★حكاية حياة★
الحلقة الخامسة عشر
من تاليفي
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★مسكت حياة رقبت ونيسة وبدات هي كمان تخنقها وحنين بتحاول وبتصرخ يمكن حد يجي يسلك بين الاثنين ومع زق الاثنين ل بعض يخبطوا في اكتر من حيطة. وفجاة النور يتقطع. ويصبح الدوار ظلمة كحل ومع صرخات حنين. يسمع في الدوار صرخة ونيسة وحشرجة صوتها وكانها بتنازع وحنين بتقول
حياة في اية
حياة
ما عرفش. روحي ولعي النور خلينا نشوف اية اللي بيحصل
وبدات حنين تتحس خطواتها وسط الظلمة المرعبة لغاية ما وصلت ل كوبس النور ورفعته علشان النور يرجع ويلاقو علي الارض ونيسة مذبوحة وجنب منها سكينة غرقانه دم. صرخوا البنتين.،،،،،،،،
وبعدها بكام ساعة تيجي الحكومة متمثلا في ظابط مباحث يدعي. فاروق. ومساعده جميل. و البحث الجنائي. وغيره وغيرة. وكل دة بيحصل وحياة وحنين في احدي الاوض ومعهم خلف وصابر ومحمود وعبد القادر وكانت حياة وحنين مصدومين مش مصدقين ان دة حصل
وخلف بيقول
اني هتجنن ازاي دة يحصل وفي وسط النهار اكدة. يا حياة
قولي الحق لو انتي اللي عملتي اكدة. خلينا نشوف لها حل قبل الحكومة ما تعرف
حياة بانهيار شديد
والله ما اني.
خلف
الدوار كان فاضي ما كانش في غيرك انتي واختك و ونيسة يبقي مين بس.
وبص خلف ل حنين وقال
انتي يا حنين اللي عملتي اكدة علشان كنتي خايفة علي اختك
حنين خافت بس من مجرد الجملة وقالت
اني لا. ورب الكعبة اني ما عملت حاجة
صابر
يا عم خلف. بكفياكي بقي تحقيق وقدر الحاله اللي هما فيها
خلف
اني خايف عليهم وعايز لو واحدة منيهم عملت اكدة تعرفني واني هتصرف
في الوقت دة يسمعوا صوت خبط علي باب الاوضة وصوت عسكري بيقول
حضرة المفتش عايز جوز الست ونيسة
بصوا ناحية عبد القادر كلهم اللي قام وقف وفتح الباب وخرج من الاوضة.،،،،،،،،،
ومن وسط الدوار يقعد مفتش المباحث فاروق ومساعدة جميل وقدام منهم عبد القادر. وفاروق قال
كنت فين وقت حصول الجريمة
عبد القادر اللي كان باين عليه الصدمة
كنت في الشغل
فاروق
انت شغال فين
عبد القادر
اني شغال نجار مسلح علي باب الله
جميل
تفتكر اللي بين حياة ومراتك ونيسة يوصل حياة لانها تذبح مراتك
عبد القادر بانكار شديد
لا. ما يحصلش ابدا دة اني اللي مربي حياة وحنين اختها وهي صحيح حياة شديدة وكان بينها وبين ونيسة مشاكل كتير. لكن برضيك ما يوصلش بيها الحال لانها تقتل دة برضيك عمتها
فاروق
بس لما سالنا حنين قالت انهم كانو ماسكين في خناق بعض قبل ما النور ينطفي
عبد القادر
برضيك مهما حصل ما يوصلش للقتل
جميل
طيب. قوم انت دلوقتي،،،،
وفضلت التحريات والتحقيقات شغاله يمكن الظابط يوصل ل دليل يعرفنا مين اللي عمل كدة. لكن انا افتكرت حاجة مهمة اوي وان السكينة اللي كانت جنب ونيسة سكينة مش موجود زيها في المطبخ عندنا طلبت قابل مفتش المباحث وقولت له علي الملوحظة دي فراح ناحية السكينة اللي اتقتلت بيها ونيسة وراح ناحية المطبخ وفتح كل ادراج المطبخ الموجود في الدوار وبص فاروق ل جميل وقال
حياة طلع معها حق. ودة معني ان المجرم دخل البيت وهو معه السلاح اللي هيقتل بي ونيسة
جميل
تقصد يا فندم انه كان مخطط ل جريمتة ودخل البيت وهو عارف ان مافيش حد مع ونيسة في الميعاد دة بنات ونيسة كل واحدة في بيت جوزها وفتحي في الشغل وعبد القادر في الشغل.
