اميرة الضباب
★الحلقة الخامسة★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★دعاء. ل كمال
لازم نهرب بسرعه لانهم كلهم تحت تاثير ساهر
وفعلا استغل كمال ممر صغير قريب منهم وخد دعاء ودخل ذلك الممر وبدأ الهروب علي موتوسيكل لقي في نص الممر. لكن ساهر ظهر ومعه قوة من رجال الشرطة وكلهم تحت تاثيرة بص لهم كمال وهما رافعين سلاحهم في وشة وفضل مركز في عيونهم. لفو رجال الشرطة اسلحتهم وبداو يصوبها ناحية ساهر. اتصدمت دعاء من اللي شافته وبصت ل كمال وهي مش مصدقة انه من المنومون، وقبضت الشرطة علي ساهر اللي بص له وهو حاله ما يفرقش عن حال دعاء وكمال نفسه، ،،،،،،،،،
ومن احدي الحدائق العامة تقعد دعاء علي احدي دكك الحديقة وهي بتبص ل كمال اللي رايح جاي قدام منها مش مصدق اللي هو عمله وكان بيقول
مرة واحدة كدة اطلع عندي قدرة المنومون. طيب ازاي
وبص ل دعاء اللي كانت بتبص له وساكتة فقال كمال بعصبية
ازاي ردي عليه
دعاء
ما عرفش.
كمال
طيب لو انا منكم ازاي ما عرفش
دعاء
انت مش مننا وبس دة انت قدرت علي الضباب. يعني اقوي منه.
كمال
انا لازم اعرف اشمعني انا واشمعني بنتي. تقدري تساعديني
دعاء
انا لا. بس اعرف اللي ممكن يساعدنا
كمال
مين
دعاء
ميكو. مهندس كمبيوتر وهو اللي اسس شبكة نت الخاصة بالمؤسسة وهو الوحيد اللي يقدر يخترق الشبكة دي. ممكن في اختراقنا لشبكة البيانات نقدر نوصل لاي معلومة توصلك ل بنتك
كمال
وميكو دة هبرضي يساعدنا
دعاء
مبكو منشق عنهم زيي بالظبط وافتكر انه يهمه المؤسسة تنهار وينهار معها ساهر. علشان ياخد حريته وما يفضلش مطارد،،،،،،،
ومن قدام بوابة حديد ل مخزن قديم تقف دعاء وجنب منها كمال وتبص ل كاميرا مثبته عند اول البوابة وتقول
ميكو عارفة انك سامعني وشايفني. هفضل واقفة كتير علي الباب
صوت ميكو من وراء الباب
انتم مجرد خيال من تاثير ساهر علي خلايا مخي العصبية
دعاء
احنا مش خيال انا دعاء ودة المقدم كمال القط. والوحيد اللي عنده قدرة السيطرة علي تاثير ساهر
لدرجة ان ساهر ما قدرش يوصل لعقلة ومقدرش يسيطر عليه
اتفتح الباب وظهر شاب اسمر اللون شعرة مفلفل ولابس نظارة نظر شكلها غريب وفي ايدة سلاح وبص ل كمال من فوق ل تحت وقال
دة انت اسطورا بقي
دعاء
ميكو احنا جعائنين وعطشانين. هنلاقي عندك اكل
ميكو
اكلي علي قدي لا باخد ولا بدي
دعاء
معايا انا الكلام دة
ميكو
عيب صح
دعاء
افتكر كدة
داس علي الزناد في مسدسة اللي طلع مسدس لعبة وقال
ورايا
بص كمال ل دعاء وقال
هو. هوبا
دعاء ابتسمت وقالت
بس عبقري
ودخلو وراء منه.،،،،،،،،،
ووقف ميكو قدام باب تلاجة قديم والصدي واكلها وقال
تشربوا اية
دعاء
هي دي اصلا شغاله
فتح ميكو باب الثلاجة وقال
دي مش ثلاجة اصلا
وظهر سلم حديد وراء باب الثلاجة ينزل لتحت استغرب كمال ضحكت دعاء وقالت
لسة زي ما انت.
ميكو
مين يصدق ان مستخبي وراء الجيلاتي. اتفضلو
ودخلت دعاء ووراء منها كمال ونزلو ل تحت علشان يلاقو احدث اجهزة الكمبيوتر. ومين يصدق ان باب الثلاجة المعفن دة. يوصل للمكان اللي في احدث اجهزة الكمبيوتر. وبدا ميكو يحط ل دعاء وكمال اكل وشرب وبداو ياكلو ،،،،،،،،،
وبعدها بساعة. وبعد ما عرف ميكو حكاية كمال وبنته من دعاء. قال ميكو
اما قصة عبرة بصحيح
دعاء
احنا مش جائيين نحكي لك علشان تتعظ. احنا جائيين وعايزين نعرف اي معلومة توصلنا ل مكان بنت كمال ومين ممكن يكون خطفها
ميكو
كدة احنا هنحتاج كمبيوتر
كمال وهو بيبص للاجهزة الموجودة في كل مكان حوالين منه.
انت ما عندكش غير الكمبيوتر
ميكو ضحك وقال
قوي الملاحظة انت برضو. ودلوقتي انا محتاج اعرف عنك وعن عيلتك كل اللي اقدر اعرفو. يمكن حل اللغز يكون في حد منهم
وقعد ميكو علي جهاز وبدا يضرب علي ازرار الجهاز ويدخل شفرات وجاب كل سجلات كمال اسم الوالد والام والزوجة. واتصدم من اللي شافه ميكو وبص ل كمال ودعاء وقال
مراتك انجي عزيز. كانت من المنومون. وتعرف القاضي مكرم عز المعرفة.
كمال اتصدم وقال
انت بتقول اية. مستحيل مراتي يكون ليها علاقة بالجنون ذة.
