اميرة الضباب
★الحلقة الثانية★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
وبدات تقلع هدومها استغرب كل الموجودبن في الشارع وهي بتعدي الشارع وقف اتوبيس هيئة مرة واحدة كان هيدوسها واكتر من عربية ملاكي فرملت ودة كان السبب في ان العربيات دخلت في بعضيها. ووقفت قصاد عربية نص نقل كبيرة وقالت
من اجل الضباب
وفحاة يلاقي سواق النص نقل عربيته بتتحرك غصب عنه وبدوس الست دي. المشهد دة كان كفيل باصابة كل اللي في الشارع بالصدمة وصبري واللي معه جريوا ناحية سواق النص نقل ونزلو من العربية والسواق بيقول وهو مرعوب
والله العظيم ما انا اللي عملت كدة. هي قالت من اجل الضباب و العربية مشيت لوحدها.
صبري اتصدم من اللي سمعوا وبص لرجالته،،،،،،،،،،
وفي نفس الوقت ومن جوة البنك لسة كمال واقف بيدور علي الغامض اللي اختفي تماما ولقي واحد شبهه بالظبط واقف في اخر البنك وبيحط ايدة في جيب بدلة شبة البدلة اللي لابسها كمال وبيطلع سلسلة مفاتيح لصندوق من صناديق الايداع الموجودة في البنك واختفي دور عليه كمال ملقاش لي اي اثر قرر يعمل زي ما هو عمل وحط ايدة في جيبة لقي سلسلة المفاتيح. بلع ريقة بصعوبه وشاف الشبية بتاعه تاني بيتحرك ناحية الاوضة اللي فيها صناديق الايداع راح ناحيته ولقي نفسه وسط الاوضة وبيبص للصناديق والمفتاح في ايدة، ،،،،،،
كان في نفس الوقت الغامض واقف قصاد موظفة الاستقبال في البنك رحبت بي وقالت
اقدر اساعدك ازاي
بص لها في عيونها وقال
مع دقات الساعه يجي وقت الدم
بصت للساعه الكبيرة الموجودة في وسط البنك. واللي كانت فاضل لها لحظات وتبقي 12 ظ. بالظبط وقالت
مع دقات الساعة يجي وقت الدم
ومشي الغامض وخرج من البنك وموظفة البنك حطت يافطة مكتوب عليها
★الشباك مغلق★
وتمشي وفي نفس الوقت كمال يوصل ل صندوق ايداع ويتفتح الصندوق بالمفتاح اللي معه. علشان يلاقي صورة ل بنته جميلة ومكتوب عليها
★دور علي. القاضي مكرم ★
استغرب اوي كمال وحط الصورة في جيبة. ورجع الصندوق مكانه وبسرعه لما سمع صوت ضرب نار. وطلع سلاحة. علشان يلاقي موظفة البنك داخلة عليه الاوضة وهي زي المسحورة وبتمشي ايدها علي صناديق الايداع صوب ناحيتها المسدس وقال
اقفي مكانك وارفع ايدك ل فوق
ما ردتش عليه ولا حتي بصت له وكانها مش سمعا فكرر عليها الكلام وهي ما بتردتش وطلعت الصندوق اللي كان في صورة جميلة وبصت ل كمال اللي كان حاطط ايدة علي الزناد وبيقول
قولت اقفي مكانك وسيبي الصندوق دة
بصت له بملامح لا تحمل الخوف وبعدها بصت وراء منها كاشارة ان في حد وراك بص بسرعه كمال لقي شبيه بيصوب ناحيتة مسدسة ضرب كمال عليه النار علشان يلاقي نفسه واقع علي الارض والدم بينزل من صدرة وشاف الموظفة بيخدها شبيه وبيخرجوا من الاوضة ومعهم الصندوق.،،،،،،،
ومن قدام البنك كان صبري واللي معه في تبادل لاطلاق النار مع رحال غامضين خرجت الموظفة وسط طلقات النار لوحدها واختفي شبية كمال. وركبت عربية من عربيات الشرطة واتحركت بيها ناحية سور وقالت
من اجل الضباب
ودخلت في السور واتكسرت العربية واصيبت الموظفة وظهر الغامض وخد منها الصندوق وحط في العربية قنبلة موقوتة وانطلق وانفجرت العربية. مع خروج كمال من البنك وهو ما فيهوش اي اثار دم وكان اللي حصل من شوية ما حصلش وبص شاف الانفجار وبعدها شاف الغامض في ايدة الصندوق وبيفتح باب احدي المباني وبيدخل المبني جري وهو بيقول. في السماعة البلوتوث
صبري الغامض دخل في المبني اللي قدام البنك
صبري
وانت فين
كمال وهو بيدخل المبني
انا وراء منه بالظبط
صبري
هبعد لك دعم حالا.
