خوخا
★الحلقة التاسعة عشر ★
من تاليفي، ،
محمد منصور. * منص *
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★وبعدها بروح يقعد حاتم. جنب شعبان ويبص له ويقول
الفيلم دة اهداء مني ليك يا عمي. وعارف انه هيعجبك
شعبان
يا. للدرجة دي واثق من هديتك ليا
حاتم
اصلي بفهم بسرعه الناس اللي قدام مني واعرف هما يحبوا اية واية اللي يضايقهم.
واشتغل الفيلم فقال حاتم
الفيلم اشتغل
ويبص شعبان للتيلفزيون علشان يغضب جدا. لما يشوف واحد شبة الي حد ما. وبيرعج نفس عرجته وبيخرج من باب بيت وبعديها بيدخل واحد شبه اسامة. فيلم بيعرض الماضي كله زي ما عرفه حاتم من كلام امه وبدأ حاتم يتابع ملامح وش شعبان اللي اتقلبت 360. درجة. وقال
واضح ان الفيلم ما عجبكش. علشان خاطر فكرك بحاجات توجع
لسة هيتكلم شعبان قالت خوحا
لا. خالص. دة فيلم جميل اوي
بص شعبان ل خوخا وهي بتتفرج باهتمام شديد لكل اللي حصل زمان. وقرر يسكت وكمل الفيلم اللي ماكنش فيلم بمعني فيلم اكتر من انه فيديو من الماضي. وجت نهايته بقتل اسامة ونزلت كلمة النهاية وقال حاتم
عارفين النص ساعة اللي احنا اتفرجنا عليه دي كلفوني قد اية. من تصوير واخراج ومجايب ممثلين نص كوم. بس المهم يكونو شبه ابطال القصة الحقيقية. علشان المعني يوصل. بس كل دة مش مهم. المهم ان الهدية تكون عجبتكم
خوخا
هدية مقبولة. والشريط دة انا هخلي معايا للذكري علشان لو نسيت اتفرج عليه وافتكر وساخة اللي جابك
حاتم اتعصب لانه ما كنش مصدق ان رد الفعل يكون من خوخا وكان مستني رد فعل شعبان. لكن خوخا قالت وهي بطلع الشريط من الفيديو
بس تعرف ان في مشهد ناقص في الفيلم دة. وهو يوم ما ابويا اللي بيعرج. ضرب ابوك السليم وشربه من مية الترعة. قبل ما يقرر يرحمة وما يخلهوش يموت في ايدة
حاتم
علشان كدة سلط اللي يقتله
خوخا
تفتكر هيقتله ب 11 سنة لية. ما كان قتله وقت ما عرف باللي عمله في مراته
شعبان
اللي فهمك اني قتلت ابوك كذب عليك. لاني من بعد الخناقة اللي كانت بيني وبينه انا ما عرفش عنه حاجة.
حاتم طلع بخاخته وخد علاجه وقال وهو بيكح
انت كذاب.
شعبان
الله يسامحك. بس مش هلوم عليك علشان انت مضحوك عليك
وهنا قلعت خوخا ذهب الشبكة وحطتهم في ايد حاتم فقال حاتم
انتي بتعملي اية
خوخا
ملهوش لزوم. نكمل في الكذبة دي اكتر من كدة
حاتم
انتي بتحبيني
خوخا
بحبك بس مش اكتر من ابويا
وراحت خوخا واترمت في حضن ابوها شعبان وباست ايدة وبصت له وقالت
رسالتك وصلت وانت صح. خلتني اتخطب له علشان اشوف بنفسي وساخته وحصل
حضنها شعبان اوي ودموعه نزلت. وهي مسحتها ووقفت بمنتهي القوة وبصت ل حاتم وقالت
امي اللي انا ماشوفتهاش مستحملتش اي حد يجي عليها ويظلمها. وكان عندي استعداد اقتل اللي عملو فيها كدة. تفتكر ان اسيب كلب زيك يعض في اللي رباني واقف اتفرج واقول دة انا بحبه
وخبطت علي صدرها وقالت بحزن شديد. وصوت مقهور
دة انا اطلع قلبي من ضلوعي وارمي تحت رجلي يوم ما كون سبب كسرة ابويا.
