الهام واللي كان الحلقة الاخيرة

 خوخا

                    ★الحلقة العشرين ★

                 والاخيرة. من الموسم الاول 

                 ‏

من تاليفي، ، 

محمد منصور. * منص *

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

ومن جوة شقة شعبان تقف عديلة قصاد خوخا وشعبان وانعام وكانت خوخا بتقول

ربنا يشفي بس انا ما بقاش ليا اي علاقة ب حاتم

شعبان

خوخا دة انسان محتاج لك. وما ينفعش تتخلي عنه

خوخا

دة حد غريب عني ما عرفهوش 

باست عديلة ايد خوخا. وهي بتقول

ابوس ايدك ورحمة امك الغالية عليكي ما ترجعيني من غيرك. دة فاق وما طلبش غيرك

لكن خوخا بعدت ايدها عنها نزلت عديلة ل رجلها منعتها انعام وقالت

بتعملي اية بس ودة يصح

شعبان بص ل خوخا وقال

خوخا ينفع اللي بيحصل دة. ست قد امك هتفضل تتحايل عليكي 

خوخا

انا اسفة للي بيحصل دة. بس انا مش اله انا بني ادمة ومن حقي لما اعمل حاجة اعملها وانا حاسها. وانا مش عايزا اروح ل واحد كان بيقتلني بالبطئ وبيلعب بيا. ودة اخر كلام عندي. بعد اذنكم

ودخلت خوخا اوضتها وقلبها بيتقطع وسمعت انعام بتقول ل عديلة

خوخا طيبة بس حطي نفسك مكانها ما. هو برضو مش بالساهل ان اللي تحبه يطلع كان عايز لها الشر

عديلة وهي بتعيط

عارفة وحاسة بيها ومقدرة اللي هي في. بس دة ابني الوحيد. وبيضيع مني. ومش قادرة اعمل له حاجة

شعبان

سيبها تهدي وانا هخليها تروح له. 

ومشبت عديلة وقعد شعبان وقصاد منه انعام وقال

عندك ليها حل دي

انعام

لا. بصراحة وخوخا ما تزعلش مني معاها حق

شعبان

عارف انها اتصدمت في صدمة عمرها ومش بسهل علي اي بنت تكون بتحب ويطلع حبيبها كان بيلعب بيها وبمشاعرها. بس اقول علي حاجة الواد دة صعبان عليه

انعام

وعليه انا كمان. لبس وش القاسي وهو باين علية انه طيب

شعبان

طبيعي دة يبقي حاله لما يعرف ان ابوه اللي كان بالنسبة لة كل حاجة اتقتل لازم يتلخبط ويتحول كمان لاني جربت يعني اية انتقام وما قدرتش اعيش وجوة مني كل الغل والكره دة. علشان كدة سبت نفسي ليكي ولحبك

انعام ابتسمت وقالت

ودة اللي عنده عايزه. ل حاتم

شعبان

نفسي الحقة من اللي هو في. ويكون دور خوخا في حياته نفس الدور اللي انتي لعبتي في حياتي وازاي تخليني انسي الكرة والغل. وارجع احب من تاني 

انعام

بس خوخا اتوجعت اوي

شعبان

عارف. وعارف انها لما تهدي هترجع تحسبها وتلاقي انها لازم تمد ايدها للي محتاج مساعدتها. 

هنا تفتح خوخا باب اوضتها. وتقف قدام منهم وهي بتعيط وبعد ما سمعت كل اللي اتقال قالت بحرقة

حتي لو كان اللي عايز مساعدتي واحد عمره ما حبني وكل كلمة حلوه طلعت من بوقة ليا كانت كذب

شعبان

لو مش بيحبك طلب يوشفك لية قبل ما يموت

استغربت خوخا السؤال. السؤال اللي ملهوش الا اجابة واحدة. هي عارفها لكنها قالت

ولو. بعد اية بعد ما قلبي اتوجع بسببه

شعبان

كلنا بنغلط وبنرجع تاني نصلح غلطنا وبنرجع نغلط ونرجع نصلح غلطنا علشان نتعلم انتي نفسك كنتي من فترة بدل ما هتبقي طالبة جامعية. كنتي ممكن تكوني متهمة في جريمة قتل وتعيشي احلي سنين عمرك في السجن. دة لو ما خديش اعدام. بلاش انتي انا كان ممكن يكون دة مصيري

