، خوخا
★الحلقة الثامنة عشر ★
من تاليفي، ،
محمد منصور. * منص *
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
من جوة الفيلا يقف حاتم قدام امة عديلة اللي كانت بتقول
ابوها وافق طيب ازاي ولية
حاتم
مالك مستغربه لية اوي كدة
عديلة
لازم استغرب واتجنن كمان بعد كل اللي عرفو يوافق علي الخطوبة. ابوها دة اكيد بيحضر لك مصيبة وناوي لك علي الشر
حاتم
مش اكتر مني
عديلة
حاتم انا مش موافقة علي الجوازة دي
حاتم
انا ما باخدش رايك. انا حدد ميعاد خطبتي من خوخا وهنروح نجيب الذهب بكرة
عديلة
بسرعه كدة
حاتم
مافيش اسرع من الايام
ومشي حاتم وساب عديلة لوحدها وبتبص له وهي هتجنن من موافقة شعبان علي الجوازة. وخافت علي ابنها اكتر واكتر، ،،،،،،
وبعدها بساعة ومن قدام باب شقة شعبان تقف عديلة ويفتح لها شعبان ويبص لها مستغرب زيارتها وهي قالت
ممكن ادخل،،،،،،،،
وبعد الترحيب ب عديلة انعام اديتها كوبية الشاي بتاعها وشربت عديلة شوية شاي وبعدها قالت
انا عارفة انكم مستغربين مجيتي. لكن الاغرب. موافقتكم علي جوازة حاتم من خوخا
شعبان
هي فعلا حاجة غريبة جدا وانا موافق غضب عني. بس حاتم اختيار بنتي ولازم تشوف بنفسيها نتيجة اختيارها
عديلة
بس كدة
انعام
تقصدي اية ببس كدة
شعبان بص ل انعام
انا فاهم قصدها
ورجع شعبان بص ل عديلة وقال
لغاية دلوقتي هو بس كدة. انما ابنك لو داس علي بنتي او فكر ياخد حقه مني فيها. وقتها ما حدش يتلام الا هو
قلب عديلة انقبض من كلام شعبان ولهجتة وقالت
دة نسب اية دة اللي في هنكون مترصدين ل بعض
شعبان
دة سؤال اجابته عند ابنك مش عندي. انا اي حاجة هعملها هتكون رد فعل ل اللي هيعملو ابنك
عديلة قامت وباست علي ايد شعبان وهي بتقول بكسرة نفس
ابوس ايدك. ابني مريض وهو اللي طلعت بي من الدنيا دي. ارفض الجوازة دي خالص.
انعام قامت ورجعت عديلة تقعد مكانها. وهي بتقول
ما تعمليش في نفسك كدة
عديلة وهي بتعيط
طيب خلي يرفض الجوازة دي. اللي هيكون اخرها خراب
شعبان
معني كلامك انك عارفة ان ابنك جاي هنا وهو ناوي علي الشر. ليا ول بنتي
عديلة فكرت ل كام ثانية وبعدها قالت
عارفة. وعايزا امنع البلا قبل وقوعه. ابني بينتقم منك علشان اللي حصل زمان بينك وبين ابوه.
شعبان
انا كنت صح. هو مخطط ومرتب ل كل دة. بس عرف طريقي ازاي. ولية فاكر ان ابوه لي حق عندي. مع اني انا اللي المفروض ليا عند ابوه كتير
عديلة كذبا
ستو ام ابوه هي اللي عملت كدة وفهمته ان ابوه اتقتل علي ايدك انت وصباح. وقبل ماتموت عرفتو عنوانكم. بس دة وهو عيل صغير ما عرفش انه فضل يكبر وكلام ستو كان بيكبر معه وولد جوة منه كل الكرة والغل دة من ناحيتكم
انعام
بقي هي الحكاية كدة. لازم خوخا لما ترجع من عند كريمة نعرفها
شعبان
تفتكري ان لو خوخا عرفت كدة عن طريقنا هتصدقنا
انعام
طبعا
شعبان
لا. يا انعام انتي غلطانة. بنتي وانا عارفة قلبها هو اللي سايقها واللي زي خوخا حاتم عرف يملي قلبها وعقلها لانها لما بتحب بتحب اوي وما بتديش لنفسها فرصة انها تقيم بعقلها علاقة الحب دة. واديكي شوفتي رد فعلها لما رفضنت حاتم. وفرحتها لما وافقت عليه. فاول حاجة هتفكر فيها لو قولنا اللي قالته الست عديلة هتقول اننا بنعمل كدة علشان نفرق بينها وبين حاتم وهنطلع وحشيين.