وعيطت اوي اوي
انا بجد بشكرك علي شريط الفيديو دة اللي انت كنت فاكر انك بي بتنزل بنهاية ابويا. لكن لا. والف لا. ابويا اكبر من ان نهايتة تكون علي ايدك انت. قوم وغور من هنا. واياك اشوفك ولو صدفه. ساعتها هفتكر انك ابن اسامة اللي قهر امي. وماتت بسببه وهتدفع ثمن القديم والجديد
فضل حاتم باصص لها مش مصدق ان دي خوخا اللي هو كان فاكر انه امتلكها وهي صرخت باعلي صوتها وقالت
قولت غور. وافتكر كلامي دة كويس انا مش هنساك وانت مش هتنساني
قام حاتم وخرج من الشقة جري وخوخا، مسحت دموعها واترمت في حضن ابوها وامها. انعام وفضلت تعيط وتقول
حقكم عليه،،،،،،،،،
ومن جوة الفيلا تسمع انعام صوت عربية حاتم اللي دخلت بمنتهي السرعة للفيلا وحاتم نزل منها وهو غضبان جدا ودخل الفيلا وهو متعصب وبيقول باعلي صوته
انتي فين. يا عديلة هانم. انتي فين ردي عليه
خرجت عديلة من اوضتها هي وفوزي ووقفت وبصت ل حاتم وقالت بقلق شديد
اية يا حاتم مالك
حاتم اللي كان بيكح بسبب الانفعال الشديد. وبيقول بصعوبه
مين اللي قتل ابويا
بلعت عديلة ريقها بصعوبه وقالت
انا قولت لك قبل كدة. بتعيد لية السؤال تاني
حاتم
علشان انا لسة جاي من عند اللي قتل ابويا. وبعد ما كنت ناوي علي الشر لي قال اللي يخليني اصدق انه مش هو اللي عملها.
عديلة اترعبت وقالت
قال اية
حاتم
لية بعد 11. س. شعبان يسلط اللي يقتل ابويا جوة السجن. مع ان الصح ان في الوقت دة كل المشاكل كانت بينك وبين ابويا بسبب طلاقك منه وجوازك من فوزي.
بلعت عديلة ريقها بصعوبه شديدة وقالت
تقصد اية يا حاتم
حاتم بصعوبة شديدة بسبب التعب اللي بان عليه. ومع الكحة المخيفة
اقصد ان لية ما تكنيش انتي اللي عملتيها.
عديلة
انا. اقتل ابوك
حاتم
اللي تطلق من جوزها بحكم محكمة بعد دخوله السجن. وتتجوز غيرة لية ما تقتلهوش. رد عليه وريحيني انتي اللي عملتبها
وبدأ حاتم ياخد نفسه بصعوبه. وهو بيقول
ردي عليه. انتي صح
وما قدرش يستحمل ووقع من طوله وحاول يطلع بخاختة لكن الازمة كانت شديدة. وما قدرش يستحمل وكان بيحارب علشان ياخد نفس يعيش بي بعدها صرخت عديلة وراحت له. وهو عمال يعيط وبيبص لها ومش قادر ياخد نفسه، ،،،،،،،،،،،،
ومن جوة اوضة خوخا كانت خوخا بتمسح كل صورها مع حاتم وقلبها بيتعصر وسمعت خبط علي باب اوضتها ودخل عليها شعبان بصت له وابتسمت وقالت
بابا بنفسه عندي انا. يا فرحتي يا فرحتي
شعبان راح ناحيتها ومشي ايدة علي شعرها وقال
من قلبك
باست خوخا ايدة وقالت
من جوة قلب قلبي
شعبان
بس انا حاسس باللي قلبك حاسة دلوقتي
خوخا
عادي والله يا بابا. مسيري هنسي وهعيش
شعبان
بس انا مش عايزك تنسي.
خوخا استغربت وقالت
بابا انت عايزني اكمل مع حاتم
شعبان
الواد دة مش وحش لكنة تاية زيك. والانتقام هو اللي طلع اوحش ما في. لكنه مش كدة. بجد الواد دة غير ابوه
خوخا
انت اللي بتقول كدة
شعبان
اة. يا خوخا لانه راح ل صباح وسميرة البيت من غير ما نعرف وكان عايز يقتلهم
خوخا برقت من الصدمة وقالت
امتي حصل الكلام دة
شعبان
امبارح بالليل. وست سميرة برة ولسة كانت بتحكي لي
خوخا
هو حصل اية بالظبط
شعبان
احبك تسمعي الحكاية بنفسك من ستك، ،،،،،،،،،
وتخرج خوخا وتقعد قدام سميرة اللي تبدأ تحكي وتقول، ،،،،،،،،
ونرجع بالاحداث لليلة كاملة وباب شقة سميرة بيخبط وسميرة بتبص ل صباح وبتقول
قومي افتحي يا صباح
صباح
هو انا قدرة اتحرك من مكاني. ما انتي عارفة الخشونة والروماتيزم عاملين فيا اية
سميرة قامت بصعوبه وقالت
يعني انا اللي قادرة.
