ضد الخوف
★الحلقة الخامسة★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★وخدنا بعض بالحضن من شدة الفرحة. لكن الفرحة راحت لما لقينا الاثنين بيبصوا ناحيتنا وبيضحكوا وبيركبوا العربية وبيتحركو بيها. او بمعني ادق. سرقوها. ومن تاني يسيطر علينا الاحباط والياس لكن بالين بصت للجرح اللي في رجلي واللي رجع يحيب دم من تاني. بس علي بسيط ورفعت التي شيرت بتاعها وبصت علي الجرح وقالت
انا اسفة دورا
وقطعت حتة من التيشيرت وبدات تنظف لي الجرح وانا بقول لها
وانت ذنبك اية في اللي حصل
بالين وهي بتقطع التيشرت وبتربط لي الجرح من جديد وبتقول
علشان راجعه بعد غياب سنة. علشان اكون السبب في موتك
ابتسمت بحسرة وقولت
خلاص حكمتي علينا بالموت
بالين
الامل هيفضل موجود. وانا حاسة اننا هننزل من هنا بخير
دورا
هو احنا ممكن نعيش قد اية من غير اكل وشرب
بالين
ما عرفش
وسلط كشاف الموبيل بتاعي ناحية الوشم اللي علي رجل بالين وقولت
تعرفي ان الوشم دة خاص جدا. وتبع شخص واحد بس
بصت بالين للوشم ة باستغراب وبدات القلق يتسرب لها وقالت
تقصدي اية.
دورا
كريم صاحب الوشم دة ومعني بحبك
وسلطت الكشاف علي رجلي وفي نفس المكان مرسوم نفس الوشم. ما بقتش عارفة بالين تقول اية. لكني بصت لها في عيونها وشوفت ارتباكها وقولت
احنا الاثنين كنا نمتلك نفس الشخص.
وصرخت بعصبية وقولت
بس انا كنت مراته وانتي خاينة
حطت بالين عيونها في الارض وانا انفجرت في العياط وكنت بقول بحرقة.
لية. دة انتي صحبت عمري وزي اختي
بالين وهي بتعيط بحرقة من صعوبه الموقف
خلاني اقرب منه. وحبيته كان ديما يقولي انتي فيكي كتير مني واللي بحسة معاكي عمري ما حسيته مع غيرك
دورا بحرقة
بس اسكتي
بالين
هسكت بس انا بحبك دورا. انتي مش زي اختي. انتي اختي
دورا
وعلشان كدة خونتيني مع جوزي. وهو بمنتهي القذارة رسم علي رجلك نفس الوشم اللي رسمة علي رجلي. اية الجبروت دة. ما عملش حساب اني ممكن في يوم اشوف رجلك. سهل عليه خيانته ليا معاكي وكانه بيقول عادي لو اتكشفتم
بالين وهي بتخبط ايدها في الحديد
ضحك عليه. وانا ضعفت. كريم شخصيته جذابة وما كنش في واحدة تقدر تقاوم جاذبيته. وهو السبب. هو اللي وصل لي انه ملكي انا مش ملكك انتي. هو اللي خلاني كل ما اشوفك في حضنه ببقي عايزا اخلص منك ومنه. وبعديها اخلص علي نفسي
وعيطت بالين بحرقة الندم. وقالت
علشان كدة لما مات هربت لبعيد علشان اقدر اعيش وسبتك سنة كاملة وعلي فكرة انا كنت في تركيا ما سافرتش امريكا زي ما قولت. كرهت نفسي لما مات وفضلي منه ذكري خيانتي لصديقة عمري.
دورا بسخرية
وانتي عملتي اوي بالصداقة
بالين
دورا ارحميني مش هقدر استحمل اللي بيحصل فينا وكمان استحمل نظراتك ليا.
دورا
خلاص بالين. كفاية كلام وخلينا ننام
ووديت وشي الناحية التانية واول جملة سمعتها في وداني جملة بابا.