ميكو
مش عايز اقول لك ان مراتك من المؤسسين للمؤسسة دي. وممكن يكون خطف بنتك تم بسبب علاقة مراتك بالمؤسسة
كمال بصوت حزين
مراتي انا اعرفها من واحنا صغيرين كبرنا سوي واتجوزنا وخلفت جميلة وبعدها بكام سنة ماتت.
دعاء
حادثة
كمال
لا. كانت مريضة بالسرطان
وحط كمال ايدة علي كتف ميكو وقال
انت متاكد من اللي بتقولو دة
بص له ميكو وحس قد اية كمال مصدوم فقال
انا اسف بس دي الحقيقية اللي ظهرت قدام مني
وحط ميكو صباعه علي الشاشة وقال
ودة الملف بتاعها جوة سيستم المؤسسة السري
بص كمال للشاشة وفضل يقراء المكتوب وهو هايتجنن. ومش قادر يصدق عيونه، ،،،،،،،،
وبعدها بشوية ووقت ما كانت دعاء نايمة في ركن من
اركان المخزن وميكو في ركن تاني وكمال في ركن وكان فارد ظهرة علي الارض وباصص ل سقف المخزن وعمال يفكر ممكن فعلا تكون مراته وعلاقتها بالمنومون هي سبب اللي حصل ل بنته وهنا يرن موبيل كمال وكان رقم غريب فيرد قائلا
الو. مين معايا
يسمع كمال صوته بالظبط
انا كمال القط
برق كمال وقال
ازاي
الصوت
سيبك من الاستغراب. واسمعني كويس لو فاكر انك هتعرف توصل ل بنتك تبقي غلطان. ما حدش يعرف طريق جميلة غيري انا
كمال
اية رايك لو نتقابل ونخرج بنتي برة الحكاية دي
الصوت ضحك وقال
اميرة الضباب هي اساس الحكاية اللي احنا فيها دي ازاي نخرجها.
كمال بعصبية
هقتلك
الصوت ضحك اكتر وقال
انت اللي هتموت مش انا
كمال
اموت بس بنتي ترجع. وهرجعها
هنا يسمع صوت ساهر بيقول
اوعي تكون فاكر انك اقوي مني. انا اقدر اوصل لك باكتر من طريق. صحيح انت العقل عندك مقفول ودة خلي الاتصال صعب عن طريق النظر ل عيونك لكن عن طريق الصوت. اقدر اوصل لك. ودلوقتي دعاء تموت وميكو زيها. وبايدك
بص كمال للاثنين النايمين وقال
لا.
ورمي الموبيل بعيد عنه. لكنه لقي ايدة بتتحرك بشكل تلاقي وهو ملهوش اي سيطرة عليها وحط ايدة في جيبة طلع مقص بص للمقص وهو مصدوم ولقي رجلة رايحة ناحية دعاء ووقف قدام دعاء بالظبط ورفع ايدة ولسة هينزل بالمقص علي دعاء. شاف مراته مكان دعاء. وصورة بتتهز كانها خيال مش حقيقية بدأ يدعك عينية اوي وبص تاني شاف دعاء واقفة. قدام منه وبتبص في عيونه وبتقول
قدر يوصل لك
مسك كمال ذراعتها الاثنين وقال
انتي مين. دعاء ولا. انجي
دعاء
تفتكر انا مين. دعاء اللي اتعرفت عليها في عيادتها ولا انجي مراتك
كمال وصورة دعاء قدام منه عمال تتغير شوية في صورتها وشوية في صورة انجي. وقال
تطلعي زي ما تطلعي. عرفيني فين بنتي
دعاء ب شر
بنتك معاك انت. وانا مطلوب مني اعرف هي فين. وانت دلوقتي هتقول
وبدات تبص دعاء في عيون كمال اللي زقها وجري ناحية الكمبيوتر وقعد علي الكمبيوتر وكتب اسم مراته انجي علشان تظهر صورة دعاء. اتصدم وقال
يعني انتي انجي.
انجي
انا مراتك. انجي
ولفت ايدها حوالين رقبة كمال وقالت
فين جميلة
كمال
ما عرفش
انجي
هربتها علشان تحميها مننا. واحنا اللي عملنا المؤسسة دي كلها علشان اللي زيها. علشان اميرة الضباب. اقوي منومة جت في التاريخ
كمال وهو عمال يهر دماغه بالنفي
دي بنتك ازاي ترضي عليها تعيش تجربة مرعبة زي دي
انجي
اية المرعب في انها تكون اميرة الضباب
كمال
المرعب انها مجرد طفلة
انجي
مين دي اللي طفلة جميلة عندها دلوقتي 16 س.
كمال باستغراب شديد
انتي بتقولي اية
انجي
اللي انت سمعته. ولعبتك بالزمن والوقت مش هتنفع زي كل مرة.
وبدات انجي تضغط بقوة علي رقبة كمال وهي بتقول
قول فين جميلة. اللي انت خدها وهربت بيها من 7س انا مش عارفة ازاي تكون من مؤسسي. منظمة المنومون وتنشق عننا بسهوله كدة وتهرب بجميلة
كمال ابتسم وقال
احنا في عالم موازي يا انجي. وكذبكم فضحكم. تقدروا تخرجوا كلكم برة دماغي كفاية خداع
غضبت انجي وبدأ المخزن يتحول الي مجرد ارض خضراء فاضية وكمال علي كرسي متربط باجهزة كتير
وقدام منه انجي وصبري صديقة وساهر كمان صديقة
والقاضي مكرم. وميكو. وكمال بيبص لهم وبيضحك، ،،،،،،،،،
خلصت حلقة النهاردة اللي يارب تكون عجبتكم. سلام
إرسال تعليق