وبدات مطاردة علي السلم الداخلي للمبني بين كمال والغامض ووراء منهم رجلين من رجال صبري. والغامض متجة الي سطح العمارة وهما وراء منه. وباقصي سرعة،،،
وصل الغامض للسطح ووراء منه بالظبط كمال والاثنين اللي مع. ورفع كمال سلاحة وقال
اقف مكانك. والا ضربتك بالنار
وقف الغامض ورفع ايدة لفوق بص كمال للرجلين اللي مع وقال
حطوا الكلبشات في ايدة
راحو الرجلين ناحيتة وهما رافعين سلاحهم لف لهم الغامض وبص لهم في عيونهم فضلو واقفين مكانهم استغرب كمال وقال
واقفين لية. حطو الكلبشات في ايدة
الغامض
لكن انا الرجل الخطا
لفو الرجلين وصوبو سلاحهم ناحية كمال وقالو
هو الرجل الخطا
وبدوا يقربو من كمال وكمال بيقول لهم بعصبية
انتو بتعملو لية كدة
الغامض
ما تحاولش تتكلم معاهم لانهم مش سامعين غير صوتي.
كمال
انت مين
الغامض
انا الضباب ومطلوب مني احضار بنتك من اللي خطفها
طلع كمال صورة بنته وقال
انت تعرف بنتي فين
بص الغامض للصندوق وفتحة لقي فاضي اتصدم ورمي علي الارض وهو غضبان وصل صبري للسطح وهو رافع سلاحه وقال
فاتني كتير
الغامض للرجلين
اعملوها من اجل الضباب
الرجلين في نفس واحد
من اجل الضباب
وبداو يضربوا نار علي بعض ووقعوا الاثنين جثث قدام كمال وصبري اتصدموا الاثنين من اللي بيحصل والغمض استغل الفرصة دي وراح ناحية سور السطح ونط من فوق منه. جري كمال بسرعه ناحية السور وبص ملقاش اي حد اختفي الغامض في الهواء وكانه ما كنش موجود. بص كمال ل صبري والاثنين ما كنش عندهم اي تفسير للي بيحصل، ،،،،،،،،،،،،
وبعدها بيوم. ومن جوة مكتب التحقيقات كان كمال هيتجنن وصبري بيقول له
كل اللي حصل في البنك وفي الشارع اللي برة البنك شهود العيان مش فاكرين منه اي حاجة حتي الجثث اختفت وكان ما فيش اي حاجة حصلت
كمال
يعني اية كلنا عندنا انفصام في الشخصية
صبري
ما عرفش لكن دة اللي حصل
كمال
والقاضي مكرم اللي اسمة كان مكتوب علي صورة بنتي
صبري
ما فيش قاضي بالاسم دة.
كمال بعصبية
دة تهريج. انا جوة لعبة الغرض منها جناني. طيب لو جناني هو الغرض من كل اللي بيحصل دة لية يخطفوا بنتي. والمكالمة اللي جت مجهول دي كان الغرض منها اني افتح الصندوق واطلع صورة بنتي مش سرقة البنك.
صبري
اسئلة كتير ملهاش اي اجابة.
كمال
عندنا احنا لكن عند الرقم المجهول والغامض الاجابة علي كل الاسئلة دي وهوصل له وهعرف منه كل اللي عايز اعرفه
صبري
نقدر نوصل له ازاي ،،،،،،،،،،
ورجع كمال البيت ومعه فلاشة عليها كل الفيديوهات اللي اتسجلت وبدأ يبص بتركيز شديد للغامض دة وازاي بيقدر يسيطر علي اي حد بيبص في عيونه وما قدرش يوصل لاي تفسير طلع صورة بنته وفضل يبص لها وهو حزين ويبص للاسم الموجود علي الصورة
القاضي مكرم
وما قطعش تفكيرة دة الا رنة موبيلة طلع موبيلة ولقي اللي بيتصل بي صبري وبيقول له
كمال قدر فريق البحث بتاعنا تتبع الرقم المجهول ووصلنا لعنوان
كمال باهتمام شديد
قول العنوان وبسرعه، ،،،،،،،،،،،،
من جوة مكتبة ابوابها من ازاز. وفيها قسم للعلاج الروحاني يقف كمال قدام ست جميلة جدا تدعي. دعاء. كانت بتبص في عيون رجل ضخم الجثة وهو مريض وهي بتعالجة وكان بيقول.