★لانه ما كانش بيغلط. والبني ادم اللي ما بيغلطش خالص دة. يبقي فاجر. وكنت خايف عليكي منه ★
وعيطت اوي وكان نفسي جدا اترمي في حضن بابا. اللي يارتني كنت سمعت كلامه. وبدات بالين تربطنا بالحبل في العمود علشان ننام وبعد ما خلصت قالت
دورا
لكني ما ردتش عليه وكنت ببص لدبلة كريم اللي في ايدية وبمنتهي القوة سحبتها من ايدي ورمتها ل بعيد وانا بصرخ. وبقول والنار قايدة في قلبي
لية.
بالين حاولت تطبطب عليه بعد ايدها عني وقولت
انا بخير. وهبقي بخير. وهعيش مش هموت علشان خاطر حد.
وغمض عيوني والدموع بتنزل وبالين فضلت تبص لي وبعدها بصت الناحية التانية والحزن مرسوم علي وشها ويعدو ساعتين بالظبط والنوم يغلب بالين بصيت لها وانا مغلولة وبصيت للحبل لقيته مفكوك من حوالين منها فقولت
الحبل مفكوك ازاي. دي ربطنا قبل ما ننام. بس مش مهم حصل ازاي. المهم ان الموت يكون جزاء اللي عملتي فيا
وفكرت ازقها وايدي بدات تروح ناحيتها لكن اشوف قدام مني شريط حياتنا كله. واحنا عيال صغيرة وبنلعب مع بعض واحنا بنروح المدرسة سوي واحنا بنكبر وايدينا في ايد بعض. سنين بتعدي وكلها ذكريات انا وبالين. عايشين فيها. وشوفت بالين اللي راحت في النوم وجسمها بدأ يميل ناحية السقوط و كانت هتقع من السطح الحديدي. مسكتها بسرعه. وصحيت بالين وبصت لي وقالت
في اية
دورا
كنتي هتقعي
بالين
وانتي لحقتيني
دورا
اسيبك تقعي يعني
بالين
انا اللي قاصدة افك الحبل حوالين مني وانام علشان لما جسمي يتقل ياخدني ويقع
دورا
ولية تعملي كدة
بالين
علشان مش هقدر اعيش وانا شايفة في عيونك. النظرة دي
دورا
مش هقدر اشوفك قدامي وعيوني ما يكنش فيهم لوم وعتاب عليكي
بالين
خلينا دورا نركن اي زعل علي جنب ونفكر ازاي نرجع لاهلينا عايشين
دورا
دة الصح دلوقتي.
بالين
يبقي لازم ننام وبكرة نفكر ونحاول ازاي نوصل للشنطة
دورا
اربطينا وخالينا ننام، ،،،،،،،،،،
كان في نفس الوقت كاظم عمال يحاول يتصل من علي موبيلي والشبكة ما بتجمعش وهو فاكر اني عملت له حظر وكانت ديانا قاعدة قصاد منه وبتمد له موبيلها وبتقول
طالما عاملة لك حظر جرب اتصل من علي موبيلي وهي مش معها رقمي اكيد هيرن
كاظم وهو بياخد الموبيل
فعلا فكرة.
وانصل ب دورا وبرضو نفس الامر بص ل ديانا وقال
كدة هي مش عاملة ليا حظر.
ديانا
هي كدة في منطقة ما فيهاش شبكة
كاظم
صح.
ديانا
واضح ان المغامرة المرة دي مطوله شوية
كاظم
طيب نفسي اسمع صوتها
ديانا
لما تروح منطقة فيها شبكة هتعرف انك اتصلت ووقتها اكيد هتتصل بيك. نام كاظم انت من امباراح ما نمتش
كاظم
انام ازاي بس وانا ما عرفش عنها حاجة
ديانا
ان شاء الله تكون بخير.
