كتاب الموتي
★الحلقة السادسة★
والاخيرة. من الموسم الاول
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
يصت نيرة لعزيزة لقيتها معضوضة في رقبتها وعيونها عيون الثعبان وجنب منها يقف الكلب اللي كانت مقطوعه راسة صرخت هند لانها حسيت ان المرة دي الموت فعلا كان قريب جدا وهوهو الكلب وانطلق ناحية هند وعزيزة نطت بكل قوتها علي نيرة وابتدأت احداث النهاية، اية اللي وصل عزيزة لكدة تعالي اقول لكم
هنرجع بالاحداث لكام دقيقة وعفاف واقفة علي باب شقة الجيران وبتسمع كل اللي بيدور بين نيرة والظابط بص لها سيد وقال
هنفضل واقفين كدة
عفاف
لازم الميت اللي في الشقة يرجع تاني
سيد
ازاي
عفاف
شيطانك هو اللي هيرجعه
وبصت عفاف في عيون سيد اوي وفتحت بوقه بايديها وحطت لسانها جوة بوقة وبدأ اللسان يمشي جوة الحنجرة ومن الحنجرة للمعدة وبعدها تخرج عفاف لسانها علشان يقع سيد جثة تاني وتدخل عفاف لسانها من تحت الباب ويبدأ اللسان يمشي علي الارض زي الثعبان لغاية ما وصل للاوضة اللي فيها الكلب الميت ويدخل اللسان في بوق الكلب ويبدأ الكلب يتحرك وترجع راس الكلب للجسم ويقف تاني علي رجله ويخرج الكلب علشان يلاقي عزيزة لوحدها وقت ما كانت نيرة بتنادي علي مدحت اللي نط من البالكونة وهجم الكلب علي نيرة وقعت علي ظهرها وغرز انيابه في رقبتها منعها حتي من الصراخ واصبحت عزيزة زي ما انتم عرفين، ،،،
ونرجع تاني لهجوم عزيزة والكلب علي نيرة وهند لكن نيرة طارت ناحية هند وخدتها في حضنها وبدات تلف بيها علي الارض بسرعه لغاية ما قدرت تبعد عن الكلب وعزيزة وقامت وقفت. وبصت ناحبة اوضة وقالت ل هند
روحي بسرعه الاوضة دي واقفلي علي نفسك
هند
وانتي
حاول الكلب انه يهجم علي هند لكن نيرة مسكت بوقة ورمته بعيد عن هند وهي بتقول بعصبية
يلا
جريت هند ودخلت الاوضة والكلب وراء منها وعضها الكلب في رجلها وصرخت هند. بصت عليها نيرة وهي بتقاوم عزيزة وقالت
حطي صباعك في عينه
فعلا عملت هند كدة وحطت صباعها في عين الكلب سابها الكلب وهو بيصدر صوت يدل علي الوجع ودخلت هند الاوضة وقفلت الباب وراء منها والكلب قدام الباب عمال يهوهو ونيرة زقت عزيزة وراحت جري ناحية المطبخ قرب حاجة ليها. ودخلت المطبخ لكن عزيزة هجمت عليها وحاولت تعضها من رقبتها من الظهر لكن نيرة لفت وشها بسرعه وبدات تقاوم عزيزة لكن مقاومتها كانت بتقل وتلمح نيرة بطرف عيتها ساطور كبير مسكت الساطور وعرزته في نص راس عزيزة صرخت عزيزة ونيرة استغلت حاله عزيزة وولعت الاشعال الذاتي بتاع البوتجاز ومسكت راس عزيزة ونزلت بيها للنار ومسكت النار في وش عزيزة وشعرها وبدات النار تاكل لحم وشها وبعدها مسكت النار في هدومها كلها والنار بدات تاكل في لحم عزيزة وعزيزة بتصرخ وبتتوجع ونيرة صعبان عليها اللي بيحصل لكن دة صراع علي اليقاء وفضلت النار تاكل في عزيزة لغاية ما وقعت قاطعه