اميرة الضباب
★الحلقة الرابعة★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
في الوقت دة يدخل للكافية ظابط بصو له بتوتر شديد وقرب الظابط منهم وكان بيبص لهم وكانه عرفهم وفي الوقت دة تقع عين دعاء علي ساهر واقف برة الكافية وبيبص لها. وبيبص ل اربع ظباط وبيشاور علي دعاء وكمال. وازداد الوضع خطورة. وهنا مسك كمال ايد دعاء وجري ناحية الظابط بمنتهي السرعه. وزقة في صدرة وقعه علي الارض وخرج من الباب وبص ل ساهر وبعدها قال ل دعاء
اهربي انتي من هنا
دعاء
وانت
كمال
هاخد ساهر واروح ل بعيد
وطلع كمال صورة بنته وقال ل ساهر
جاي علشان الصورة ولا علشاني
ساهر بص للصورة وقال
علشان الصورة
كمال
تعالي خدها
وجري كمال وساهر قال لرجال الشرطة
هاتو
وطلعو يجروا وراء كمال وبدات مطاردة رهيبة بينهم لغاية ما وصلو لمحطة مصر واستمرت المطاردة لغاية ما وصلو لقضبان القطارات القديمة وبدأ كمال يجري وراء القطارات
ويستخبي من ساهر واللي معه. وشاف مشهد غريب انعكاس صورة القطارات في السماء. وكان السماء مرايا كبيرة. اسنغرب بشدة واستمر في الهروب. وفجاة لقي نفسه في مكان سد وقدام منه ساهر ورجال الشرطة اللي مع. وساهر قال لهم
اقتلو وهاتو منه الصورة
صوبو اسلحتهم ناحيتة وقبل اطلاق النار يلاقي كمال عربية ملاكي تدخل في رجال الشرطة وجوة العربية دعاء بصت ل كمال وقالت
اركب بسرعه
وركب ودعاء بصت ل ساهر وانحركت بالعربية وبمنتهي السرعه. وقال لها كمال
انا شوفت السماء وكانها مرايا كبيرة بتعكس صورة الارض.
دة معني اية.
دعاء اسنغربت وبصت له
ساهر قدر يتخلل ل عقلك. وحصل اتصال روحاني بينك وبينه
كمال
لو دة حصل فعلا لية ما خلنيش اقتل نفسي
دعاء
ما عرفش. في لغز ملهوش اجابة عندي. غير انك مختلف
كمال
اشمعني انا
دعاء
ممكن يكون عندك عقبة نفسية بتمنع وصول المنوم ل اعماق عقلك والسيطرة عليك
كمال
تقصدي اني مريض نفسي
دعاء
ممكن ودة في علم الاتصال مرفوض. لان العقل يعتبر مقفول
كمال
انا مش قادر افهم منك اي حاجة
دعاء
انا نفسي ما عنديش تفسير للي بيحصل دة غير انك مختلف
وهنا تلمح دعاء كمين شرطة ف دوس فرامل فجاة فيقول له كمال بعد مالحق نفسه قبل ما تتخبط راسة في التبلاوة بتاع العربية.
في اية
دعاء
كمين
كمال شاف الكمين فقال
طيب ارجعي بسرعه
ولسة هترجع لقت نفسها محاطة بالعربيات بص لها كمال وقال
ما بقاش ينفع رجوع
دعاء
طيب والحل
كمال
ادخلي علي الكمين وسيطرة علي الظباط بالتنويم المغناطيسي
دعاء
اخاف يكون مسيطر عليهم ساهر
كمال
ساعتها نلجاة للحل العنيف
وطلع مسدسة وحط ايدة عليه واتحركت دعاء بالعربية تاني بعد كمية الكلكسات اللي اضربت في ظهرها ودخلت علي الكمين وبصت في عيون الظابط وقدرت تعدي. اتنهدت وقالت
الحمد لله
كمال
عديت علي خير
وبعدها طلع كمال صورة بنته وبص لها بحزن شديد. بصت دعاء للصورة وقالت
هي دي بنتك جميلة
كمال
هي
دعاء قرت اسم القاضي مكرم. فقالت
اية علاقة القاضي مكرم بخطف بنتك
كمال باهتمام
انتي تعرفي مين هو القاضي مكرم
دعاء
دة المسئول عن مؤسسة المنومون.
كمال
دة اللي بيساعد ساهر.
دعاء
هو اللي خلي المؤسسة تتبع الجريمة
كمال
تعرفي عنوانه
دعاء
اعرف
كمال
بسرعه وديني لي. ،،،،،،،،،
ومن جوة منطقة شعبية في السيدة زينب يقف كمال وسط المنطقة ومستغرب ازاي راجل زي القاضي مكرم عايش هنا. شافت دعاء في عيونه الاستغراب ف قالت
مالك مستغرب لية كدة. دة طبيعي علشان ما يلفتش لي الانظار ويتعرف مكانه
وفضلو ماشيين لغاية ما دخلو بيت قديم وطلعوا ل غاية شقة في الدور الثالث خبطت دعاء علي الباب واستخبت بعيد عن الباب استغرب كمال فقالت
انا منشقة عنهم ولو عرف اني معاك مش هيفتح لك
كمال
وانا مش محتاجه يفتح
ورزع كمال الباب المتهالك برجله واتفتح الباب علشان يلافي راجل عجوز اقرع قاعد علي كرسي وسط الصاله بص له وقال
القاضي مكرم
مكرم
كمال القط. كان مسيرنا نتقابل
وهنا تظهر دعاء بص لها مكرم وقال
ودعاء كمان. واضح ان حصل بينكم اتفاق
كمال طلع مسدسة وحطة في نص جبهة مكرم وقال
بنتي جميلة فين
مكرم بص ل دعاء وقال
عرفي اني ماحبش الاسلوب دة في التعامل
كمال بعصبية وهو بيحط صباعه علي الزناد
انطق فين بنتي
مكرم
انا ماعرفش هي فين. ومحتاج اعرف
كمال
لية
مكرم
بنتك اميرة الضباب. في ادلة وصور واشارات كتير بتقول انها هي. اميرة الضباب
كمال
سمعتها كتير الجملة دي وعايز لها تفسير
مكرم
انت عارف.
كمال
ماعرفش
مكرم
ازاي بس. مش هو يعرف يا ساهر
هنا يخرج ساهر من احدي الاوض ويبدأ يضرب النار علي كمال اللي خد دعاء وخرج من الشقة بسرعه. وخرج للشارع ولقي الناس كلها في المنطقة بيهجموا عليه هو ودعاء. وبدا الصراع بين كمال ودعاء. وسكان المنطقة. ودعاء بتقول
لازم نهرب بسرعه لانهم كلهم تحت تاثير ساهر
وفعلا استغل كمال ممر صغير قريب منهم وخد دعاء ودخل ذلك الممر وبدأ الهروب علي موتوسيكل لقي في نص الممر. لكن ساهر ظهر ومعه قوة من رجال الشرطة وكلهم تحت تاثيرة بص لهم كمال وهما رافعين سلاحهم في وشة وفضل مركز في عيونهم. لفو رجال الشرطة اسلحتهم وبداو يصوبها ناحية ساهر. اتصدمت دعاء من اللي شافته وبصت ل كمال وهي مش مصدقة انه من المنومون، ،،،،،،،،،،،،
خلصت حلقة النهاردة اللي يارب تكون عجبتكم. سلام
جميله جدا جدا احسنت يا منص 👏👏👏👏👏👏
ردحذف