كتاب الموتي
★الحلقة الثانية★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★في نفس الوقت ومن جوة اوضة سيد ينام سيد ويشوف في الحلم تابوت اسود. يفتح التابوت بالمفتاح اللي كان مع الحاكم و يلاقي ذهب كتير يمسك سيد الذهب وهو فرحان جدا. ويفتح عيونه سيد علشان يشوف قدام منه الشيطان الاعذر بيبص له وبيقول
تحت الارض. جراح العمارة. احنا مستنينك.
واختفي الشيطان الاعذر علشان يفتح سيد عيونه مرة تانية يلاقي نفسه جوة الاوضة ومتعلق في ايدة مفتاح التابوت بص للمفتاح واتصدم وقال لنفسه
هو انا كنت بحلم ولا دة حقيقية
ورجع بص للمفتاح وقال
لا حلم اية وازاي والمفتاح في ايدي اهو. بس هو شكلة غريب ليه كدة. شكلي كدة اجدادي اللي تحت الارض رضيوا عليه وشكلهم هيخلوني العب بالذهب لعب. بس احفر ازاي في الجراج وصاحب العمارة راجل ثقيل دة ممكن يطردني من الشقة انا وامي واخواتي
قام سيد وقف وبص في المرايا وقال
فكر يا سيد. ما انت مش هتسيب كل الذهب دة يروح عليك،،،،،،،،،،،
وبعدها بساعه يعني حوالي الساعه 8. م. يخبط باب شقة
كانت عفاف لسة في المطبخ بتحضر سلطة وقالت
حد يفتح الباب
يظهر قدام منها سيد ويقف عند باب المطيخ ويقول
جعان
عفاف بصت له بقرف وقالت
هو انت ما تعرفش تعمل اي حاجة غير انك تاكل وتنام.
يخبط الباب تاني صرخت عفاف
انتو يا بهايم يالي برة حد منكم يفتح الباب
سيد
انتي كل ما تشوفيني تسمعيني كلمتين يسدوا النفس
عفاف
وانت نفسك بتتسد اوي. ولا انت اصلا بني ادم وبتحس حرام عليك دة انت المفروض تكون مطرح ابوك تشوف شغلانه تريحني شوية بدل قطمة الوسط اللي انا فيها دي
سيد بلامبالاة
مش انتي اللي عايزا تعيشي كدة. في المطبخ بتعملي اكل بفلوس
عفاف
وهو انا لو ما عملتش كدة كنا هنعيش ازاي ولا تكنش فاكر ان ابوك وزير الصحة
الباب بيخبط تاني صرخت عفاف اكتر
هو ما حدش بيفتح الباب لية
سيد
طيب انا جعان
عفاف زقت سيد بعيد عنها وخرجت من المطبخ وهي بتقول
الطفح عندك في الثلاجة. خليني اروح اشوف مين اللي بيكسر الباب علينا
وراحت ناحية الباب وعيالها التلاته قاعدين عزيزة ومدحت وهند. قدام التيلفزيون بصت لهم وقالت
يعني انتم التلاته قاعدين وما حدش فيكم عايز يفتح
هند
مكناش سماعين
عفاف بعصبية
بطلي كذب وقله ادب ويلا كل واحد فيكم يخش يذاكر
مدحت ابن عفاف
طيب نخلص الكرتون
عفاف وهي بتشيل فيشة التيلفزيون بعصبية
ما فيش تيلفزيون. اصلا
قامو التلاته وهما بينفخوا ومضايقين وعفاف بتفتح الباب وبتبص لهم وبتقول
اوي كمان. ما انتو ملقتوش حد يربيكم
وتلاقي نيرة واقفة قدام منها بتعيط. واترمت في جضنها طبطبت عليها عفاف ودخلتها الشقة، ،،،،،،،،
وبعدها بشوية كانت نيرة قاعدة قدام عفاف اللي ضربتها بالقلم وقالت
ليلتك سوداء. ازاي دة يحصل يا بت
نيرة وهي بتعيط بحرقة وماسكة خدها
غصب عني ضعفت
ضربتها عفاف تاني وهي بتقول
ضعفتي ولا بقيتي رخيصة يا رخيصة.
نيرة وهي بتلطم
انا جاي لك علشان تلطشي فيا. والله العظيم لو ما بطلتي تلطيش فيا لكون رامية نفسي من الشباك وجايبة لك مصيبة
وراحت نيرة جري ناحية الشباك مسكتها عفاف وخدتها في حضنها وقالت
طيب خلاص.
