★حكاية حياة★
الحلقة الثامنة عشر
والاخيرة. من الموسم الاول
من تاليفي
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
خلف بيشيل بنته ياسمين وبيحطها علي السرير جنب اختها وعمال يبص لهم وكان مقهور واصيلة وراء منه بتلطم وبتعيط. وحياة وحنين بيحاولو يهدوها وخلف دموع عيونه قالت كلام كتير. كلام مش قادر يقوله ببوقة وعمال يبص لهم وبس والقهر بياكل كل حتة في جسمة. وجة محمود ومعه دكتور وراح الدكتور ناحية البنتين وبدأ يكشف عليهم وشاف لدغة الثعبان ليهم هما الاثنين فقال
واضح ان سبب الوفاء لدغة الثعبان ليهم هما الاثنين. والسم الفتاك انهي علي حياتهم بمنتهي السرعه
محمود
دة اللي قالته امي. انها سمعت نرجس. بتصرخ وبتقول الثعبان لدغني. ودة هيجنني طول عمرنا عايشين في الدوار ما ظهرش في ثعبان جة منين الثعبان دة
الدكتور
فعلا دة شئ غريب ثعبان وسط بيوت بعيدة عن الجبل. وثعبان سمه ملهوش علاج. الثعابين اللي من النوع دة مستحيل تكون موجودة في منطقة فيها اهالي لانها بتخاف تختلط بالبشر
خلف بص لهم وقال بصوت مكسور وحزين
الثعبان دة ماجاش اهنا بالصدفة. اني اللي دخلت الثعبان دة دواري
استغربوا كلهم حتي اصيلة وقفت بكاء وبصت ل خلف اللي قال
ايوة اني. وعملت اكدة علشان اخلص من حياة وحنين
بصت حياة ل حنين وهما مصدومين وخلف قام وقف وبدأ يحكي حكاية المخطط بتاعه كله واتفاقة مع فتحي. وانتهي وبص لهم وقال. بصوت اكثرا حزنا ومرارا
مش هقول سامحوني. لاني اللي زي ما يستاهلش السماح او الرحمة. بص كل اللي هقولو
وبص لبناته الاثنين. وقال
ادعي لهم يكونو من اهل الجنة. اللي ربنا خدهم بذنبي.
وفضل يبكي زي النسوان. واصيلة فضلت تقول
روح منك لله. روح منك لله. عملت دة كله ليه علشان الفلوس. خد الفلوس حلال عليك بس ابقي خلي الفلوس تعوضك عن حضن واحدة منيهم. ربنا ينتقم منك
وبدات تضربه في ظهرة بكل غل. وتصرخ وتقول
يا نرجس يا ياسمين. مش الثعبان اللي موتكم. دة ابوكم. عرفتو مين خصمكم يوم الموقف العظيم. اشتكوا للي خلقكم. وخلو ينتقم منه في الدنيا وفي الاخرة. ويقفل ابواب الرحمة كلتها في وشة.
وبدات تلطم من القهر واترمت في حضن بناتها وقالت
اشتكوا لربنا. اشتكوا
ما قدرتش حياة تستحمل منظر اصيلة اللي صعبت عليها اوي وخرجت من الاوضة وبعدها خرجت حنين وقعدت جنب حياة وقالت
اني خايفة من الدنيا دي.
بصت لها حياة وقالت
انتي اللي بتقولي اكدة. بعد ما قولتي انك خلاص بقيتي قادرة زيي
حنين
اني ما عرفش اية اللي بيحصل لي. لكني خايفة ومحتاجة اوي ل حضنك
فتحت حياة ذراعتها ل اختها وخدتها في حضنها ولحظت ان حنين بتترعش فقالت لها
بتترعشي لية اكدة
حنين
ما عرفاش. غير اني مرعوبه ومش عايزا اتعامل مع اي بني ادم تاني.
