مشوار حنين
★الحلقة الثامنة عشر★
والاخيرة
من تاليفي، ،
محمد منصور. * منص *
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★اسر
ودة كلام يتقال برضو يا عمنا
خلف
مالك بس خايف لية انها تعرف حقيقتك. ما هي عارفة انك نصاب وحرامي وموافقة تتجوزك علي وضعك
حنين صرخت
فهمني اية اللي بيحصل اهنا
ضرب خلف نار تحت رجلين حنين صرخت حنبن وكل اللي واقفين وقال خلف
ما حدش النهاردة هيتكلم غيري
حياة حطت حنين في ظهرها فقال خلف
وماله انتي البطل اللي فيهم. يبقي حلال فيكي الطلقة الجاية
وصوب السلاح ناحية حياة وضرب النار لكن بسرعه وجه السلاح في رجل اسر واستغرب كل الموجودين ما عدا محمود اللي ابتسم وقال
نورت مكانك وسطينا يا كبير عيلة السوهاجي
قام وقف خلف وراح ناحية حياة وحنين ووقف قدام منهم بالظبط وداس برجلة علي مكان الرصاصة اللي دخلت رجل اسر وصرخ اسر مع صوت خلف بيقول
اتنين ماتو بسببي ازاي تصدقوا اني اضيع الاثنين التانيين
وفتح ذراعته ل ولاد اخوة وقال
تعالو في حضني يا ولاد الغالي
استغربت حياة وحنين ومحمود قال لهم
بوي اتغير ورجع مخصوص يحميكم من اسر واللي معه ماتخفوش.
وبصت حياة وحنين واترموا الاثنين في حضنه وقال خلف
وعيونه بتبكي
كني حاضن بناتي ياسمين ونرجس، ،،،،،،،،،،،،،،
طبعا عايزين تعرفوا ازاي دة حصل. هنرجع بالاحداث
ل شهر فات. ومحمود في عز الظهر بيدخل بيت مطرف وسط ارض زراعية عند اول البلد ومعه شنطة مليانه اكل وفاكهة. ويقف قدام باب البيت دة ويخبط علي الباب ويفتح له خلف يترمي في حضنة ويقول
اتوحشتك يا بوي
خلف
كيفك يا محمود يا ولدي
محمود وهي بيدخل البيت
بخير يا بوي. مع اني زعلان منيك
خلف وهو بيقفل الباب وبيدخل وراء منه قال
علشان خرجت من المستشفي ومارجعتش الدوار
محمود
ايوة. لحد امتي يا بوي هتفضل قاعد اهنا ول حالك ارجع معايا يا بوي وفرح امي بانك خفيت وعقلك بقي زين
خلف بصوت حزين
ارجع الدوار كيف وادخلة ازاي وباي وش واني السبب في موت بناتي الاتنين
محمود
يا بوي كلنا بنغلط والغلطة انت دفعت تمنها غالي.
خلف وهو بيبكي
انت غلطان يا ولدي. اني لغاية دلوقتي بدفع ثمن اللي حوصل وهفضل ادفع الثمن لغاية ما موت. اوعاك تفتكر اني علشان عقلي رجع واتعافت من الجنان هبقي زين وافرح لا يا ولدي. دة اني لما كنت مجنون كنت مرتاح اكتر من اكدة.
ووقف خلف وقال
اني لغاية دلوقتي. بشوف بناتي الاثنين. وبسمع صوتهم بيصحوني من احلي نومه ويعرفوني ازاي هما. اتعذبوا وهما بيموتو. بيصحوني وهما مستغربين ازاي اني بعرف انام. دة حتي صالح خوي. اللي عمري ما شوفته في احلامي بقي ديما يجي لي. ويوصيني علي حنين.
محمود وقف وراء ابوة وقال
كانه عمي صالح مش مرتاح في نومته بسبب الشر اللي حوالين حنين
خلف
شر اية
حكي محمود ل خلف كل حكاية اسر مع حنين اتصدم خلف من اللي سمعه وقال خلف بعد ما خلص محمود
وانتم ازاي يا ولدي ساكتين علي اللي بتعمله دة
محمود
هو انت يا والدي لساتك فاكر ان حنين زي الاول. ما ترجع معايا تكلمها يا والدي. برضيك انت كبيرنا
خلف
كبير.
