ضد الخوف
★الحلقة السادسة★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
وفعلا حاولت وفضلت تحاول لغاية ما وصلت لطرف الحبل وحطت الشنطة في الخطاف. ووقفت علي الذراع الحديد. واستعدت للقفز ناحية الشنطة وفعلا نطت. ونجحت في الوصول للحبل وبدات اسحب الحبل وهي متعلقة في وبتتسلق البرج. وانا بسحب وهي بتطلع بمساعدة رجليها. وقبل ما توصل للسطح الحديدي. قوتها خانتها والتعب حل بيها وايدها فلتت. ورجليها اتزحلقت علشان تسيب الحبل وتسقط في الهواء. وصوت صرختها في وداني وبصيت لقيت بالين متعلقة في الشنطة. وبتبص لي وبتقول
اسحبيتي.
فرحت وبدات اسحبها بكل قوتي. وطلعت هي والشنطة وقعدت جنب مني بالين وهي تعبانه جدا. وايدها الاثنين متعورين فتحت الشنطة وخد منها ازازة المية وشربت وبعدها شوفت دم تحت تيشرت بالين رفعت التيشرت ولقيت جرح بالعرض في منطقة البطن وبالين بتقول
بطني اتجرحت في ذراع طبق الدش
قلعت التيشرت بتاعي وبدات اوقف لها الدم علي قد ما اقدر ولفيت التي شيرت حوالين بطنها. وهي بصت لي وقالت
معقوله بعد اللي عرفتي تكوني قلقانة عليه
بصت لها وقولت
بلاش نتكلم في اللي فات. احنا اتفقنا نفكر ازاي نرجع لاهلينا وبعديها نتكلم
بالين
كنتي هتزعلي عليه لو موت
دورا
بالين خلينا نشوف حل للموقف الصعب اللي احنا في دة
وهنا تقع عيني علي الكاميرا الطائرة بتاعت بالين وتيجي لي فكرة. مجنونه فقولت ل بالين
كنتي قولت لي قبل كدة ان الكاميرا دي تقدر تطير لغاية كيلو.متر
بالين
فعلا
دورا
لو كتبنا اسنغاثة علي ورقة وثبتنها في الكاميرا وطيرنا الكاميرا لغاية اول الطريق السريع ونهبط بيها هناك. اكيد اي سواق من اللي بيعدوا علي الطريق هيشوف الاستغاثة ويطلب لنا النجدة
بالين
فكرة ممتازة
وفعلا. طلعنا من الشنطة منديل وبصيت ل بالين وقولت
هنكتب علي المنديل باية
بالين
صباع الروج بتاعي عندك في الشنطة
طلعت صباع الروج وكتبت علي المنديل
★ الحقونا احنا بنتين عالقين فوق برج الاشارة القديم. اللي يشوف رسالتنا يطلب النجدة ★
وثبت المنديل في الكاميرا. بلفه سلك كهرباء فوق منه. وطلعت الريموت واديته ل بالين اللي قالت
مش هقدر اتحكم فيها بسبب ايدية. انتي شوفتيني وانا بصور بيها وهتقدر تعملي كدة
دورا
اخاف افشل
بالين
هتنجحي انا متاكدة
ووقفت وفي ايدية الريموت وطيرت الكاميرا للبعيد وبدات
اتابع خط سيرها عن طريق الشاشة اللي في الريموت الخاص بيها وبدات اتحكم في مسار الكاميرا عن طريق الذرعات الموجودة في الريموت بتاعها وكنت فرحانه ان فكرتي بتنجح. لكن فجاة. اشارة تظهر علي الشاشة اشارة عارفة معني كويس البطارية هتفطئ. بالين قالت لي
ارجعي بيها بسرعه. لانها لو وقعت وسط الصحراء. هيضيع اخر امل لينا
