كتاب الموت 2
ابتسامة الشر
★الحلقة الخامسة★
والاخيرة
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★وبمجرد ما ليان قالت. بنتي تلاقي القبر بيتفتح من تحت وهي بتقع وسط ماسورة كبيرة كلها ذكريات عمرها وسنينها اللي جاية وشافت نفسها بتتجوز وبتخلف وتولد بنت زي القمر ووصلت في اخر الماسورة دي ل اوضة بنتها اللي عندها اربع سنين اللي كانت بتلعب قصاد دولاب كبيرة بصت لها ليان وقالت
فريدة بطلي لعب بقي بهدلتي الدنيا حوالين منك
بصت لها فريدة وضحكت وهي بتقول
هلعب شوية صغيرين تاني وخلاص
هنا ظهر خبايا وراء الدولاب وزق الدولاب ناحية فريدة علشان يقع الدولاب فوق فريدة تصرخ ليان وتحاول رفع الدولاب وتشوف دم بنتها. بيجري علي الارضية تحت الدولاب في منظر بشع لكن عيون ليان تيجي في حتة مريا مكسورة من طرفة الدولاب اللي وقع فوق بنتها وتشوف نيرة جوة المريا المكسورة دي
وتبدأ تشك في كل اللي بيحصل وتحط ليان ايدها علي وشها علشان تتاكد انها نيرة مش ليان وتبان الحقيقة. ما فيش ليان ونيرة هي اللي في الاوضة ومسكت نيرة حتة المريا دي وتفضل تبص لها وتصرخ وهي بتقول
مش هتقدر تخدعني تاني يا خبايا
وبدات تصرخ بمنتهي القوة وتغمض عيونها وهي بتقول
اخرج من دماغي. يا ملعون
وتلاقي نيرة نفسها في اوضتها وكانت لسة حامل ونايمة جنبها وفي حضنها هند بنت عفاف اختها. بصت لها اوي وباستها وهنا ظهر خبايا ووقف قدام منها وقال
حرريني وانا ابعد عنك وعن نسلك
نيرة
انت خبايا مش كدة
خبايا
انا الشيطان اللي فضل من كتاب الموتي وقدرت اهرب في جسمك لكني مش هقدر اتحكم فيكي طول ما انتي بعقلك كان لازم تجنني علشان اعيش انا لكني دلوقتي ضعيف وجوة جسمك ماليش مكان حرريني منك
نيرة
عايزني اخرجك مني علشان تاذي غيري.
خبايا
انا مش هقدر اعيش جوة منك لازم جسم تاني ويكون ل مجنون.
نيرة
وبكدة اكون حررتك صح
خبايا
هتعوزي اية تاني. غير اني ابعد عنك
نيرة
هعوز احرقك واخلص الدنيا من شرك
خبايا
مش هتقدري لازم الكتاب يتحرق والكتاب تحت الانقاض مش هتقدري توصلي لي
نيرة
هوصل باذن الله هوصل والكتاب هحرقة ومخي مش هيبقي ملكك تاني
وقامت وراحت ناحية التسريخة. ومسكت ابرة وبدات تخرم جلد دماغها بالابرة علشان تكتب اسم الله. علي قورتها ورغم الوجع والالم الا انها استحملت والدم بدأ ينزل علي وشها وانكتب اسم الله وخرجت من اوضتها ،،،،،،،،
وبعدها بشوية توصل نيرة لبيت عفاف وتقف قصاد البيت المهدود وما كنتش عارفة تبدأ منين وبصت للسماء وقالت
يارب عيني
وبدات تمشي بحذر شديد واول ما داست برجليها في مكان الكتاب تلاقي نفسها بتقع جوة حفرة كبيرة لغاية ما وصلت للشقة اللي كانت بتقابل فيها زميلها اللي في الشغل وغلطو فيها وحملت منه وكانت الشقة فاضية ما فيهاش حتي العفش صرخت نيرة وقالت
مش هتلعب بيا تاني يا خبايا
وفضلت تمشي في الشقة وهي بتصرخ وبتقول
اطلع من دماغي
لقت رجليها بتمشي غصب عنها وراحت ناحية الاوضة اللي حصل فيها الذنب العظيم وفتحت الباب وهي ما كنتش عايزا تفتحه وشافت نفسها علي السرير في احضان زميلها ما استحملتش المنظر وفضلت تصرخ شافتها نيرة اللي علي السرير وقامت بسرعه تلبس هدومها وجت تخرج من الاوضة مسكتها نيرة وفضلت تضرب فيها وهي بتقول
يا رخيصة يا واطية ازاي تعملي كدة. فينا
زقتها نيرة التانية وقالت
انتي السبب انا تابعة ليكي لكن انتي. اللي تقدري تقولي اة او لا.
