الهام واللي كان الحلقة الاخيرة

 كتاب الموتي

                        ★الحلقة الرابعة★

كتابة واقتباس

محمد منصور. منص 

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

مسكت هند اللوك اوي ولفته علشان تدخل عفاف ايدها وتمسكها من رقبتها وبدات تسحبها برة الشقة وتصرخ هند 

علشان تخرج نيرة علي صوت صرخة هند وتلاقي ايد عفاف بتسحب هند من رقبتها فتجري نيرة ناحية الباب وتقفلة بكل قوة علي ايد عفاف فتصرخ عفاف من الوجع وتسيب رقبة هند تبعد هند نيرة عن الباب وتقفله مرة تانية علي ايد عفاف وتصرخ عفاف اكتر وتخرج ايدها برة الباب فتقفل نيرة الباب وتحط جسمها وراء الباب وهي مرعوبة ومش مصدقة اللي بيحصل بص سيد ل هند اللي كانت في حضن عزيزة وقال

خالتي انا عارف اية اللي عمل في امي 

بصت نيرة ل سيد وهي مصدومة وكمل سيد 

كتاب اسود ظهر تحت الارض وانا اللي فتحت الكتاب دة ومن بعدها. اللي حصل حصل

راحت نيرة ناحيته وهي مش قادرة تصدق او تستوعب اللي هو قاله ووقفت قدام منه بالظبط وقالت

مش قادرة اصدق ولا قادرة افهمك. اللي انت بتقوله دة جنان

سيد

دة اللي حصل

ويسمعوا صوت خبطة شديدة في الباب اتفزعوا وبصوا للباب وهما مرعوبين والخبط مستمر مع صوت عفاف 

ماحدش فيكم هيخرج حي. كل ارواحكم ملكي. ملك الشيطان الاعذر

وخبطت الباب تاني. ونيرة بتبص لولاد اختها وبتقول

ساعدوني نحط الكنبة دي وراء الباب

عزيزة

الباب مصفح. ما افتكرش انها تقدر تكسرة

نيرة

مش هسيب حاجة للظروف لازم نعمل حساب انها ممكن تكسره

وفعلا بداو يسحيوا الكنبة وحطوها وراء الباب وقعدوا كلهم فوق الكنبة واستمر الخبط تقع عين نيرة علي موبيلها راحت للموبيل وطلعت رقم البوليس واتصلت بيهم رد حد فقالت وهي مرعوبة

الحقونا احنا بنموت.

صوت رجل البوليس

بالراحة وفهميني اية اللي بيحصل عندك

خبط علي الباب مخيف نيرة بتحكي للرجل البوليس كل اللي حصل وخلصت الرجل باستهزاء

يا مدام واضح من حكايتك انك من عشاق افلام الرعب. واحنا مش فاضين للهبل دة

نيرة وهي منهارة وفي نفس الوقت مستغربه ان صوت الخبط وقف قالت

والله العظيم دة اللي حصل. انا مش مجنونه ولا بخرف الحقونا احنا محاصرين

الرجل بسخرية

طيب طيب. قولي العنوان وانا هجيب زمايلي وهاجي لك

نيرة قالت العنوان وقفلت المكالمة وبصت للولاد عفاف وقالت 

الخبط وقف لية 

سيد 

ما عرفش

وقامت نيرة بحذر شديد وبصت من عين السحرية ما لقتش عفاف استغربت اوي لكن فجاة ظهرت عفاف وبصت لاختها من برة وكانت بتضحك بمنتهي الشر اترعبت نيرة ورجعت تقعد تاني وراء الباب وسط ولاد اختها وبصت ل سيد

احنا لازم نوصل للكتاب دة ونتخلص منه

سيد

نتخلص منه ازاي

نيرة

نحرقة. ودة ممكن يخلصنا من اللي احنا في

سيد

هنوصل اراي للكتاب وهو ف الجراج تحت والاسنسير مش شغال والسلم ما بقاش موجود

نيرة

لازم نفكر ونوصل ل حل،،،،،،،،،

هنا يسمعوا صوت شباك البالكونة اتفتح واتقفل بصت نيرة ناحية الاوضة اللي جاي منها الصوت وقالت

اية الصوت دة.

مدحت

دي شيش بالكونة اوضي

عزيزة

شكل ماما نطت من بالكونة جارتنا ل بالكونة اوضة مدحت

نيرة

هما البلكونتين جنب بعض

سيد

بينهم. سور عرضة 10 س.  

