مشوار حنين
★الحلقة السادسة عشر★
من تاليفي، ،
محمد منصور. * منص *
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★اشرف بسرعه البرق قام ولف شريط لاصق حوالين بوق اسر وخرج من الاوضة وهو بيقول
اقفلي الباب وراء مني بسرعه
صبا بتعمل اللي بيقول اشرف عليه وهي بتقول
رايح فين
اشرف بيفتح باب البيت وهو بيقول
هشوف مين اللي كان واقف وراء الشيش
وخرج من البيت علشان يلاقي كام عيل بيلعبوا قدام البيت وراجل كبير بيركب توك توك وست منقبه شك في الست وراح ناحيتها وقرب وقرب وقرب ولكن يظهر شيخ كان بيشتري بضاعه من محل ويقف جنب مراته ويقول
اتاخرت عليكي
الست
لا.
وقف اشرف والراجل ومراته مشيوا. رجع اشرف للبيت ودخل قابلته صبا وقالت له
عرفت مين اللي كان بيبص علينا
اشرف
لا.
صبا
طيب اية
اشرف
اية. اية.
صبا
هتكمل برضو
اشرف
هكمل. وهو اية اللي حصل يخليني اوقف اللي انا جاي علشانه
صبا
واللي كان بيبص علينا من وراء الشيش دة
اشرف
ما انا طلعت وما لقتش حد. شكلك كان بيتهي لك
ويروح اشرف ناحية كرسي من الكراسي الموجودة في البيت ويقعد وتروح صبا وتفعد جنب منه. وتبص له وتقول
بس انا ما كنش ببتهي لي
اشرف
صبا انسي اللي شوفتي وانا هخلص المشوار دة قوام قوام
وقبل ما اي حد يفكر انه يقف قدام مننا
صبا
وهتعمل اية مع اسر اللي مش عايز ياكل ولا يشرب
اشرف
هعمل اية يعني هخش اكله بالعافية هو عيل صغير
صبا
ماهو كدة هيموت
اشرف
يموت ولاياكله قطر.
صبا
بس انت قولتي مش هيموت
اشرف بحدة
صبا انا مش ناقص فلقة دماغ. انا قولت مش هقلته انما هو مش بياكل ولا بيشرب اعمل فيها اية دي
صبا
سيبه يمشي
اشرف بعصبية
نعم يا روح امك. اسيب مين يمشي
صبا
ما تخفش انا متاكدة انه بمجرد ما هيخرج من هنا هيهرب لبعيد. ومش هنشوف وشه تاني
اشرف
انتي باين عليكي كبرتي وخرفتي.
صبا بحدة
هو انت كل شوية تقولي كبرت كبرت. ما تحاسب علي كلامك
اشرف بص في عيونها وقال
اية يا مراة دة انتي داخلة علي ال 45 يعني مقطوع منك الرجا. ولا تكوني لسة فاكرة نفسك نوغه.
صبا
عارفة اني مش نوغا. بس المفروض ان اللي بيحب واحدة ما يفضلش كل شوية يفكرها بسنها ويحسسها انها كهنه والموت ارحم ليها
اشرف
صبا انتي بتاخدينا بالكلام لسكة ملهاش لزمة. خلينا نركز في اللي احنا هنا علشانه. ولا،،،،،
وهنا يسمعوا صوت خبط علي باب البيت فيبصوا الاثنين للباب بارتباك شديد وتقول صبا
اتكشفنا
اشرف سد بوقها بايدة وقال
واية اللي هيكشفنا اثبتي بقي وروحي اقعدي علي الكرسي بتاعك وافتحي الباب شوفي مين
صبا فضلت متسمرة في مكانها والباب خبط تاني فقال اشرف
يلا.
راحت صبا وقعدت علي الكرسي واشرف دخل اوضة النوم
وبعدها فتحت باب البيت علشان تلاقي قدام منها حياة وصابر اتصدمت وحاولت تتاري تعببرات وشها لكنها وبصعوبه مسكت نفسيها وقالت
ازيك يا مدام حياة. ازيك يا استاذ صابر
حياة
ممكن ندخل
صبا
طبعا.
ووسعت لهم ودخلت حياة للبيت ووراء منها صابر اللي كان بيقول
اومال اسر جوزك فين.
كان في الوقت دة اشرف واقف قدام المرايا وبيحط علي وشة كريم بشرة علشان يداري اي تغير ممكن يبان وخرج من الاوضة بسرعه وطبعا سمع صبا وهي بتقول اسامي حياة وصابر وهو عارفهم من حكايات صبا عنهم وعارف باللي عملو مع اسر وقال
خير يا صابر جاي تضربني تاني زي ما عملتها قبل كدة
حياة
اني اللي جاية لغاية عنديك يا اسر
اشرف
علي راسي مجيئتك لغاية هنا يا مدام حياة
حياة
طيب اية هنفضل نتكلم واحنا واقفين اكدة
اشرف وهو بيشاور علي الانترية
لا. ازاي اتفضلو. وسامحوني معلش اني خرجت اقابلكم وعلي وشي مرهم. اصل وشي ملتهب جدا
صابر
لا. الف سلامة عليك. وياسيدي لو لساتك زعلان مني بعد اللي حصل يومها حقك عليه
اشرف
انا خلاص نسيت وعيشت في حالي انا ومراتي
حياة
واحنا عارفين انك في حالك وعارفة كمان انك اتغيرت
ومافيش حد في البلد بيجيب سيرتك الا بالخير
اشرف
الحمد لله.
