★حكاية حياة★
الحلقة السادسة عشر
من تاليفي
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
وراحت حنين ناحية شنطتها وفتحت الشنطة ومديت ايدها تطلع هدوم ليها. صرخت ومسكت ايدها اللي كانت بتجيب دم. وقامت حياة وراحت تطمئن علي اختها وهي بتقول بلهفة
اية اللي حوصل
حنين
الحتة المقطومة في السوستة عاملة زي الدبوس كل ما انسي مكانها في الشنطة واجي اجيب هدوم من الشنطة تعور صباعي
حياة وهي بتبص علي الدم اللي نازل من ايد اختها
طيب تعالي نحط يدك تحت الحنفية علشان الدم دة يقف
وراحت حياة مع حنين ناحية الحمام وحنين بتقول
اني لازم اغير الشنطة دي
حياة
هنغيرها حاضر
وخرجوا من الاوضة وسابو الشنطة مفتوحة وخرج من الشنطة تلت ثعابين سود وبدأت الثعبانين يزحفوا فوق السرير ونزلو علي الارض ،،،،،،،،،
في نفس الوقت كان فتحي بيكلم خلف في الموبيل وبيقول
ايوة يا خال. عملت اللي انت قولتي عليه
خلف
اكدة تبقي راجل ودم امك ما يروحش هدر. واني عايز ابشرك اني سمعت حد منيهم صرخ يارب تكون حياة
فتحي
هي الثعباين بتحب تاكل الحرباية. وهي حرباية وتستاهل كيف ما كانت امي بتقول ،،،،،،،،،،،
ونرجع بالاحداث لكام يوم وراء في نفس اليوم اللي اذبحت في ونيسة وفتحي كان قاعد حزين. وبيبكي مش مصدق اللي حصل ل امه اللي كان بيحبها اوي ومابحبهاش ازاي وهي كانت بدلعه ديما واي حاجة بيطلبها بتكون تحت رجله. بص خلف ل فتحي اللي بيبكي وقال
ولم انت تبكي اخواتك البنات يعملو اية
بص له فتحي وقال
مش مصدق ان امي ماتت اكدة
خلف
لا. صدق حياة تعمل اللي اكتر من اكدة دي كانت هتولع في دواري واني جوة منه ومعايا عيالي مستني اية من واحدة سو زي دي
فتحي باستغراب
بس اني مش مصدق ان حياة تقتل
خلف
هيكون مين يعني حنين
فتحي
حنين اطيب خلق تعرف تقتل. كيف دة
خلف
يبقي حياة. ومتبقاش طيب وغبي كيف ابوك عبد القادر
ولو انت مش هتاخد تار امك من اللي عملت اكدة اني هاخده بس هيبقي العار صابك
فتحي اللي اتصدم من كلام خلف الكلام اللي الشيطان نفسه ما وسوس بي ل. فتحي وقال
مالك يا خال اول مرة اشوفك اكدة. دة انت كنت خلاص نسيت حياة وحنين ورفعت يدك عنيهم دة اني حتي استغربت وقولت كيف خالي خلف يبقي لين معاهم اكدة وبالذات مع حياة بعد اللي عملته
خلف
جري اية في مخك انت. ازاي تفتكر ان كبير عيلة السوهاجي يقبل ان عيلة من دور عياله تفرج عليه خلقه ويسكت اني كنت مرقد لها لغاية ما يجي الوقت المناسب واخد مني حقي واهو جة الوقت اللي حياة تدفع في الحساب القديم والجديد. بس اني عارفك خيخة. مش هتقدر تقتلها بيدك وشكلي بضيع وقتي معاك علشان اكدة اني اللي هقتلها واخد تار اختي قبل ما تبات اول ليلة ليها في القبر
فتحي
كنك يا خال ما شايفنيش راجل
خلف
امك دلعتك يا فتحي وطلعتك كيف البنات ما تعرفش بعني اية تار.
فتحي اضايق وقال
لا. يا خال. اني راجل واعرف ازاي اخد تاري
خلف
بالعقل اني مش عايزك تدخل في واحدة كيف حياة السجن ساعه
فتحي
طيب اعملها ازاي دي
خلف
تخلص عليها من غير ما تلمسها.
