اميرة الضباب
★الحلقة السادسة★
الاخيرة
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★غضبت انجي وبدأ المخزن يتحول الي مجرد ارض خضراء فاضية وكمال علي كرسي متربط باجهزة كتير
وقدام منه انجي وصبري صديقة وساهر كمان صديقة
والقاضي مكرم. وميكو. وكمال بيبص لهم وبيضحك.
بصت لهم انجي وقالت
برضو ما فيش فايدة وقدر يهرب من المصيدة
ساهر
ما هو الاسطورة. في عالم المنومون.
وقرب ساهر من كمال وقال
لكن لكل اسطورة بداية ونهاية. والنهاية قربت كمال
بص له كمال وفضل ساكت وهنا قرب صبري منه وقال
خبيت بنتك وقدرت تمحو الذاكرة بتاعتك. وهربت ل سنين كتير وهروبك كان السبب في تدمير المشروع بتاعنا. الضباب اللي عن طريقة هنسيطر علي عقول كل روساء العالم. وخزائن بلادهم تتفتح لينا ونبقي اقوي نظام اقتصادي عرفة التاريخ.
القاضي مكرم
بلايين الدولارت ضاعت مننا امبراطورية المنومون. انهارت والسبب خوفك علي بنتك. انا ماشوفتش حد مجنون زيك
كمال
مجنون علشان خايف علي بنتي من شر ملهوش حدود احنا اسسنا المؤسسة دي علشان العلاج الروحاني للمرضي النفسيين. لكنكم اتجننتو بقوتكم وبدا الشر يتحكم فيكم وبقيتو انتو المرضي النفسيين انتم اللي محتاجين علاج
ميكو
انت مصدق نفسك. ما انت من الاول كنت موافق. لكن لما بنتك جت. وعارفنا قوتها. خوفت وانشقيت عننا
كمال
حتي لو كنت في الاول موافق ورحعت في قراري علشان بنتي. فانا عملت الصح.
هنا يمد ساهر ايدة في جيب كمال ويطلع صورة جميلة ويقول
الصورة دي انت اللي حاططها بنفسك في صندوق الايداع اللي في البنك. وانا قدرت اوصل لها. يمكن يكون فيها اي اشارة او رمز ل مكان جميلة. وحاولنا نفك الاشارة دي وما قدرناش علشان كدة طورنا الايحاء العقلي اللي انت كنت في وخلانك في صورة شرطي بنته اتخطفت ووصلنا لصورة جميلة يمكن ذاكرتك ترجع لك ونعرف مكانها
كمال
استخدمت عقلي ضدي. علشان اعرفكم هي فين
ساهر
وبرضو ما قدرناش نوصل. بسبب المرض النفسي اللي انت زرعته في خلايا مخك. الانفصام عملت لنفسك حاجز تقدر تستخبي وراء منه مننا. لانك عارف ان المنومون قدرتهم بتضعف قدام المريض النفسي.
وحط ساهر الصورة قدام كمال بالظبط وقال
فين جميلة. ولية كتت علي الصورة اسم القاضي مكرم
ولا انت كاتب الاسم دة وملهوش اي دلاله ولا اي معني
حاول كمال يقف لكن انجي قالت
اعضائك دلوقتي مش ملكك انت تحت سيطرتنا. والحاجز النفسي مش هيقدر يحميك مننا كتير
وحطت ايدها علي كتفة وقالت
فين جميلة
بص لها كمال وفضل ساكت وهنا قال ساهر
لازم يدخل جوة الايحاء المزيف دة تاني
صبري
تاني. يرجع ظابط وبيدور علي بنته المخطوفة
ميكو
ونعيد شريط الاحداث من الاول
ساهر
ما قدمناش غير الطريق دة. علشان عقلة ينهار وترحع له الذاكرة ونقدر نعرف هو مخبئ جميلة فين
انجي
انا رايي من راي ساهر
وداست انحي علي زارز متوصل بالخلايا السمعية والعصبية في مخ كمال ورجع كمال تاني يشوف نفسه وهو خارج من اوصة الدكتورة النفسية. وبيركب العربية مع صبري وبيروح البنك ويشوف ساهر وهو بيسيطر علي الناس كل الاحداث بترجع بترجع. لكن فجاة كمال يقطع كل الاسلاك المتوصله بي. ويهرب من هذا المكان الاخصر ويفتح بوابة كبيرة علشان يلاقي نفسه وسط ديكورات من خشب تشبة جميع الاماكن اللي شافها لكنة ركب عربية ووبدأ يدخل في كل الديكورات وبمنتهي القوة والديكورات بتنهار لغاية ما شاف انحي واقفة قدام منه وهو داس فرامل وفضل يبص لها، وهي بتبص له وبتقول في مكبر صوت
اطفي المحرك وانزل من العربية. الهروب مش هو الحل
مخك هينهار في اي وقت لاننا متصلين بجميع خلايا عقلك العصبية والسمعية
بص لها كمال بغل شديد وداس بنزين وقبل ما يدخل فيها لف طارة العربية لفة كاملة ودخل في بوابة حديد خرجتة برة المكان دة.
