كتاب الموت 2
ابتسامة الشر
★الحلقة الرايعة★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★في نفس الوقت كان خبايا واقف في الاوضة قدام نيرة بيقول لها
بنتك حبل المشنقة بيتلف حوالين منها.
بصت له نيرة باستغراب شديد لكنه قرب منها اوي وقال
هو انتي ما تعرفيش ان بنتك هي ليان. وكل اللي هيحصل فيها بسبيك انتي.
حاولت نيرة تتكلم لكن خبايا اختفي من قدام منها وفضلت نيرة تحاول الكلام. ،،،،
ومن جوة مكتب الظابط طه تقعد ليان قدام الظابط اللي كان بيبص لها وبيقول
نفسي اعرف اية اللي يوصل دكتورة زيك للوضع دة.
ليان بصت له وسكتت اصل ما فيش كلام يتقال. واي كلمة هتقولها هتتقابل بسخرية وهتتشاف مجنونة ويسمعوا صوت خبط علي باب المكتب فيقول طه
ادخل
يدخل العسكري ويقول
دكتور سراج برة وعايز حضرتك
طه
سراج والد الينت المنتحرة ميرنا
العسكري
هو فعلا قال كدة
طه
خلي يدخل
وخرج العسكري ودخل سراج وبعد ما قعد طلع موبيلة وشغل مقطع فيديو وقال
عايزك تتفرج علي الفيديو دة
بص طه في الفيديو وكان مصدوم من اللي شايفة وسامعه
لان ميرنا كانت بتقول في الفيديو وهي مبتسمة
ليان برئية من اللي هيحصل فيا انا وراء كل اللي هيحصلي انا اللي هروح لغاية عندها وهخليكم تشوفوني معها. وهكون جوة جسم مصطفي. انا اللي هموت نفسي وهموت مصطفي. لان الامر صدر. وخبايا طلب ارواحنا.
وانتهي الفيديو وطه مش مصدق اللي شافو وادي الموبيل ل سراج وبص ل ليان اللي قالت
احنا ضد كيان غامض. وضحايا مرضي نفسين وارواحهم ملكه.
طه
خبايا.
ليان
بالفيديو دة هو بيتحدنا. وبعد اللي شوفته بقيت حاسة اني مش قد التحدي
طه
انا هساعدك
ليان
اقدر اروح دلوقتي لاني محتاجة ارتاح
طه
تقدري. لكن هيبقي لبنا كلام تاني ،،،،،،،،،،،،
ورجعت ليان البيت ووقفت قدام المرايا في اوضتها وكان باين عليها الارهاق الشديد وبدات تقلع هدومها لكنها لقت نقط دم علي هدومها استغربت وبعدها شافت قطتها اللي ماتت من سنة صرخت ليان والقطة ابتسمت وراحت ناحية باب الاوضة وخرجت من الباب ودخلت امها ناهد في نفس الوقت وقالت
ليان مالك يا حبيبتي
فضلت ليان بصة للباب اللي خرجت منه القطة وقالت
بوسي
ناهد
قطتك الميتة
ليان
اة.
ناهد
اية اللي فكرك بيها
ليان
خرجت من الباب وانتي داخلة
ناهد
ما فيش حاجة خرحت وانا داخلة. انتي باين عليكي اعصابك تعبانة
ليان
انا متاكدة
ناهد
طيب تعالي اقري لك قران.
بصت لها ليان وبصت ل الباب وما بقتش عارفة اخرة اللي بيحصل دة اية، ،،،،،،،
وتاني يوم تروح ليان المستشفي وتدخل ل نيرة لكنها تلاقي الاوضة فاضية تتصدم وتخرج جري وتسال اول ممرضة قابلتها وكان الرد انها كانت موجودة من خمس دقايق بس. تجري في طرقات المستشفي زي المجنونه قلقانه علي نيرة وفضلت تدور عليها في كل مكان متاح لكن النتيجة كانت ان نيرة اختفت. رجعت ودخلت المستشفي تاني وطلبت من ممرضة انها تتصل ببنتها واتصلت الممرضة واتكلمت وبعد ما خلصت قالت لها ليان
قالت لك اية
الممرضة
الرقم اللي معانا مش بتاع بنت نيرة
ليان اتصدمت وقالت
انتي بتقولي اية هو احنا اول مرة نكلمها في
الممرضة
دة اللي اتقال وبالحرف الواحد. ما فيش حد هنا بالاسم دة واياكي تتصلي تاني. احسن لك
ليان برقت من شدة المفاجاة، ،،،،،،،،،،،،
وبالليل ترجع ليان الشقة وتقابلها امها وتقول
احط لك العشا
ليان وهي رايحة ناحية اوضتها قالت
ماليش نفس انا هخد دش و هدخل انام
وفعلا فتحت باب اوضتها ومع اول خطوة ليها جوة الاوضة تلاقي نفسها جوة قبر ونيرة واقفة عند اول القبر وبتردمتها بالتراب. وهي بتبتسم صرخت ليان وحاولت الخروج من القبر لكنها تلاقي دود قز كتير بيلف حوالين منها بسرعه رهيبة وبيطلع منه خيوط من حرير. الخيوط عملت كفن من حرير بيلف حوالين رجل ليان وطالع ل فوق وليان بتصرخ وتصرخ وتلاقي عيلة صغيرة لابسة جلبية سوداء بتنزل القبر ومعها ابرة خياطة كبيرة وبدات تخيط القماش في جلد. ليان وصرخات ليان لاتتوقف وهنا تظهر نيرة تانية ومعها. سكين قتلت نيرة اللي بتدفن ليان وبصت ل ليان ورمت لها السكين وقالت
حرري نفسك واهربي.
مسكت ليان السكين وبدات تقطع الحرير المتخيط في جلدها بعد ما ضربت البنت اللي معها في القبر بالسكينة في رقبتها وهنا سمعت ليان صوت صريخ نيرة وصوت خبايا بيقول لها
قدرت تخدعيني وبعد ما شفيتك هربتي وجيتي علشان تحرري بنتك
نيرة ما ردتش عليه وقال ل ليان
لازم تحرقي الكتاب يا ليان. اوصلي للبيت واحرقي الكتاب وخلصي الناس كلها من ال،،،،،،
وبدات نيرة تحط ايدها في بوقها وتخرج لسانها برة. وتسحب وتسحب في لسانها بمنتهي القوة لغاية مالسانها طلع في ايدها ورمته علي الارض والدم بقي ينزل من بوقها زي الفيضان وفضلت نيرة تبص ل ليان وخبايا بيجرها من رجليها علي الارض وبيبص ل ليان وهو مبتسم وبيقول
حاولي توصلي للكتاب وبنتك هتموت
ليان استغربت وقالت
بنتي
وبمجرد ما قالت كدة تلاقي القبر بيتفتح من تحت وهي بتقع وسط ماسورة كبيرة كلها ذكريات عمرها وسنينها اللي جاية وشافت نفسها بتتجوز وبتخلف وتولد بنت زي القمر ووصلت في اخر الماسورة دي ل اوضة بنتها اللي عندها اربع سنين اللي كانت بتلعب قصاد دولاب كبيرة بصت لها ليان وقالت
فريدة بطلي لعب بقي بهدلتي الدنيا حوالين منك
بصت لها فريدة وضحكت وهي بتقول
هلعب شوية صغيرين تاني وخلاص
هنا ظهر خبايا وراء الدولاب وزق الدولاب ناحية فريدة علشان يقع الدولاب فوق، ،،،،،،،.،
خلصت حلقة النهاردة اللي يارب تكون عجبتكم. سلام
إرسال تعليق