للنفس ما قدرتش نيرة تبص لمنظرها المشوة لكنها سحبت الساطور من دماغها وسحبت ملايا كانت فوق سفرة في المطبخ وغطت عزيزة وبصت ناحية الكلب اللي كان واقف قدام الاوضة اللي فيها هند وراحت ناحية الكلب دة وهي رافعه الساطور ل فوق بص لها الكلب بتحفز شديد وهجم عليها وبمجرد ما قرب منها راحت بالساطور ناحية رقبته. واصابت ضربه نيرة الكلب في رقبته وقع الكلب وقام تاني ونيرة ضربته مرة كمان بالساطور في رجله وبدات تضرب في الكلب وهي بتصرخ مش مصدقة اللي هي بتعمله وتضرب وتضرب لغاية ما فاقت لقيت نفسها مقطعه الكلب اكتر من حتة والدم غرق هدومها قامت من علي الارض وراحت ناحية الاوضة اللي فيها هند وخبطت علي الباب وقالت
هند افتحي انا خالتك
فتحت هند وهي بتعرج وبصت لخالتها وهي مرعوبه والدم بينزل من رجليها مكان عضة الكلب قالت لها نيرة
انتي كويسة
هند
انا خايفة
نيرة
انا كمان خايفة بس لازم نحارب علشان نعيش
وصرخت هند وعيونها بتبص وراء نيرة وعزيزة واقفة علي رجليها وضربت نيرة بكرسي في دماغها طارت نيرة من قوة الضربة. والساطور وقع من ايدها وعزيزة بتصرخ وهي بتسحبها من رجليها وخلتها تحت منها وبدات تخنقها ونيرة
الضربة كانت مقصرة عليها وبدات تتخنق. وهنا يسمعوا صوت ضرب نار علي باب الشقة بصت عزيزة لباب الشقة وهي بتصرخ وبتحط ايدها علي ودانها كان باين ان الصوت العالي بيسبب لها مشاكل. لكن نيرة استغلت الوضع
وحطيت صوابعها في عيون عزيزة وطلعت عيونها في ايدها فضلت تصرخ وسمعت نيرة صوت الظابط عمارة
افتحي نيرة
قامت بسرعه نيرة وفتحت الباب ودخل الظابط وبدأ يضرب النار علي عزبزة اللي صرخت وهربت من صوت الرصاص بص عمارة. ل نيرة و وهند وقال لهم
يلا. بسرعه
هجمت عفاف علي عمارة لكن عمارة ضرب عليها النار وصرخت عفاف وهربت من قدام عمارة وقالت نيرة
انت عرفت توصل لنا ازاي
عمارة
من علي سطح العمارة اللي جنب منكم.
نيرة
واحنا هنهرب من فوق السطح
عمارة
مافيش قدمنا اي حل تاني. يلا
وخرجت نيرة وهي شايلة هند وطلعت مع عمارة ل سطح العمارة. وبمجرد ما قرب من السور اللي بين العمارتين بدات العمارة تهتز بشكل مخيف. وقع مسدس عمارة. في الشارع و مسك كويس في السور وقال
واضح ان الزالزل اللي حصل قصر علي اثاثات العمارة والعمارة شكلها هتتهد
نبرة حاضنه هند وشايلها وماسكة هي كمان في السور قالت
والعمل
بصت عمارة للعمارة التانية ولقي ان المسافة بين العمارتين بعدت بقي صعب الوصول للعمارة التانية بشكل طبيعي لكنه قال
ما فيش غير اننا ننط وبسرعه
نيرة وهي مرعوبه من المسافة اللي بين العمارتين قالت
المسافة بعيدة
هنا تقف عفاف ومدحت وعزيزة وراء منهم وضحكات خبيثة تصدر منهم بصت لهم نيرة وزيها عمارة وقالت عفاف
جة وقت النهاية
وبصت لابنها مدحت وبصت ل بنتها عزيزة والاثنين دخلو في جسم عفاف واصبحت عفاف عبارة عن مخلوق مخيف بتلت رؤوس. اتصدم عمارة من اللي شايفة وقال