وبان الحزن علي وش خلف وهو بيقول
وهو الكبير يعمل اللي انا عملته. اني يا ولدي واللي زيي مكانهم النسيان. اني ما عرفش انت ازاي كنت مصمم تعالجني وتعرضني علي احسن دكاترة. انت ازاي لساتك شايفني بوك ومش مستعر مني
باس محمود ايد خلف وقال
انت بوي وهتفضل بوي مهما تعمل. ولو كنت في يوم وقفت مع حياة وحنين ضدك. فدة علشان اللي كنت بتعمله فيهم ظلم بين. لكن تفضل بوي
خلف
اني فرحان انك طلعت كيف امك. اصيل يا ابن اصيلة
محمود
اني ولد خلف وهفضل ولد خلف. وحاسس يا بوي ان خروجك من المستشفي دلوقتي اشارة من ربنا انك تكون وسيطنا وتحمي حنين من نفسها
خلف
اني ماليش صالح بحوار حنين دة. خليني يا ولدي بعيد وعايش اهنا لغاية ما ربنا ياخد امانتة
محمود
ودة تبقي عيشة. كبير عيلة السوهاجي يعيش هربان اكدة
وبنت اخوة في خطر
خلف بعصبية
ما حدش هيقبلني كبير علبه ودة حقهم اني اللي عملته ما كنش قليل
محمود
اعمل اللي يعملو اي كبير عيله.
خلف بعصبية شديدة
اني مش كبير
محمود
لا. كبير. وهتفضل الكبير طول ما حسك في الدنيا
خلف بدأ يزق محمود ناحية باب البيت وهو بيقول
غور وما تورنيش وشك تاني اهنا سايبني اموت لحالي
محمود
مش هسيبك تموت لحالك. وهتخرج من اهنا. وهتقف في وش اللي عايز الخراب لبنت اخوك ولو عملت اكدة تبقي كفرت ذنبك الكبير في حقهم ومن تاني ترجع الكبير
خلف
واني ما عيز كل اللي انت بتقولو دة. لان كلامك دة يهم واحد لساته عايش.
محمود
طول ما في نفس داخل وخارج منيك تبقي حي. وباب التوبه مفتوح وتقدر تعمل اللي بي تكفر ذنوبك
خلف بهدوء
ومين ما يتمناش انه يكفر عن ذنوبه. بس اعملها كيف دي
محمود
تطلع ل اسر في الظلمة وتكون خلف اللي هو يعرفه مش خلف اللي قدام مني
خلف
تقصد اية
محمود
شوف يا بوي حكاية اسر ملخبطة ومش معروف لها اول من اخر واحد كدة من نصاب وحرامي ل ملاك. علشان بس فقد الذاكرة. واني ما عرفش اصدقة ولا عارف اكذبة لكن لما يقابل في الظلمة خلف اللي كان عايز الشر لبنات اخوة. وقتها مش هيحتاج يلعب معاك لعبة فقدان الذاكرة لانك في صفة.
خلف كمل وقال
وب اكدة يجيب كل اللي في عبه. ويخر كيف الدهول
محمود
هو دة. قصدي تبان انك معه. مع انك مع اللي منك
خلف
يبقي انت كل اللي عليك تراقبه زين الفترة الجاية وفي الوقت المناسب اني هظهر له.
محمود
تظهر وتسجل لي كل اللي هيقوله معاك علشان يبقي اثبات قدام حنين والحكومة،،،،،،،،،
ونرجع تاني لخلف اللي لسه دايس علي رجل اسر المصابة وكان بيبص ل محمود وبيقول
سمع حنين ابن الاوساخ دة اتفق معايا علي اية ضدها
طلع محمود موبيلة وبدأ يشغل مقاطع صوتيه كلها في اخرتها نهاية حنين بقتلها والوصول لفلوسها وكلام كتير كان كفيل بانهيار حنين من كتر العياط واترمت في حضن حياة. وقالت
اني لية بيحصل فيه اكدة. لية
طبطبت حياة عليها وقالت
احمدي ربنا ان كبيرنا كشفه لينا ونجانا مني
بص خلف ل حياة وقلبه انشرح بالجملة دي. ورجع خلف يبص ل محمود وقال
اتصل يا ولدي بالحكومة وخليهم يجوا ياخدوا الزباله اللي حطت علي بلدنا دي
هنا اسر قال
حكومة مين يا عمنا انت ناسي ان بنت اخوك مراتي
هنا يفتح محمود الباب للماذون ويدخل الماذون ويبص. خلف ل اسر ويقول
دة مش ماذون يا عويل. ولا الدفتر اللي كان في ايدة دفتر
اسر
يعني اية
خلف
يعني ماكنش في جواز اصلا. تعيش وتاخد غيرها يا ابن الاوساخ
وضربه خلف بكعب السلاح في دماغه، ،،،،،،،،،،،
وفعلا جت الحكومة وقبضت علي اسر واشرف وصبا بتهمة الشروع والتخطيط ل قتل حنين والاستيلاء علي اموالها. ووقفوا الثلاثة قدام بعض في مكتب الظابط وبص لهم الظابط وقال
هتفضلو تنكروا لغاية امتي وموبيل اسر علية كل اعترافتكم.