كمل فاروق
شاف خناقة حياة مع ونيسة استغل المشهد نزل سكينة الكهرباء. خلها ظلمة كحل وصل ل ونيسة من ظهرها ذبحها وقبل ما النور ينور كان هرب
جميل
تفسير منطقي. بس مين هو الشخص دة
فاروق
هات لي حياة، ،،،،،،،،
ومن نفس المكان اللي تمت فيها الخناقة كانت واقفة حياة ومعها حنين وفاروق بيقول
عايزك تمثلي بالظبط الخناقة اللي حصلت بينك وبين ونيسة واخر نقطة انتو وقفتوا عندها في الخناقة
مسكت حياة رقبه حنين كانها ونيسة وفضلت تمثل هي وحنين الخناقة لغاية ما وصلو عند النقطة اللي عندها انطفي النور وانذبحت ونيسة. وبتركيز شديد بص الظابط للنقطة دي وشاف ستارة المطبخ عليها بقعه دم صغيرة وكان القاتل مسكها ودخل المطبخ علشان يهرب من الشباك اللي في. قال جميل
كدة المجرم دخل من شباك المطبخ وشاف باللي بيحصل من القطع الموجود في الستارة
فاروق
واستغل ان كوبس الكهرباء جنب باب المطبخ علي طول اول ما قربوا الاثنين من المطبخ. نزل سكينة الكهرباء وكان ظهر ونيسة لي ذبحها ودخل المطبخ تاني ونط من الشباك
جميل
وعادي كدة يدخل من شباك المطبخ ويخرج من غير ما حد يشوفه
حياة
شباك المطبخ بيطل علي حتة فاضية مش مبنية وفي ظهر بيت جارتنا ام رامي.
فاروق
يعني سهل يخش ويخرج من غير ما حد يشوفو
جميل
علشان كدة ما فيش اي اثر ل كسر في الباب
فاروق
كدة اللي عملها واحد من البيت طالما يقدر يعرف التفاصيل دي كلها
جميل
مش شرط يا فندم لية ما يكنش حد جة هنا مرة وشاف كل التفاصيل دي. ويوم ما قرر ينفذ جريمتة استغل ان شباك المطبخ ديما مفتوح وان ونيسة في الوقت دة لوحدها
فاروق
لو حد من برة البيت يبقي مين هو. ،،،،،،،،،،
وبعدها بكام ساعه يقعد فتحي. مع عبد القادر وكان فتحي بيقول. بمنتهي الشر
اني ماليش صالح باللي بتقولو الحكومة. اني هاخد تار امي منيهم
عبد القادر
انت باين عليك اتخبلت. تار اية يا حزين اللي تاخدوا من ولايا. وازاي اصلا تصدق ان حياة وحنين ممكن يقتلو امك
فتحي وهو زي المجنون
ما حدش كان موجود في الدوار غيرهم. انتي اية عايز تسيب دم امي يروح هدر
عبد القادر
وربي وما اعبد لو ما سكتش يا مخبل انت لكون كاتم نفسك بيدي
في الوقت دة يفتح باب الاوضة ويدخلو بنات ونيسة التلاته وتقول فاطمة
عايز تكتم نفسه لية. يا بوي علشان عايز يجيب حق امنا اللي اذبحت كيف البهيمة
عبد القادر
حتي انتي يا فاطمة بتخرفي زي خوكي. هي حياة ولا اختها يقدروا يذبحوا فروجة لما يذبحوا امكم
فاطمة
حنين ما تعملهاش لكن القادرة التانية تعملها
عبد القادر بعصبية
ما حدش منيهم عملها. واكتموا بقي
فاطمة
انتي لية بدافع عنيهم اكدة. هما ولاد الحرام دول اغلي عنديك من امنا
عبد القادر
ونيسة رضعتك الشر. اسمعيني يا بنتي دة الحكومة اللي هي الحكومة قالت ان في حد دخل من شباك المطبخ ذبح امكم وهرب
فتحي بعصبية
تاني هتعيد الكلام الماسخ اللي بتقولو الحكومة. واللي اني ماليش صالح بي
عبد القادر بعصبية شديدة
اومال ليك صالح باية. بمخك اللي كيف مخ النملة. جري لكم اية. هندور. وندور القتل في بعضينا. اكدة مش صوح
فتحي
اسمع يا بوي اني جيت اعرفك علشان انت بوي وكنت فاكر انك هتساعدنا ناخد بتار امنا. لكن باين اني كنت غلطان.