اللي انا شايفة دة جنون
نيرة
هنعمل اية دلوقتي
بصت عمارة لسطوح العمارة التانية وقال
خدي البنت اللي معاكي ونطي
نيرة
المسافة بعيدة
اهتزت العمارة تاني لكن الظابط عمارة شخط فيها وقال
ما فيش وقت نطي
بصت نيرة للعمارة التانية وبصت للمخلوق. المخيف اللي بيقرب منهم وعمارة هجم عليه. لكن يخرج لسان كبير ضرب جسم الظابط عمارة واتقسم جسمة ل نصية صرخت نيرة وبصت برعب شديد للي بيحصل واهتزت العمارة تاني رجعت نيرة لوراء خطوتين ونطت بكل قوتها خرج اللسان وراء نيرة اللي في الهواء لكن العمارة بدات تنهار في نفس وقت وصول نيرة لسطح العمارة التانية قامت وبصت نيرة للعمارة وهي بتنهار والمخلوق المخيف بيصرخ واصبح تحت الانقاض. ،،،،،،،،،،،
بعدها بساعه ومن جوة عربية اسعاف تقعد نيرة وفي حضنها هند اللي كانو المسعفين بيعالجوهم وحوالين نيرة مجموعة من الصحفيين وكل واحد بسؤال. زي
ازاي دة حصل.
انت الوحيدة اللي قدرتي تخرجي من العمارة عايشة.
اية احساسك وانتي قدرتي تتغلبي علي الموتي الاحياء
كل دة ما كانش مهم بالنسبة ل نيرة لكنها كانت عماله تقول
اوصلو ل كتاب الموتي واحرقوا. قبل ما الشر يزيد
واحد من الصحفيين
نلاقي فين الكتاب دة
نيرة
كان في الجراج. امنعوا الشر
واحد تاني من الصحفيين
العمارة بقيت كوم تراب
نيرة
لازم نوصل للكتاب ونحرقة.
صحفي تاني
دي شغلة رجال الانقاذ. المهم اي تفاصيل منك لنشرها علي الموقع الالكتروني الخاص بينا
نيرة
لسة الشر ما انتهاش وانت المهم عندكم السبق الصحفي عمرنا ما هنخلص من الشر طول ما احنا بنفكر بالطريقة دي
وشالت نيرة هند وخرجت بيها من عربية الاسعاف وهي مصابة في رجليها والصحفيين وراء منها ما حدش عايز يسيبها تمشي لكنها وقفت تاكسي وركبته ومشيت وفي نفس الوقت كانت في ايد محروقة بتخرج من تحت الانقاض، ،،،،،،،،،،،،،،
من جوة شقة نيرة تقعد نيرة قدام هند بعد ما خدوا دش ساخن وكانت نيرة بتسرح شعر هند اللي بصت لها وقالت
خالتي انا جعانه
نيرة
عيون خالتك حالا هقوم اعمل لك احلي اكل
وقامت نيرة وخرجت من الاوضة علشان تقوم هند وتقف قدام المرايا وتبص للمرايا وتظهر عزيزة وتمد ايدها ل هند اللي تمد ايدها ليها وتدخل هند جوة المرايا وتخرج عزيزة برة المرايا وتبدأ تصغر لغاية ما تصبح في شكل وجسم وهند وهنا تدخل نيرة للاوضة ومعها صنية اكل عليها كام رغيف فينو وجبنة ولنشون تبص لها عزيزة وتقول
جبت الاكل يا خالتي
نيرة
قلب خالتك. يلا تعالي كلي
راحت ناحيتها عزيزة وهند سجينة جوة المرايا وعزيزة بتقرب من نيرة وقعدت قدام منها بالظبط وابتسمت ابتسامه الشر، ،،،،،،،،،،،،،
خلص اول موسم يرب يكون عجبكم ولو في العمر بقية اشوفكم قريب والموسم التاني. بعنوان
ابتسامة الشر.
سلام. نسيت اقول لكم. مستني رايكم.
روووووعه بجد استاذنا الكبير تستاهل الاوسكار تحياتي
ردحذف