★الحلقة الثالثة★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
الساعه 11 م. ونيرة بمساعدة سيد بيشيلو عفاف ويحطوها علي السرير ونيرة بتغطيها بملايا بيضاء وسيد كان باين عليه الحزن الشديد ما يحزنش ازاي وهو عارف انه السبب في اللي حصل ل امه. بصت له نيرة وقالت
للدرجة بتحبها وزعلان عليها
سيد
وما حبهاش ازاي وهي عملت علشانها كتير واستحملت اللي ماحدش يستحملو
نيرة
ولما انت بتحبها اوي كدة كنت بتزعلها لية
سيد اللي بدأت دموعه تخونه وتنزل
ماكنتش اعرف انها هتموت وبسببي
نيرة
تقصد اية
سيد ارتبك
اقصد انها هتموت زعلانه مني
نيرة
ادعي لها بالرحمة.
وبدات نيرة تعيط بحرقة مش مصدقة اللي حصل ل اختها
وجم ولادها التلاته من برة وساله عليها ولما عرفوا باللي حصل لها في الاسنسير قعدوا يعيطوا وحالهم كان يصعب علي الكافر خدتهم نيرة وطلعت بيهم برة الاوضة وقفلت الباب وظهر الشيطان الاعذر ووقف عند راس عفاف وقال
جاهزة تاخدي حقك من اللي انكتب عليكي الشقي بسببهم
فتحت عفاف عيونها وشالت الملايا من فوق جسمها وقالت
جاهزة. طالما دي رغبه مولاي الشيطان الاعذر
وقامت من فوق السرير وبدات تمسك كل عضمة مكسورة في جسمها وترجعها زي ما كانت وطلع لسانها اللي يشبة لسان الحية وبدات تمسح كل الدم اللي علي جسمها لسانها قدر يجيب الدم اللي في اخر رجليها وبصت ل باب الاوضة
وراحت ناحيته وفتحت الباب وبصت لهم وهما قاعدين يعيطوا عليها ضحكت وقالت
كل الدموع دي علشاني انا. من امتي كان فيكم حد بيحبني
بصو لها كلهم وقالت نيرة بفزع شديد
عفاف. انتي ازاي
ما اقدرتش نيرة تكمل لانها شافت ان اختها مش طبيعية وعيونها اكبر دليل لسة هتروح هند ناحية عفاف وهي بتقول
ماما انتي ما روحتيش عند ربنا
مسكت نيرة ايد هند وقالت
دي مش امك.
عفاف بصوت مخيف
نيرة الملعونه قدرت تشوف وتعرف الحقيقة. رغم ان الخطايا اللي ارتكبتها كفيلة بانها تعيش عمياء اللي فاضل من حياتها
وهجمت عفاف علي نيرة وقعتتها علي الارض وبقت فوق منها وخرج لسانها وسط صرخات عيالها الاربعه وبدا اللسان يمشي علي جسم نيرة لغاية ما وصل عند الرحم وقالت عفاف
ودة اول خطئية انا جاهزة اخلصك منها واوهبي جسمك للشيطان الاعذر. سيدي
نيرة صرخت وحاولت تزقها بعيد عنها لكنها ما قدرتش والرعب كان مخليها زي المشلولة واللسان بدأ يسخن اوي ويحرق الجلد ونيرة تصرخ واللسان يخترق جلد البطن لكن فجاة طارت عفاف بعيد عن نيرة بعد ما سيد ضربها بالانبوبة الفاضية. وساعد نيرة علي انها تقوم وقال
انتي كويسة
نيرة وهي حاطة ايدها علي بطنها وبتتوجع.
