كتاب الموتي 2
ابتسامة الشر
خلص الموسم الاول علي ان العمارة اللي كانت ساكنة فيها عفاف اخت نيرة. اتهدد ووقعت بسبب كتاب الموتي والشر اللي خرج منه. واللي بسببه قتلت عفاف ولادها الثلاثة.
**دة في احداث الموسم الاول كتاب الموتي**
القصة اقتباس من فيلم امريكي. هقول لكم اسمة في اخر القصة. المهم ان كل اللي في العمارة بيموتو وما يطلعش منها عايش الا نيرة وهند بنت اختها ويفضل تحت انقاض العمارة كتاب الموتي وتمشي نيرة وهند وتطلع من تحت الانقاض ايد عزيزة. اللي ماتت محروقة. واحنا دلوقتي جوة اوضة نوم في شقة نيرة وقت ما حصلت الاحداث دي.،،،،،، الموسم دة اقتباس من احلي افلام الرعب.الامريكي مع زيادة بعد الاحداث والمشاهد من تاليفي. يارب يعجبكم
★الحلقة الاولي★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★احنا دلوقتي جوة اوضة نوم. و نيرة قدام هند بعد ما خدوا دش ساخن وكانت نيرة بتسرح شعر هند اللي بصت لها وقالت
خالتي انا جعانه
نيرة
عيون خالتك حالا هقوم اعمل لك احلي اكل
وقامت نيرة وخرجت من الاوضة علشان تقوم هند وتقف قدام المرايا وتبص للمرايا وتظهر عزيزة وتمد ايدها ل هند اللي تمد ايدها ليها وتدخل هند جوة المرايا وتخرج عزيزة برة المرايا وتبدأ تصغر لغاية ما تصبح في شكل وجسم وهند وهنا تدخل نيرة للاوضة ومعها صنية اكل عليها كام رغيف فينو وجبنة ولنشون تبص لها عزيزة وتقول
جبت الاكل يا خالتي
نيرة
قلب خالتك. يلا تعالي كلي
راحت ناحيتها عزيزة وهند سجينة جوة المرايا وعزيزة بتقرب من نيرة وقعدت قدام منها بالظبط وابتسمت ابتسامه الشر ،،،،،،
وبالليل ومع دقات الساعه. 3. ص. تقلق نيرة وتصحي من نومها علشان تسمع صوت كلب بيتالم استغربت اوي لان الصوت كان جاي من الشقة ونيرة ما عندهاش كلاب في الشقة ف بصت جنب منها مالقتش هند خافت وقالت بقلق شديد
هند
ما سمعتش رد راحت ناحية الباب وفتحته لكن الباب ما رضاش يتفتح استغربت اوي حاولت اكتر من مرة وبرضو الباب مش عايز يتفتح خبطت وهي بتقول
هند.
وفضلت تخبط وعماله تقول
هند انتي برة.
