كتاب الموت 2
ابتسامة الشر
★الحلقة الثانية★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★ورمي الجنزير ناحية السقف ومسك الجنزير في سقف الاوضة وبقي الخطاف.ل تحت اترعبت نيرة وفضلت تصرخ وتقول وهي بترزع علي حيطان الاوضة
الحقوني. الحقوني.
لكن ابوها مسك الخطاف وراح بي ناحيتها وغرز الخطاف في بطنها صرخت نيرة ويدأ ابوها يبص للجنزير علشان يمشي علي السقف زي الثعبان ويبدأ يرفع نيرة لفوق. والدم يتساقط منها علي ارضية الاوضة وكانها النهاية،،،،،،
وفجاة تلاقي نيرة نفسها جوة اوضة تانية علي سرير متغطي بملايا بيضاء اتصدمت وبصت للاوضة باستغراب شديد وافتكرت اللي حصل لها. والخطاف اللي اتعلقت منه حطت ايدها علي بطنها وقالت
ابني
ورفعت الفانلة اللي كانت لابسها علشان تكشف عن منطقة البطن وبصت لبطنها ومالقتش اي اثر ل اي جرح. اتفزعت
وقامت من فوق السرير وفتحت السرير وفتحت الباب لقيت نفسها في مستشفي ودة كان باين من الممرضين اللي رايحين وجائيين في الطرقا خرجت وفضلت تمشي في الطرقا وهي خايفة تكلم اي حد لغاية ما وقفت قدام منها انسة في الثلاثين من عمرها لابسة بالطو ابيض يدل علي انها دكتورة وتدعي ليان وقالت
رايحة فين يا نيرة
نيرة
انتي تعرفيني
ليان
انا الدكتورة ليان المعالجة ليكي
نيرة
بتعالجيني من اية
ليان
انتي جيتي لغاية عندنا وطلبتي العلاج والحمايا
نيرة باستغراب
من اية
ليان
من حد انتي سمتي خبايا
نيرة
خبايا. دة شيطان الابتسامة.
ضحكت ليان وقالت
من امتي والابتسامة ليها شيطان
نيرة بعصبية
دة اللي قاله لي خبايا. ودة اللي شوفته بعينية.
ليان
طيب انا عايزاكي دلوقتي ترجعي اوضك
نيرة
ارجع اوضي ازاي. انا ما عرفش انتي مين واية اللي جابني عندك
ليان
طيب ممكن ترجعي اوضك وهناك هنتكلم
نيرة بعصبية شديدة
انا مش راجعه. وهخرج دلوقتي من هنا. ومش عايزا مساعدة منك او من غيرك
ولسة هتتحرك نيرة وقفتها ليان وقالت
ممكن اعرف انتي عصبية لية كدة
نيرة
علشان بتطلبي مني اقعد هنا واسيب بنت اختي لوحديها برة
ليان
بنت اختك هند وبنتك اميرة انتي جيبتيهم معاكي وانتي جاية هنا بتطلبي مساعدتنا
اتصدمت نيرة اكتر واكتر وشكت في كل اللي حوالين منها وقالت ان دة وهم من تصميم خبايا. وقررت تجري وفعلا
جريت لكن ليان امرت حرس المستشفي بانهم يمسكوها وفعلا اتمكنوا منها ونيرة بتحاول تفلت منهم وهي بتصرخ وبتقول
اوعوا سابوني امشي من هنا
لكن ليان قالت
خدوها علي اوضتها. وابعتوا ل هند واميرة هما اللي بيعرفو يهدوها
وفعلو راحو بيها للاوضة رغم محاولات هروب نيرة منهم،،،
وبعدها بكام دقيقة نيرة جوة الاوضة مقفول علبها وعماله تحاول تفتح الباب لكنها مش قادرة وبتخبط وتخبط عايزا الباب يتفتح وفعلا الباب اتفتح ودخلو عليها بنتين الاولي هند. والثانية اميرة. لكن هند كانت كبرت وبقت مراهقة عندها 15 س. واميرة عندها 7. س. بصت لهم نيرة وهي مصدومة هي تعرف هند بس ازاي كبرت دة اخر مرة شافتها كانت بنت 8 س. ومعقوله اللي معها دي تكون بنتها. ازاي دة حصل. يوم فات. يكون بكل السنين دي. وقربت هند منها وقالت
مالك يا خالتي.
