الحلقة السابعة عشر
من تاليفي
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
من جوة دوار خلف يقف مفتش المباحث فاروق ومساعده جميل قدام خلف وكان خلف بيقول
ما عرفش هو فين. من وقت اللي حوصل في دوار عبد القادر وهو بيبات لحاله عند واحد صاحبه
جميل
مين صاحبه دة
خلف
ما خبرش
فاروق
اكيد انسة حياة او حنين يعرفوا مين هو
خلف
هنادم علبهم وانت اسالهم بمعرفتك يا بية
وفعلا جت حياة وحنين ووقفوا قدام منهم وسالهم فاروق وكانت الاجابة علي لسان حياة
ما قالش هو عند مين.
حنين بقلق
هو في اية يا حضرة الظابط. بتسال علي صابر زي ما تكون بتسال علي واحد هربان منيكم
فاروق
لغاية دلوقتي السؤال بتاعنا سؤال عادي لكن لو اتعاملنا مع علي انه واحد هربان هيبقي في كلام تاني
حياة
لية بس اكدة
فاروق
صابر متهم بقتل الست ونيسة
حنين اتصدمت وقالت
لا. صابر ما يعملش اكدة. انت بتقول اي كلام
فاروق
انسة حنين. بلاش تجاوز من فضلك
وبص فاروق ل حياة وقال
من فضلك اتصلي بي واطلبي منه يجي لينا المديرية بااذوق بدل ما احنا هنعرف ازاي نجيبة بطريقتنا
جميل
احنا جينا بشكل ودي ومافيهوش اي رسميات اتمني انه يقدر دة وبكون قدام مننا النهاردة مش بكرة.
ومشيوا الاثنين وبعدها بلحظات بصت حنين ل حياة وقالت
انتي السبب.
حياة اتصدمت وقالت
اني السبب في اية
حنين
في اللي عمله صابر.
خلف
حنين يا بنتي. بتقولي اية انتي
حنين
بقول اللي كلتكم لازم تعرفوا اني مصدقة الظابط وان فعلا صابر ممكن يكون قتل ونيسة علشان خاطر يلحق حياة من يدها
حياة بعصبية
كنك اتخبلتي
حنين
تنكري انه بيعشقك لدرجة ممكن تخلي يقتل علشان ينجيكي من يد ونيسة
حياة بمنتهي العصبية
اكتمي واقفلي خشمك دة
حنين
انكتم علشان بقول كلمة الحق.
حياة
انتي غبية
حنين
اني مش غبية واياكي تفتكري انك تشتميني واني هسكت لك. ولو في حد غبي يبقي انتي يا حياة
حياة
حنين انتي مالك النهاردة
حنين بجبروت مش لايق عليها
مالي. زعلانه اني بقيت قادرة زيك وبعرف ارد
ضربتها حياة بالقلم بصت لها حنين ولسة هتتوجع بصت لايدها ورفعتها لفوق رايحة حياة ناحيتها وهي بتقول
حقك عليه. ان،،،،،،،،،،
لقت حياة القلم نزل علي وشها. قلم بيقول ان حنين ما بقتش حنين. وبصت لها حنين بغل وقالت
ارفعي يدك عليه تاني واني اكسرها
وسابتها حنين ومشيت وخلف واقف وراء منهم والابتسامة اتخلقت علي وشه بصت له حياة قلب وشة للزعل وقال
حنين كنها اعصابها تعبانه. بس ازاي تمد يدها عليكي. اوعي تسكتي لها
بصت له حياة وهي متعصبة لكنها خرجت من الدوار وخلف ضحك من قلبه وقال
دة احلي يوم في حياتي النهاردة.
دخلت اصيلة علي ضحكتة وقالت
مالك بتضحك اكدة
اصيلة
فرحان واختك ما عداش سبوع علي موتها
خلف
مالك يا اصيلة هتحرمي الضحك علي ولا اية. روحي شوفي بتعملي اية. ولا اقول لك ابعتي ل بناتك يجيوا يتغدوا معانا النهاردة ويذبحوا لنا دكرين بط. حاكم اني جعان ونفسي اكل اكله دسمة
اصيلة باستغراب
دكران بط مرة واحدة. اكدة في واحد يهودي هيموت
ما ردتش عليها خلف وطلع من جيبة موبيلة اللي كان بيرن واللي كان بيتصل فتحي. رد عليه خلف وقال
ايوة يا فتحي
فتحي
ايوة يا خال. كني شورة الثعابين دي ما جيباش نتيجة والحرباية هتفضل مكملة في الدنيا
خلف
الحرباية خلاص نهايتها قربت
فتحي
اوعي يا خال تعملها وتخلص عليها انت وتشيلني العار طول عمري
خلف
مش اني اللي هخلص عليها.
فتحي
اومال مين
خلف
حنين، ،،،،،،،،،
من جوة السنترال تقعد حياة قصاد صابر ورشاد وكانت بتقول ل صابر
انت اللي عملتها صوح
صابر
خبرك اية انتي شيفاني قتال قتله
رشاد
اومال لية مفتش المباحث جة وسال عليك. وطالما سال يبقي شاكك فيك
صابر
واني بس اعرف منين.