كاظم
يارب رجعها ليا بالسلامة، ،،،،،،،،،،
ويطلع النهار وضوء الشمس يصحينا. وتفك بالين الحبل وتبص لي وتقول
دورا انا هربط الحبل حوالين وسطي وهانزل اجيب شنطتنا
دورا
انتي بتقولي اية. الحبل بينه وبين اطباق الدش حوالي 20.م.
بصت بالين للصندوق الحديد اللي في اخر العمود في اسلاك كهرباء جوء الصندوق هستخدمها واطول بيها الحبل
وفعلا حطت بالين ايدها جوء الصندوق الحديد وطلعت كام متر من اسلاك الكهرباء الغليظة. ولفتهم حوالين العمود وربطت فيهم طرف الحبل وبدات تلف طرف الحبل التاني حوالين وسطها وقالت
دورا
بلاش بالين. انا خايفة
بالين
ما قدمناش حل تاني. لازم نشرب والمية في الشنطة
دورا
مش هتقدري بالين
بالين
نحاول. احسن مانموت من العطش
وفعلا جهزت بالين نفسها للنزول وبصت لي وقالت
لو موت سامحيني دورا
دورا
مش هتموتي.
بالين
انا اسفة علي كل الوجع اللي كنت سببه ليكي
ونزلت بالين ايدها ماسكة الحبل. ورجليها علي حديد البرج وبدات تنزل والرعب والفزع باين علي ملامحها وانا من فوق خايفة عليها وعلي اللي ممكن يحصل لها ووصلت لاخر الحبل وحاولت تمد ايدها تجيب الشنطة لكنها ما قدرتش توصل فاضل حوالي 2 م. قولت لها
اطلعي بالين
بالين
مش هطلع الا لما اجيب الشنطة
دورا
مش هتعرفي توصلي للشنطة
بالين
هنط المسافة اللي فاضلة
دورا
انتي مجنونه
لكن بالين ما سمعتش ليا وفكت الحبل اللي حوالين وسطها ونطت ناحية اطباق الدش ومن شدة الخوف عليها غمض عيوني. خوفت اشوفها بتقع من فوق الاطباق لكني سمعت صوتها بتقول
نجحت دورا.
فتحت عيوني لقتها واقفة فوق اطباق الدش وفي ايدها الشنطة وبطلع ازازة المية وبتشرب فرحت انها بخير. لكن المشكلة دلوقتي انها لما فكت الحبل. طرف الحبل بقي بعيد عنها وعلشان توصل كان لازم مغامرة ممكن تكلفها حياتها وهي انها تقف علي الذراع الحديد ل اطباق الدش والذراع دة كان واكلة الصدا. علقت بالين الشنطة. علي كتفها وراحت وداست علي الذراع الحديد واتهز بيها والرعب زاد. رجعت قعدت فوق طبق الدش وبدات تفكر وافتكرت ان معها في الشنطة ذراع للكاميرا لتصوير السليفي فتحت الذراع للاخر وقالت
دورا هحط الشنطة علي الذراع دة وهحاول اعلق الشنطة في الخطاف الموجود بالحبل وانتي تسحبي الحبل بيا وبي الشنطة
وفعلا حاولت وفضلت تحاول لغاية ما وصلت لطرف الحبل وحطت الشنطة في الخطاف. ووقفت علي الذراع الحديد. واستعدت للقفز ناحية الشنطة وفعلا نطت. ونجحت في الوصول للحبل وبدات اسحب الحبل وهي متعلقة في وبتتسلق البرج. وانا بسحب وهي بتطلع بمساعدة رجليها. وقبل ما توصل للسطح الحديدي. قوتها خانتها والتعب حل بيها وايدها فلتت. ورجليها اتزحلقت علشان تسيب الحبل وتسقط في الهواء. وصوت صرختها في وداني وبصيت لقيت بالين، ،،،،،،،،،،،
خلصت حلقة النهاردة اللي يارب تكون عجبتكم. سلام
حلوة جدا جدا
ردحذف