ضد الخوف
★الحلقة الثالثة★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
وبدأت اعصابي تنهار اكتر واكتر. وخلعت الخطاف بتاع حبل بالين ودخلته بين الحديد وبعضة الموجود في السطح الدائري. وقولت ل بالين
اطلعي انتي
بالين
وانتي دورا
دورا
انا رايحة ل كريم
وسيبت السطح الدائري وبدأ جسمي يسقط في الهواء. وفتحت عيوني لقيت بالين قدام مني فوق السطح الدائري بتقولي
دورا. روحتي مني فين. بتكلم معاكي وانتي ما بترديش عليه
بصيت حوالين مني بانتبهاء. لقتني لسة واقفة فوق السطح الدائري بصيت تحت مني لقيت السلم لسة موجود في مكانه استغربت وقولت
انا شوفت السلم دة بينهار بينا
بالين
دورا انتي شكلك كنتي بتحلمي. احنا ما اتحركناش من مكانا لسة. انتي بس اللي الخوف متمكن منك
وشاورت ناحية كاميرا طائرة وكانت بتسجل فيديو لكل اللي بيحصل وبالين بتتحكم فيها بريموت وقالت بالين
سلمي علي المتابعين. وعرفيهم قيمة الانجاز اللي احنا عاملنا
بدات اجمع اعصابي وسلمت علي المتابعين كلهم وداست بالين علي زرار في الريموت رجعت الكاميرا الطائرة ليها وحطتها في شنطتها وقالت
جه وقت النزول
بصيت للسلم وانا مرعوبه لكن بالين قالت
يلا دورا. ما تخافيش
ونزلت علي اول درجة ما حصلش اي حاجة واللي بعديها وبرضو ما حصلش حاجة بدأ قلبي يطمئن شوية رغم ان السلم كان بيتهز. ووصلت لنص المسافة تقريبا وقبل اطباق
الدش العملاقة بدا السلم يتهز بصورة مرعبه والمسامير كلها خرجت من مكانها. وبدا الانهيار وبقيت متعلقة في الهواء. بالحبل اللي بيربط بيني وبين بالين اللي كانت لسة علي السطح الدائري وقدرت تمسك في العمود وعلي اخر لحظة قبل ما تقع معايا وصرخت فيها وقولت
اسحبيني بالين. اسحبيني انا مش عايزة اموت
بدات بالين تسحبني وحست انها مش قادرة لفت الحبل حوالين العمود اللي طالع وسط السطح الدائري. وبدات تسحب وتسحب لغاية ما قدرت تطلعني للسطح ورجلي اتجرحت في سن حديد كان طالع من البرج. واتفتحت رجلي من عند اعلي الفخد. حوالي 3 غرز. وكنت هقع تاني لكن بالين قدرت تمسكي من تحت ذراعتي ومسكت في العمود اللي في نص السطح الدائري وسحبتني للسطح الدائري وقعدنا قصاد بعض ناخد نفسنا. وبالين قلعت التيشرت اللي كانت لابسه وبدات تكتم الدم اللي بينزل من رجلي وانا بتوجع ولفت بالين التيشرت حوالين رجلي وكان باين عليها قلقانه اوي عليه وقالت
هتبقي كويسة والدم هيقف.
دورا
ان شاء الله.
بالين بدات تاخد نفسها بعد المجهود اللي عملته وبعدها بصت لي وقالت
ما نخفيش مش هنموت دورا
دورا
احنا كدة كدة هنموت
بالين
مش هنموت يا دورا. انا متاكدة
دورا بسخرية
مش هنموت. صح. بنتين فوق برج مهجور من سنين علي الارتفاع دة. وسط صحراء. والسلم تحت منهم انهار يعني النزول مستحيل. وفي الاخر تقولي اننا مش هنموت. جايبة الثقة دي منين
بالين وقفت وفضلت تبص بتركيز شديد للمنطقة المحيطة بيها وهي بتقول
ا حد هيلحقنا. صوت السلم وهو بينهار اكيد في حد سمعه
دورا بياس
بتحلمي. احنا وسط الصحراء. مين يسمع بالانهيار اللي حصل دة
بالين
بطلي احباط.
دورا
مش احباط ده واقع. موبيلتنا وما فيهاش شبكة.
و شنطتنا اللي فيها المية والكاميرا الطائرة بتاعتك وقعت علي اطباق الدش العملاقة.