فعلا رجعت بيها بعد ماكانت تقرييا قطعت نص المسافة والبطارية بتفطي. وباليت قلقانة وانا زيها خايفين انها تقع. وفضلنا في حاله ترقب والرياح اصبحت العدو الاول لينا لغاية ما وصل مستوي البطارية ل واحد في المية. وقربت مننا وقربت ولسة هتقع مديت ايدي لقطها. وكنت متعصبة اوي وبصيت ل بالين وقولت
انتي مش شاحنها كويس
بالين
شاحنها. بس انا صورت بيها كتير ودة اللي خلص الشحن
دورا
طيب ودلوقتي اية العمل
بالين
لازم نشحنها
دورا
ازاي ومنين
بالين
فكري واكيد هتوصلي ل حل
دورا
وانتي ما تفكريش لية
بالين
انا تعبانه. واللي حصل ل بطني وايدية. مخلبني مش قادرة
دورا
خلاص بالين انا هفكر
وقعد وبدات افكر ،،،،،،،،
في نفس الوقت كاظم كان جوة احدي اقسام تركيا والظابط بيقول له
انت عارف سيد كاظم في كام برج اشارة في تركيا. نعرف ازاي بنتك وصاحبتها راحو اني برج
كاظم بصوت حزين. ممزوج بالقلق
دي غلطتي كان لازم اعرف هي هتروح فين
الظابط
سيد كاظم ممكن تهدي وخلينا نفكر بشكل تاني. تعرف رقم موبيل او عنوان ل صديقة بنتك. بالين
كاظم
للاسف ما عرفش
الظابط
ازاي سيد كاظم ما تعرفش اي معلومات عن بالين وهي صديقة بنتك الوحيدة
كاظم
بنتي اغلب الوقت كانت عايشة مع مامتها وانا كنت بعيد
الظابط
طيب تقدر حضرتك تقولي اسمها بالكامل
كاظم بحسرة
ما عرفش غير ان اسمها بالين
الظابط
بس
كاظم وهو مكسوف من نفسه
بس
الظابط
مش عارف اقول لحضرتك اية.
كاظم وهو بيبكي
انا عارف اني صعبتها علي حضرتك لكن علشان خاطري ساعدني في اني اوصل ل بنتي. قلبي بيقولي انها في خطر
الظابط
كل اللي اقدر اعمله اني أقوم بتفريغ الكاميرات الخاصة بالطرق السريعة يمكن نوصل لاول الطريق اللي اتحركوا في ومن هناك نقدر نعرف هما راحو ناحية اني برج اشارة، ،،،،،،
وفي الوقت دة انا كنت واقفة فوق السطح الدائري والنسرين رجعوا تاني يحومو حوالين مننا. وببص لهم وانا خايفة يهجموا علينا في اي وقت وبالين بتبص لي وبتقول
متخافيش منهم لسة ما جاعوش اوي. لكن واضح انهم المرة دي جائيين علي ريحة الدم بتاعتي
دورا
انا فكرت ولقيت طريقة اشحن بيها الكاميرا
بالين
هتعملي اية
بصيت للكشاف اللي في اخر برج الاشارة واللي بيولع ويطفي بالليل علشان الطائرات تعرف ان في برج هنا. وقولت
انا شوفتك واحنا في المطعم بتشحني الكاميرا دي عن طريق الدواية اللي بتوصل كهرباء للكشاف وانا هعمل كدة
بصت بالين للكشاف وقالت
دة معني انك هتتسلقي كل المسافة دي. هتقدري
دورا
باذن الله هقدر
وبصيت للعمود باصرار شديد وبدات احضن العمود واتسلقت العمود ورغم الوهن والاعصاب البايظة اللي اني قدرت اوصل لاعلي نقطة في العمود واخر نقطة الكشاف ومسكت الكشاف واتلسعت من سخنية الكشاف كنت لابسة بدي قلعته وبدات امسك بي الكشاف وشيلت الكشاف ووصلت شاحن الكاميرا بالكهرباء. وبدات الكاميرا تشحن وانا اعصابي بتنهار. مش قادرة استحمل لكن لازم استحمل