مسكتها نيرة من رقبتها وفضلت تخنق فيها وهي بتقول
انتي كمان ليكي عين تتكلمي
خنقتها نيرة التانية وقالت
انا عيني مش مكسورة انما انتي اللي عينك مكسورة انتي الخاطية اللي شايلة في بطنك بنت حرام
وبدا الصراع يشتد بين الاثنين. صراع يشبه الصراع بين النفس اللي بين ضلوعنا والجسم. النفس يتلقي بصاحبها للتهلكة والجسم بيطاوع نفسه في ارتكاب المعاصي. قدر خبايا يتحكم في نيرة من تاني دخل لها من اكتر ذنب هي عايزا تهرب منه. لكن نيرة فاقت وشافت خبايا علي حقيقتة. لما حطت ايدها علي الدم اللي نازل من قورتها وبعدها حطته علي وش نيرة التانية علشان يصرخ خبايا ويزقها بكل قوة بعيد عنه وطير نيرة من جوة الزقة لغاية ما تخبط في الحيطة. وخبايا يقول
قدرت ادخل لك من نقطة ضعفك. الذنب. والاوضة دي هتبقي ظلمة والسبب انتي هسيبك تخلصي علي نفسك وبنتك اللي في بطنك هتساعدني
وبدأت نيرة تحس بالبنت اللي في بطنها بتخرج من بطنها وبتطلع ل فوق علشان تحس بوجع الولادة لكن بدل الطفل ما ينزل بيطلع. لفوق وبدأت نيرة تتخنق وتتخنق والشقة تصبح قبر مظلم والمية اللي في الرحم بدات تنزل من بوق نيرة مع دم الولادة وتستسلم نيرة للموت. لكنها تلاقي نقطة نور بعيد عنها تبدأ نيرة تزحف ناحية نقطة النور دي والدم بينزل وبصعوبه وصلت وقربت علشان تلاقي هند بنت اختها بتبص لها وتقول
الذنب مهما كان عظيم. الاستغفار اعظم.
وتمد لها هند ايدها فتمد نيرة ايدها ناحية هند وتلمسها وتقول
استغفر الله العظيم.
ويبدأ يصرخ خبايا والوجع يخف شوية بشوية ونيرة تقول بصوت اعلي
استغفر الله العظيم
وتكررها وخبايا يحترق ونيرة تتعافي لغاية مايرجع كل شئ ل طبيعته وتلاقي نيرة نفسها قدام كتاب الموتي وولعت في الكتاب وبدأ العذاب يحل بخبايا وخرج من دماغ نيرة واحترق. واحترق الكتاب.،،،،،،،،،،،
وترجع نيرة لبيتها علشان تلاقي هند لسة نايمة تدخل نيرة تاخد دش وتروح تكمل نومها في حضن هند وتعدي الايام. وتولد نيرة وربنا يهدي زميلها ويقرر يتحوزها ويعترف بالبنت وتخلص الحكاية. وينتهي شر ابتسامة الشر
إرسال تعليق