بصت بالين للشنطة وبدأ الاحباط يتسرب لها لكنها قالت
اكيد هنلاقي حل
ورجعت بالين تبص بتركيز اكتر للمنطقة المحيطة. وهنا تقع عيني علي صندوق صغير في اخر العمود فقولت
بالين اية الصندوق دة
راحت بسرعه بالين ناحية الصندوق وفتحته ولقينا جوة منه نظارة مكبرة ولقينا اشارة ضوئية خاصة لعمليات الانقاذ في حاله الخطر. تشبة الشماريخ اللي بتستخدم في ماتشات الكورة فرحت بالين وقالت
بالنظارة المكبرة دي. والاشارة الضوئية هنقدر نعرف اي حد قريب مننا اننا فوق برج الاشارة
وحطت بالين النظارة علي عيونها وبدات تفحص المنطقة بتركيز اكتر واكتر. وشافت عربية بمقطورة وقصاد منها نار مولعه فقالت
في عربية قريبة مننا
خد منها النظارة وبصيت مكان ما بصيت وشوفت اللي هي شافته وقولت
بس ما فيش حد هناك
بالين
طالما في نار لسة مولعه يبقي اصحاب العربية دي في مكان قريب وراجعين تاني.
دورا
وهنعرفهم ازاي اننا هنا
بالين وهي بترفع الاشارة الضوئية
انتي ناسية اننا معانا دة
دورا
يارب يرجعه بسرعه
وقعدنا فوق السطح الدائري حوالي 10 ساعات والجوع والعطش بدأو يهاجمونا. وكل شوية نبص في النظارة المكبرة ناحية المقطورة وبرضو ما فيش حد رجع. ودخل علينا الليل. وبدأ النوم يغلبنا. فقالت بالين
لازم ننام.
دورا
هنام ازاي هنا. دة احنا قاعدين بالعافية. ممكن ننقع
بالين وهي بتربطنا بالحبل في العمود. قالت
ما تخفيش مش هنقع بعد الربطة دي. ولو ما نماش هيجي علينا بكرة واحنا فاقدين التركيز ودة مش صح في وضعنا دة
دورا
انا جعانه وعطشانة اوي
بالين اللي خلصت ربطنا في العمود
وانا زيك. بس خلينا نستحمل ل بكرة واكيد اصحاب المقطورة هيرجعوا
دورا بصت للسماء وقالت
يارب.
وبعدها بصيت ل بالين وقولت
تعرفي انا نفسي اسمع صوت مين دلوقتي
بالين
اوعي تقولي كريم
دورا
لا. كريم طول الوقت بسمع صوته. وبشوفه
بالين
واضح ان الخمر ضرب لك خلايا مخك
ضحكت وقولت
لية بتقولي كدة
بالين
اصل لما يوصل بيا الحال اشوف ميتين يبقي فاضل اية
دورا
يبقي فاضل نروح لهم
بالين
يا ساتر عليكي. انتي مالك كارهه الدنيا لي كدة
دورا
بالعكس دة انا طلعت جبانة اوي اول مالسلم انهار واتعلقت في الهواء. خوفت اوي من الموت
بالين
ومين يحب الموت
دورا
ما حدش. يتمني يتحرم من اغلي الناس في حياته
وبدات اعيط. حضنتي بالين وقالت
غيري الكلام دة. وقولي نفسك تسمعي صوت مين
دورا
بابا. مش عايزا اموت وهو زعلان مني
بالين
مش هنموت. وبطلي بقي الكلمة دي. ،،،،،،،،،،،
كان في نفس الوقت كاظم ماسك موبيلة وبيتصل ب دورا والموبيل بيدي مشغول ويفصل. استغرب كاظم وقال
عملت لي حظر يا دورا. اهون عليكي
وبدات دموعه تهرب دخلت عليه ديانا ووقفت قصاد منه وقالت
مش هتاكل
بص لها وقال
هو انا اب وحش اوي كدة يا ديانا. لدرجة ان بنتي تعملي حظر
ديانا قربت منه وخدته في حضنها وقالت
اوعي تقول كدة. تاني انت احسن راجل في الدنيا
كاظم
طيب لية بنتي رفضاني
ديانا
بنتك مضحوك عليها واللي عملته امها واللي قالته عنك خلتها تبقي كدة
كاظم
انا قلقان عليها اوي ونفسي اسمع صوتها
ديانا
لما ترجع ابقي روح لها
كاظم
المفروض هي اللي تيجي لي. وتصالحني. ولا. لا. اروح لها انا.
وبدا. يبكي كاظم. وهو بيقول
بس هي ترجع
وبص للموبيل تاني. بحسرة شديدة وحزن يكوي القلوب، ،،،
ويطلع النهار والشمس تلسع وشي واصحي و ما لقيش بالين جنب مني. صرخت وفضلت ابص حوالين مني لغاية ما شوفت في ظهري النسر بياكل بطن بالين ومعدتها كلها برة، ،،،،،،،،،،،،،،،،،
خلصت حلقة النهاردة اللي يارب تكون عجبتكم. سلام
حلوة جدا جدا
ردحذف