واحس باللي بينهش لحم رجلي المصابة. صرخت ولقيت النسر بيهجم عليه تاني ولكن ناحية وشي وضربته بايدي ما انا لازم ادافع عن نفسي وبدات اضرب النسر وابعدوا عني وهو يهجم عليه وبالذات علي رجلي المصابة وفضلت علي الحال دة. اصرخ واهجم وادافع عن نفسي. عايشة في صراع من اجل الحياة. وانتهي الصراع بان النسر عرف انه مش اقوي مني. وانتهي شحن الكاميرا. ونزلت للسطح الحديدي وقعد قدام بالين وقالت
نجحتي
كنت ببص علي رجلي اللي النسر خلاها تجيب دم تاني وكنت بكتم الدم باني بحط عليه ايدي وبضغط بقوة وقولت
انا مش هموت هنا بالين
وقومت باصرار شديد. وبدات اطير الكاميرا. واتحكم فيها بالريموت وطارت الكاميرا لبعيد وانا متحكمة فيها ووصلت لغاية اول الطريق السريع. ونزلت بالكاميرا لمستوي الطريق وسط فرحة مني ومن بالين لكن عربية نص نقل تخبط الكاميرا وتكسرها علي اول الطريق وتنعدم الرؤية عندي في شاشة الريموت. ومسكت النظارة المكبرة وبصيت ناحية الكاميرا لقيت الراجل اللي خبط الكاميرا نزل من عربيته لما حس الاصطدام وبص ناحية الكاميرا. اللي اتكسرت تمام ومسكها ورماها ل بعيد والمنديل اللي فيها اتقطع وطار ل بعيد. وركب عربيته تاني واتحرك واتقطع اخر امل ورميت الريموت وانا في قمة الغضب وبصيت ل بالين وقولت
احنا لية بيحصل فينا كدة
بالين
اهدئ دورا
دورا
اهدئة ازاي احنا بنموت بالبطئ.
بالين
العصبية مش حل.
بصيت لفردة الكاوتش التانية اللي في رجل بالين وقولت
انا هكتب رساله استغاثة علي موبيلي واحطها في فردة الكاوتش بتاعتك. اقلعي الكاوتش
بالين
مش هعرف اقلع الكاوتش
دورا
خلاص هاقلعه انا ليكي
بالين
ولا انتي هتعرفي تقلعي ليا.
دورا
لية بتقولي كدة
بالين
لاني مش قصاد منك.
اتصدمت وقولت
يعني اية
بالين
انتي لما سحبتي الحبل تاني مرة انا ما كنتش موجودة. هو جسمك الضعيف كان يقدر يسحبني وانا متعلقة في الشنطة
بلعت ريقي بصعوبه وقولت
بالين انا مش مستحملة هزار
بالين
انا ما بهزرش وتقدري تبصي تحت منك وهتلاقي جثتي فوق اطباق الدش بياكلها النسر. مش دة كان حلمك اللي رفضي تحكي ليا
فضلت مبرقلها. مش مصدقة اللي بيتقال وبدأ وشها ينزل منه دم مكان الخبط اللي اتخبطتها في اطباق الدش وهي بتقول
عقلك رفض فكرة انك اكون موت. وفضلتي تتكلمي معايا لكني مش موجودة
صرخت فيها وقولت
اسكتي
كررتها وقالت
مش موجودة. انا تحت،
صرخت اعلي وقولت
اسكتي. انتي عايشة مش ميته
بالين
لسة عقلك رافض موتي. بس انا موت
وبدات ابص ناحية اطباق الدش وانا مرعوبه من اللي ممكن اشوفه وفعلا شوفت جثة بالين ومعدتها برة والنسر بياكلها،،،،،،،،،،،،،،،،،
خلصت حلقة النهاردة اللي يارب تكون عجبتكم. واستنوني بكرة باذن الله والحلقة الاخيرة سلام
يالله علي الجمال والتشويق فالاحداث
ردحذففعلا استاذ تحياتي لك بالتوفيق دايما
هل ياتري انت بتشوف كلامي دا وعارف مين بيشجع حضرتك من لمتابعين ولا انا بشجع نفسي ولا ايه 😂
بشوف وبفرح بالكلام جدا. بس ما عرفش مين اللي بتشجعني
حذف