حياة
كيف دة طول ما انتي عايشة لازم هتتعاملي مع ناس وتقابلي الزين والعفش. ولازم تاخدي حقك من العفش وتحبي الزين. وتتعلمي مهما كان الدرس صعب. لازم تتعلمي. وزي عرفتي تضربي اختك الكبيرة بالقلم اضربي اللي يفكر يدوس علي طرف
حنين باست راسها وقالت
لساتك زعلانه مني
حياة
اني ما عرفش مين فينا اكبر من التاني بس اني اعرف اني الكبيرة. ولازم استحمل اختي الصغيرة ويدك لو اتمدد عليه تاني هقطعها
حنين
شيطان وضحك عليه ومش هعمل اكدة تاني
حياة
ربنا يكفيكي شر الشيطان يا بنت قلبي
حنين عيونها دمعت وقالت
بنت قلبك.
حياة
سمعتها وعجبتني. وحسيت اني مش اختك وبس اني امك كمان علشان اكدة انتي بنت قلبي
وهنا يلاقو خلف خارج من الاوضة ماسك شبشب ياسمين في ايدة اليمين وشبشب نرجس في ايدة الشمال ويضرب نفسه مرة باليمين ويقول
اضربي كمان يا ياسمين اني استاهل
ويضرب نفسه مرة بالشمال ويقول
حقك تضربي انتي كمان يا نرجس. اضربوني انتو الاتنين
ويضرب نفسه مرة واحدة باليمين والشمال وهو عمال يقول
اضربوا تاني. اضربوا تاني
وفضل يضرب نفسه ويضرب ويضرب لغاية ما تعب وركع علي ركبة وهو بيبكي وبيحضن شباشب بناته وبيقول
لساتكم زعلين مني. صوح. طيب اضربوا فيا تاني
وقف ورجع يضرب نفسه بالشباشب وخرج من الدوار وهو علي الحال دة وحياة وحنين بيبصوا عليه، ،،،،،،،
بعدها بيوم بالظبط ومن احدي مطاعم صالح السوهاجي والد حياة. تقف عربية الحكومة وينزل منها فاروق وجميل مفتشين المباحث ومعاهم كام عسكري ويسالو عامل الكاشير
في شيف لحوم عندكم هنا اسمه حمادة عرفات
عامل الكاشير
ايوة يا بية
فاروق بحسم
هو فين
عامل الكاشير
في المطبخ جوة
فاروق
قوم وريني المطبخ دة فين
قام عامل الكاشير ومشي قدام منهم رايح ناحية المطبخ ووصلو للمطبخ وشاور عامل الكاشير علي رجل في الخمسينات من عمره شكلة يخوف وقال
دة عم حمادة عرفات
شاور فاروق للعساكر وقال
هاتو
وفعلا قبضوا علي حمادة اللي كان عمال يقول
انا ما عملتش حاجة والله العظيم انا ما عملتش حاجة
وطلعوا بي من المطعم وركبوا البوكس واتحركوا بي ،،،،،،،
ومن جوة مكتب فاروق يقعد جميل وحمادة يقف قدام منهم متكلبش وفاروق بيشخط في وبيقول
اخلص يا عم الحج. انت راجل كبير بلاش تخليني اقل منك
حمادة
يا باشا ما قتلتهاش والله العظيم، ،،،،
جميل قاطعه وقال
ما بلاش تجيب سيرة ربنا علي بوقك. وتعالي سكة ودوغري لان من الاخر كدة لو ما قولنش بالذوق هتقول بالعافية
حمادة
اقول اية بس
فاروق
اقول اية اللي كان بينك وبين ونيسة
حمادة
ما فيش اي حاجة بينا غير انها كانت بتيجي المحل كتير وانا كنت بلف معها بحكم اني اكبر واقدم شيف في المطعم
بعد ما بقينا شغالين في المشاوي مع الفول والطعمية
فاروق
بس كدة
حمادة
اة بس كدة
فاروق ضرب جرس مكتبه فتح الباب ودخل العسكري. قاله فاروق
هات كريم بتاع الدليفري من الحجز
خرج العسكري ورجع بعدها بشوية ومعه شاب في الثلاثينات اول ما شاف حمادة قال
هو دة يا باشا اللي اتخانق معها قبل ما تموت وقالها لو سوقتي معايا العوج هذبحك يا ونيسة
حمادة
دة عيل عبيط وكذاب
كريم
اني مش كذاب واللي بينك وبين ونيسة اني حكيته لحضرة الظابط. ولا نسيت انت عملت اية بالاتفاق معها. واني كنت بساعدك في خراب المطاعم التانية علشان مطعمين سوهاج يبقو هما الاساس
جميل ل كريم
كفاية يا كريم. بقي وخلي عم حمادة يحكي لينا باقي الحكاية.
