ضد الخوف
★الحلقة الرابعة★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
ويطلع النهار والشمس تلسع وشي واصحي و ما لقيش بالين جنب مني. صرخت وفضلت ابص حوالين مني لغاية ما شوفت في ظهري النسر بياكل بطن بالين ومعدتها كلها برة. صرخت باعلي صوت عندي وحسيت بايد بتصحيني من النوم فتحت عيوني لقيت بالين قدام مني. وبتقول
في اية حلمتي بكابوس تاني
بلعت ريقي بصعوبه وقولت بصوت حزين
اة.
بالين
وحلمتي باية المرة دي
دورا
مش حابة احكي.
وبصيت ناحية المقطورة وقولت
صاحب المقطورة رجعت
بالين وهي بتفكنا قالت
انا لسة صاحية قبل منك بكام دقيقة
وشوفت النسرين في الجو بيطيروا حوالين مننا بصت لهم بالين وبصت ل رجلي والدم اللي رجع ينزل منها وقالت
باين ان النسرين شامو ريحة الدم بتاعتك
بصيت للنسرين وانا مرعوبه وقولت
هما ممكن يهجموا عليه
بالين
لو جاعو
ووقفت بالين وبصت في النظارة المكبرة تشوف المقطورة
وقولت لها وانا بقف جنب منها
حد رجع
قالت لي بياس
لا.
دورا
ممكن تكون المقطورة دي مش بتاعت حد ومتسابة في الصحراء علشان عطلانه.
بالين
هو دة كلام برضو يتقال. مقطورة وكان قدامها نار قايدة ازاي مش بتاعت حد
دورا بعصبية
اومال فين صاحبها
بالين
دورا اهدي. بلاش اعصابك تفلد
دورا
انا تعبانة وعطشانة ومش قادرا استحمل اكتر من كدة. لدرجة اني بفكر انط من هنا وارتاح من الموت البطئ دة
وبدات اعيط. بالين خدتني في حضنها وقالت
مش كدة دورا. علشان خاطري اهدئ. وخلينا نفكر بهدوء
بصت لها وبدات اهدئ. وبعدها بشوية قالت بالين
دورا انا في حد بعت لي تعليق علي اول فيديو نشرتة واحنا تحت البرج. والتعليق جالي واحنا عند اطباق الدش العملاقة
دورا
ودي هنوصل لها ازاي دي تحت مننا بحوالي 100 متر.
بالين بصت للحبل اللي معانا وقالت
احنا معانا حبل طوله حوالي 60 متر. لو ربطنا الموبيل في طرف الحبل ونزلنا الموبيل لتحت وانا كاتبة رساله استغاثة علي صفحتي وخلتها في وضع الارسال. اول ما الموبيل يتصل ب شبكة. النت هيشتغل والرساله هتوصل
ل اي متابع من المليون متابع اللي عندي
دورا
صح.
وخرجت بالين موبيلها من جيب البنطلون الخلفي وكتبت رساله الاستغاثة
★الحقونا احنا عالقين. بسبب انهيار السلم فوق برج الاشارة اللي علي حدود تركيا وبلغاريا اطلبوا النجدة بسرعه ★
وبعدها بصت بالين ل دورا وقالت
كدة الرساله جاهزة. واول ما الموبيل يتصل بالنت هنسمع صوت الارسال.
وجهزت بالين الحبل وقالت
عايزا حاجة اثبت الموبيل فيها
دورا طلعت التوكة الاستك من شعرها وقالت
ممكن تثبتي الموبيل في التوكة دي وبعديها تربطي في الحبل
وفعلا بالين عملت كدة ويدات تنزل الموبيل لتحت واقترب الموبيل من الاطباق الدش لكنه ما وصلش ليهم دورا. ودة كان اخر طول الحبل واصبح بين الموبيل واطباق الدش حوالي 40 م. بدات بالين تنزل ايدها اكتر واكتر وبرضو الشبكة ما وصلتش للموبيل بصت بالين ل دورا. وقالت
الموبيل مالقطش شبكة
دورا
طيب والعمل
بالين بصت ناحية اربع درجات من السلم لم ينهارو مع اللي انهار وقالت
هنزل علي اخر درجة من السلم دة
دورا
لا. يمكن السلم يقع بيكي
بدات بالين تختبر ثبات الكام درجة دول لقتهم ثابتين كويس فقالت.