نيرة 

يعني سهل تمشي عليه

سيد

اي عيل صغير ممكن يمشي عليه

نيرة

يبقي احنا لازم نخرج حالا من الشقة

وراحوا ناحية باب الشقة ومسكت نيرة اللوك لقته اتكسر في ايدها اتصدمت وقالت عزيزة

باين من كتر الخبط اللي كان في الباب اللوك اتكسر

سيد

وبعدين احنا كدة مش هنقدر نفتح الباب

مدحت

نقدر لو وصلنا للمفتاح

نيرة

وفين المفتاح يا مدحت

مدحت

ما عرفش

نيرة بصت لهم وقالت

حد فيكم يعرف المفتاح فين

عزيزة

تقريبا في اوضة ماما

نيرة 

انا هروح اشوف المفاتيح. تعالو معايا

وقبل ما تتحرك نيرة أتفتح باب الاوضة ووقفت قدام منهم عفاف وقالت بمنتهي الشر

كان في بينا كلام لسة ما خلص

صرخت نيرة وولاد عفاف في نفس وقت هجوم عفاف عليهم لكن سيد هو اللي اتصدي للهجوم. وقال ل نيرة

خدي اخواتي يا خالتي واهربي 

نيرة

وانت

سيد وهو بيهجم علي عفاف قال 

انا هعطلها 

وهجم سيد علي عفاف و نيرة خدتهم وجريت علي اوضة عزيزة.ودخلت الاوضة وقفلت الباب وراء منها وسمعت ضرب متبادل بين سيد وعفاف وصرخات وازاز بيتكسر بصت عزيزة ل نيرة وقالت

احنا هنسيب سيد لوحدة

نيرة فكرت للحظات وفتحت باب الاوضة بحذر شديد وبصت ناحية عفاف لقيتها مطلعها لسانها واللسان بيلف حوالين رقبه سيد وبيحرق رقبه سيد ومع الاحتراق بيتخنق سيد عذاب اليم. وعفاف بترفعه لفوق وكانه متعلق في حبل مشنقة.ويصرخ سيد ويحارب الموت وعفاف بتبص في عيونه وجسمة كله بيتنفض هنا تقع عين نيرة علي حزام بناتي توكة كبيرة مسكت الحزام وبصت ل عزيزة. وقالت

اوعي حد منكم يجي ورايا. انتو فاهمين

وخرجت جري من الاوضة وقفلت الباب وراء منها وراحت وباقصي سرعه وبتوكة الحزام نزلت علي راس عفاف اللي اتفتحت والدم بدأ ينزل منها لفت عفاف راسها وهي لسة بتخنق في سيد ضربتها نيرة تاني بتوكة الحزام بصت لها عفاف بغضب شديد ومع تالت ضربة مسكت عفاف الحزام

وسحبت نيرة ناحيتها وصرخت في وشها لكن عزيزة تخرج جري من الاوضة ومعها مكواة الشعر بتاعتها وكانت المكواة سخنة وراحت بيها ناحية وش عفاف وحطت المكواة علي وش عفاف. صرخت عفاف من الوجع وسابت سيد اللي مات وسابت نيرة اللي قامت بسرعه ودخلت جري مع عزيزة للاوضة. وقفلو الباب وراء منهم وفضلو يسمعوا صرخات عفاف ومع صرخات عفاف يخرج شيطان اخر من الخمس شياطين ويدخل في جثة سيد علشان يقف سيد ويبص ل عفاف. فتقول له عفاف

جاهز تنتقم من اخواتك اللي ديما كانو بيعملوك علي انك نكرة وبيستعروا منك

سيد بعيون الثعابين بعد ما خرج لسانه ومسح اثار الخنق اللي علي رقبته. وقال 

جاهز اكون من اتباع الشيطان الاعذر

وبصوا الاثنين ناحية باب الاوضة بمنتهي الشر وهجموا علي الباب وكسروا لكنهم لقوة الاوضة فاضية وحط بينزل من شيش الاوضة راحوا الاثنين جري ناحية الشيش لقوة نيرة ومعها مدحت و هند وعزيزة ماشيين فوق السور اللي بين البالكونتين بصوا لهم بغضب شديد ومع الغضب اترسمت ابتسامة مخيفة علي وش عفاف وبصت للبالكونة التانية اللي فيها جثتين بتتحرك بارواح الشياطين الخمس وبقيت نيرة والاطفال محاصرين بينهم وهما علي سور ارتفاعه 10 ادوار . ، ،،،،،،،،،،

خلصت حلقة النهاردة اللي يارب تكون عجبتكم. سلام

الحلقة الخامسة