★الحلقة الخامسة عشر★
من تاليفي، ،
محمد منصور. * منص *
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★وراح اسر وفتح الباب علشان يلاقي واحد شبه بالظبط ودة كان اشرف بص له اسر واتصدم وهنا تظهر صبا علي الكرسي المتحرك بتاعها اسر قال
انت مين
اشرف بص ل صبا وقال
اسال صبا اصلي عمال اتصل بيها وهي مش راضية تفتح عليه. فكراني اني مش هعرف اوصل
بص اسر ل صبا وقال
مين دة
دخل اشرف الدوار وطلع حقنة مخدر وغرزها في رقبه اسر وهو بيكتم نفسه ودخل اشرف وقفل الباب برجله واسر. بين ايديه بيغمي عليه واشرف بيبص ل صبا والشر كان باين في عيونه وفقد اسر الوعي ورمي اشرف علي الارض وراح ناحية بخطواته مخيفة تدل علي انه مجنون بمرض الشر وقرب من صبا اللي قامت جري من علي الكرسي المتحرك وراحت ناحية باب الاوضة ولسة هتقفل الباب كانت ايد اشرف اسرع منها ومسكها من شعرها وبص لها وقال
فاكرة انك لما ترديش عليه مش هعرف اوصل لك
صبا وهي بتتوجع
سيب شعري يا اشرف بدل وعزه جلال الله اصرخ والم عليك اهل البلد. وانت ما تعرفش الناس هنا بتحب اسر قد اية
اشرف
زي ما انتي بتحبي صح
صبا وهي بتبعد عن اشرف
انا ما بحبوش لكنه بقي طيب حرام يموت. انت ما تعرفش هو بيعمل معايا اية.
اشرف
ما عرفش ومش عايز اعرف. لكن احب اعرفك انه لو عرف انك مش مراته وانك مش مشلولة وانك مش حامل منه. وبتخوني معايا ساعتها مش هيكون قليل عليكي لو ذبحك وانتي صاحية. فوقي يا صبا دة انا اشرف دبور.
صبا بدلع وهي بتمشي ايدها علي شعره قالت
وانا صبا حبيبتك. عشرة السنين
اشرف وهو بيبعد ايد صبا عنه. قال بحدة
حبيبتي اللي بقالي يومين بتصل بيها وهي كارفه ل امي. رجعتي في اتفاقك معايا وماله ما عنديش مانع. ساعديني اخلص اللي جاي في. وحلال عليكي اسر وحلال عليه حنين وفلوسها
صبا بفرحة فضحتها عيونها
بعني مش هتقنل اسر
اشرف شاف الفرحة في عيونها وقال بخبث
هو انا غاوي دم. هقتله لية طالما فلوس حنين هتبقي ملكي. ملكي لوحدي
صبا
طيب وانا
اشرف
انتي حلال عليكي اسر.
صبا
يعني اكون السبب في اني اعرفك سكة حنين وفلوسها وانت تقولي ماليش في الفلوس
اشرف مسك ذراعها اوي وقال
هو انتي اية عايزا تطلعي كسبانه من كله. فلوس وحب
صبا
الفلوس دي حقي
اشرف
عايزا الفلوس يبقي الله برحمه اسر. عايزا اسر يبقي انسي الفلوس. ما هو انتي مش هتاخدي كل حاجة
صبا
وانا مش هسيب لك كل حاجة
اشرف
يعني
صبا
يعني احنا لبعض وهنفضل ل بعض. وعلي اتفقنا شوف هتاخد فلوس حنين ازاي. ونسيب اسر لحال سبيله.
اشرف
يعني يعيش وانتي هترجعي معايا بالفلوس
صبا
هو كدة
اشرف فكر للحظات وبعدها قال
وماله مش وحشة برضو الفكرة دي.