عبد القادر
اسمعني كويس يا فتحي
وبص لبناته التلاته وقال
اسمعوني كلتكم لو حد فيكم مس شعرة من حياة او اختها ليكون نهايته علي يدي. وبكفيانا شر بقي
وسابهم وخرج من الاوضة وبصوا الاربعة ل بعض وقالت فاطمة.
هتسكت
فتحي
اسكت كيف هي ونيسة ما خلفتش راجل يجيب حقها
فاطمة
اكدة تبقي خوي. ناوي علي اية
فتحي
هقتلها بس مش بيدي. وبعد ما تموت هذبحها كيف ما ذبحت امي
فاطمة
ما فهماش
فتحي
عدي الليلة وبكرة هتفهمي، ،،،،،،،،،،
وتاني يوم وبعد المغرب ومن جوة مكتب فاروق يقف قدام فاروق وجميل عبد القادر. وكان بيقول
ايوة قتلتها علشان احمي حياة من ظلمها
بص فاروق ل جميل ورجع بص ل عبد القادر وقال
بس انا اللي عرفته من تحرياتي ان البنتين دول من زمان وهما في ظلم وقهر دة حتي مرة حياة قررت تولع في دوار خلف. بسبب الوصاية. اشمعني بقي بعد كل السنين دي قررت انك تقتل مراتك علشان تحمي حياة
ارتبك عبد القادر وفضل يقول
اصل. اصل. ،،،،،،،
جميل
عم عبد القادر انت راجل طيب. وبرضو تحريتنا بتقول انك ما تعملش كدة وكمان تقرير الطب الشرعي طلع واثبت ان المجرم اللي ذبح مراتك متمرس في مسك السكين وعارف هو هيذبح ازاي وهيقطع اني شريان علشان يتصفي دم مراتك نهائي. يعني مش ضربة عشوائي. المجرم بيذبح كتير مش بعيد يكون جزار
عبد القادر باستغراب
جزار. وونيسة تعرف جزار منين
فاروق
التحريات شغاله. ما تقلقش قريب هنوصل باذن الله. قولي بقي جيت لية تعترف علي نفسك باطل
عبد القادر وهو بيعيط قال
خايف من اللي هيعملو ولادي في البنتين الغلابه دول. اللي ما شافوش يوم حلو
فاروق باهتمام
هو ولادك ناوي يعملو فيهم اية
عبد القادر
هياخدوا بالتار منيهم
جميل
دول اكيد اتجننوا رسمي
فاروق قام وقف وقال
حضر يا جميل قوة من القسم وبسرعه علي بيت عبد القادر،،،،،،،،،،،
ومن جوة دوار عبد القادر يقعد فتحي وحوالين منه اخواته البنات وقت ما دخل عبد القادر ومعه فاروق وجميل وكام عسكري وقف فتحي وقال
خبر اية
فاروق
اقبض عليه يا عسكري
العسكري وهو بيقبض علي فتحي.
هو اني عملت اية.
