★حكاية حياة★
الحلقة الرابعة عشر
من تاليفي
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★حياة
اني ما عيزاش اي حاجة غير انك تبعد عني انت وونيسة
خلف
ليكي اللي طلبتي. ومن بكرة هروح المحكمة وقول لهم اني ما عيز اكون واصي عليكم
حياة
وسنترال رشاد يتصلح من جديد علي حسابك
خلف
هيحصل ولو عايز سنترال اكبر من دة وفي منطقة احسن من دي. هجيب له
ابتسمت حياة وظهر في عيونها الجنان وقالت
بس اني بقي شايفة اني الموت احسن لينا كلتنا.
ورمت الولاعه علي الارض. وغمض خلف عيونه وونيسة عملت زية وكلهم استنوا النار تاكل البيت باللي في لكنهم سمعوا صوت حياة بتضحك. وبتضحك اوي فتح خلف عيونه وبص ناحيتها لقي الولاعه علي الارض لكن ما فيش اي حريقة. استغرب ومع استغرابه قالت حياة
الجركن كان في مية مش بنزين.
غضب خلف بشدة وقال
بتلعبي بينا يا بنت صالح
حياة بمنتهي العصبية
المرة دي اني ولعت في كام ستارة لكن المرة الجاية هولع في الدار كلتها. احسن ليك تنفذ اللي قولته من شوية وتبقي راجل قد كلمتك لو عايز تعيش
وبصت ل ونيسة وقالت
الكلام اللي قولته ل خلف اعتبري ليكي انتي كمان يا ونيسة اني زيكم. الاجرام بيجري في دمي. تربيتكم العفشة. جابت نتيجة
وبصت ل محمود واخواته وقالت
حقكم عليه. ما كنتش قاصدة ارعبكم انتم.
وراحت ناحية الدوار وفتحت الباب علشان تلاقي حنين مفحومة مع العياط عليها واترمت في حضنها وفضلت تعيط وهي بتقول
ما كنتش هسامحك لو كنتي عملتي حاجة عفشة في نفسك
حياة طبطبت عليها وقالت
لسة ما وصلش بيا الحال. لدرجة اني اموت كافرة. يلا بينا نمشي من اهنا محتاجة اشم هواء نظيف.
ومشيوا الاختين وخلف قعد علي الارض بياخد نفسه بصعوبه بعد الخضة اللي اتخضها وكان عمال يبص ل ونيسة اللي وشها اصفر لمونة، ،.،،.،.،.،
ومع طلوع النهار تيجي اصيلة للدوار بعد اللي عرفته وتطمئن علي ولادها وتتجاهل تماما ونيسة وخلف ومحمود كان بيطمئنها مع صوت خلف
وما عيزاش تتطمئني عليه. دة انتي فايته الدوار بقالك كام يوم. اية يا اصيلة هان عليكي خلف
ونيسة
تلاقيها زعلانه ان حياة ما ولعتش فينا صوح
اصيلة
دول عمرك يا ونيسة فاكرة الناس كلتها زيك. بيتمنوا الشر ل بعض وبس.
ونيسة
اصيلة اني اكتر واحدة عرفاكي زين وتلاقيكي انتي اللي سيبتي باب الزريبة مفتوح علشان تدخل حياة للدوار بسهوله وتعمل عملتها. مش اكدة
أصيلة
انتي اية محرات شر. اني اتخبلت علشان اساعد حياة في انها تولع في بيتي وعيالي وجوزي جوة مني
ونيسة
كانت هتولع فيا اني وخلف وبس. خلف اللي انتي فضحتي قدام حياة وقولت لها علي بيعه ل مطعم اسيوط
خلف
بكفياكي بقي يا ونيسة. اني ما عيزاش اتكلم في اللي حوصل
اصيلة
اللي حوصل هو اللي وصلكم ليوم تيجي في بنت اخوكم وتبقي عايزا تولع فيكم. ارحموهم بقي
ونيسة
هو احنا كنا عملنا فيهم اية.
خلف
لا. عملنا كتير يا ونيسة. عملنا عمايل عفشة ما يعملهاش اليهود في بعضيهم
ونيسة
يعني اية. ناوي تسلم ل حياة وترفع الراية البيضاء وتشمتها فينا.
خلف
اني شوفت الموت بعينيه. وحياة المرة دي حاشت نفسيها عنينا. لكن المرة الجاية. هتعملها صوح
ونيسة
ما فيش مرة جاية علشان الصوح انك تروح المركز وتبلغ فيها والحكومة تجيب لنا حقنا منيها
خلف
اني هخرج من الدوار دة علي رجلي. للمحكمة عدل وهتنازل عن الوصاية الشؤم دي
ونيسة
واكدة تبقي راجل
خلف بعصبية
اكدة هعيش. واني مش خايف. اكدة هعرف انام. اكدة مش هيصحي مرتي وولادي في يوم يلاقوني ميت.