وبعدها بص جميل ل حمادة وقال
ولا اية رايك يا سلطان
اتصدم حمادة وقال
انتو عرفتوا يا باشا
جميل
ملفك منور في قضيتن سرقة بالاكراة.وهربت وبعدها وبقدرت قادر بقيت الشيف حمادة عرفات.
فاروق
ما هو استغل شغلته القديمة في مطاعم الحسين وبقي يعرف يمسك السكينة ويقطع ويشفي.
وبعدها برق فاروق وقال
ويذبح. زي ما عمل كدة مع ونيسة. وافتكر ان حياة هي اللي هتلبسها
حمادة
طالما عرفتوا اللي فيها بقي. ملهوش لزوم احور
فاروق
هو دة الكلام احكي لي بقي. وبالراحة كدة ومن الاول
حمادة بعد ما اتنهد قال
من كام سنة كدة جت المطعم الكبير في سوهاج ونيسة وكانت داخلة تتفرج وهي فرحانه بالمطعم والزحمة اللي في. قابلتها وقالت لي انها صاحبة المطعم دة والمطعم التاني اللي في اخر سوهاج وعرضت عليه قلوس كتير في مقابل اني اكبر المطعمين بتوع سوهاج واخرب المطاعم التانية. باني اجيب هنا احسن لحوم واودي هناك لحوم منتهية الصلاحية واحسن خضار يبقي هنا والخضار البايظ يروح في اي مطعم تاني المهم ان المطعمين دول يعملو اضعاف اللي بيعملو اي مطعم تاني. وفعلا عملت لها كل اللي قالت عليها لكن قبل ما تموت بشهر لقيتها بتسوق معايا العوج وبتتنكر ليا ولا كانها تعرفني وكل دة علشان خاطر ان خلاص الوصاية هتترفع عن البنات وهتبقي صاحبة المطعمين رسمي. اتخنقت معها وهددتها قدام كريم اللي كان بيساعدني في كل حاجة لكنها فضلت سايقة في قله الاصل قررت افضحها قدام عيالها وجوزها روحت لها البيت وماكنش في غيرها وفضلت اهددها وهي خدتني علي قد عقلي ولسة همشي من عندها سمعت صوت جوزها قالت لي ادخل المطبخ ونط من الشباك في ظهر البيت حتة ارض فاضية وفعلا عملت كدة بعدها بيوم سلطت عليه كام راجل يكسروا عضمي وفعلا اضربت علقة موت. بعدها الدم غلي في عروقي وقولت مراة زي دي تضحك عليه انا قررت اذبحها زي البهيمة وخطط وروحت وكنت متاكد ان مافيش حد معها في الوقت دة ودخلت من شباك المطبخ. لقيتها بتخنق حياة وحياة بتخنقها قولت فرصتي وجت لي اذبحها وتلبسها حياة. نزلت سكينة الكهرباء وذبحتها. ورجعت شغلي عادي وماكنتش اعرف اني هقع بسبب عيل عبيط وغبي زي دة
وبص ل كريم. وبعدها كمل فاروق وجميل اجراءات سجن حمادة وكريم. واتقبض علي فتحي بتهمة الشروع في قتل حياة وحنين وعديت سنة بالظبط من كل الاحداث دي.
وصابر سافر السعودية ورشاد جهز كل حاجة ل فرحة علي حياة وتم الفرح وكانت ليلة من احلي الليالي لغاية ما جة يوم وحصل في اللي غير حياة. حنين نهائي. وبدأت حكاية جديدة حكاية بطلتها حنين اللي باعت كل اللي حيلتها وسابت الصعيد وقررت تعيش لوحدها في القاهرة. علشان تقابل شر بس من نوع جديد
ودة بقي الموسم التاني. بعنوان مشوار حنين.
قريبا.
روعه
ردحذفتحفه بجد تحياتي
ردحذفمنتظرين الجزء التانى حلوه اوى القصة الاولى
ردحذفجميله جدا بالتوفيق
ردحذفروعه جدا
ردحذفجميله جدا واستمتعت بقراءتها
ردحذفمنتظره الجزء الثاني من الحكايه
جميلة جدا تسلم ايدك
ردحذف