صوت الكلب اللي كان بيتوجع وقف والباب اتفتح ولقيت هند داخلة عليها وعلي بوقها قطعه من اللحم الني بصت لها باستغراب شديد وهند قالت
ايوة يا خالتي
نيرة ودقات قلبها سريعه
انتي كنت فين
هند
جوعت. وقولت اقوم اكل
وراحت هند ناحية السرير ونيرة عماله تبص في الصاله علي الكلب اللي كان بيتوجع لكنها لقيت الصاله فاضية وسمعت صوت هند جاي من وراها وهي بتقول
بدوري علي حاجة يا خالتي
بصت نيرة وراء منها مالقتش هند رجعت تبص قدام منها لقيت هند واقفة بتبص لها اتفزعت نيرة فقالت هند وهي بتمسك ايدها وبتبتسم نفس الابتسامة المريبة
تعالي ننام يا خالتي
وبدات هند تسحب نيرة ناحية السرير علشان واول ما تحط نيرة جسمها فوق السرير تسمع صوت الكلب الموجوع لكنه جاي المرة دي من تحت السرير اتصدمت
وبصت ل هند لقتها نامت استغربت وقالت
معقوله بالسرعه دي تتنام
وفضلت مركزة مع صوت الكلب اللي بيتوجع ونزلت برسها تبص تحت السزير ورفعت الملايا اللي مغطية السرير لقت هند بتاكل في الكلب صرخت لكن هند سحبتها من ايديها لتحت السرير علشان تلاقي نفسها جوة حوض ازاز كبير مليان دم. وجماجم لونها احمر بعيون سوداء. ودود بيخرج من عيون الجماجم. صرخت وبدات تلوش بايديها يمين وشمال بتحاول تخرج لكن هند في قاع الحوض دة بتبص لها وبتبتسم نفس الابتسامة المريبة صرخت نيرة اكتر. واكتر لكن هند سحبتها لقاع الحوض علشان تلاقي نيرة نفسها بتكسر الحوض الازاز وبتقع علي ارضية رخام لحمام اول مرة تشوفة وعيل عنده خمس سنين واقف قدام منها وبيقول
ماما انتي كويسة
بدات نيرة تتعدل وتبص حوالين منها باستغراب شديد والطفل بينادي باعلي صوته وبيقول
بابا. بابا. تعالي الحق ماما وقعت
جه جري شاب مفتول وسيم وقف قدام منها بحب شديد وخوف وقلق وقال وهو بيساعدها تقوم
انتي كويسة
نيرة بتبص له وبتقول
انت مين
ضحك وقال
انا مين. والله دي نكتة. انا جوزك
نيرة
بس انا مش متجوزة
ضحك اكتر وقال
اومال وسيم دة بيعمل اية هنا
وبص للواد وقال
كلم امك انت. بقي
وسيم
ماما انتي كويسة
هنا تظهر هند وراء وسيم تبص لها نيرة تبتسم هند وتتحول لكيان من ضباب اسود مبتسم يقف قدام نيرة ويقول
دة جوزك وابنك اللي انا اخترتهم ليكي.
نيرة
انت مين
رد عليها وقال
خبايا. شيطان الابتسامة.
نيرة باستغراب شديد
خبايا.
خبايا
انا شر لكن من نوع جديد. وقع عليكي الاختيار انك تعيشي تجربة وهي انك تموتي من الفزع والرعب واخر شئ بتشوفي هي الابتسامة. ودة اقل ثمن تدفعي بعد اللي عملتي في كتاب الموتي
نيرة
انا مش فاهمة اي حاجة
خبايا
اية لحقتي نسيتي عفاف اختك واللي حصل لها. نسيتي الكتاب اللي طلع منه الشياطين الخمسة. الكتاب اللي طلبتي بحرقة. تبقي غبية يا نيرة لو فاكرة ان كيان عاش من بداية الخلق نهايته تكون علي ايد واحدة زيك.ضعيفة
ودلوقتي جة وقت العذاب. وانكتب عليكي تعيشي التجربة اللي نهايتها موتك وانتي عايشة العيشة دي مع جوزك وابنك اللي اخترتهم ليكي.. ولا تحبي تموتي و انتي عايشة العيشة دي.