عديلة
طيب اية اللي المفروض نعمله
شعبان
ابنك متلخبط زي ما كانت بنتي متلخبطة ونار الانتقام بتاكل في لحمة وهو حي. وعايز ياخد حق ابوة. حاتم وخوخا لعبو بنار الانتقام ولازم تحرقهم. بس احنا بقي الكبار اللي لازم نمنع ان النار دي تنهي عليهم. وزي ما قدرت ارجع خوخا ل عقلها وابعدها عن طريق ستها سميرة وصباح. هقدر ارجع حاتم ل عقلة واعرفو ان ضيع وقته في وهم وسراب وان قضيته علي باطل مش حق. علشان كدة الخطوبة دي لازم تتم والاثنين يعرفو بعض علي حقيقتهم واحنا من بعيد نراقب ووقت اللزوم ندخل ونمنع المصيبة قبل ما تحصل
عديلة
تفتكر اننا ممكن نوصل في الوقت المناسب قبل ما نخسر عيل من عيالنا. احنا كدة بنحط النار جنب البنزين وممكن تولع من غير ما نحس
شعبان
اي حل تاني غير دة. ممكن يودي ل كارثة احنا مش هنبقي قدها، ،،،،،،،،
وتاني يوم زغاريط وفرحة ما بعدها فرحة من جوة محل جواهرجي من اكبر محلات القاهرة وحاتم بيلبس ل خوخا الشبكة وخوخا بتبص لكل اللي حوالين منها وهي فرحانة اوي. وبتبص للشبكة اللي في ايدها وبتبص ل حاتم وبتضحك ،،،،،،،،،
وبعدها ب شهر حاتم كان في زيارة ل خوخا في الييت وكان قاعد قدام خوخا وبيبص علي ايدها اللي ماكنش فيها الشبكة ماكنتش لبسة بس الا الدبلة فقال لها بحدة
فين الذهب
اتصدمت خوخا من طريقته وقالت
موجود في الدولاب عندي.
حاتم
ومش لابسة لية
خوخا
عادي يعني انا قاعدة في البيت في حاتم هلبسة لية
حاتم
اخاف تيبعوا علشان تاكلو وتشربوا بي
خوخا اتصدمت اكتر وقالت
اية.
حاتم
زي ما سمعتي. انا عارف انك ما كنتيش تحلمي تلبسي ذهب بالسعر دة. من احسن محلات القاهرة. فممكن تتعذروا وتبيعوا
خوخا بحدة
لية يا حاتم انت شايفنا اية مش لايقيين ناكل انا بابا وكيل وزارة يعني مرتبة ،،،،،،،
حاتم قطعها وهو بيمسك ايدها وبيبوسها وبيقول
المهم انك معايا
استغربت خوخا وبصت له وهو مش عارفة تقول اية،،،
وبعدها بكام يوم تاني سحر اتعذرت في قرشين قررت تبيع ذهب من شبكتها وخدت معها خوخا وهما جوة محل الذهب ظهر حاتم ووقف قدام منهم استغربت خوخا وقالت
حاتم. انت عرفت ازاي اني هنا
حاتم
انتو هنا بتبيعوا الذهب بتاعي. صح انا كان قلبي حاسس انكم في اي وقت تعملوها. محتاجين فلوس قولو وانا اديكم انما تبيعوا ذهبي لا.
سحر بعصبية
نعمل اية. وذهب بتاعك اية انت سامع نفسك بتقول اية
خوخا
سحر اهدي بالله عليكي الناس في المحل بتتفرج علينا
سحر
انتي مش سامعة خطيبك بيقول اية
خوخا
طيب اهدي وانا هخده واطلع بي برة المحل
وبصت خوخا ل حاتم وقالت
تعالي نتكلم برة وكفاية لغاية كدة
خرج حاتم مع خوخا وهو بيبص ل سحر ووقفو الاثنين برة المحل وقالت خوخا
ممكن افهم انت لية بتعمل كدة
حاتم
خايف عليكي بلاش اخاف انتي طيبة وغيرهم ودي بنت انعام اللي ستها صباح اللي قتلت امك. لية ما تضحكش عليكي وتخليكي تبيعي ذهبك
خوخا
حاتم سحر اختي وانعام امي. ومهما تحاول تقول او تعمل مش هتعرف توقع بيني وبينهم. وانا مش عارفة انت لية ديما تفكرني باسوء ذكري في حياتي لية ديما تحشر موت امي في اي جملة. وحوار بكون ما بينا
حاتم
باين عليه هطلع انا الوحش.