نيرة بلعت ريقها بصعوبة وقالت
انتي هند.
هند
ايوة يا خالتي. انتي رجعتي تنسي تاني
وقربت منها اميرة وحاولت تمسك ايدها وقالت
وانا اميرة بنتك
زقتها نيرة بعيد عنها وقالت
ابعدي انا ما اعرفكيش
اميرة
تاني يا امي
نيرة
اية هو اللي تاني. انا فعلا ما اعرفكيش.
هند
خالتي اهدي وتعالي اقعدي
وحاولت هند تمسك. ايدها لكن نيرة زقتها هي كمان وقالت
وانتي كمان ابعدي عني انا ما عرفش حد منكم انتم من صنع خبايا.
وبدات تبص حوالين منها وهي بتقول
عايز تجنني انا مش هتجنن. عايزني اموت. موتني وريحني.
هنا انضمت لهم ليان وسمعت نيرة وهي بتقول
انا عارفة انت بتعمل فيا لية كدة. علشان تنتقم مني بعد ما كنت السبب في نهايتكم. والكتاب اللي انت طلعت منه هحرقة واريح الناس كلها منك. ومن الشياطين اللي طلعت منه. وهجيب حق اختي اللي ماتت بسببكم. انا مش هتجنن. وعارفة انك ساكن في دماغي ومش هتقدر تسيطر عليه
وصرخت باعلي صوتها وقالت
سامع يا خبايا. انا قدك وقد الكيان اللي انت منه ومش هتقدر عل،،،،،،،
لكن بوق نيرة يتعوج وايدها الشمال تتعوج وكانها اعراض شلل نصفي ووقعت نيرة من طولها، ،،،،،،،،،
وفي نفس اليوم بالليل تقعد ليان مع امها الحاجة ناهد. وكانت ليان سرحانه في حكاية نيرة وقت ما امها كانت بتقول لها
يا بنتي ريحي بالي وقولي رايك اية في العريس
لكن ليان ما بتردتش ناهد قالت بصوت اعلي
ليان
بصت لها ليان وقالت
نعم يا ماما
ناهد
ماما اية. انا بكلمك بقالي ساعه
ليان
معلش يا ماما اصل دماغي مشغوله بمريضة عندي في قسم
ناهد بسخرية
قسم المجانين. انا مش عارفة اشمعني النخصص دة اللي انتي اختارتي
ليان
مش شايفة يا ماما اننا اتكلمنا كتير في الحوار دة. وكل مرة المناقشة بتخلص علي اننا بنتخانق لان وجهه نظري مش جاية مع وجهه نظرك
ناهد
يبقي احسن لو اتكلمنا في حوار العريس.
ليان
مش هتجوز دلوقتي
ناهد
لية بس دة انتي في الثلاثين. هتستني اية تاني
ليان
هستني اللي بحبه. مش هتجوز وخلاص. وبلاش بقي كلام
تاني
وقامت ليان ودخلت اوضتها وناهد بتقول
عندية زي اللي خلفك، ،،،،،،،
ومن اوضة ليان ووقت ما كانت نايمة تصحي من نومها مفزوعه وقت ما حست بالبطانية اللي عليها بتتشال وحد بدأ يلعب في شعرها وقعدت علي السرير وبصت حوالين منها بفزع شديد وهي بتقول
مين.