متخافيش ثابتين
وربطت بالين الحبل في رجلها وبدات تنزل علي السلم وهي خايفة وانا زيها وببص لها وانا مرعوبه لكنها نزلت لاخر درجة وعلقت ايدها في اخر درجة يمكن الموبيل يلقط شبكة وبرضو ما فيش جديد. طلعت بالين للسطح الدائري والياس بدات يتسرب لها وبصت لي فقولت
اكيد في حل
ومسكت النظارة المكبرة وبصيت تاني ناحية المقطورة وبرضو ما فيش حد. بصيت ل بالين وقولت
انا عندي فكرة
بالين
اية هي
دورا
نحدف الموبيل ناحية اطباق الدش
بالين
ولو اتكسر الموبيل ميت حتة. والرساله ما راحتش
دورا
ممكن نحمي الموبيل من الكسر
بالين
ازاي
دورا فكرت للحظات وتقع عينيها علي كاوتش بالين وبعدها قالت
نحطة جوة الكاوتش بتاعك لانه متبطن من جوة
بالين
صح
وخلعت بالين الفردة اليمين وحطت جوة منها الموبيل وقالت
بص الموبيل مع الاصطدام ممكن يخرج برة الكاوتش
دورا
نحط فوق الموبيل اللي يمنع خروجة من الكاوتش
بالين
هحط الشراب بتاعي
وفعلا حطت الشراب. وبعدها قالت
انما مش كدة ممكن يمنع وصول الشبكة للموبيل
دورا
نحاول بالين مش هنخسر حاجة
وفعلا مسكت بالين الكاوتش ورمتة وخبط الكاوتش في اطباق الدش وبدل ما يستقر علي الاطباق اتخبط في سن الطبق وكمل سقوط لاخر برج المراقبة الياس اتملك مننا تاني. لكن بالين بصت في النظارة المكبرة علي الكاوتش. ووقتها عينية تقع علي علامة علامة علي رجل بالين. بالتحديد وشم انا اعرفه كويس ولسة هسالها علي العلامة دي لقيت بالين بتقول بفرحة
في حد تحت البرج.
وقومت بسرعه وبصيت تحت البرج شوفت راجل ومعه كلب. والراجل كان بيتكلم في الموبيل وبعيد عن الكلب بكام متر والكلب بيشم في الكوتشي بتاع بالين. والموبيل برة الكوتشي اتكسر تماما. وندهه الراجل علي الكلب وما خدتش باله من الموبيل بتاع بالين وفضلنا نصرخ ونادي عليه باعلي صوت. وبرضو ما فيش فايدة. قلعت فردة الكوتشي بتاعتي ورمتها. نزلت بالقرب من الكلب والكلب بص لها والراجل كان مشغول في المكالمة مش مركز معانا خالص. رميت الفردة التانية جت علي السلالم المكسورة ورغم انه عمل صوت والكلب بص لنا لكن الراجل ندهه علي تاني والكلب فضل يهوهو ما عرفش شافنا ولا حاس بينا وهنا شافو الراجل وهو بيشمم في فردة الكوتشي بتاعتي وراح ناحية الكوتشي ومسكه وفضل يبص يمين وشمال واحنا بنصرخ. وهو عمال يبص في كل حتة وما فكرش يبص ل فوق. شكله مش مصدق ان ممكن يكون في حد طلع فوق وبعدها رمي فردة الكوتشي وخد الكلب ومشي واحنا بنصرخ وبنصرخ وبنصرخ من غير اي فايدة
ومسكت بالاشارة الضوئية واستعداد لضرب الاشارة الضوئية لكن الشمس كانت لسة طالعة فقالت لي بالين
لا. مش دلوقتي دي فرصتنا الوحيدة. ولازم نضربه في الليل علشان يتشاف
وبصت بالين ناحية المقطورة ولقت في راجل تاني فقالت
في راجل تاني عند المقطورة
دورا
اول ما الليل يدخل هضرب الاشارة الضوئية
وفعلا عديت كام ساعه والليل دخل وضربنا الاشارة الضوئية وشافوها الاثنين وعرفوا اننا اعلي البرج. وشوفناهم رايحين ناحية البوابة اللي عندها عربيتي ووقفوا قدام البوابة وبالين قالت
بيبصوا ناحيتنا
فرحت وقولت
يعني عرفوا اننا هنا
بالين بفرحة شديدة
اكيد. وهيطلبونا لينا النجدة وهنعيش دورا
دورا
هنعيش بالين
وخدنا بعض بالحضن من شدة الفرحة. لكن الفرحة راحت لما لقينا الاثنين بيبصوا ناحيتنا وبيضحكوا وبيركبوا العربية وبيتحركو بيها. او بمعني ادق. سرقوها، ،،،،،،،،،،،
خلصت حلقة النهاردة اللي يارب تكون عجبتكم. سلام
يادي الحظ بس بجد روووعه تحياتي
ردحذف