خوخا

هو انت بقيت تدافع عنه لية كدة. دة انت كنت اكتر واحد كاره علاقتي بي

شعبان

علشان انا عيشت اللي هو عاشة وجربت وجع اللي يتحرم من حد بيحبه بفعل فاعل. واتاكد انه متلخبط ومش مجرم لانه ما قدرش يقتل مع انه كان سهل يقتل لكنه رجع. وقال ل غضبة لا. كل دة يخليني اقول ان حاتم ضحية مظلوم مش ظالم. طريقة كان غلط لكنة تاهه زي ما احنا توهنا. واتعلم وطالما طلب يشوفك يبقي رجع للطريق. ودة المهم

خوخا وهي منهارة من العياط

بعني اعمل اية دلوقتي

شعبان

كوني لي طوق النجاة. مش اكتر

ومسك ايد انعام وباسها وقال

زي ما انعام كانت ليا طوق نجاة. ومنعتي من اني اهد البيت علي راس خالتي.

خوخا بصت لهم وما بقتش عارفة تعمل اية، ،،،،،،،،،،

وتاني بوم من جوة المستشفي تقف خوخا مع عديلة وكان معها انعام وشعبان وكانو بيبصوا علي حاتم اللي نايم من وراء ازاز الاوضة. وعديلة بتقول

الحمد لله الدكتور طمئني وقال انه بقي احسن وممكن يفوق في اي وقت

وبصت عديلة ل خوخا وقال

انتي ما تعرفيش هو يفرح قد اية لما يفتح عيونه ويشوفك

خوخا اللي حزنت علي منظر حاتم وكمية الاجهزة المتوصله بي. وقالت

ربنا يشفي

وفضلت تبص عليه وتفتكر كل الايام الحلوة اللي كانت بينه وبينها ايام اول الكلية. وحاتم بيعزمها علي الاكل وبياكلها في بوقها وبيوعدها بانها معه هتشوف احلي ايامها. كلام جميل كله حب ووعود. طلعت كذابة وعيطت وسط فرحتها وبعد ما كانت شايفة نفسها عروسة بفستان ابيض. الفستان اتلوث بلون الدم وفضلت تعيط وشافتها انعام فراحت لها وخدتها في حضنها وقالت

افتكري الحلو بس. هو دلوقتي محتاجك.

بصت لها خوخا وهزت راسها ومسحت دموعها ورجعت تبص عليه تاني. وبعدها بساعتين يفتح حاتم عيونه ويشوفو والدكتور اللي كان عنده خرج وقال

خوخا اللي بيسال عليها جت

خوخا

انا خوخا

الدكتور

هو طالب خوخا ووالدته بس اللي يخشوا له

عديلة

حاضر.

وبصت ل خوخا وقالت

يلا يا خوخا

ودخلت خوخا ومعها عديلة وبدأ شعبان وانعام يتابعو المشهد من وراء ازاز الباب واول ما دخلت عديلة وخوخا بص. حاتم ل خوخا وقال

ما تعرفيش انا فرحان ازاي اني شوفتك

خوخا

الف سلامة عليك يا حاتم. شدة وتعدي

حاتم وهو بيشيل اسلاك الاجهزة المتصلة بي 

بس انا حاسس انها مش هتعدي

وقام وقف علي رجله بصعوبه شديدة فقالت عديلة

بتعمل اية بس.  

حاتم بصعوبه

مش حابب خوخا تشوفني وانا تعبان كدة

وراح ناحية باب الاوضة وقفل الباب بالمفتاح من جوة وسط استغراب خوخا وعديلة وقال حاتم

ومش حابب حد يدخل علبنا واحنا بنتكلم

في الوقت دة شعبان كان بيقول ل انعام من قدام الباب 

هو بيعمل اية دة.

في نفس الوقت من جوة الاوضة حاتم كان بيربط مفتاح الاوضة حوالين كف ايدة. بسلك كهرباء. علشان ما حدش يقدر ياخد المفتاح منه بالعافية وكان بيقول

احنا دلوقتي تلاته في الاوضة كمان شوية هيخرج مننا واحد بس.