وراحت سميرة وفتحت الباب علشان تلاقي قدام منها حاتم لابس يونيفورم احدي المطاعم وفي ايدة شنطة اكل كبيرة بصت له سميرة وقالت
انت مين
حاتم
في حد اسمة شعبان اتصل بالمطعم عندنا وطلب مننا نحضر لكم الاكل دة ونجيبة ليكم
سميرة
شعبان ابني والله في الخير
وادي حاتم الشنطة ل سميرة اللي شبهت عليه وقالت
بس انا حاسة اني شوفتك قبل كدة
حاتم ارتبك وقال
انا لا. خالص
سميرة
لا. شوفتك انت خطيب خوخا. شعبان وراني صورك معاها
حاتم
يمكن اكون شبه بس مش انا.
ومشي حاتم سميرة استغربت وقالت
يخلق من الشبه اربعين
ورجعت سميرة بالاكل ل صباح فقالت صباح
بترغي مع مين دة كله
سميرة
شعبان ابني باعت لنا اكل مع واحد دليفري. شبة حاتم خطيب خوخا بالظبط
صباح
وهو خطيب خوخا شغال في مطعم
سميرة
يا ولية لا. دة خطيب خوخا زي ماقال شعبان مليونير
صباح
طيب افتحي الكيس خلينا ناكل
سميرة
انتي مش لسة واكلة
صباح
اكل تاني هو انتي بتعدي عليه الاكل يا سميرة
سميرة
لا. يا اختي كلي الف هناء وشفاء
ولسة هيفتحو الاكياس خبط الباب تاني قالت سميرة
لا بقي انا مش قادرة
صباح
انتي لسة ما قعديش افتحي الباب وتعالي اقعدي
سميرة رجعت للباب تاني لقت حاتم بيقول بلهفة
حد كل من الاكل
سميرة
وانت مالك انت ان كنا كالنا و لا لسة
حاتم زق سميرة بعيد عن سكتة لما شاف كيس الاكل قدام صباح ودخل الشقة خد كيس الاكل وخرج من الشقة قالت سميرة وهي بتحاول تمنعه
ما تسيب الاكل يا جدع انت. هو اية اصله دة
لكن حاتم ما ردتش عليها وخد بعضة وخرج من البيت جري ،،،،،
ونرجع تاني ل شقة شعبان وسميرة بتقول
وكنت فاكرة احكي ل شعبان امبارح اللي حصل دة لكني نسيت ولما افتكرت جيت لكم وحكيت
خوخا بصت ل شعبان وقالت
ودة يا بابا كان معني اية
شعبان
مالهوش الا معني واحد ان الاكل كان في سم وهو كان عايز يقتلهم لكنه ما قدرش رغم كل الغل والكرة اللي جوة منه لكنه ما قدرش يقتل. علشان كدة بقول لك الواد دة في جوة قلبه خير لكن ضاع وسط الانتقام
خوخا
خير ل نفسه وشر لنفسه انا خلاص صفحة حاتم دي اتقفلت ومش عايزا اتكلم فيها تاني، ،،،،،،،،،،،،،
كان في نفس الوقت حاتم محجوز في المستشفي بين الحياة والموت وعديلة واقفة برة مش قادرة تعمل حاجة. الذنب اللي عملته وافتكرت انها هربت من عقابه بدأ يكون اسوء كابوس هي هتعيشة وفي عز كل دة تسمع صوت فوزي بيقول
اللي قاله حاتم دة صح. انتي جوزك كان مسجون واتقتل في السجن وممكن تكوني انتي اللي عملتيها
عديلة
فوزي انت شايف ان دة وقته
فوزي
اومال وقته يكون امتي. الست اللي اخترتها واتجوزتها تطلع قتاله قتله
عديلة وهي منهارة
انا ما قتلتش حد. وكفاية بقي. حرام عليكم
فوزي
هو فعلا كفاية اوي. نطمئن علي ابنك وبعدها يبقي في كلام تاني
ويبعد فوزي عن عديلة ويقعد علي كرسي وهي علي كرسي ،،،،،،،،،،
وبعدها ب اسبوع يفوق حاتم وتستقر حالته بعض الشئ. ويلاقي عديلة قدام منه بتقول له
حمد لله علي السلامة
حاتم
فين خوخا
عديلة
واية بس اللي هيجيب خوخا هنا
حاتم
انا عايز خوخا
عديلة
حاضر.
حاتم
نفسي اشوفها قبل ما اموت
عديلة بصوت حزين
مش هتموت. ان شاء الله مش هتموت
حاتم. بصعوبه
عايز اشوفها
وبدات حالته تسوء تاني. والوضع اصبح اخطر من الاول ودخل في غيبوبة ، ،،،،،،،،،،،،،
خلصت حلقة النهاردة اللي يارب تكون عجبتكم. سلام
إرسال تعليق