نيرة وهي بتعيط في حضن اختها
عارفة اني غلط. بس والنبي كفاية. بقي انا مش ناقصة
خدتها عفاف وراحت بيها ناحية السرير وقعدتها وبصت علي خدها اللي ورم واحمر من الضرب وقالت
حقك عليه.
نيرة
انا استاهل اكتر من كدة. يارب اموت وارتاح
عفاف
خلاص بقي. انا هتصرف واجيب لك حقك من ابن الكلب اللي عمل فيكي كدة
نيرة
تعرفي ان بعد اللي حصل دة وكلام قليل الاصل ليا طلعت الموبيل قولت لازم اتصل بحد يجي يقف معايا قدام منه وفضلت قلب في الاسامي لغاية ما طلع رقمك. لقيت نفسي بتصل بيكي و كنت عارفة انك مش هتسيبني لوحدي في موقف زي دة حتي بعد اللي حصل بينا
عفاف
وهو اية اللي حصل بينا
ابتسمت نيرة وعفاف خدتها في حضنها وبعدها بصت لها وقالت
يلا علشان نتعشي
نيرة
انا ماليش نفس وهقوم اروح
عفاف
هتروحي فين انتي هتباتي النهاردة وفي حضني. ويطلع النهار ويبقي ليا تصرف تاني مع الحلو اللي ضحك عليكي
نيرة
عندك اية ناكله
عفاف
عندي بسلة وانتي مبتحباش
نيرة
لا. انا هنام خفيفة احسن
ابتسمت عفاف وقالت
هجيب لك بيتزا. عارفة انك طفسة وبتحبيها
وخرجت عفاف من الاوضة وندهت علي عزيزة بنتها جم عيالها التلاته وقالت هند
ايوة يا ماما
عفاف
انتي اسمك عزيزة
هند
وهو دة اسم يتسمي بي كائن حي
عفاف
دة اسم ستك لو كانت عايشة كانت عرفتك دة اسم ولا فعل بالشبشب وهو بينزل علي دماغك
هند
ما انتي بنتها والشبشب علي طول في ايدك
ضحكت نيرة وقالت
لسة زي ما هي.
عفاف
مراة مسخوطة
نيرة
ربنا يخليهالك
عفاف بصت ل عزيزة وقالت
خشي اوضة النوم وخدي 200 ج. وانزلي هات لنا خمسة بيتزا. اللي ب 35 ج. الواحدة. وهاتي حاجة ساقعه بالباقي
نيرة
في بيتزا ب 35 ج. يا عفاف
عفاف
احنا بناكلها وبنعمل نفسينا اننا مصدقين انها بيتزأ. عجبك ولا مش عجبك
نيرة
لا. حلوة كفاية اني هاكلها معاكم
هند
هروح مع عزيزة
عفاف
روحي
مدحت
وانا كمان
عفاف
كلكم عايزين تنزلو علشان تهربوا من المذاكرة.
مدحت
انا خلصت الواجب
عفاف
طيب روح
مدحت
انما هند لسة
هند وهي بتبلس الشبشب
وانت مالك ومالي انا مخلصة الكتاب دة مرتين قبل كدة
عفاف بسخرية
ايوة انا عارفة مش دة الكتاب اللي العنكوبت معشش في
هند
انا اللي مربيا العنكوبت دة. علشان بذاكر عليه احياء.
ضحكت عفاف وزيها نيرة. وهنا عزيزة خرجت من اوضة النوم ومعها الفلوس ولبست اسدال بيتي بتنزل بي الشارع وقالت
وانا مش عايزا حد ينزل معايا
عفاف
خديهم معاكي علشان مش هنخلص من ذنهم
عزيزة
ما بيسمعوش الكلام
عفاف
هيسمعوا الكلام وهيمسكوا ايدك
وخرجوا كلهم وهنا يظهر سيد في الصاله بصت له نيرة وقالت
هو انت هنا يا سيد. طيب ما جتش سلمت عليه لية
سيد ببرود
ما سمعتش
نيرة ل عفاف
طالما سيد هنا ما كنتي خلتي هو اللي ينزل يجيب البيتزا
عفاف
اخاف ادي له ال 200 ج. يحطها في جيبة
سيد
والله انا لو طلعت حرامي تبقي انتي ما عرفتيش تربي
عفاف
ومين قال اني عرفت اربي.