لكن الاوضة كانت فاضية لكنها شافت باب الاوضة بيتقفل قامت جري وراحت ناحية باب الاوضة وحاولت تفتح الباب لكنها ما قدرتش استغربت وفضلت تبص للباب وهي مصدومة واول ما سابت مقبض الباب. اتفتح الباب اترعبت ورجعت لوراء خطوتين وانطفي النور صرخت رجع النور نور تاني شمت ريحة دم زفر جاية من وراء منها بصت وراء منها برعب شديد علشان تلاقي الملايا البيضاء بتاعتها واقفة وكان في حد جوة منها ومرسوم علي الملايا نفس الابتسامة المريبة بصت للملايا وهي بتقول بخوف شديد
مين. انت وعايز ترعبني لية
بدات الملايا تتحرك ببطئ شديد ناحيتها اترعبت وخرجت جري من اوضتها وراحت ناحية اوضه امها ودخلت الاوضة وهي بتقول
ماما
لقيت امها قاعدة علي التسريحة بتاعتها قدام المرايا وكانت بتسرح شعرها بفرشة شعر كلها مسامير وكانت الابتسامة مرسومة علي وش امها رغم المسامير اللي بتغرز في لحم راسها وبينزل منها الدم. وقالت امها
عايزا اية
ليان
اللي بيحصل دة جنون.
وخرجت جري من الاوضة لقيت الملايا انحدفت عليها وبقت جوة الملايا وقدام منها مخلوق مشوة ماتكساش لحم لسة والدم السخن بينزل منه علي جسمها وكل نقطة دم بتلمس جسمها كانت وكانها مية نار. صرخت وحاولت تخرج من الملايا باي شكل لكنها ما كنتش قادرة والمخلوق المشوة دة بيصرخ في وشها وهي مرعوبه وفجاة تصحي من نومها تلاقي نفسها علي السرير في حضن امها اللي كانت بتقراء عليها قران بصت لها وقالت وهي مش مستوعبة اللي حصل
انا فين
ناهد
انتي في حضن امك يا قلب امك. باين عليكي كنتي بتحلمي بكابوس
ليان
كابوس. ازاي دة كانه حقيقة
ناهد
لا. يا ضنايا كابوس وانا جنبك . متخافبش.
فضلت ليان تبص حوالين منها وهي لسة مرعوبة لغاية ما نامت علي صوت القران اللي بتقراء امها، ،،،،،،،،،
تعدي الليلة ويطلع النهار وليان تروح ل قسم المجانين مكان شغلها وعديت علي اول اوضة في طريقها وهي اوضة ل مريض يدعي مصطفي. كان قاعد علي الارض ومربع وباصص للارض وهو ثابت ما بيتحركش استغربت ليان وقالت
مصطفي مالك قاعد لية كدة.
ما ردتش مصطفي وفضل باصص للارض استغربت ليان وقالت وهي بتقرب
مصطفي ما بتردتش عليه لية. دة انا قولت انك خلاص خفيت وكتبت دة في تقريري الخاص بحالتك وخلاص هتخرج كمان يومين
مصطفي رد وهو لسة باصص للارض. قال بصوت مخيف
مش هيسبني اخرج. وانتي وامك السبب في كل اللي هيحصل لينا
اترعبت ليان وقالت
مصطفي انت بتقول اية. وياريت تبص لي وانا بكلمك
مصطفي
متاكدة انك عايزا تشوفيني
ليان وهي بتقرب
ومش هبقي عايزا اشوفك لية
وبدأ مصطفي يرفع وشه لفوق ويبص ناحية ليان علشان تلافي ليان مرسوم علي وش مصطفي نفس الابتسامة المريبة اتصدمت ورجعت لوراء خطوتين من الرعب ومصطفي بدأ يخبط دماغه في الارض اكتر من مرة وبسرعه صرخت ليان من صعوبه المشهد وخرحت بسرعه برة الاوضة وبدات تنادي علي الامن. علشان يساعدوها وفعلا جم الامن وبداو يسيطروا علي مصطفي اللي كان بيقول والامن بيربطوا في السرير
ما تخفوش مني انا. الخوف منها هي وامها. هو عايزها هي. اخلصوا منها.
كانت ليان بتبص له وهي بتحضر حقنة مهدئة تخلي حاله الهياج تهدأ. وفعلا بدأ مصطفي يهدأ والهدوء رجع يسيطر علي الاوضة لكن الاعصار اتمكن من دماغ ليان.،،،،،،،،،
خلصت حلقة النهاردة اللي يارب تكون عجبتكم. سلام
إرسال تعليق