انجي لباقي افراد المؤسسة
اوعي بهرب مننا.
صبري
طالما هرب يبقي رحعت له الذاكرة وهو فاكر انه رايح ينقذ بنته. من اللي خطفها
انجي
فين عرببتك، ،،،،،،،
ومن قدام بوابة مزرعه كبيرة يقف كمال بالعربية وبنزل منها علشان يلاقي مسعد رجل كبير ماسك بندقية ومصوبها ناحيتة وبيقول
شكلك ما تغيرش مع ان عدي 7 س. عن اخر مرة شوفتك فيها
كمال
وانت كمان شكلك متغيرش سبتك عجوز. ورجعت لقيتك عجوز
وهنا يلاقي بندقية تانية في ظهرة والمرة دي سميحة وكانت بتقول
مين دة اللي عجوز. دة مسعد اصغر منك
مسعد
عرفت اختار صح. مراتي وبطبل لي
وضحكوا الثلاثة واترمي كمال في حضنهم وقال مسعد
طالما رجعت يبقي عرفوا مكانك
كمال
وقريب هيعرفوا المكان هنا. علشان كدة لازم اخد جميلة واهرب بسرعه. هي فين، ،،،،،،،،
من جوة اوضة في المزرعه تقعد جميلة اللي بقت شابة وسط لعب كتير وكانت بتقدر تحرك اللعب دي عن بعد لغاية ما سمعت سقفة جاية من وراها بصت لقت كمال قامت واترمت في حضنة وقالت
كل دة
كمال
كنت لازم احميكي منهم
جميلة
وحشتني
كمال
وانتي كمان وحشتيني ،،،،،،
في نفس الوقت توصل انجي ومعها ساهر وباقي المنومون ويقف قدام منهم مسعد وسمحية والاسلحة في ايدبهم ويقول مسعد
اظن اليفطة برة مكتوب علبها دي ملكية خاصة ممنوع دخول الغرباء
سمحية
بس انجي مش غريبة. دي اقرب حد لينا
انجي اتصدمت وقالت
انا ما اعرفكمش. وكل اللي اعرفه ان بنتي عندكم
سميحة
وفيها اية لما تبقي عند ابوكي وامك. بس باين انهم نجحوا في محو ذاكرتك
هنا بص ساهر ل صبري. وطلع صبري سلاحه وضرب طلقتين يالظبط واحدة في راس مسعد والتانية في راس سميحة. علشان يقعوا الاثنين علي الارض. تبص دعاء ل صبري وتقول
لية عملت كدة
وجريت ناحية مسعد وسميحة وبدات تبص للاثنين وهما بيطلعوا في الروح وقالت لهم
فين جميلة. اوعي تصدقوا اللي كمال قالو. بنتي هتبقي في امان اكتر وهي معايا.
هنا يخرج كمال من البيت ويبص ل انجي ويقول
انجي اللي اعرفها مستحيل توافق علي اللي عايزا تعملو المؤسسة في بنتها انا جبتكم هنا علشان اتاكد انك مش هي. انتي مضحوك عليكي
هنا يقول ساهر بتهديد صريح
كمال. قدام طريقين لنهاية الموقف دة. ترجع انت وبنتك معانا للموسسة او نرجع من غيرك ويبقي معانا بنتك. بس
كمال
علشان تقتلها
ساهر بص. لكل الموجودين وقال
اقتلها لية.
كمال
علشان هي افضل منك. وانت عايز تفضل الافضل والاقوي
ساهر بارتباك شديد وهو بيبص ل كل اعضاء المؤسسة
اوعو تصدقوا دة بيكذب عايزكم تقلبوا عليه انا عمري ما اشتغلت ولا هشتغل الا ل مصلحة المؤسسة دي.