اسر
ياباشا انا برئ. والاثنين دول هما اللي خططوا دول حتي هما اللي قتلو عوض
الظابط
وتسجيلاتك وانت بتتفق مع خلف علي قتل حنين دة برضو انت برئ منه
اسر
يا باشا وعهد الله انا اتنصب عليه. دة انا عبيط يا باشا دة هو حتي اللي كان بيقول انه هيقتلها.
الظابط
وانت ما قولتش القبر اللي يتفتح ل اثنين ياخد الثالثة
اسر
دي جملة سمعتها في فيلم وكنت بفكره بي
الظابط اتعصب وقال
انت هتستهبل يا روح امك
اسر
الله يكرم اصلك
الظابط للعسكري
خدهم ارميهم في الحجز لغاية ما يتعرضوا علي النيابة،،،،
ونرجع ل بيت خلف وخلف جوة اوضة ونايم علي سريرة بعد عياب حوالي سنة وكام شهر وقصاد منه علي كرسي التسربحة تقعد اصيلة وخلف بيبص لها وبيقول
هتفضلي قاعدة بعيد اكدة
اصيلة
لا. اني بس مش مصدقة انك رجعت
خلف
مش مصدقة ولا لساتك خايفة تعاشري مجنون
قامت اصيلة جري وقعدت جنب منه وقالت
كيف تقول اكدة.
خلف
ما هزعلش منيكي. اني نفسي ساعات بخاف مني.
اصيلة
بس اني ما فكرتش بالشكل دة
خلف
يبقي لساتك مش مسمحاني لاني كنت السبب في موت بناتنا الاثنين
اصيلة
اضحك عليك لو قولت اني سامحتك او اقول اني نسيتهم اصلا
خلف
كان زمانهم عايشين لولا طمعي و،،،،
اصيلة حطت ايدها علي بوق خلف وقالت
ما تقولش اكدة. دة مكتوب وكان لازم يحصل. الله يرحمهم وانت برضيك ضيعت اتنين والنهاردة باللي عملته لحقت واحدة كانت هتموت
خلف
ما تعرفيش انا فرحان كيف اني عملت اكدة. اني ما ساعة ما بقيت بحمي حنين واني ما بحلمش ب صالح ولا. بنناتي
ويبكي خلف وهو بيقول
ما بقوش زعلانين مني. شكلهم سامحوني مش اكدة
اصيلة
ربنا يسامحنا كلتنا
خلف
ناقص انتي يا اصيلة
اصيلة
ماسهلاش علي ام تروح منيها اتنين وتصفي للي كان السبب
خلف اتوجع من صعوبه الجملة لكن اصيلة كملت وقالت
لكن اللي ضيع اتنين من بناتي قبل اكدة رجع ولحق بنتي التالتة. ودة يخليني ابوس يدة واقول له. تسلم يا كبير عيلة السوهاجي
ومسكت اصيلة ايد خلف لكن خلف هو اللي مسك ايدها وباسها وقال
اني اللي احب علي يدك سامحيني يا اصيلة يا غاليه.
سحبت اصيلة ايدها وهي بتقول
ربنا يسامحنا كلتنا،،،،،،
ومن جوة اوضة حنين كانت حياة قاعدة قصاد حنين علي السرير وكانت حنين بتقول
هو اني وحشة اوي كدة
حياة
لا. انتي بس متلخبطة. ودة بسبب انك طول الوقت كنتي كيف صغير الكنغر مستخبي من الدنيا في كيس بتاع امه. ودة مش صوح طول الوقت لانك لازم تعيشي وتتعاملي مع ناس وتعرفي تفرزي الزين من العفش. مش اي يقول بعشقك يبقي بيعشق عشق مواقف احلي وعمر طويل جدا. عن عشق الكلام. وزي ما انتي غلطي يوم ما اخترتي تعشقي اسر. اني كمان بعترف اني غلط يوم ما اخترت اعشق رشاد. لانه عشقني بالكلام وبس لكن عشق المواقف اللي عمره طويل هو عشق صابر وكفاية اللي بيعملو علشاني لغاية النهاردة. ودة درس تتعلم منه اي بنت. مش كل واحد شكله حلو وكلامه حلو ينفع يتقال عليه راجل. دة بيبقي دكر وبس انما الرجولة مواقف. واحنا كنا غلط عشقنا غلط ودورنا غلط واترمينا في حضن اي كلمة حلوة تتقال حتي لو كدب. وبمزاجنا اتجرحنا
وفردت حياة ظهرها علي السرير بصت لها حنين ونامت هي كمان في حضنها وقالت
العب لي في شعري
حياة بصت لها بطرف عينها
كيف زمان
حنين
ساعات ما بنعرفش نتعافي الا بزمان واللي حوصل زمان
وبدات حياة تلعب ل حنين في شعرها ودموع حنين بتنزل من عيونها علي كل اللي فات. ودموع حياة اختلطت بدموع اختها، ،،،،،،،،،،،،،،،
ومن قدام البيت يقعد صابر وكان بيشرب كوبية شاي. قعد جنب منه محمود وبص له وقال
لساتك زعلان مني
بص صابر ل محمود
في حد يزعل من اخوة.