صبا
ودلوقتي ناوي علي اية
اشرف
نربط صاحبنا دة ونرمي في اي اوضة ونقفل عليه وبكرة الصبح تتصلي ب حنين وتخلبها تيجي علي هنا
صبا باستغراب
تيجي هنا لية
اشرف
علشان تبدأ الحكاية. بس قبل ما تيجي بساعه بالظبط تحضري لي حلاوة بالشطة
صبا
عايز حلاوة بالشطة لية
اشرف
علشان جسمي يسخن وابتدي اخطرف ،،،،،،،،،،،،،
ويطلع النهار وصابر كان واقف قدام اوضة حياة وبيخبط علي الباب بمنتهي الحنية ويسمع صوت حياة من جوة بتقول
صحيت خلاص بطل خبط بقي
صابر
جوعنا يا هانم
فتحت حياة باب الاوضة بص لها صابر باعجاب شديد وقال
قمر وانتي لسة صاحية. وقمر في وسط النهار وقمر بالليل. وقمر وانتي رايحة تنامي. ما بالراحة علينا
حياة وهي بتبتسم
صابر انت مالك النهاردة
صابر
اصلي كنت طول الليل بحلم بيكي
حياة
دة تلاقي كابوس.
صابر
كابوس. من. ميتا والملايكة لما نشوفهم في احلامنا يبقي كابوس
ومسك صابر ايد حياة بصت حياة لايدها اللي بين ايدين صابر وقالت
صابر ما ينفعش اكدة
صابر
ما بقتش قادر استحمل. عشقك في قلبي،،،،،،،،
لكن هنا يلاقي صابر ايد محمود بتمسك ايدة بقوة وتبعدها عن ايد حياة ومحمود بيقول بعصبية
ما بقاش ناقص غير انك تترمي في حضنها وتلبسنا طرح العار. تبقي لك اية حياة علشان تمسك ايدها اكدة
صابر
وانت مالك.
محمود
لا. مالي ونص انتو في بيتنا والبيوت ليها حرمة واللي ما يحترمش حرمة البيوت يبقي وجوده في البيت ملهوش عازه
صابر بحدة
بتطردني من بيتكم يا محمود
محمود
طالما الادب والخشي مابقاش ليهم حساب عنديك. ولا كنك اتربيت
صابر مسك في رقبه محمود وقال بعصبية
بتقول اية انت.
محمود مسك رقبه صابر بايدة وقال
اللي انت سمعته
حياة حاولت تبعد الاثنين عن بعض وهي بتقول
بس. هتضربوا. بعض ولا اية.
محمود
هضربوا يمكن يتعلم الادب
صابر
وانت اللي هتعلمي الادب يا محمود
حياة صرخت وقالت
قولت بس.
لكن الاثنين فضلو يخنقوا في بعض وهنا تخرج حنين من اوضتها وتبص للي بيحصل وما تحاولش حتي تدخل وينضم للمشهد دة اصيلة اللي صرخت وقالت
بتعلمو اية في بعض يا حزانا
وبدات اصيلة تبعد الاثنين عن بعض وما كنتش قادرة عليهم بصت شافت حنين واقفة بتتفرج قالت لها
تعالي يا بنتي ساعدينا نبعد الاثنين عن بعض
حنين بلامبالاة قالت
اني ماليش صالح.