ويبص خبايا وراء نيرة اترعبت نيرة وبصت مكان ما بص خبايا لقت نفسها بتتسحب وبقيت جوة مطبخ وواقفة قدام شباك بتبص منه ناحية شاب وهي مبتسمة والشاب باصص لها ومبتسم وفجاة تمسك نيرة المبشرة بتاعت الخضار وتحط المبشرة علي وشها وتبدأ تسحب المبشرة ل تحت علشان لحم وشها ينزل قدام منها اتصدم الشاب ورغم كمية الوجع الا ان نيرة لسة مبتسمة وبتبص للشاب اللي طلع موبيلة وشغل الكاميرا وجه يصور اللي بتعمله نيرة لقاها اختفت من المطبخ اتصدمت وفضل يبص عليها في كل ركن من اركان المطبخ لكنها اختفت تماما. دخل الشاب اوضة وهو مصدوم من اللي شافه سمع صوت خبط في دولابة بص للدولاب وقال
بوسي انتي دخلتي الدولاب تاني
وراح وفتح الدولاب لقي نيرة قدام منه وفي ايدها المبشرة والدم بيتساقط منه وقطع لحم وشها جوة. المبشرة. وبتبتسم. صرخ الشاب وتصرخ نيرة وهنا تصحي نيرة علشان تلاقي نفسها علي السرير في شقتها بصت حوالين منها لقيت هند نايمة جنب منها والابتسامة علي وشها خافت وبعدت عنها وخرجت من الاوضة جري وقعدت برة في الصاله بتعيط وهي منهارة مش مصدقة اللي هي شافته وعماله تقول
انا لازم اجيب شيخ يقراء عليه وعلي هند قران
ووقفت ودخلت الحمام تغسل وشها واول ما بصت في المرايا شافت هند مسجونة جوة المرايا اتصدمت ووقعت جوة البانيو من قوة الصدمة لكنها قامت لما سمعت صوت هند بيقول
خالتي نيرة. خالتي نيرة
ووقفت نيرة قدام المرايا علشان تتاكد هي بتتخيل ولا اللي شافته دة حقيقية وبصت في المرايا وهي مش عايزا لكنها بصت وشافت هند تاني فقالت لها
انتي هتسيبهم ياخدوني
نيرة عماله تبص ل هند مش مصدقة اللي بيحصل وهند بتقول
انا مسجونة هنا. وهو نايم جنب منك.
نيرة
هو مين
هند
خبايا
وبدا الصوت يتكرر جوة دماغ نيرة اكتر من مرة ونيرة تخرج من الحمام جري والصوت لا يتوقف ويكتب علي حوائط الشقة خبايا. خبايا. بحروف من دم. صرخت نيرة وقالت
بس. بس. انا ما بقتش قادرة استحمل
وخرجت جري من الشقة وقفلت الباب وراء منها، ،،،،،،
ومن قدام احدي الجوامع تقف نيرة بعد ما اتصرفت في حجاب من واحدة جارتهم وكانت مستنية الجامع يخرج من المصلين علشان تدخل للشيخ وخرجوا المصلين ودخلت نيرة وراحت ناحية الشيخ اللي كان قاعد و ظهره.
ليها وقربت منه ووقفت وراء منه بالظبط وقالت
سيدنا الشيخ كنت عايزاك
لف الشيخ وشة علشان نشوف نيرة ابوها الميت بيبص لها وهو بيبتسم. نفس الابتسامة المريبة وبيقف قدام منها وهو بيقول
ابن مين اللي في بطنك دة. ابن حرام مش هتقولي
بلعت نيرة ريقها بصعوبة من كتر الخوف. وجريت ناحية باب الجامع لقيت نفسها وسط اوضة من اربع حيطان وابوها بيقرب منها ولسة مبتسم وبيقول
مالك خايفة مني لية. انا هقتلك اية اللي يخوف في كدة
وخرج من كف ايدة جنزير وفي اخر الجنزير خطاف اللي بيستخدموا الجزارين في تعليق الذبيحة بصت نيرة للمنظر وقالت برعب شديد
انت هتعمل
ابوها وهو مبتسم
متخافيش.
ورمي الجنزير ناحية السقف ومسك الجنزير في سقف الاوضة وبقي الخطاف.ل تحت اترعبت نيرة وفضلت تصرخ وتقول وهي بترزع علي حيطان الاوضة
الحقوني. الحقوني.
لكن ابوها مسك الخطاف وراح بي ناحيتها وغرز الخطاف في بطنها صرخت نيرة ويدأ ابوها يبص للجنزير علشان يمشي علي السقف زي الثعبان ويبدأ يرفع نيرة لفوق. والدم يتساقط منها علي ارضية الاوضة وكانها النهاية، ،،،،
خلصت حلقة النهاردة اللي يارب تكون عجبتكم. سلام
إرسال تعليق