حياة
ممكن اتكلم معاك انت ومرتك بمنتهي الصراحة
وبصت حياة ل صبا وصبا بصت ل اشرف وبعدها اشرف قال
وهو في احلي من الصراحة
حياة
انت عايز اية من حنين
بص اشرف ل صبا وبعدها بص ل حياة وقال
بحبها و عايز اتجوزها
حياة
بس دة ما كنش كلامك من يوم بالظبط
اشرف
كنت بقاوح نفسي لكني طلعت غلطان. ان من ساعه ما حطيت رجلي في البلد دي واختك ديما ليا هي السند والامان. اديتني اكتر من اللي اتمنيته كنت وحش صحيح لكني اتغيرت وبقيت احسن وب حنين هبقي احسن واحسن
صابر
ومراتك ازاي توافق علي الوضع دة
وبص صابر ل صبا فقالت صبا
انت فاكر انه سهل عليه لا. يا استاذ صابر دة انا بتقطع
وبدات صبا تعيط وصابر بص لحياة. وصبا بتكمل وبتقول
انا قولت قبل كدة ل حنين ان اللي شافه معايا اسر يستحق اني اضحي علشانه كتير دة شال همي وهم حالتي وعمره ما بخل عليه. ورغم فرق السن اللي بيني وبينه
الا انه كان ديما معايا وفي ظهري اسر سرق ونصب علشان علاجي.
وبدات تعيط اوي اوي. وكملت وقالت
مش علشان هو وحش او مجرم. لا. والله العظيم كل اللي وصل له اسر انا السبب في.
وهنا يسمعوا صوت خبط علي باب الاوضة المحبوس فيها اسر فيبصوا كلهم لباب الاوضة فيقف اشرف ويقول
قولت لك يا صبا الاوضة اتملت كراكيب وشكل الفار معشش فيها
وبص اشرف ل حياة وصابر وقال لهم
انا مش عايز مشاكل ولو جوازي من حنين هتكون سبب مشكله. بلاش جوازي منها يتم. بس خلوها تبعد عني وانا هنسها
ويتكرر الخبط واشرف يحاول يتماسك ويقول
بلدكم مليانه فيران
حياة
ربنا يقدرك وتخلص من الفار اللي عندك
اشرف
يارب. ادعي لي حاكم انا محتاج لكل دعوي من اي حد طيب زيكم. وحنين عندكم وانا وعد مني هبعد عن طريقها نهائي
حياة
مش دة الحل لان حنين هتتجوزك غصب عننا واي صدام مع حنين مش هنطلع منه كسابنين
اشرف
طيب اية المطلوب مني. اخد مراتي واهج من بلدكم وارجع ل بلد فيها مجنون عايز يقتلني
حياة بصت ل صابر بصة قليلة الحيلة وفعلا ما كنتش عارفة هي تقدر تعمل اية. لانها ل تقدر تمنع حنين من انها تتجوز اسر ولا هتقدر تطردة من البلد. فقال صابر
حياة انا شايف اننا نمشي دلوقتي. لان مافيش كلام يتقال تاني.
وبعدها بص صابر ل اشرف وقال
وانت يا اسر طالما كل الطرق بتودي لجوازك من حنين. فهيبقي احسن ل تم بالاصول تيجي لغاية بيت عمها وتطلبها مننا واللي في الخير يقدموا ربنا. ولا اية يا حياة
حياة وهي مغلوبة علي امرها
اني كمان راي من رايك. واكدة احسن ميت مرة من انه يتقال ان حنين اتجوزت غصب عنينا. وهي حرة في قرارها.
وقامت وقفت حياة وهي بتقول
هنستناك تيجي تطلب ايد حنين مننا. بعد اذنكم
وخرجوا الاثنين من البيت. واشرف وصبا بيبصوا عليهم،،،،،
ومن جوة عربية حياة تقعد حياة قدام صابر وكان صابر بيقول لها
واني كمان مش مرتاح ومش موافق ان حنين بنت صالح السوهاجي تتجوز حرامي ونصاب. بس مش هنقدر نعمل حاجة. اسر ومرته في حماية حسين ابو الحج.
حياة
وغير حماية حسين ابو الحج. حنين هتتجوزو غصب عننا
ودي بقي هتبقي فضيحة محباش تحصل.