وسابتهم وراحت ناحية باب البيت وفتحته وخرجت وحياة اخر ما زهقت جريت ناحية المطبخ وجابت سكينة
ورجعت بيها ووقفت قدام محمود وصابر اللي بدأ وشهم بحمر بسبب الاختناق. وحطت السكينة علي بطنها وقالت
ورب الكعيه لو ما بعدوتش عن بعض لا كون غرزة السكينة في بطني
بصو الاثنين ليها وساب صابر رقبه محمود ومحمود عمل زية وبعدوا الاثنين عن بعض وراح صابر ناحية باب البيت وخرج من البيت ومحمود راح اوضة ودخلها واصيلة بصت ل حياة اللي كانت بتعيط ورمت السكينة علي الارض واصيلة قالت
انتي يا حياة سبب اللي حوصل دة
حياة فضلت تعيط بحرقة واترمت في حضن اصيلة، ،،،،،
ومن جوة بيت اسر كانت صبا علي الكرسي المتحرك بتلف علجة بمنتهي السرعه وراحت بي ناحية باب البيت اللي كان بيخبط وفتحت الباب بلهفة وقالت
الحقيني يا حنين
حنين بقلق
هو فين اسر
صبا
واقع جوة في المطبخ مغمي عليه
حنين دخلت جري للمطبخ لقيت اشرف علي الارض لابس هدوم اسر وعامل نفسه مغمي عليه نزلت حنين لغاية وشة بقلق شديد وحاولت تفوقة لكن اشرف كان متقن الدور بدات حنين ترفعه عن الارض واشرف ساعدها بانه خلي جسمه خفبف وراحت بي للاوضة النوم وحطته علي السرير وركزت اكتر في ملامح وشه واستغربتها فبصت ل صبا وقالت
هو لية اسر شكله متغير كدة. وجسمة سخن مولع
ارتبكت صبا وقالت
من التعب. اكيد
وهنا بدأ اشرف يتكلم وكانه بيخطرف. وبنفس صوت اسر
حنين. بحبك.
بصت له حنين لقيت عينية مقفوله وقالت صبا
دة بيخطرف من ساعه ما اغمي عليه وكل اللي علي لسانه اسمك
اشرف قال تاني
مراتي انتي. حنين. بحبك. بس. مراتي. واهلك. خايف عليكي منهم. حنين. بحبك
حنبن فضلت تبص له واندمجت مع الكلام ونسيت الاختلافات البسيطة اللي في وش اشرف. وقالت ل صبا
انا لازم اجيب له دكتور
صبا
لا. يا حنين
حنين باستغراب
لا. لية
صبا
علشان مش معايا فلوس تجيب دكتور يجي لنا مخصوص
حنين وهي رايحة ناحية الباب
ومين اتكلم معاكي في فلوس اني هتصرف
صبا
لا. وحياة حبيبك النبي.
وقفت حنين وبصت ل صبا اللي قالت
اسر محلفتي ما اخد منك جنية. والا فيها طلاقي
حنين اتصدمت
يا. للدرجة دي
صبا
من كتر ما هو بيحبك مش قادر يحس قدام منك انه قليل ومش معه اللي يقدر يعيش بي حياة كريمة
حنين
اسر. كيف يحسبها اكدة.
هنا اتعدل اشرف وكانه فاق من الغيبوبة اللي كانت عنده وقال
حنين انتي بتعمل اية هنا
حنين راحت عليه جري وقالت
اسر الحمد لله انك فوقت
اشرف وهو بيقوم يقف علي رجلة بصعوبه
انا بخير.
وعمل نفسه انه هيقع راحت عليه حنين جري وساعدته يرجع تاني للسرير وهي بتقول
لا. انت مش بخير. واقعد علي السرير ما تقمش واني رايحة اجيب لك دكتور
اشرف
زي ما صبا قالت لك. لا. انا كمان هقول لك لا.
حنين
علشان الفلوس صوح
اشرف
الموت عندي اهون ولا ان مراة تصرف عليه
استغربت حنين اللفظ فقالت
مراة. اول مرة اسمعك بتقول اللفظ دة
صبا ادخلت وقالت
تعبان يا حنين هتلومي عليه وهو تعبان مش عارف بيقول اية
وبصت ل اشرف اللي بص لها وحس انه عك وسكت. وحنين قالت
لية يا اسر بتحسبها معايا اكدة
اشرف
علشان اقدر اعيش بعيد عنك.
