مشوار حنين
★الحلقة السابعة عشر★
من تاليفي، ،
محمد منصور. * منص *
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★وغرز السكينة اكتر واكتر في ذراعها وهي بتصرخ الصرخات المكتومة وهو بيقول
طبعا بتسالي ازاي انا بعد اسبوع من غير اكل وشرب
قادر اقف علي رجلي كدة. البركة في الراجل الكبير اللي كان بيساعدني من يوم ما عرف اني مربوط في اوضة الكراكيب. وكان بيديني اكل وشرب من شباك الاوضة. اصلي انا فكيت نفسي من تاني يوم. حمار برضو اشرف دة وملهوش في ربط الرجاله
وبص اوي في عيون صبا وقال
بتقولي راجل مين دة. حالا هتتعرفي عليه. اصلي اديته نسخة المفتاح اللي معايا. وهو علي وصول زي اتفاقي معه
واتفتح باب البيت فقال اسر
اهو جه
وبصوا الاثنين ناحية الباب علشان يدخل راجل كبير مغطي وشة بشال. شال الشال عن وشه. وظهر خلف عم حياة وحنين. ،،،،،،،،
ونرجع بالاحداث لاسبوع فات وخلف واقف وراء الشيش بتاع البيت اللي ساكن في اسر وصبا وكان بيتابع كلام اشرف مع اسر وقت ما قالت صبا
في حد بيبص علينا من وراء الشيش
جري خلف وفي نفس الوقت كان في توك توك معدي ركب التوك توك وهرب وكان بيبص علي اشرف اللي خرج من البيت يشوف مين اللي كان واقف وراء الشيش وشاف خلف وهو رايح ناحية الست المنقبة اطمئن انه ما شكش في. وبص خلف قدام منه وقال
البيت دة بيحصل في شئ يخوف.
بص له سواق التوك توك وقال
بتقول حاجة يا حج
خلف
لا. خليك في طريقك
ويرجع خلف يقول لنفسه
لازم اعرف اية اللي بيحصل في البيت دة. والتلاتة دول عايزين اية من بنت خوي، ،،،،،
ويجي الليل وقبل اذان الفجر يرجع خلف للشيش بتاع الاوضة المحجوز فيها اسر وبص علي اسر وخبط علي الشيش خبط خفيف ما يسمعهوش الا اسر فتح اسر عيونه وبص للشيش باستغراب شديد واستمر الخبط مع صوت وشوشة خلف
افتح الشيش لو تقدر ما تخافش انا جاي علشان اساعدك
اسر اتصدم وقال لنفسه
مين الزفت دة. وعرف اني محجوز ازاي دة هيبوظ كل الترتيب اللي برتبه ل اشرف وصبا
وسمع صوت الخبط تاني فقال اسر تاني لنفسه
وبعدين بقي انا لازم ارد عليه بدل ما يخرب الدنيا ويروح يبلغ الحكومة
وفعلا قام اسر وطبعا هو كان قدر يفك نفسه وشال الشريط اللاصق من علي بوقه وقال من وراء الشيش
انت مين وعايز اية
خلف
انا واحد ربنا بعتني ليك علشان اساعدك
اسر
وانا مش محتاج مساعدة امشي غور
خلف
ازاي تقول اكدة وانت مربوط
اسر
دة مشاكل عائلية بيني وبين اخويا ومرات اخويا ما حبش حد يدخل
خلف
بس اللي اني اعرفه انك انت اللي جوزها. ودلوقتي اني مستغرب لما انت تقدر تطلب المساعدة ساكت لية
اسر
وانت مالك. ما تمشي وتسيبني في حالي
خلف
حالي هو حالك يا ابوه عمه
اسر باستغراب
تقصد اية
خلف
فلوس حنين
برق اسر من الصدمة اللي كانت هتشلة. وقال
انت مين يا جدع اتت
خلف