فتحي
كيف يعني
خلف
كنت بتفرج علي التيلفزيون انا ووالدي محمود وجة فيديو عن ثعبان اسود لدغته ما فيهش بعديها الي القبر لو عرفت تجيب تلت ثعابين من دول ودسهم ل حياة وسط هدومها يبقي ربنا ياخدها ونرتاح منيها
فتحي
احطهم في دولابها يعني
خلف
لا. يا غشيم في شنطة السفر اللي عنديهم
فتحي
وهما لية هيجوا هدومهم في الشنطة
خلف
علشان انت هتخلي فاطمة واخواتك البنات يتخانقوا معهم ويطردوهم واني استقبلهم عندي واشوفها وهي بتموت قدام عيني. يمكن بعد الفرجة دي اشفي غليلي، ،،،،،،،
ونرجع تاني ل دوار خلف وخلف بيقول ل فتحي
اقفل بقي انت دلوقتي واني هروح اشوفها وهي بطلع في الروح،
وانهي خلف المكالمة وخرج بسرعه من اوضة لقي اصيلة بتربط صباع حنين المتعور اتصدم واستغرب. لما شاف حياة واقفة علي رجلبها كويسة وقال
هو مين اللي كان بيصرخ
حياة
اطمئن يا عمي بسيطة حنين هي اللي مزودها شوية
حنين
ما انتي ما تعرفيش السن دة بيوجع ازاي لما دخل في صباعي
خلف
سن. اية. اني مش فاهم حاجة
حياة حكت له اللي حصل اضايق خلف وبدأ يداري اللي في قلبه وقال
لا. بسيطة. وتعيشي يا حنين وتاخدي غيرها. اما ادخل اكمل نومي
ودخل خلف اوضة وهو متعصب وقعد علي السرير وكان هيموت من كتر الغل، ،،،،،،،،،،،،،
وتعدي الليلة والثعابين ما كنش ليها اي اثر في الدوار ويجي صابر تاني يوم الصبح علشان يطمئن علي حياة وحنين طلبت حياة من حنين انها تسيبها لوحديها مع صابر وبصت حياة ل صابر وقالت
احنا دلوقتي كبرنا ومبقناش العيال الصغيرة بتوع زمان. وحب المراهقة اللي كان بينا المفروض انه راح
صاير
عندك ولا عندي
حياة
عندنا احنا الاثنين
صابر
حياة افتكر انك تحكمي علي قلبك دة شئ يخصك انما قلبي انا دة شئ يخصني حكمتي علي الحب بتاعنا انه يموت من ناحيتك وانتي حرة. لكن انا لا.
حياة
وحنين
صابر
حنين اختي. ومش عارف اشوفها غير كدة
حياة
خلاص سيبها يا صابر
صابر
ما تقلقيش دة اللي هيحصل وهي طلبتها وانا اتمني لها تعيش حياتها مع حد بيحبها وتحبه. زي ما انتي لقيتي الحب. مع خطيبك رشاد
حياة
انت لية مصعبة اوي أكدة. هي للدرجة دي حنين مش حلوة
صابر
حنين مش حياة. عرفتي بقي هي صعبة. انا اطمئنت عليكم ويخلص حوار ونيسة. وهبدأ اجهز ورقي علشان مسافر
حياة باستغراب
مسافر. رايح فين
صابر
شوفت شغل في السعودية
حياة
ولية تتغرب المطاعم محتاجة ل مدير زيك
صابر
وانا مش حابب افضل قريب. محتاج ابعد. يمكن ارتاح.