حنين
ولية عايز تعيش بعيد عني. وانتي بتحبني
عمل اشرف نفسه انه اتصدم وقال
مين قال لك اكدة
صبا
اسر حنين سمعتك وانت بتخطرف وعرفت قد اية انت بتحبها
اشرف
انتي اللي بتقولي كدة يا صبا. يا مراتي
صبا
وفيها ايه. لما تكون ل حنين وحنين تكون ليك
اشرف
اتجوز عليكي ازاي بس
صبا راحت ل غاية اشرف ومسكت ايدة وباستها وقالت
لو دايس علي قلبك وحبك ل حنين علشاني ف انا اللي بقول لك. اتجوز اللي بتحبها وعيش حياتك
اشرف بص ل صبا اوي وبعدها بص ل حنين وقال
وحنين هترضي اني اكون ليكي زي ما انا ليها
حنين
راضية ومن الاول وانت اللي ما كنتش راضي
اشرف
هيجي عليكي يوم وتحرميني من مراتي وابني اللي في بطنها
حنين
لا عيشت ولا كنت يوم ما اعمل أكدة معاك
صبا
وافق يا اسر. خلي الفرحة تعرف طريق لقلبك. انت استحملت معايا كتير وشيلت اللي فوق طاقتك. بلاش تحرم قلبك من الفرحة اكتر من اكدة
اشرف
خلاص يا صبا موافق.
فرحت حنين اوي ،،،،،،،
وبعدها بشوية كانت اصيلة قاعدة مع محمود في اوضة وبتقول له
لية يا محمود يا ولدي مسكت في خناق صابر
محمود وهو باين عليه الندم. قال
شوفته ماسك يد حياة غلي الدم في عروقي ما حستش بنفسي الا واني بعمل اكدة
اصيلة
لساتك بتعشق حياة
محمود بصوت حزين
وهفضل اعشقها لغاية يوم في عمري
اصيلة
واكدة صوح
محمود
لا. مش صوح. بس مش بمزاجي غصب عني
اصيلة
حياة مش ليك يا. محمود يا ولدي
محمود. بص ل امة بعيونه مكسورة وحزينه
عارف. ان عمرها ما حست بيا وب عشقي ليها.
اصيلة
ولما انت عارف اكدة مكمل لية في الحكاية الماسخة دي
محمود
معاكي حق يا امي. فعلا. حكاية ماسخة واني غلطان في اللي عملته
اصيلة
صابر يا ولدي ما يستاهلش اللي عملته في. وما عملش اللي يخليك تطردة من بيتنا
محمود
هراضي يا امي وهرجعه
اصيلة
الاهم من رجوع صابر. هو انك ترجع محمود ولدي اللي ربيته ترجع قلبك ل ضلوعك وتخلي يبطل محلق في سما
مش بتاعته
محمود بصوت حزين
جوزيني يا امي
اصيلة
وتظلم اللي هتبقي علي ذمتك بعشقك لواحدة غيرها
محمود
طيب اعمل اية علشان اتعافي من عشقها
اصيلة
انت اللي بليت قلبك بعشقها وانت اللي تعرف كيف تدواي قلبك.
وسابته اصيلة وخرجت من الاوضة وفضل الحزن جليس قلب. محمود، ،،،،،،،،،،
وبعدها بشوية ومن جوة اوضة حياة كانت حياة قاعدة علي سريرها بتفكر في كل اللي حصل وتلاقي باب الاوضة بيتفتح وبتدخل عليها حنين بصت لها حياة وفضلت ساكتة
قفلت حنين الباب وراء منها وراحت لغاية السرير وقعدت قدام حياة وبصت لها وقالت
خلصت علي اية الخناقة
حياة بسخرية
يهمك تعرفي صوح
حنين
لا. لكن من باب الفضول. اصلي هموت واعرف مين في النهاية هيفوز بقلب اختي
حياة
خلي النهاية مفاجاة
حنين
اوعي تقولي انك مش هتحبي حد فيهم دول اتنين كانو هيموتو بعض عليكي
حياة
حنين ما تسيبك من الرط العفش دة وقولي انتي جاية لية لغاية اوضي
حنين
جاية اطمئن عليكي
حياة بضحكة مرة
قديمة. قولي الجديد يا بنت بوي وامي
حنين
اسر هيتجوزني
حياة استغربت اوي لكنها قالت
مبروك
حنين
ومالك بتقوليها اكدة وكنك مش مصدقة اني هتجوز اسر
حياة
اصله لغاية امباراح بس وكان رافض اية اللي حوصل وقلب الدنيا اكدة
حنين
مرته اقنعته
حياة باستغراب اكتر
اية الجملة الغريبة دي. مراة تقنع جوزها بانه يتجوز عليها
حنين
مستغربه لية اكدة. واحدة وحست ان جوزها تعب معاها من حقها تفرحه
حياة
انتي ازاي مصدقة ان في صدق مهما كانت حالتها ترضي ان جوزها يتجوز عليها
حنين
صبا راضية
حياة
وانتي راضية. صوح
حنين
اكتر من الرضا بشوية.