اني خلف. اللي من قابلك سعيت لفلوس حياة وحنين. وكان اخرتها جناني. لكن مخي رجع من تاني. وناوي اكمل طريقي. ما اني ما اخسرش كل اللي خسرته وفي الاخر اطلع من المولد بلا حمص
اسر فتح الشيش وبص له في عيونه شاف الشيطان شخصية. قال
حنين حكيت لي عنك كتير بس انت اية ممكن يحصلك يخليك تتهد اكتر من انك انت السبب في موت بناتك الاثنين
خلف
واتهد لية طالما جنتي هتكون في الدنيا بس. يبقي اية اللي يوقفني عن اني اكمل طريقي
اسر
مين عرفك سكتي
خلف
خرجت من المستشفي وحكايتك انت ومراتك وبنت خوي علي كل لسان جيت اشوف. مين دة اللي ناوي يقاسمني في حقي
اسر
حقك
خلف
فلوس حنين. دة بنتي واني اولي بلحمها
اسر
تعرف اني طول عمري شايف نفسي اوسخ خلق الله. لكني مصدوم اني لقيت، ،،،،،،،
قاطعه خلف وقال
بلاش تقول اللي بسببه ازعلك علي لسانك. واني معروف في البلد اني راجل مجنون يعني اللي دمة تسيل علي يدي ملهوش دية وما خدش في دقيقة
اسر بص في عيون خلف وخاف لانها فعلا عيون شايلة جوة منها شر ملهوش حدود. وقال
طيب روق ما يبقاش خلقك ضيق اكدة
خلف
يبقي من النهاردة يا ولد الناس يدك في يدي او يدي في زورك بتسحب روحك
رفع اسر ايدة وقال
ولية الشر دة يا والدي . ايدي في ايدك اهه
وسلم خلف علي اسر وقال خلف
لو حبيت تدخل الحمام ادخل
اسر
وجوز البقر اللي برة
خلف بسخرية
جت لهم صنية حمام مشوي غرقان منوم وما هيصحهوش قبل بكرة الظهر
اسر
دة انت معلم بقي.
خلف
اومال يعني كنت اجي لغاية عنديك واتكلم معاك كيف. وهما ممكن يسمعونا
اسر
لا. واعي. كبير بقي وخبرة
خلف
سيبك من الرط العفش. وقولي ناوي علي اية لمرتك واللي معها
اسر
ناوي اخليهم يكملو في لعبتهم للاخر ومن غبر ما اتعب اوصل لليلة الدخلة علي حنين
خلف
عايزك بقي بالراحة كدة تفهمني حكاية مرتك والراجل اللي معها دة، ،،،،،،،
ونرجع تاني ل صبا اللي كانت بتبص ل اسر وهي مرعوبه وهو بيقول
بس بقي يا ستي ودي كانت الحكاية من البداية لغاية النهاية
وغرز السكينة اكتر وصرخت صبا اكتر واكتر لكن صرخة لاتزال مكتومة وبدأ يفوق اشرف وقبل ما يقف علي رجله كان خلف بيدي له بالرجل في وشة وقع اشرف تاني فاقد الوعي وبعدها بص خلف ل اسر
ما هنضعيش اليوم كله في الرط العفش دة. اجهز علشان الفرح الليلة
اسر بص له وقال
هو انت صحيح ناوي علي اية بعد الدخلة ما تم
خلف
هسيبك تنبسط ومع اذان الفجر وقت ما تكون حنين نايمة هدخل عليها عزرائيل يقبض روحها.
اسر
ويبقي حلال علينا فلوسها ما انا جوزها واولي اورثها
خلف
وانت الصادق حرام. بس مش حرام فيها. المهم دلوقتي ناوي تعمل اية من الاثنين دول
وبص خلف ل اشرف وصبا. فقال اسر
اخلص الجوازة. والقبر اللي يتفتح لاثنين. ياخد الثالث، ،،،،
ويجي ميعاد الكوفير وحنين كانت لابسة فستان الفرح ومعها اصيلة بس وبتبص للمرايا وتلاقي الاوضة فاضية علبها تزعل وتبص ل اصيلة وتقول
اومال فين حياة. هي هتسيبني اروح الكوافير ل وحدي
اصيلة
كيف دة. اختك حياة مش هتسيبك لوحدك ابدأ.