انت دلوقتي قدام الباب وهي لسة جوة وبين ايديك هدية غالية جدا. تستاهل انها تكون ليها وبتعترف لها بكل اللي عملته وهي بتسامحك.
المريض
لكن مش دة اللي حصل. هي ماتت. بعد ما شافتني بخونها
دعاء
لسة عايشة ولو غمض عيونك هتشوفها
وفعلا غمض المريض عيونه وقال وهو مبسوط
دي فعلا عايشة وسامحتني.
وبدات دموعه تهرب من عيونه وتجري علي خدة وهو بيقول
وهي في حضني دلوقتي. وانا في حضنها
وبصت دعاء ل كمال وقالت
انت مين ودخلت هنا ازاي
كمال وهو بيبص للراجل باستغراب شديد
ممكن اعرف انتي بتعملي اية.
دعاء. بحدة
ممكن اعرف انت مين. وبتعمل اية هنا
كمال
انا ظابط ومستعد افضحك يا نصابة قدام المريض بتاعك
دعاء. ضحكت وقالت
دة ما بيسمعش الا اللي انا بقوله.
كمال
طيب خلي يمشي عايز اتكلم معاكي لوحدينا
دعاء
اعرف الاول انت مين
كمال
العقيد كمال القط. من مكتب العلمليات الخاصة
دعاء
اتقبض عليه كتير. في قضايا نصب واحتيال الكتروني وكل مرة بطلع برئية ولا الحكومة قررت توجه ليا تهمة جديدة
كمال
قدرت اعرف عنك سجلك الاحرامي وانا مش هنا علشان اقبض عليكي. مشي المريض خلينا نتكلم
بصت دعاء للمريض وطرقعت صوابعها جنب ودانه وقالت
تقدر تمشي دلوقتي وبعدين نكمل
فتح المريض عيونه وبص ل دعاء وقال
زي النهاردة كدة
دعاء بابتسامة خفيفة
زي النهاردة
وخرج المريض وقعد كمال قدام دعاء اللي قالت
تقدر تتكلم. يا حضرة الظابط
كمال طلع صورة بنته وحطها قدام دعاء وقال
اتصلتي ب مكتب التحقيقات اللي انا القائد بتاعه. وقدمتي بلاغ بسرقة البنك. لكن كان الغرض من المكالمة اني اروح اخد صورة بنتي من صندوق الايداع في البنك وقدرت اوصل قبل شخص غامض بيقدر بتحكم في عقول اي حد بيبص في عيونه بالتنويم المغناطيسي.
دعاء وهي بتحط رجل علي رجل
تقصد. ساهر درغام. المعروف في عالم الروحانيات
ب الضباب اتمني انكم تكونو قدرتو تقبضوا عليه
كمال
واضح انك تعرفي كتير جدا اكتر مما اتخيل
دعاء
اعرف انك لو ما قدرتش تقبض علي ساهر ف انت وبنتك في خطر
كمال
انا كنت قربت اقبض عليه لكنه هرب مني
دعاء بخوف شديد وقامت وقفت وقالت
يبقي اكيد هو عرف انك هنا وجاي لينا
كمال
اتمني اشوفه تاني علشان المرة دي هقتله
دعاء
يبقي انت ما تعرفش مين ساهر ويقدر يعمل اية. واحنا لازم نمشي من هنا حالا
كمال
انتي لية خايفة اوي كدة منه
دعاء بعصبية
لو انت مش عايز تمشي خليك هنا وانا ماشية
وفتحت باب المكتبة علشان تلاقي المريض اللي كانت بتعالجة علي موتوسيكل وداخل فيها طار عليها كمال وقدر ينقذها من هجوم المريض اللي دخل بالموتوسيكل في ارفف ازاز ووقع وسط الازاز بصت له دعاء وقالت
ساهر بعته يقتلنا
طلع كمال مسدسة وصوبه ناحية المريض وقال
فين ساهر
دعاء
مش هيقول لك اي حاجة. هو دلوقتي مش سامع الا صوت ساهر
كمال
انا هخلي ينطق بالعافية
المريض بص له وقال.
بيقول لك انه مش هيقف الا لما يوصل ل اميرة الضباب
ومسك المريض راسة وقال
من اجل الضباب
وغرز راسة في ازازة مكسورة وسط الازاز اللي هو جنب منه واخترقت الازازة راسة ومات. بص له كمال وهو مصدوم مش مصدق اللي هو عمله ، ،،،،،،،،،
خلصت حلقة النهاردة اللي يارب تكون عجبتكم. سلام
جميلة جدا
ردحذف