حياة
وجاية لية طالما حالك اكدة
حنين
اعرفك
حياة
بس اني واحدة كارهه ليكي الفرحة. انتي نسيتي ولا اية
حنين
بس برضيك اختي
حياة
وان قولت لك اني مش مرتاحة للحكاية كلها
حنين
باين عليكي فهمتيني غلط. اني جاية أعرفك مش اخد رايك
ابتسمت حياة بوجع وقالت
مبروك.
قامت حنين وقفت وقالت
برضو مش طالعه منك حلوة
وراحت حنين ناحية باب الاوضة وفتحت الباب وخرجت وحياة كانت بتبص لها وهي صعبان عليها حاله اختها. لكنها طلعت موبيلها واتصلت ب صابر. رد صابر فقالت حياة
تعرف عنوان البيت اللي قاعد في اسر ومرته
صابر
ايوة
حياة وهي بتقوم من فوق السرير
قوله وقابلني هناك، ،،،،،،،،،،،
في نفس الوقت كانت صبا واقفة جنب اشرف اللي قاعد قصاد اسر المربوط وبيقول له وهو بيبص لصنية الاكل اللي قدام منه
واخرتها اية طيب قله الاكل دي غلط عليك
اسر عمال يبص ل صبا وساكت وصبا بصة اسر ليها بتقلتها واشرف بص له وبص ل صبا وقال
ما تخلو عتاب العيون دة بعدين
اسر
ما فيش عتاب بيني وبين واحدة كذابة وخيانه زي دي
اشرف
تمام. يبقي اللي بينا مصلحة نخليها تتم وكلنا نطلع منها بخير
اسر
انا مش عايز اعرف ولا حابب اكون معاكم في اللي بتخططو لي. سيبني امشي وانا والله العظيم ما هخليك تشوف وشي تاني ابدأ
اشرف
انا مش قادر اصدق بصراحة
وبص اشرف ل صبا وقال
بقي دة اسر اللي كنتي بتحكي لي عنه. دة كيوت خالص وقمر كدة في نفسه. وجبان
اسر
انا مش اسر اللي انت تعرفه انا واحد تاني عايش اعيش في سلام
اشرف ضحك وهو بيقول بسخرية
سلام عاشر مرج
وضحك اشرف اوي وبص ل صبا اللي كانت بتبص ناحية شيش الاوضة المقفول بتركيز شديد فقال اشرف بقلق
في اية
صبا
في حد كان واقف وراء الشيش
اشرف بسرعه البرق قام ولف شريط لاصق حوالين بوق اسر وخرج من الاوضة وهو بيقول
اقفلي الباب وراء مني بسرعه
صبا بتعمل اللي بيقول اشرف عليه وهي بتقول
رايح فين
اشرف بيفتح باب البيت وهو بيقول
هشوف مين اللي كان واقف وراء الشيش
وخرج من البيت علشان يلاقي كام عيل بيلعبوا قدام البيت وراجل كبير بيركب توك توك وست منقبه شك في الست وراح ناحيتها وقرب وقرب وقرب و، ،،،،،،،،،،،
خلصت حلقة النهاردة اللي يارب تكون عجبتكم. سلام
إرسال تعليق