حنين وعيونها بتبص في كل ركن من اركان الاوضة
اومال هي فين. دة اني ما عنديش غيرها
اصيلة
مش انتي اللي زعلتيها بحديدك العفش
حنين
تقوم تزعل مني وما تشفوش فستان الفرح عليه ولا مرة
اصيلة
عايزها تكون معاكي روحي واطلبي منها تكون معاكي
حنين بحدة
انا اروح لها. لا. دة المفروض من نفسها تكون معايا
اصيلة
خلاص ما تروحيش
حنين
ايوة مش هروح، ،،،،،،،
ومن جوة اوضة حياة كانت حياة بتتفرج علي الوتس علي صور خدتها اصيلة ل حنين وهي لابسة فستان الفرح صور خدتها اصيلة في السر وبعتتها ل حياة زي ما حياة طلبت منها. وكانت حياة عماله تبص للصور وتعيط وهي بتقول لنفسها
يرضي مين دة. فرح بنت قلبي واني رغم اني قريبة منها اكون بعيدة. اية االي وصلنا ل أكدة. يا حنين ولية اصلا وصلنا ل أكدة
وهنا تسمع حياة صوت خبط علي باب الاوضة فتمسح دموعها بسرعه وتقول بصوت مبحوح من العياط
ادخلي يا خاله اصيلة
فيتفتح الباب وتدخل حنين وهي لابسة فستان الفرح وتبص ل حياة وحياة تبص لها وتقرب حنين من حياة وهي بتقول ودموعها علي خدها
يبقي فرح كيف وانتي مش معايا
حياة وقفت وقالت
انتي، ،،،،،،،،
حنين قطعتها وقالت
اني حمارة وغبية.
واترمت حنين في حضن حياة وفضلت تعيط وحياة تعيط وحنين وهي في حضنها قالت
كيف اهون عليكي ماتكونش معايا. في يوم زي دة
حياة
زعلانه منيكي.
حنين
واني ما يهنش عليه زعلك.
وطلعت حنين من حضن حياة وبصت اوي في عيونها وقالت
حقك عليه. مش اني بنت قلبك
حياة
ايوة
حنين
حلو الفستان
حياة ابتسمت وقالت
انتي قمر ومش الفستان اللي محليكي. لا. انتي اللي محليا الفستان
ابتسمت حنين واترمت في حضن حياة اوي وهي بتقول
الدنيا وحشة من غيرك يا حياة
حياة
اني جنبك وهفضل جنبك. لاخر عمري، ،،،،،،،،،،
ويجي الليل وحياة بتخرج من الكوافير وجنب منها حنين بغستان الفرح ومعهم اسر وباقي العيلة والفرحة والزغاريط حوالين منهم. ولفت نظر حياة ان صبا مش موجودة لكنها ما اهتمتش. ويدخلو العرسان قاعة الفرح ويتم الفرح ويروحوا كل المعازيم. وحياة واصيلة ومحمود وصابر يوصلو حنين واسر لشقتها المتأجرة مفروش لغاية ما بيتهم يخلص. لكنهم يفتحوا باب الشقة يلاقو خلف في وشهم وفي ايده سلاح الالي وبيبص لهم بمنتهي الشر وكلهم مصدومين وخلف بيقول
ادخلو واقفلو وراء منكم. واللي هسمع حسه. هتبقي نهايته
اصيلة وهي هتتشل من المفاجاة
انت خرجت امتي من المستشفي
خلف
مالكيش صالح.
وبعدها بص خلف ل اسر وقال
معلش بقي مش هسيبك تنبسط اصلي متشوق للنهاية
بصت حنين ل اسر باستغراب وقالت
اسر انت تعرف عمي خلف
خلف
عز المعرفة. دة احنا حتي اتفاقنا سوي علي موتك. النهاردة
اسر
ودة كلام يتقال برضو يا عمنا
خلف
مالك بس خايف لية انها تعرف حقيقتك. ما هي عارفة انك نصاب وحرامي وموافقة تتجوزك علي وضعك
حنين صرخت
فهمني اية اللي بيحصل اهنا
ضرب خلف نار تحت رجلين حنين صرخت حنبن وكل اللي واقفين وقال خلف
ما حدش النهاردة هيتكلم غيري
حياة حطت حنين في ظهرها فقال خلف
وماله انتي البطل اللي فيهم. يبقي حلال فيكي الطلقة الجاية
وصوب السلاح ناحية حياة وضرب النار، ،،،،،،،،،
خلصت حلقة النهاردة اللي يارب تكون عجبتكم. واستنوني بكرة باذن الله والحلقة الاخيرة
نزلها اليوم
ردحذفروووووووعه
ردحذفايه الجمال ده ايه ياعم حمادة بالراحة علينا شوية دي كده الحلقات ولعت
ردحذفجميله جدا
ردحذف