فتحي بص ل ابوه وقال
بتبلغ عني علشان تحميهم. بتودي ابنك في داهية علشان خاطر ولاد الحرام اللي قتلو مرتك
عبد القادر
اني بحميك من نفسك
فتحي بحدة
بس مش عايز كلام
وراح فتحي ناحية فاطمة وقال
فين حياة وحنين
فاطمة بجبروت
لميت لهم شنطتهم وطردتهم
عبد القادر
عملتي اكدة لية
فاطمة
اكدة احسن ما كنت قتلتهم
فاروق
انتي ست وانا مش عايز اتخد معاكي اجراء يزعلك
فاطمة
اللي يزعلني صوح انكم تسيبوا اللي قتلت وذبحت وتمسكوا ولادها
جميل
لا حياة ولا اختها عملو كدة
فاطمة
دة كلامكم انتو لكن اني لية كلام تاني
فاروق
ما ضيعش وقتك معها
وبص فاروق ل عبد القادر وقال
معاك رقم موبيل حياة او حنين نتصل نعرف هما فين
عبد القادر
اني هتصل بيهم
وطلع الموبيل بتاعه واتصل بيهم ورديت حياة
ايوة يا عم عبد القادر
عبد القادر بلهفة
انتي بخير يا بنتي
حياة
اني بخير وما تقلقش علينا احنا وصلنا دوار عمي خلف
خد فاروق الموبيل من عبد القادر
انسة حياة انتي او اختك حد مسكم بسوء
حياة
مين معايا
فاروق
انا مفتش المباحث فاروق
حياة
احنا بخير اطمئن
فاروق
عموما انا هبعد لكم قوة من القسم تكون في حمايتكم
حياة
ملهوش لزوم والله احنا بخير
فاروق
معلش دة اجراء بحميكي بي.
وادي الموبيل تاني ل عبد القادر اللي قال
سامحيني يا بنتي علي اللي عملو ولادي فيكم
حياة
اني مقدرة اللي هما في ودة حقهم. ومش زعلانه، منيهم
وانهي المكالمة. وفتحي قال
خلاص اطمنتوا عليها. هيفضل العسكري ماسك يدي اكدة
فاروق
سيبوا. يا عسكري. بس اسمعني كويس يا فتحي لو حصل حاجة ل حياة او حنين انا مش هسييك لا انت ولا اخواتك البنات
فتحي
نورت يا بية
فاروق خد الرجاله بتوعه ومشيوا وعبد القادر بص لولادة وقال
ربنا يكفيكم شر نفسكم
وسابهم ومشي وفتحي بص له باستهزاء وراح قعد جنب اخواته وقال
عرفتوا لية ما كنش ينفع اخلص عليهم بيدي. علشان كان قلبي حاسس ان ابونا خايب وممكن يعمل اكدة
فاطمة
علشان اكدة حطيت لهم الثعابين السوداء في شنطهم وسط هدومهم.
فتحي
الثعبان دة لدغة منه والقبر. وبعد ما يدفنوا الرمة. اطلعها واذبحها وارمي راسها لكلاب السكك
اخت فتحي التانية
كانك مغلول منها
فتحي
اصلها فوق حساب امي بتدفع حساب قديم
وبص لايدة وافتكر لما حياة دلقت عليها المية السخنة، ،،،
في نفس الوقت كانت اصيلة بتوصل حياة وحنين لاوضة الينات اللي فضيت بعد جوازهم ودخلت حياة وحنين وقعدوا علي السرير وجنب منهم شنطهم وقالت حنين
صابر ما قلكيش هيبات فين
حياة
قال عند واحد صحبة
حنين
حياة اني ما عايزاش صابر يتجوزني
حياة
لية يا حنين بس
حنين
محساش انه بيعشقني واني ما عايزاش اتجوز وخلاص
حياة
طيب نامي دلوقتي وبعدين نبقي نتكلم.
حنين
اني صوح محتاجة انام
وراحت حنين ناحية شنطتها وفتحت الشنطة ومديت ايدها تطلع هدوم ليها. صرخت ومسكت ايدها اللي كانت بتجيب دم. و،،،،،،،،،،،،،،،،
اشوفكم يوم السبت باذن الله والحلقة الحديدة
خلصت حلقة النهاردة اللي يارب تكون عجبتكم. سلام
جميلة جدا جدا جدا جدا جدا جدا
ردحذفروعه بجد
ردحذفجميله
ردحذف