صابر
يبقي خلاص انكتب علي حنين تتجوز اسر سواء رضينا او رفضنا
حياة
شكلها اكدة. وربنا يستر من اللي جاي، ،،،،،،،
ويعدي يوم واشرف راح وطلب ايد حنين. وتنطلق الزغاريط ويتحدد ميعاد الفرح اول خميس في الشهر ويجي ميعاد الفرح واحنا دلوقتي في نهار يوم الفرح
و صبا بتخرج جري من الاوضة اللي محبوس فيها اسر. وكانت مفزوعه. وراحت جري ناحية اشرف اللي كان نايم صحيته وهي بتقول
قوم. يا اشرف شوف المصيبة اللي حصلت
فتح اشرف عيونه بصعوبه وقال
في اية
صبا
اسر واقع علي الارض كاتم النفس
اتفزع اشرف وقال
اية، ،،،،،،،
ومن جوة الاوضة المحبوس فيها اسر اشرف بيقرب من وش اسر يشوفه بيتنفس ولا لا. لقي فعلا قاطع النفس قعد جنب منه وهو بيقول
يادي المصيبة دي مات فعلا. وامتي النهاردة في يوم فرحي
صبا
هنعمل اية دلوقتي
اشرف
هي فيها عمايل. هنستني الليل يليل وندفنه في الصحراء
صبا
يا دي المصيبة السوداء
اشرف
ما تبطي ندب بقي. مش هو اللي كان مانع الاكل والشرب
صبا
قولت لك سيبة يمشي وما كنش حصل اللي حصل
اشرف
يعني دة وقته. رغي الحريم دة.
وقام وخرج من الاوضة وصبا خرجت وراء منه وكانت بتقول
طيب هتدفنه ازاي بالليل وفرحك
اشرف
فرح اية بقي. ما الفرح باظ
هنا يسمعوا صوت اسر بيقول
مين بس قال كدة.
بصوا ناحية مصدر الصوت. لقو اسر واقف وبيقول لهم
يا مرحب باوسخ خلق الله.
اتصدموا الاثنين واسر بيقول
ايوة عايش وفاكركم وما فقدتش الذاكرة.
وظهرت في ايد اسر سكينة مسنونه ولمعه السن باين في ضوء الشمس اللي داخل من بين فرغات الشيش و غرزها في ايد اشرف وكتم صرخته بايدة وهو بيقول
هس. والا اهل البلد يحسوا بينا ويعرفوا اننا هنا بنقطع في لحم بعض. وساعتها هيولعو فينا كلنا واحنا عايشين
صبا بخوف شديد
انا ماليش دعوي
بص لها بصه ترعب وضرب اشرف بالدماغ في مناخيرة كسرها. واغمي علي اشرف من قوة الضربه. وقع علي الارض. شال السكينة من ايد اشرف بمنتهي السرعه وغرزها في ذراع صبا وكتم صرختها. بايده وقال
مش دة برضو الذراع اللي شيلتي بي الكوريك ونزلتي بي علي دماغي
وجع صبا كان باين في عيونها والدم بينزل من ذراعها زي الشلال. وهو بيقول
فوقت لقيت نفسي في صحراء والدم حوالين مني. وانتي وعوض مش موجودين والهبلة حنين متصلة عليه كتير. كنت محتاج وقت افهم اية اللي حصل وازاي انتي غدرتي بيا. وعرفت ان موبيلي متهكر. هكرت موبيل اللي مهكرني وطلع عوض. وبقي الموبيل في جيبة بيسجل كل اللي انا عايز اسمعه. وخليت برضو موبيلي يسجل كل اللي هو عايز يسمعه. وعرفت باللي كان بينك وبينه. وقررت العابكم لغاية ما عرفت اوصل ل موبيلك. وعرفت اللي بينك وبين اشرف دبور. انتي اية يا مراة بلاعه عماله تشفط رجاله وبس. لكن تمام صبرت وصبرت لغاية ما جايته برجليكم لغاية عندي. وبصراحة خطتكم عجبتني قولت اخليها تكمل لغاية يوم الفرح وساعتها تفضل العروسة هي. لكن العريس يتغير من اشرف دبور ل اسر.
وغرز السكينة اكتر واكتر في ذراعها وهي بتصرخ الصرخات المكتومة وهو بيقول
طبعا بتسالي ازاي انا بعد اسبوع من غير اكل وشرب
قادر اقف علي رجلي كدة. البركة في الراجل الكبير اللي كان بيساعدني من يوم ما عرف اني مربوط في اوضة الكراكيب. وكان بيديني اكل وشرب من شباك الاوضة. اصلي انا فكيت نفسي من تاني يوم. حمار برضو اشرف دة وملهوش في ربط الرجاله
وبص اوي في عيون صبا وقال
بتقولي راجل مين دة. حالا هتتعرفي عليه. اصلي اديته نسخة المفتاح اللي معايا. وهو علي وصول زي اتفاقي معه
واتفتح باب البيت فقال اسر
اهو جه
وبصوا الاثنين ناحية الباب علشان يدخل راجل كبير مغطي وشة بشال. شال الشال عن وشه. وظهر خلف عم حياة وحنين، ،،،،،،،،،،،،،
خلصت حلقة النهاردة اللي يارب تكون عجبتكم. سلام
إرسال تعليق