كمال ابتسم وقال
كدة انا اطمئنت علي بنتي
وبص كمال لباب البيت وقال
تقدري تخرجي يا. جميلة
وتخرج جميلة وتبص ل امها وتجري ناحيتها وتاخدها انجي في حضنها وتقول لها
كبرتي يا جميلة
جميلة
انا بجد فخورة بيكي جدا يا امي
استغربت انجي وقالت
فخورة بيا لية
جميلة
علشان رجعتي بيتنا. وهتحطي ايدك في ايدينا وهنحرر نفسينا منهم
وبصت جميلة ل ساهر. وابتسمت وهنا بدأ ساهر يلاحظ انه جوة خدعه كبيرة هو وكل افراد المؤسسة صرخ فيهم وقال
قدرت تلعب بالخلايا العصبية والسمعية. بتاعتنا وخلتنا نشوف اللي هي عايزنا نشوفه. كمال وجميلة وانجي مش قدمنا. قدرت تعمل ازاي دة كله
وهنا فعلا تختفي المزرعه ويبدأ اعضاء المؤسسة في ضرب النار علي نفسيهم ويقعوا جثث لكن ساهر شاف كدة قرر يهرب لكن هنا يظهر قدام منه مسعد وسميحة اللي لسة عايشين ويقولو
فات وقت الهروب
وادلو سلاح في ايدة. اللي فقد السيطرة عليها وصوب ساهر السلاح ناحية صدرة. قصاد القلب بالظبط واطلقت تلت طلقات وقعوا قتيل في وقتها. وبص مسعد ل سميحة وقال
اتصلي بابوكي الحانوتي وقولي له عندنا لي طالعه حلوة
سميحة. وهي بتبص علي الجثث.
دة هيفرح اوي.
مسعد
هو لسة بيبيع الجثث لطلبة طب
سميحة
لا. ربنا تاب عليه وبقي بيقطع ويبيع هو
مسعد استغرب
كدة ربنا تاب عليه ،،،،،،،،
ومن جوة مطعم علي النيل. يقعد كمال وانجي وجميلة. وانحي بتبص لهم وتقول
عايزا اعرف لما انا معاكم من الاول وهروبها تم بالاتفاق معاك
وبصت ل كمال. وكملت وقالت
ازاي انا كنت معاهم وضدك
كمال
استخدموكي زي ما استخدموا عقلي ضدي علشان انهار واقول لهم هي فين.
جميلة
ماما مش هتفهم كدة لازم تشوف بنفسيها اللي حصل
وتمسك جميلة ايدين انجي وتقول لها
غمضي عينيكي
وغمضت عينيها وحطت جميلة جيبنها علي جبين انجي ونرجع بالزمن 7 س. وبدات انجي تشوف. نفسها متغمي عيونها ومتربط ايديها الاثنين في كرسي حديد. وبتصرخ وبتقول
انتو مين وانا فين
وتسمع صوت ساهر بيقول
هربتوا بنتكم جميلة وعملتو عملية محو ذاكرة علشان لما اوصل لكم ما عرفش هي فين.
انجي
ومش هتقدر تعرف مكانها مهما حاولت توصل لها
ساهر مسكها من شعرها وقال
هوصل لها وانتي اللي هتساعديني. علشان اخلص عليها. ما هي مش هتتولد وتعيش معايا في الارض اميرة الضباب. اللي تقدر تسيطر علية.
انجي صرخت وهو قال
اصرخي مهما تصرخي. ما حدش هبنجدك من ايدي. ودلوقتي جه وقت اضافة ذاكرة جديدة في دماغك وبرمجتك علي خدمتي وخدمة المؤسسة. لغاية ما نوصل ل كمال جوزك
وبدأ ساهر يسيطر علي مركز الذاكرة في مخ انجي علشان تبقي معه مش ضدة.
وتفتح انجي عيونها وتبص ل جميلة وتقول
يعني انا كنت هخلص عليكي بايدية
كمال
متخافيش علي جميلة. دة المفروض اللي قدام منها هما اللي يخافو. لان جميلة مش منومة وبس. دي كمان تقدر تتحكم في الاشياء عن بعد. ولمستها كفاية جدا انها ترجع الذاكرة اللي اتمسحت
جميلة
طالعه اسطورة ل والدي. نعمل اية جينات بقي
ضحك كمال وبص لها وقال
النهاردة اسعد يوم في حياتي اتحررنا من المؤسسة ورجعنا تاني ل بعض،،،،،،،،،
خلصت قصتنا. اللي يارب نكون عجبتكم. كنتم مع اقتباس من فيلم Hypnotic.
إرسال تعليق