كتاب الموت 2
ابتسامة الشر
★الحلقة الثالثة★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★وبدأ مصطفي يرفع وشه لفوق ويبص ناحية ليان علشان تلافي ليان مرسوم علي وش مصطفي نفس الابتسامة المريبة اتصدمت ورجعت لوراء خطوتين من الرعب ومصطفي بدأ يخبط دماغه في الارض اكتر من مرة وبسرعه صرخت ليان من صعوبه المشهد وخرحت بسرعه برة الاوضة وبدات تنادي علي الامن. علشان يساعدوها وفعلا جم الامن وبداو يسيطروا علي مصطفي اللي كان بيقول والامن بيربطوا في السرير
ما تخفوش مني انا. الخوف منها هي وامها. هو عايزها هي. اخلصوا منها.
كانت ليان بتبص له وهي بتحضر حقنة مهدئة تخلي حاله الهياج تهدأ. وفعلا بدأ مصطفي يهدأ والهدوء رجع يسيطر علي الاوضة لكن الاعصار اتمكن من دماغ ليان. ،،،،،
وخرجت ليان من اوضة مصطفي وهي بتكلم نفسها وبتقول
يقصد اية مصطفي بالكلام دة. باين ان الاجابة عند نيرة
وراحت بسرعه ل نيرة ودخلت اوضتها ووقفت قدام منها وقالت
شيطان الابتسامة طلع حقيقي زي ما انتي قولتي
نيرة بصت لها ودة كل اللي قدرت تعمله لان الشلل النصفي منعها من الكلام لكن عيون نيرة كانو ملينين. كلام وخرجت ليان من اوضة نيرة وراحت مكتبها وفضلت تفكر في اللي اتقال واللي حصل واللي شافته وخايفة من اللي هبحصل وتحط دماغها علي سطح مكتبها وتغمض عيونها من شدة التعب وتشوف ،،،،
اضاءة خفيفة واوضة نوم غريبة عمرها ما شافتها. ونيرة نايمة علي السرير مذبوحة وصورة علي كمودينو جنب السرير فيها ليان وهي طفلة عندها 10 سنين وتحضنها من الخلف نيرة. وابوها دكتور جمال. استغربت ليان وفضلت تبص حوالين منها علشان تقع عيونها علي مرايا التسريحة وهي جوة منها في صورة الطفلة وفي ايدها سكينة غرقانه دم اتفزعت ليان، ،،،،
وفتحت عيونها لقت نفسها في المكتب ومش فاهمة اية اللي حصل مع صوت باب مكتبها بيتفتح وبيدخل عليها ممرضة وكان باين عليها التوتر وبتقول
الحقي يا دكتورة ليان المريض مصطفي،،،،،،،،،
ومن جوة اوضة مصطفي كان الممرضين والامن بيمنعوا من انه يخبط دماغه في الحيطة بكل قوتهم ومكانوش قادرين عليه. وقفت وراء منهم ليان وقالت
اية اللي حصل له
واحد من الممرضين قال
مرة واحدة لقينا بيقول باعلي صوته انا مش انتي اخرجي من جسمي. اخرجي. والا قتلت نفسي وبدأ يخبط دماغه في الحيطة ومش عارفين نسيطر عليه
ليان
لازم ياخد حقنة مؤهدئة وبسرعه.
وفعلا اتحضرت الحقنة وادتها ليان ل مصطفي وبدأ مفعول الابرة يشتغل وبدأ يهدي مصطفي. وقعد علي السرير وليان بدات تعالج له الجرح اللي في دماغه وكانت بتقول
انت حالتك كانت كويسة اية اللي حصل لك يا مصطفي
مصطفي بص لها وقال بصوت انسة
انا مش مصطفي. انا دكتورة جامعية. واسمي ميرنا
استغربت ليان وقالت
ميرنا
مصطفي
ماحدش عايز يصدقني لية
ليان
انا مصدقاكي بس ساعديني علشان اقدر اساعدك
وطلعت ليان قلم واجندة صغيرة بدات تكتب فيها وهي بتسال مصطفي وبتقول
النهاردة اية
مصطفي
الخميس
ليان
شهر اية
مصطفي بعصبية
شهر 11. وبلاش الاسئلة دي علشان انا مش مجنونه. انا دكتورة جامعية
ليان
عايزكي تهدي انا ماقولتش انك مجنونه.
مصطفي
دي اسئلة المجانين
ليان
قولت لك اهدي.
