خوخا
★الحلقة السادسة عشر ★
من تاليفي، ،
محمد منصور. * منص *
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★وهنا يسمع شعبان وانعام صوت خبط علي باب الشقة. ف يبص شعبان ل انعام ويقول
طيب خشي انتي وانا هشوف مين
وقام يفتح علشان يشوف قدام منه. حاتم بيبص له بصة مريبة لكن مع البصة ابتسامة مخيفة. وقال شعبان
انت مين
حاتم
انا حاتم زميل خوخا في الكلية
ما افتكرش شعبان اسم حاتم. فقال
واية المطلوب
حاتم
واضح انك ما تعرفنيش.
شعبان
ما عرفكش فعلا
حاتم
انا حاتم اللي انت كسرت ذراع بنتك بسببه
شعبان اتعصب وقال
وجاي لغاية عندي. وبرجلك
حاتم
عمي في سوء تفاهم وانا جاي اصلح مش اخرب
شعبان بنفس الحدة
ما هي خربت خلاص
حاتم
ربنا يبعد عننا الخراب. هفضل اتكلم من علي الباب كدة
شعبان بص له بضيق لكنة قال
ادخل،،،،،،،،،،،،
ومن جوة اوضة خوخا تقف انعام ومعها خوخا وكانو بيسمعوا اللي بيتقال برة. ما بين حاتم وشعبان. وكان حاتم بيقول
وعلشان كدة يا عمي انا جاي اطلب ايد بنتك.
فرحت خوخا وهي في احضان انعام مع صوت شعبان بيقول
في سؤال واحب اعرف اجابته بصراحة هو انت عرفت ازاي باللي حصل ل خوخا علي ايدية. هي اللي قالت لك
حاتم
لا. صاحبتها كريمة. ومن فضلك يا عمي. ننسي اللي فات وانا اسف علي كل اللي حصل. وحابب ادخل البيت من بابه
شعبان
وفين اهلك
حاتم
اخد الموافقة الاولية منك وبعدها اجيب اهلي
شعبان
اديني فرصة اسال عليك وبعدها نحدد معياد يجي في والدك ووالدتك.
حاتم
والدتي بس علشان والدي تعيش انت
شعبان
الله برحمة
قام وقف حاتم وقال
فيلا. 32. المعادي. من ناحية كورنيش النيل
شعبان وقف هو كمان وقال بصوت حزين
انت قاعد في فيلا
حاتم
افتكر ان قعادي في فيلا ما يزعلكش. مع اني شايف الحزن اترسم علي وشك
شعبان
لازم يبقي دة رد فعلي. شاب زيك من سكان المعادي يجئ لية ل بنت موظف علي قد حاله
حاتم
انا عرفت من خوخا انك وكيل وزارة
شعبان
برضو بالنسبة لكم مجرد موظف
حاتم
بتتكلم عن مين لما قولت بالنسبة لكم
شعبان
عيلتك
حاتم
انا اللي هتجوز مش هما. بعد اذنك يا عمي
وراح حاتم ناحية باب الشقة ومشي وشعبان قفل الباب ورجع قعد علي الكنبة وهو مهموم لانه افتكر اللي كان وحصل زمان وخرجت انعام وقعدت جنب منه وهي بتزغرط وبتقول بفرحة شديدة
مبروك يا شعبان
شعبان
مبروك علي اية بس
انعام
مبروك علي اية. علي عريس خوخا اللي لسة ماشئ
شعبان
قوام خلتي عريس خوخا
انعام
وهو دة عريس يتقال عليه لا.
شعبان
مش انا اللي هقول لا. اهلة اللي هيقولو لا
انعام
لية ان شاء الله هما يلاقو احسن منك فين
شعبان
مش مع دول يا انعام. دي ناس قاعدة في فيلا يعني بتتكلمي في ناس تحتكم علي ملايين. انا اجي فيهم اية
انعام
ما احنا برضو حالتنا متيسرة
شعبان باستهزاء
اللي حالته متيسرة. غير ابو ملايين يا انعام.