وقطع خرطوم الاكسجين ولفة حوالين ايدة وبدأ يكح وكان بيمشي وهو بيطرنح. وبيقول

انا جبت النهاردة يا خوخا علشان اقول لك. حقك عليه مش عايز اموت وانتي زعلانه مني

خوخا اللي بتبص لخرطوم الاكسجين اللي لفف طرف منه في ايدة اليمين والطرف التاني في ايدة الشمال وقالت

انا مش زعلانه بس انت لية ماسك خرطوم الاكسجين كدة

حاتم وهو بيقرب منها

علشان اعرف الحقيقية وارتاح

عديلة

حقيقة اية يا حاتم كفاية بقي كلام في اللي فات

حاتم وهو بيكح اوي

صحيح كفاية

وهجم بسرعه علي خوخا ولف خرطوم الاكسجين حوالين رقبتها اتوجعت خوخا وصرخت وشعبان وانعام بدوا يرزعوا علي الباب من برة وحاتم بيبص ل خوخا وبيعيط وهو بيقول

حقك عليه. هوجعك تاني

وبعدها بص ل عديلة وقال

مين اللي قتل ابويا. قولي والا قتلتها

عديلة بصت ل خوخا اللي بتتخنق ووشها بدأ يحمر والدم ما بقاش يوصل للمخ وقالت

حرام عليك سيبها

ضغط حاتم اكتر علي رقبه خوخا اللي بتحاول تنجي نفسها لكنها مش قادرة وقال

قولي مين اللي عمل كدة

خوخا صعبت علي عديلة وقالت بانهيار شديد 

انا. انا. سيب البت الغلبانة في حالها

ساب حاتم خرطوم الاكسجين ووقع علي الارض مع الخرطوم مش مصدق اللي سمعه وخوخا فضلت تكح وتملي صدرها بالاكسجين اللي اتحرمت منه. وعديلة بتاخد ابنها في حضنها اللي تعب من صعوبه الصدمة وقالت وهي بتعيط بحرقة 

شبطاني ضحك عليه وخلاني اعمل كدة. وكنت فاكرة اني بحميك من مستقبل. مظلم مستقبل يكون في ابوك تاجر مخدرات. وكنت بحمي نفسي من شرة.

هنا يتفتح باب الاوضة ويدخل شعبان وانعام وياخدوا خوخا في حضنهم ومعاهم دكتور. وكام ممرض والدكتور يقول

رجعوا بسرعه علي جهاز الاكسجين

حاتم كان بيكح وهو بيبص ل امه وبيقول

كنتي سيبي عايش انا كنت بحبه. لية تحرميني منه

الممرضين كانو بيرجعو حاتم علي السرير وقت ما امه كانت بتقول

حقك علية.

حاتم

ودي ترجع اللي فات

 

وزق حاتم الممرضين بعيد عنه ومسك حقنة فاضية كانت في ايد الدكتور ولسة هيحط فيها علاج وعرز الابرة في رقبة امه. وضغط دخل الهواء للجسم وعديلة بدات تتالم بشدة وحاتم بيقول

كنتي سيبتي عايش حتي لو فضل في السجن

وفضل حاتم يبص ل امه وهي بتبص له وجسمها كله بيتنفض والدكتور واللي معه بيحاولو يسعفوها لكنهم ما قدروش وحاتم رمي الحقنة من ايدة وصرخ ونزل حضن امه وبص لها وقال

لا. ما تموتيش. انا بحبك انتي كمان

غمضت عديلة عيونها وبدات سكرات الموت. وحاتم خدها في حضنة وبص ل خوخا وقال بصعوبه شديدة

احلي ايام عمري عشتها بعد ابويا ما مات. هي الايام اللي كنت فيها قريب منك. لكن قلبي ما كانش قادر يحب ويمشي طريق الانتقام في نفس الوقت 

وكح اوي وقال

ولو ليا مرة تانية ارجع فيها للدنيا هرجع علشانك انتي وبس. ومش هكون ل غيرك. بس انا عارف اني رايح جهنم. بس اللي مصبرني اني شوفت جنتي في عيونك

ونزلت دموع خوخا وحاتم ببتوجع وكل اللي حوالين منه بيحاولو ينقذوا لكنه مات. في حضن امه. ،،،،،،،،،،،،

وتعدي الايام وتخلص خوخا كليتها وتتخطب كمان لكن في يوم الدخلة يحصل اللي يخلي خوخا تبقي، ،،،،،،،،،،،،،،،،،

دي بقي حكاية الموسم التاني.  

خوخا وقطر السنين. واتمني اعرف راي كل اللي شرفني بقراءة الموسم الاول. 

قريب نتقابل