مصطفي
اهدي ازاي وانا ديما بشوفه وبسمعه وديما صوته بيتكرر في وداني خلايا مخي كلها بدات تصاب بالجنان وهو السبب
ليان
هو مين
مصطفي
خبايا
وبعدها اتقفل باب الاوضة كويس ومصطفي بدأ يشيل جلد جسمة بظوافرة وليان بتصرخ وبتطلب المساعدة ووسط الدم تظهر انسة وفي شئ خفي بيسحبنها من شعرها علي الارض وهي بتصرخ وليان راحت للباب وحاولت تفتحة لكنه كان مقفول باحكام شديد. فضلت تصرخ وتصرخ لكن الغريب ان ماكنش في اي حد برة الاوضة بيحاول يفتح الباب وكان مافيش حد سمعها. لقت صوت صراخ ميرنا انقطع بصت وراء منها لقت ميرنا ماسكة قطعه ازاز. وعلي وشها نفس الابتسامة وبتشيل جلد وشها بالازاز ووقعت علي الارض ميتة والابتسامة علي وشها واتفتح الباب ودخل الممرضين لقوة جثتين جثة مصطفي وجثة ميرنا والاثنين علي وشهم ابتسامة الشر، ،،،،،،
بعدها بساعه يوصل للقسم مفتش مباحث يدعي طه ومعه فريق البحث الجنائي ومدير المستشفي دكتور راضي. وابو ميرنا دكتور جامعي كبير يدعي سراج. الكل واقفين قدام ليان اللي لسة منهارة ومش مصدقة اللي شافته وكانو بيتكلمو معها مابين اللي بيسال واللي بيتهمها بالتقصير واللي مستغرب ميرنا دخلت المستشفي ازاي وكل دة بيتوجه ليها وهي مش عارفة ترد. وترد تقول اية. فقال طه
دكتورة ليان السكوت مش في مصلحتك. في مريض بيتعالج عندك. انتحر قصاد عينك وبنت دخلت المستشفي وبرضو ماتت منتحرة. والكاميرات سجلت. لحظة دخول البنت دي المستشفي معاكي. من فضلك اتكلمي
ليان
الكلام كله ملهوش الا تفسير واحد وغير منطقي بالمرة.
طه
اية هو
ليان
خبايا.
بصوا الثلاثة ل بعض وقال طه
مين خبايا
ليان
شيطان الابتسامة
سراج بعصبية
دة تهريج دي ازاي دكتورة في قسم الامراض النفسية وبتقول الكلام الفارغ دة. انتي هنا مطلوب منك تعالجي المجانين مش تبقي زيهم
ليان
ليك حق ما تصدقش لكن دة اللي حصل
سراج وهو بيمسكها من البلطو بتاعها. قال
انتي مجنونه. واحسن لك تنطقي. اية جاب بنتي ميرنا هنا
قتلتيها لية
دكتور راضي قدر يبعد سراج عن ليان وهو بيقول
من فضلك بلاش تجاوز.
سراج
تجاوز. انتو لسة شوفتو تجاوز دة انا هخرب بيتكم. والمجنونه دي لازم الف حبل المشنقة حوالين رقبتها
ومشي سراج وهو ناوي علي الشر. ورجع طه يبص ل ليان وقال
موقفك ضعيف.
ليان وهي منهارة من العياط
من فضلك صدقني.
وبصت ليان ل راضي وقالت
صدقني دكتور راضي دة انا تليمذتك. ازاي تصدق اني ممكن اهمل في علاج مريض لدرجة انه ينتحر قصاد مني.
راضي
الممرضين شهدوا انك طلبتي منهم يخرجوا رغم حاله الهياج اللي كانت عند مصطفي
ليان
انا خرجتهم بعد ما حقنة المهدئة اشتغلت. علشان اقدر اتم علاج مصطفي
طه
ولما بدأ ياذي نفسه ما طلبتيش المساعدة لية
ليان
الباب اتقفل وطلبت المساعدة وما حدش رد عليه
طه
وميرنا دخلت معاكي لية وقت الكشف علي مصطفي
ليان
ميرنا كانت جوة جسم مصطفي
طه باستهزاء
باين علينا هنرجع تاني لنفس نقطة البداية. خلينا بقي قاعدين للصبح، ،،،،،،،،
في نفس الوقت كان خبايا واقف في الاوضة قدام نيرة بيقول لها
بنتك حبل المشنقة بيتلف حوالين منها.
بصت له نيرة باستغراب شديد لكنه قرب منها اوي وقال
هو انتي ما تعرفيش ان بنتك هي ليان،،،،،،،،،
خلصت حلقة النهاردة اللي يارب تكون عجبتكم. سلام
إرسال تعليق