بخير بخير. المهم نحمي اخواتك
عزيزة وهي مرعوبه
هو اية اللي عمل في امي كدة
مدحت
انا خايف منها
هند
ماما اول مرة تيقي كدة
وبصوا كلهم ناحية عفاف اللي. لسة واقعه علي الارض ما بتتحركش. نيرة
احنا لازم نهرب من هنا وبسرعه
سيد
نهرب نروح فين
نيرة
اي حتة لاننا مش هنقدر علي امك اللي واضح ان في شئ مخيف حصل لها
وفجاة تقف عفاف علي رجليها وتبص ل سيد وتقول
طول عمرك انت سبب شقايا في الدنيا وجة الوقت اخد حقي منك
ولسة هتهجم عليه كانت نيرة بتمسك كرسي خشب وبتحدفه ناحيتها اتكسر الكرسي لكنه ما ممنعش عفاف من انها تستمر في الهجوم وفعلا لفت ايدها حوالين رقبه سيد وبدات تخنق في وترفعه ل فوق وسيد يختنق لكن نيرة مسكت رجل الكرسي المكسور واستغلت ان في مسمار صلب كبير بارز منه وحطت المسمار في عين عفاف الشمال. صرخت عفاف وسابت سيد. وبدات تتوجع ونيرة قالت لهم
يلا بسرعه علي برة
وفعلا خرجوا كلهم وراحوا ناحية الاسنسير لقو عطلان جريوا بسرعه ناحية السلم لقوء السلم كلة متحطم لغاية الدور الاخير اتصدمت نيرة وقالت
احنا كدة اتحبسنا
سيد شاف عفاف خارجة من الشقة وبتشيل المسمار من عينيها فقال
يلا نطلع لفوق بسرعه. ونطلب المساعدة من الظابط اللي في الدور 12.
بدات عفاف تبص لهم وقبل ما تتحرك ناحيتهم كانوا طلعوا السلم بسرعه. ووصلو عند الدور ال 12 لكنهم لقو عفاف قصاد منهم صرخوا. ولسة هتهجم عليهم عفاف قدر سيد بمساعدة نيرة ضربها وزقوها بمنتهي القوة من فوق ترابيزين السلم اختل توازنها وبدات السقوط وفضلت تبص لهم بغضب شديد. بصات تخوف لغاية ما استقرت في اخر دور وعيونها في عيونهم. بعدها قالت نيرة
سيد وصلنا للظابط اللي انت بتقول عليه دة
خدهم سيد وراح لباب شقة ورن الجرس وفتح رجل في الاربعينات وهو الظابط منير بص لهم باستغراب وقال
افندم
نيرة
احنا اخت عفاف جارتك اللي في الدور العاشر
منير اللي حاول يفتكرها.
ما خدش بالي الصراحة. بس خير يعني اقدر اساعدكم ازاي
نيرة
اختي عفاف ماتت من شوية بسبب سقوط الاسنسير بيها لكن بعد ما ماتت حصل اللي ما حدش يصدقة.
منير بتوتر
حصل اية، ،،،،،،،
من الدور العاشر ينزل منير اللي قرر يساعد نيرة والاطفال بعد اللي عرفوا وكان مسدس منير قدام منه وجاهز لاطلاق الرصاص في حاله الخطر وشاف السلم المكسور فقال
دة فعلا السلم متكسر
نيرة
صدقتني حضرتك دة بسببها هي
منير
او ممكن يكون بسبب الزلزال
نيرة
لو بسبب الزلزال لية باقي السلالم ما اتكسرتش
منير
هنشوف دلوقتي. انتي قولتي اختك اخر مرة كانت فين
نيرة
في الدور الارضي بعد زقتها ووقعت
بص منير بترقب شديد للدور الارضي اللي ماكنش في حد فقالت نيرة
شكلها قامت تاني
منير
معقوله تقع من الدور ال 12. وتقوم تاني.