انعام
بقول لك اية طالما الواد شاري. ما حدش هيقدر يقف قصاد منه. وهيتجوز خوخا غصب عنهم
شعبان
ويحصل فيها زي اللي حصل في امها. لما عملت ابو الرجاله واتجوزت خوخا غصب عن الكل. وكان اخرتها اية. تموت خوخا من القهر والظلم
انعام
انت لية هتقدر البلا قبل وقوعه
شعبان
علشان دة اللي هيحصل لو انا وفقت علي الجوازة دي
هنا تخرج خوخا وتقف قصاد اوضتها وتقول
بس انا عايزا حاتم
شعبان
وانا مش عايزك تموتي
خوخا
انا من غيره هموت
شعبان
ومع وغصب عن اهله هتموتي برضو
خوخا
انا راضية باللي يحصل لي وانا معه
شعبان
وانا مش هقدر اشوفك بتروحي مني زي اللي راحت
خوخا
اللي راحت دي اللي انت سيبت حقها زمان. ومن يومين شتمتها
شعبان بعصبية
خوخا كلمة تاني واكسر، ،،،،،،،
خوخا قطعته وقالت
هتكسر اية تاني. هو انا بقي فية حتة سليمة بعد اللي عملته فيا.
وعيطت خوخا ودخلت اوضتها وقفلت الباب وراء منها بصت له انعام وقالت
واخرتها اية معاك. كفاية نكد بقي
ودخلت جري ل خوخا وشعبان بيبص ناحيتها وهو بيقول
خايف عليها. من بكرة واللي مخبي حرام اخاف عليها، ،،،،،،
وفي نفس الوقت كان حاتم في عربيته وبيبص لصورة اسامة والبخاخة في بوقة. وبعد ما شال البخاخة قال للصورة وهو باين عليه التعب وكان بيكح
تراهني يا بوي ان دلوقتي البيت قايد نار. اني قاصد اعرفه باني قاعد في فيلا. وغصب عني الماضي الاسود هيقلب عليه عيشته. وهيرفضني من قبل ما يعرف اهلي وناسي. ويعذب بنته بايدية زيادة وزيادة.
وحط البخاخة تاني في بوقة وخد علاج منها ورجع وقال بصعوبه
متخافش عليه انا بخير. بس العلاج ما بقاش يجيب معايا نتيجة زي الاول.
وفضل يكح. وهو باصص للصورة وبيقول
هيجري اية يعني. هموت. مش مهم. المهم اخد حقي من اللي قتلوك غدر. عايزك تتفرج وتشوف اللي جاي علشان اللي جاي هيعجبك اوي
ورجع يكح تاني، ،،،،،،،،،،،،،،
وبالليل ومن جوة اوضة حاتم كان حاتم بيكح جدا وباين عليه التعب الشديد فتحت الباب ودخلت عليه عديلة وبصت له وقالت
اسمع كلامي وتعالي نوديك المستشفي
بص لها حاتم وماردتش لان الكحة منعته قربت منه عديلة وقالت
بتعمل في نفسك لية كدة
زقها بعيد عنه وبدا يهدي شوية وقال
انتي عايزا مني اية
عديلة
عايزا اطمئنك عليك يا قلب امك
حاتم
وخدي اذن من جوزك
عديلة
انا مش عارفة انت بتكرة فوزي جوزي لية
حاتم
علشان قدر ياخد مكان ابويا في حياتك وقدر يحرمني منك
عديلة
انا عمري ما كنت بعيدة عنك. انت اللي بتبعد
حاتم
دة كلام بتقولي وخلاص. دة انتي حتي ما فكرتيش تاخدي حق ابويا من اللي قتلو
عديلة بلعت ريقها بصعوبه وقالت
لسة بتحكي في الحكاية دي. انسي بقي يا حاتم
حاتم
انا صعيدي ازاي انسي تار ابويا
عديلة
وهو انا كنت بس اقدر اعمل اية
حاتم
تعملي ولا ما تعمليش. ارجعي ل جوزك وخليني قاعد لوحدي مع ابويا
عديلة بحدة
ابوك ابوك ابوك. انا تعبت وزهقت. من السبرة دي ابوك اللي انت طالع بي القمر دة ما كنش ملاك دة كان شيطان ويا ما عذبني وضربني
حاتم
بس. اللي انا شوفته غير اللي بتحكي دة
عديلة
اللي انت شوفته ما بجيش 10% من الحقيقة. وكفاية بقي وخاف علي نفسك واكشف
حاتم
لما اخد تار ابويا. هبقي اكشف
عديلة
من مين. دة كلام عدي عليه سنين وتلاقي خوخا واهلها راحو وما بقوش موجودين
حاتم
قريب مش هيبقوا موجودين.
عديلة اتصدمت
تقصد اية
حاتم
انا هتجوز
عديلة
هو دة رد علي سؤالي
حاتم
هتجوز بنت موظف ومش من مستونا. وناس طمعانين فيا
عديلة
انت بقيت مجنون
حاتم
وقريب هخدك وهنروح لهم
عديلة
حاتم مالك.