ومسك حاتم ذراعها وقال بحدة
اسمعي بقي انا جاي النهاردة بالليل اطمئن عليكي احب اشوفك وانتي لابسة ذهب الشبكة كله ولو لقيت خاتم ناقص ما تزعليش من اللي هعمله
وساب ذراعها وركب العربية وبص لها وطلع بخاخته وخد علاجه وابتسم لها وقال
هتوحشيني من دلوقتي لغاية بالليل
ودور العربية ومشي وخوخا مش قادرة تفهم او مش عايزا تفهم وعماله تكذب عقلها وماشية ومغمضة عيونها وراء قلبها وخرجت سحر من المحل لقت خوخا بتعيط قالت لها
نكد عليكي ابن الكلب. انا لازم اعرف بابا
خوخا
بالله عليكي مش عايزا حد يعرف. وبالذات بابا
سحر
للدرجة دي بتحبي
خوخا
مش بمزاجي غصب عني
سحر
الواد دة معقد نفسيا ومش طبيعي
خوخا
حاتم طيب بس ما عرفش هو بيعمل لية كدة فيا
سحر
انتي عارفة بس عايزا تفضلي مش عارفة.
خوخا بصت ل سحر وقالت
اعمل اية بحبه، ،،،،،،،،،،،
وبالليل تقف خوخا قدام المرايا وتلبس احلي طقم عندها وتلبس ذهبها كله وتدخل عليها انعام وتبص لها وتقول
بسم الله ما شاء الله. قمر 14.
خوخا
القرد في عين امه غزال
انعام مستنكرة
قرد. دة انتي قمر يا بت.
ولحظت انعام شبكت خوخا اللي في ايدها فقالت
انما قول لي لبسة شبكتك كلها لية. انتي ناوية تخرجي مع حاتم
خوخا
لا. نخرج نروح فين بس. دة انا بس بقالي كتير مالبستهمش فقولت البسهم النهاردة
انعام
غريبة اصلك ما بتحبيش لبس الذهب في البيت
خوخا
عادي ماما تغير
انعام هزت راسها مش مقتنعه وقالت
تغير.
وهنا يسمعوا صوت جرس الباب فتقول خوخا
دة اكيد حاتم
انعام
ابوكي هايفتح له. ،،،،،،،
ومن جوة اوضة الصالون.يقعد حاتم قدام خوخا وخوخا بتوري شبكتة كلها وهي بتقول
الذهب اللي انت جاي علشانة اهو. كامل ما اتخدش منه حاجة
بص حاتم للذهب وقال
يا. دة انتي قلبك اسود اوي انتي لسة فاكرة
ومسك لفة كانت قدام منه فقالت خوخا
في اية اللفة دي
حاتم
شريط فيديو ل فيلم درما. اكيد هيعجبكم
خوخا
هو انت جاي علشان نتكلم مع بعض ولا جاي نتفرج علي افلام
حاتم
دة فيلم حلو هيعجبك اوي. وهيعجب بابا بالذات
خوخا باستغراب
بابا ،،،،،،،،
ومن قدام التيلفزيون تقعد خوخا مع شعبان وانعام وحاتم بيحط الشريط في الفيديو. وبعدها بروح يقعد
جنب شعبان ويبص له ويقول
الفيلم دة اهداء مني ليك يا عمي. وعارف انه هيعجبك
شعبان
يا. للدرجة دي واثق من هديتك ليا
حاتم
اصلي بفهم بسرعه الناس اللي قدام مني واعرف هما يحبوا اية واية اللي يضايقهم.
واشتغل الفيلم فقال حاتم
الفيلم اشتغل
ويبص شعبان للتيلفزيون علشان يغضب جدا. لما يشوف، ،،،،،،،،،،،،،،
خلصت حلقة النهاردة اللي يارب تكون عجبتكم. سلام
فظيعه
ردحذف