نيرة
اختي ما بتموتش. صدقني في حاجة غلط حصلت لها بعد ما وقع الاسنسير بيها
وهنا يسمعوا صوت التيلفزيون في شقة عفاف يشتغل وصوت عفاف. بتقول
روحي هاتالنا خمسة بيتزا
اتصدمت نيرة واترعبت وقالت
دة صوت اختي. والكلام اللي بيتقال دة. قالته قبل كدة
بدأت خطوات منير تبقي بطئية وحذرة وهو بيقترب من شقة عفاف فقالت نيرة
رايح فين
منير
هشوف مين اللي جوة
ووصل منير عند باب الشقة اللي كان مفتوح نص فتحة زق الباب بالمسدس وفتحة للاخر علشان يلاقي عفاف قاعدة بتتفرج علي الكرتون اللي بتحبة هند بص ناحيتها وقال
انتي عفاف
نيرة
عفاف ميته. صدقني اللي قاعدة دي شيطانه مستحيل تكون اختي
لفت دماغ عفاف وجسمها زي فضل زي ما هو وبصت لهم وقالت
انا فعلا. مش هي.
وهجمت بمنتهي السرعه علي منير اللي ضرب عليها نار لكنها قدرت تتفادي طلقات الرصاص بمنتهي السرعه وهجمت عليه واصبحت فوق منه دار بينهم صراع شديد برة حدود الشقة لغاية ما وصله عند سيخ حديد خارج من السلم المكسور مسكت عفاف راس منير وخبطتها في السيخ دخل السيخ في بوقه خرج من راسه صرخت نيرة وخدت ولاد عفاف ودخلت الشقة بمنتهي السرعه وقفلت الباب وعفاف خرجت دماغ منير من السيخ وبصت له وفتحت بوقها وخرج رجل من بوقها في شكل ضباب اسود دخل جوة بوق منير علشان تتحول عيون منير لعيون الثعبان ويخرج لسانه اللي اصبح شبه لسان الثعبان ويمسح الدم اللي نازل من رقبته. قالت له عفاف
جاهز للانتقام من كل اللي كانو سبب شقائك وعذابك
منير
جاهز طالما دي رغبه الشيطان الاعذر
عفاف
ابدأ وخلص علي كل اللي من دمك
طلع منير شقته وعفاف بصت ل باب شقته الباب المصفح وراحت وفضلت تخبط علي الباب. من جوة الشقة كانت نيرة واخدة ولاد عفاف في حضنها وبتقول لهم
مهما يحصل اوعي تفتحوا الباب دة. احنا لازم نتحدي الشر دة
سيد بانهيار
اتا السبب انا السبب
نيرة
مش وقته. وتعالو ندخل الاوضة جوة نجيب اي شئ نقدر بي نحمي نفسينا
ودخلو الاوضة وفضلت هند اللي سمعت صوت عفاف بتقول بحنية شديدة
هند. انا عارفة انك سمعاني. وعارفة انك بنت شاطرة وبتسمعي الكلام. انا ماما. اللي بتجيب لك كل اللي نفسك في. علشان تعبانه شوية تخلي خالتك نيرة ترميني برة
هند راحت لغاية الباب وحطت ودانها علي الباب وقالت
انتي بقيتي تخوفيني يا ماما
عفاف بحنان شديد
انا برضو اخوف بنتي حبيبتي. انا تعبانه شوية وخلاص خفيت. دة انا حتي عايزا اغني لك. بابا جاب لي بالون
يا عيني. يا عيني. اصفر واحمر اللون يا عيني يا عيني
افتحي هند خلينا نكمل الاغنية سوي
هند
خالتي نيرة قالت ما نفتحش ليكي
عفاف
خالتك نيرة اللي بتكرهنا وانتي عارفة انها مش بتحبكم. لكن انا ماما انا اللي بحبكم
حطيت هند ايدها علي اللوك اللي بيفتح الباب مع صوت عفاف الحنون
افتحي هند انا ماما حبيبتك. تصدقي اني ممكن اذيكي
مسكت هند اللوك اوي ولفته علشان تدخل عفاف ايدها وتمسكها من رقبتها وبدات تسحبها برة الشقة وتصرخ هند،،،،،،،،،،،،،
خلصت حلقة النهاردة اللي يارب تكون عجبتكم. سلام
حلوه خالص منتظره الباقي
ردحذفياروعاتك يامنص
ردحذف