سيد
بكرة تعرفي قيمة ابنك لما العب بالفلوس لعب وانتي هتفضلي زي ما انتي
عفاف
يا شيخ اتوكس. دة انت فاشل وعمري ما شوفتك فلحت في اي حاجة عملتها
سيد
قريب اوي هفلح
وراح ناحية الباب وفتحة وعفاف قالت بعصبية
ايوة انزل الحقهم واقعد حشش طول الليل وتعالي الفجر متنساش تجيب لي مصيبة زي بتاعت كل يوم
رزع الباب وهي بتقول. وكانت متعصبة اوي
جاتك القرف.
نيرة
اهدي يا عفاف مش كدة. وادعي له ربنا يهدي
عفاف
ربنا ياخده. ،،،،،،،،،،،
نزل سيد في الاسنسير لغاية الجراح وطلع المفتاح وقال
ورحمة ابويا ل وريكي يا اما مين سيد وازاي هبقي احسن الناس. بس اوصل للتابوت اللي مليان ذهب
وهنا المفتاح يبدأ يسحب سيد اللي اتصدم وفضل يبص للمفتاح وبيقول. باستغراب شديد
اية اللي بيحصل. المفتاح عمال يسحب فيا لية كدة
وفضل زي يتسحب لغاية ما وصل عند نقطة معينة ونزل علي ركبه وحط المفتاح علي الارض حصل زلزال رهيب هز المنطقة كلها زلزال قصر علي الكهرباء. وخلها تروح وتيجي والارض بدات تنشق وقف سيد وهو مرعوب من اللي بيحصل وتحت الارض ظهر التابوت. فرح سيد اوي ورغم رعبه من اللي حصل لكن صورة الذهب ما فرقتش خياله وجمد قلبه ونزل تحت الارض ووقف قدام التابوت وحط المفتاح في التابوت واتفتح التابوت علشان يظهر الكتاب الاسود. كتاب الموتي. استغرب اوي وقال
اية الكتاب دة. اكيد كتاب لي علاقة بالذهب
مسك الكتاب وفتحة وهو مستغرب اوي وبيقلب في كل صفحة من صفحات الكتاب وبيتفرج علي صور الارواح الخبيثة. ووصل عند صفحة الشياطين الخمس خاف من منظرهم ورمي الكتاب علي الارض وطلع بسرعه من الحفرة وجري ناحية الاسنسير وجرب انه يطلبه لقي الاسنسير في العاشر وبدأ يسمع اصوات خبيثة وكلها داخلة في بعضيها وضباب بدأ يظهر في الجراج خاف جدا وراح للسلم جري وطلع للشقة مع نزول الاسنسير وجوة من عفاف وكانت بتقول
خليكي انتي يا نيرة انا هنزل اطمئن علي العيال بعد الزلزال اللي حصل دة. وجاية علي طول.
سيد حاول يقول لها ما تنزلش. لكن صوته ما طلعش ووصل الاسنسير للارضي وفتحت عفاف الاسنسير علشان يهجم عليها الضباب. تصرخ عفاف والوير الخاص بالاسنسير الوير اللي بيرفع الاسنسير لفوق. يتحول الي اذرعه تشبة اذرعه العنكبوت ويبدأ يلف حوالين كل طرف من اطراف عفاف علشان تصبح مربوطة ومتعلقة في الهواء جوة الاسنسير وفجاة يتشد هذا الوير وتنكسر كل عظمة من عظام عفاف في اطرافها الاربعه. عذاب اليم. ما قدرتش تستحملة وماتت. عفاف. والاسنسير يطلع بالجثة للعاشر ويفتح باب الاسنسير ويشوف سيد منظر امه اللي ماتت موته بشعه. ويصرخ. وتخرج نيرة علي صرخة سيد. وتصرخ علي منظر اختها. وتاخدها في حضنها وتعيط.
ومرة واحدة تفتح عفاف عيونها اللي اصبحت تشبه عيون الثعابين. ووشها اصبح شاحب والعروق باينه منه. علشان يبتدي الجحيم. مع عودة الشياطين الخمس، ،،،،،،،،،،،،،
خلصت حلقة النهاردة اللي يارب تكون عجبتكم. سلام
جميله
ردحذف