محمود خد صابر بالحضن وبعدها قال محمود
عرفت انك ليك دلال علي عيلة سرحان
صابر
ابن الحج سرحان صاحب عمر
محمود
اكدة عظمة. كنت عايزك تكلمه في اني اجي اطلب يد اخته
صابر استغرب
يد اخته
محمود
نادية الوسطنية. بنت زينه وتربية زينه تستاهل انها تكون مرتي
صابر عمال يبص ل محمود وهو مستغرب ومحمود بيقول
لو مش عايز تتصدر ليا في جواز بلاش
صابر
لا. ازاي. دة انت تشرف اي حد. هبقي اكلمه حاضر
قام وقف محمود وبعدها قال ل صابر
عارف لو حياة ضاعت منيك تاني. اني هقتلك.
صابر بص له ومحمود ابتسم وقال
تصبح علي خير
ودخل محمود البيت وصابر مش قادر يصدق اللي بيسمعوا،،،،،،،،،
وتاني اليوم الصبح يقعدوا كلهم علي السفرة والفطار قدام منهم ماعدا خلف بصوا ل بعض وقال محمود
بوي اتاخر لية اكدة
اصيلة ندهت
يا خلف يلا الفطار هيبرد
صوت خلف
هاكل بعدين
حياة وحنين قامو وراحو لاوضة وفتحو الباب وبصو له وقالو
واحنا ما هنكلش من غيرك
ودخلو جابو الاثنين من ايدية وراحو بي للسفرة وهو بيقول
طيب بالراحة يا بنات
صابر ضاحكا
هو انت لازم تصعبها علي حالك ما كنت جيت ل وحدك
خلف
اعمل اية بس صحتهم عفية قدروا عليه
اصيلة
امسك الخشب يا خلف. ويلا كل العيال جاعوا
بدأ خلف ياكل وهو بيبص لهم وفرحان بلمتهم وشاف في حنين وحياة بناته ياسمين ونرجس وهما بياكلو في بوقه وصالح قاعد قدام منه بيضحك. وخلصو اكل قامت حنين وباست ايدة وقالت
تسلم يا با اللي عملته معايا
نزلت دموعه وطبطب عليها وقال
يا با.
حياة قامت هي كمان وباست ايدة وقالت
اول مرة ليلة امبارح ما نمش واني حاسة اني يتيمة الاب حاسة ان في ظهري سند وجبل شديد
خلف
ربنا يبارك لي فيكم
وبص خلف ل محمود اللي كان بيقول
اية. بناتك رجعه وانا هتركن تاني
ضحك خلف واصيلة قالت
هو بوك طول عمرة اكدة يعمال اخواتك زين وانت يعاملك عفش
خلف
خليكي محضر خير يا اصيلة
وضحكوا كل الموجودين، ،،،،،،،،،
وتعدي الشهور وحنين تقرر ترجع مطاعم ابوها تاني. وفي يوم وهو جوة مطعم من المطاعم يقف قدام منها يونس بصت له وقالت
اهلا. ازيك يا يونس
يونس
انا مش بخير طول ما انا بعيد عنك
حنين
هو انت لسة فاكرني يا يونس دة انا قو،،،،،،،
يونس قاطعها وقال
حنين انا طلقت مراتي وجاي اطلب يدك
حنين اتفاجات وقالت
يدي
يونس
تتجوزيني
حنين ما بقتش عارفة ترد تقول اية من الصدمة لكنها صدمة حلوة، ،،،،،،،،
وتتخطب حنين ل يونس وصابر يقف قدام حياة وهو بيقول
خلاص بنتك هتتجوز. وانا قتيلك يا حياة. ولو ما بقتيش مراتي بالذوق هتبقي مراتي بالغصب
حياة ضحكت وقالت
طيب بالراحة علينا ياعم. مش اكدة
صابر
دلعتك كتير وخلاص يا انا يا انتي النهاردة
حياة
بس اني لسة عايزا ادلع
صابر
هدلعك، ،،،،،،،،،،،
واتجوزو الاختين في نفس اليوم. واتحكم علي اسر ب 15 سنة. وصبا واشرف اعدام. وخلصت الحكاية ووصلنا لكلمة النهاية. لكن معايا نهاية حكاية معنها بداية حكاية جديدة. وباذن الله يوم السبت نتقابل
وابتسامة الشر.
استنوني. ومستني راي كل اللي شرفني بقراءة القصة.
سلام
روعه
ردحذفجميله فعلا
ردحذف