حياة
واني ما عيزاش اخوي يبعد
صابر
واني مش اخوكي. سلام مؤقت
ومشي صابر وهنا تظهر حنين وتقف قدام حياة وتقول بنبرة صوت حزينه
انتي بقي الحب الضائع
حياة
حنين انتي فهمه. غلط
حنين
كنت فهمه غلط. لكن دلوقتي اني سمعت وفهمت صوح
حياة
حنين افهم،،،،،
حنين قاطعتها وقالت
اني ما عشقتش صابر. علشان ازعل انه بيعشقك بس اني اكدة فهمت وعرفت هو لية ما بيعشقنيش. ومعه حق يعشق كيف اخت اللي بيعشقها. صعبان عليه صابر عارف انك مش لي وبرضيك عايش ليكي
حياة
بالله عليكي يا حنين ماعيزاش كلام دلوقتي وحديد ماسخ
سابت حنين حياة. ودخلت الدوار وحياة طلعت موبيلها واتصلت ب رشاد لقيت موبيلة مقفول اتعصبت وقالت
ودة وقته يا رشاد انت ما تعرفش اني محتاجة اتكلم معاك كيف، ،،،،،،،،،
من جوة الاوضة كانت حنين قاعدة بتعيط وبتبص في المرايا وبتقول ل صورتها اللي في المرايا
بتبكي لية دلوقتي. مش قولتي انك ما بتعشقيهوش
ردت حنين علي حنين وقالت
اني كذابة وانتي عارفة. اني ما عرفتش غيرة علشان اعرف اختار ان كنت اعشقة ولا. لا
حنين اللي في المرايا
وهو بيعشق اختك. هتفضلي تعشقي
حنين وهي مفحومة من العياط
واني لا. لية. ما اني شبها حلوة زيها لية ما بيعشقنيش
حنين التانية
هو اكدة للقلب احكام
حنين
لا. اني عبيطة وطيبة زيادة عن اللزوم لكن هي شديدة شخصيتها قوية بتعرف تجذب اي حد ليها لكن اني لا. وعلشان اكدة هكون زي حياة شخصيتي قويه
حنين التانية
مش هتعرفي
حنين
هعرف وهثبت لك.
ومسحت حنين دموعها بايديها علي دخلة حياة عليها اللي شافت حالتها فقالت
انتي كنتي بتعيطي ولا اية
حنين
واعيط لية.
حاولت حياة تاخدها في حضنها لكن حنين قامت وراحت بعيد عنها
هروح ادخل الحمام
بصت لها حياة وحست ان حنين مش عايزها تاخدها في حضنها فقالت
الله يسامحك يا صابر عقدها ،،،،،،،،،،،،،،
من جوة مكتب مفتش المباحث يقعد فاروق مع جميل وكان فاروق بيقول
انت بتقول اية يا جميل
جميل
صابر. اخر سنة لي في الكلية كان شغال في محل جزارة وما كنش معرف حد. بتاع ابوة زميلة في الكلية والسكين المستخدم من سكاكين المحل
فاروق
السكين مش دليل ادانه لواحدة لان في مئات السكاكين نفس الشكل.
جميل
تمام سيدك طيب لو فين سكينه ناقصة من المحل لغاية دلوقتي
فاروق
تقصد انها السكينة اللي عندنا في المعمل الجنائي
جميل
عند حضرتك تفسير تاني
فاروق
بس صابر انسان متعلم ومايختلفش عليه اثنين ازاي يقتل وبالوحشية دي. دة لو اعتبارنا انه هو اللي عمل كدة
جميل
طيب مين غيرة يا فندم ينطبق عليه كل الادلة. عايش في البيت وعارف ان المطبخ بيطل علي حتة ارض فاضية. وان جنب باب المطبخ كوبس الكهرباء وكمان شغال في محل جزارة من سنة وبيذبح يعني ماسكت السكينة شغلته. وكمان ما كنش في المحل وقت ارتكاب الجريمة
فاروق فكر لكام ثانية وبعدها قال
طلع امر من النيابة بالقبض علي صابر بتهمة قتل ونيسة ،،،،،،،،،،،،،،
خلصت حلقة النهاردة اللي يارب تكون عجبتكم. سلام
روعه
ردحذفهتضيع مستقبل الواد ليه خلي اخوها هو اللي موتها بلاش الولد الصغير تحياتي لك وللاسلوبك المتميز
ردحذفبلاش صابر
ردحذف