حاتم
اخرجي واقفلي الباب خليني انام
عديلة
حاتم
شخط فيها وقال
قولت اخرجي.
خرحت عديلة وهي مرعوبه منه. وقفلت الباب وراء منها، ،،،،،،،،،
وبعدها بتلت ايام يقف شعبان جوة اوضة خوخا ويبص لها ويبص ل انعام ويقول شعبان
انا موافق علي جوازك من حاتم
فرحت خوخا اوي وحضنت انعام وهي بتقول
انا عارفة انك انتي اللي خليتي يوافق ربنا ما يحرمني منك ابدأ يا ماما.
انعام وهي بتضحنها
اللي محتاج للي الحضن دة. ابوكي
بصت له خوخا وراحت له واترمت في حضنه وهو بيقول
حقك عليه يا خوخا
خوخا باست ايدة وهي بتقول
انت اللي حقك عليه. انا جذمة علشان زعلتك
شعبان
ما تقوليش كدة دة انتي الغالية بنت الغالية. بس اتفاقي مع انعام لازم تعرفي لو شوفت او حسيت بان اهل حاتم مش موافقين علي الجوازة. هيبقي في كلام تاني
انعام
شعبان مش وقته بقي
شعبان خد خوخا في حضنه تاني وقال
لازم تعرف. وتعرف كمان ان ماما حاتم هتيجي. معه يقروا فاتحتك بعد ما تفكي الجبس
انعام زغردط اوي وكانت الفرحة مش سيعاها، ،،،،،،
وتعدي الايام ويجي الميعاد و تقف عربية حاتم قصاد بيت شعبان وكان معه في العربية عديلة. بصت عديلة للمنطقة وقالت
هما قاعدين هنا
حاتم
اة. فاكرة عنوان مين دة
عديلة وهي بتبص للمنطقة بتزكيز شديد
لا. مش فاكرة
حاتم
عنوان شعبان جوز خوخا اللي قتل ابويا هو وصباح. مش دة كان كلامك
عديلة اتصدمت وقالت
انت وصلت لهم
حاتم
اومال. وهتجوز بنتهم كمان. وهوريها النجوم في عز الظهر
عديلة
اللي انت بتعمله دة ما يرضيش ربنا. تنتقم من ناس غلابة. كانو،،،
وسكتت عديلة لانها عارفة الحقيقة. بس زيفتها ولازم تكذب. والا تقول انها هي اللي قتلت اسامة وتخسر ابنها للاخر العمر. فقال حاتم
ما تكملي كلامك. وقولي ناس غلابة ازاي وهما اللي قتلو ابويا
عديلة
حاتم يلا نمشي وبعدبن نتكلم
حاتم بطل العربية وقال
نمشي ازاي دة الناس مستنينا فوق
عديلة
حرام اللي انت بتعمله دة.
حاتم
الحرام هما اللي عملو الاول.
ونزل من العربية وفتح باب العربية ونزل عديلة اللي مش عارفة تعمل اية. لكنها مغلوبة علي امرها وطلعو وفتح لهم شعبان وجنب منه انعام وسلموا ودخلو وكان باين علي عديلة انها مش مبسوطة ودة بان علي وشها ولاحظ شعبان دة وبص ل انعام اللي كمان لحظت وما قدرش شعبان يمسك نفسه وقال
منورة بيتنا المتواضع يا ام حاتم. واللي باين انه مش عجبك
عديلة
ابدا والله. دة بيت بسيط وجميل. بجد. كفاية انكم اصحابه
انعام
تسلمي يارب
ودخلت خوخا بصنية الشربات وكانت زي القمر بصت لها عديلة وسبحان الله ارتاحت لها وقالت
عرفت تختار يا حاتم عروسة زي القمر
خوخا لفت بصنية الشربات عليهم وجت وقفت قصاد حاتم اللي بص لها وقال
كان نفسي بابا يكون معايا
وطلع صورة اسامة وحطها علي التربيزة قصاد الكل في حركة مفاجاة بص شعبان للصورة والغضب اتملك منه، ،،،،،،،،،،،،
خلصت حلقة النهاردة اللي يارب تكون عجبتكم. سلام
جميله جدا جدا ودايما تقفل علي شي يشد اكتر بجد روووعه تحياتي
ردحذفجلقه جامده جامده جدا
ردحذف