السيدة مريم عبد الحق. بتتهمك في بانك قتلت جوزها
نور
مريم دي معرفة قديمة وفاهمة غلط
زاهر
عارف انها معرفة قديمة جدا. لدرجة انها كانت خطيبتك
نور بص ل زاهر بقلق شديد. و قال زاهر وهو بيقعد علي الكرسي
تسمح لي اقعد
نور
طبعا اتفضل
زاهر قعد وقال وهو بيبص للبلاطة اللي علي المكتب ومكتوب عليها النقيب نور فاخر
هو انت خريج دفعه كام
نور بلع ريقة بالعافية وفضل ساكت ابتسم زاهر وقال
اية ناسي
نور
بصراحة انا الذاكرة بتاعتي مش قد كدة
زاهر
الذاكرة هي اللي مش قد كدة ولا. نقلك من الجيش للشرطة يخلي حالك يبقي كدة
وارتبك نور اكتر واكتر وقال
بس تعرف انها غريبة اوي حكايتك دي وانت في الجيش كنت ظابط مدمن للخمر وعلي علاقة برقاصة
ولما بقيت ظابط شرطة فضل حالك زي ما هو. واضح ان في قيادات. بيشتغله في الظل والغرض ان اللي زيك يبقو في مراكز قوة داخل البلد. علشان التخريب يكون في العصب
نور
هو انت عايز تقول اية بالظبط لاني مش فاهم انت تقصد اية بتلميحك دة.
زاهر
ولا اي حاجة انا كل اللي عايزة منك تقولي قتلت صاحبك عز لية.
نور بحدة
انا ما قتلتش عز. واسلوبك وطريقتك معايا في الكلام انا رافضها.
زاهر
لا يا سيادة النقيب مش عايزك تتعصب كدة دة احنا لسة في اول التحقيق.
وقام وقف زاهر ومشي خطوتين وبعدها رجع تاني ل نور وقال
قولي صحيح. عملت اية في فلوس التعويض بتاعت صاحبك. اوعي تنسي اللي هو وصاك بي
برق نور وقال بصعوبه
انت عرفت الكلام دة منين
زاهر
انا اعرف اللي انت ما تعرفوش. هستناك تيجي لي مكتبي. علشان نتكلم علي رواقة
ومشي زاهر خطوتين ونور قال
فين مكتبك
زاهر من غير ما يبص له
اسال وهتعرف دة انت المفروض دفعتي
وضحك زاهر وخرج من المكتب ونور قصتة بتتعقد اكتر واكتر، ،،،،،،،،،،،
ومن جوة عربية نور كان نور قاعد وعمال يفكر في زاهر والكلام اللي قاله وكل اللي بيتكرر في ودانه جملة
★قولي صحيح. عملت اية في فلوس التعويض بتاعت صاحبك. اوعي تنسي اللي هو وصاك بي★
وبعدها قال نور لنفسه
عرف منين باللي دار بيني وبين عز. معقوله يكون زاهر دة تبع السينتور والسينتتور كان بيسجل لنا كل اللي احنا بنقوله. وقاصد يحطم اعصابي. ولا يكون تبع الباشا والباشا هو اللي كان بيسجل لنا ولعبة زاهر دي الغرض منها انه يخليني الجاء له.
وهنا يعدي بياع جرايد وكان بيقول
اقرأ الحادثة. واعرف حكاية الميت اللي رجع للدنيا تاني
انتبه نور لكلام باع الجرايد وقال ل نفسه
معقوله عز يكون لسة عايش وبيعمل كدة لغرض في دماغة. ولا يكون زاهر دة تبع عز. انا لازم اتاكد
ودور نور عرببته واتحرك بسرعه قاصد مقابر عيلة عز واللي مدفون فيها عز. قابلة التربي اللي هناك وقاله
رايح فين يا استاذ في ساعة زي دي
نور طلع كارينه الشرطة بتاعه وحطة في وش التربي وقال
انا مباحث وعز ادفن وهو مقتول ولازم اشوف الجثة بتاعته علشان التحريات
التربي
ما هو يا باشا واخد طلقة واحنا عار،،،،،،،،،
نور بعصبية وهو رايح ناحية الجبانة اللي مدفون فيها عز قاطع التربي وقال
انت هترغي معايا. افتح الجبانة بقول لك
ارتبك التربي وطلع مفاتيح الجبانة من جيبة وفتح الجبانة ودخل نور وشغل كشاف الموبيل بتاعه وراح ناحية جثة عز وقرب الكشاف من وش عز علشان يشوف، ،،،،،،،،،،،،،،
شاف اية اللي يعرف يقولي وحياة ابوكم. حاكم انا هتجنن واعرف. سلام
إرسال تعليق