حياة
وناوي دلوقتي علي اية
صابر
هروح لهم المديرية
رشاد
تروح لهم لغاية عندهم وبرجلك. اية مش خايف
صابر
وهخاف لية بس هو اني كنت عملت حاجة
حياة
اني برضو شايفة ان دة عين العقل. وبعد ما تخرج بالسلامة هيبقي ليا معاك كلام تاني في حكاية حنين
صابر
مالها حنين
حياة بصوت حزين
بعدين نبقي نتكلم، ،،،،،،،،
من جوة مكتب فاروق وجميل ووقت ما الاثنين كانو قاعدين بيتغدوا يسمعوا خبط علي الباب قال جميل
ادخل
دخل العسكري وقال
في حد برة اسمة صابر وعايز فاروق باشا
فاروق باهتمام شديد
خلي يدخل بسرعه
خرج العسكري ودخل صابر بص لهم وقال
عرفت انكم عايزيني
فاروق
تعالي كل الاول
صابر
تسلم يا باشا
شال جميل صنية الاكل وركنها علي جنب ومسح فاروق بوقة بمنديل مبلل. وقال
اقعد يا صابر
قعد صابر قال فاروق
طالما جت لينا برجليك تبقي عرفت احنا عايزينك في اية
صابر
عرفت وحابب اقول مش اني اللي اعمل اكدة
جميل
تحريتنا اثبتت ان ماكنتش موجود في المحل وقت ارتكاب الجريمة. وكمان في سكينة ناقصة من عدة المحل
صابر
السكينة اللي خدها موجودة في الشقة اللي اجرتها في اول البلد وممكن اروح اجيبها ليكم.
فاروق
معاك. ومصدقك ودة بالنسبة للسكينة. كنت فين بقي وقت ارتكاب الجريمة.
صابر
كنت بذبح خروف. يخص عيلة المعلم شلبي علشان خاطر فرح ابنه
فاروق
روحت من غير ما تقول ل حد في المحل
صابر
علشان المشوار كان في قرشين مش عايزهم يجو عن طريق محل الجزارة
جميل
اة. يعني طالع شغل ل حسابك في السر
صابر
بالظبط كدة ولو كان اتعرف كان المعلم صاحب المحل قطع عيشي.
فاروق
طيب ونتاكد ازاي
صابر
هتعرفوا تتاكدوا بس من غير ما حد يعرف انا محتاج الشغل علشان اصرف بي علي نفسي. زي ما انتم عارفين انا ماليش حد يصرف عليه.
جميل
مفهوم.
صابر
كدة مطلوب مني حاجة تاني
فاروق
لا. يا صابر امشي بس بلاش تغيب عن عيننا علشان لو احتجناك تاني
طلع صابر قلم وسحب ورقة من قدام فاروق وكتب عنوانه الجديد ورقم موبيلة وهو بيقول
دة عنواني ورقم موبيلي في اي وقت هتقدروا توصلو لي
فاروق بص في الورقة وقال
ولية قايل لهم انك قاعد عند واحد صاحبك
صابر
علشان ما صعبش علي حد لما يتعرف اني عايش لوحدي وانا اللي بعمل اكلي وشربي وبغسل ل نفسي
جميل
انت شخص محترم يا صابر ومثال طيب لراجل تتمني اي عيله.
صابر
ينفع امشي
فاروق
مع السلامه يا صابر
وخرج صابر من المكتب وبص فاروق ل جميل. وقال
نرجع تاني بقي لتحريتنا طالما صابر طلع برئ
جميل
قضية معقربة والخيوط فيها قليلة اوي
فاروق
تعالي ندور من بعيد. يمكن نلاقي خيط يوصلنا للقاتل
جميل
تقصد اية يا فندم
فاروق
علاقات ونيسة برة عيلتها كانت مع مين واية طبيعة العلاقات دي
جميل
شاكك انها كانت بتخون جوزها مثلا
فاروق
ما قولتش كدة. بس اعتبرني قولت
جميل
فهمتك يا فندم فهمتك، ،،،،،،،،،،،،
من دوار خلف تقف اصيلة قدام بناتها الاثنين ياسمين ونرجس وكانت ياسمين بتقول
دكرين بط. مرة واحدة. هو بوي بخير
اصيلة
ما عرفاش بس هو طلبهم علي الله ما يرجعش يبكي بعدين.
نرجس
اني خايفة علي بوي ليكون عيان
وضحكت نرجي بصت لها اصيلة وقالت
اتحشمي يا مقصوفة الرقبة وادخلي العشة انتي واختك اذبحوا الدكرين عقبال ما سخن مية علشان انظهم
ودخلو البنتين العشة وبصو ناحية البط وقالت ياسمين وهي بتشاور علي دكر منهم
انتي تروحي تيجي دة واني هروح اجيب اللي في اخر العشة دة
وفعلا راحت ياسمين ل اخر العشة ولسة بتمسك دكر البط ظهر الثعبان الاسود ومن غير ما تشوفه لدعها في رجليها صرخت ياسمين وبصت علي رجليها اللي الدم بينزل منها راحت لها نرجس وهي بتقول
مالك يا ياسمين
ياسمين بدا جسمها كله يترعش ووشها احمر وبدات رغاوي بيضاء تنزل من بوقها اتصدمت نرجس ولسة هتصرخ شافت الثعبان الاسود لسة هتهرب لدغها هي كمان. صرخت نرجس وقالت
الحقيني يا اما. ثعبان لدغني انا واخ،،،،،،،،
وبدات نفس الاعراض تظهر علي نرجس علشان تقع جنب اختها ويتعذبوا الاختين لغاية ما تخرج روحهم لخالقهم وتدخل عليهم اصيلة بعد ما يهرب الثعبان الاسود من العشة. وتصرخ لما تشوف منظرهم، ،،،،،،،،،،،،،،،،
استنوني بكرة باذن الله والحلقة الاخيرة من الموسم الاول.
خلصت حلقة النهاردة اللي يارب تكون عجبتكم. سلام
روعه
ردحذفجميله جدا يا منص. برافو عليك 👏👏👏👏👏
ردحذفروووعه حقيقي
ردحذفحلوه اوي اوي
ردحذفحلوة اوى اوى
ردحذفحلوه جدا
ردحذف