اصيلة
عين العقل يا خلف. عين العقل.
خلف
خلاص يا اصيلة تحرم علينا لقمة حرام تاني تخش بيتنا
بس ما تسبناش يا اصيلة وتمشي
اصيلة
طالما الحرام هيكون بعيد عنينا. اني معاك لاخر العمر يا خلف
ونيسة وقفت وقالت
والله. اكدة تمام ربنا يهينكم
خلف
رايحة فين يا ونيسة
ونيسة
راجعه بيتي.
خلف
بالله عليكي سيبيهم في حالهم. اني عرفك شيطانك سايقك
ونيسة
مالكش صالح بيا. ومبروك عليك مراتك اللي رجعت حضنك
لكن اني ما هسبش بنت صالح تديني علي قفاية واسكت
وخرجت ونيسة من الدوار والكل بيبص عليها واصيلة بتقول
محراب شر. ربنا يستر علي البنات منيها
اتقال الكلام دة وسط نظرات محمود اللي كان مركز اوي في كل اللي اتقال، ،،،،،،،،،،،
في نفس الوقت ومن جوة دوار عبد القادر كانت حياة وصابر عمالين يضحكوا وحنين بتبص ل صابر وتقول
يعني كل دة كانت تمثلية منيكم. واللي ساعدكم فيها محمود ولد عمي خلف. وكمان هو اللي فتح باب الزريبة ودخل حياة
صاير
هو انا يعني كنت ممكن اسيب حياة تولع في نفسيها ولا فيهم حتي. دة فيها اعدام
حياة
وهما زودوها وكان لازم يقفوا عند حدهم. وقصاد الموت الظالم بيراجع حساباته
حنين
وما حدش فيكم يعرفني لية
حياة
علشان كنتي هتقولي لا.
حنين
ما اني لازم اقول لا. اكدة غلط
حياة
اني ما فيقاش ومش هدخل معاكي في مناظرة نشوف فيها مين صوح ومين غلط. بس اني مش هسكت لهم تاني واللي عايز يقرب مني يا مرحب بي.
حنين
بلاش يا حياة. كلتها كام سنة ونتم ال 21 سنة. ونبقي حرين في تصرفتنا
حياة
لو ما عملوش لينا ول رد فعلنا اي حساب هيدوسو علينا باوسخ جذمة عنديهم. الطيب لو ما عندوش انياب بيتاخد في رجلين الباطل. والناس تزعل عليه شوية ويقولو يا حرام وبعديها يتنسي. ويكبر الباطل علي ضعف الطيب.
وهنا يرن موبيل حياة واللي بيتصل كان محمود رديت وحكي لها محمود علي كل اللي قالته ونيسة واللي قاله خلف خلص محمود وقفل قالت حياة
خلف جاب وراء. وخاف من الموت لكن ونيسة مكملة الحكاية
صابر
هي اية ما بتتهدش
حياة
اني هعرف اراي اهدها
حنين
ورحمة ابوكي وامك بكفاية خناقات. وادي عمتي نصيبها في الورث لو دة يرضيها
حياة
انتي فاكرة ان ونيسة ترضي بنصيبها وبس. ونيسة عايزا كل اللي حيلتنا
حنين
لا. اني متاكدة انها لو خدت نصيبها هترضي وتحل عنينا
حياة
ولو حوصل العكس
حنين
اعملي وقتها اللي انتي عايزا
حياة
اني هسمع كلامك وهسال شيخ نصيبها. يطلع كام من ورثنا وهخلي طمع ونيسة يرد علي قلبك طيب، ،،،،،،،،،،
وفي نفس اليوم وبعد العصر كانت. حياة واقفة مع رشاد في السنترال ومعها عمها خلف اللي واقف مع كام صنيعي بيركبوا ازاز جديد بدل اتكسر وكان مستغرب رشاد فقال ل حياة بصوت واطي
عمك بنفسه جاي ومعه بتوع الازاز. هو اية اللي حصل في الدنيا
حياة
قرصت ودنه بس القرصة طلعت جامدة شوية. واتنازل عن وصايته لينا وكلها مسئلة وقت ونبقي تحت وصاية المجلس الحسبي
رشاد
عملتي اية
حياة
بعدين احكي لك. المهم تحضر ورقة بانواع وموديلات الموبيلات اللي باظت وتسلمها ليا
رشاد
خلاص بقي الموبيلات رينا يعوض عليها فيهم
حياة
الموبيلات هيجي لك غيرهم
رشاد
دة اكدة كتير. واني اعرف ان عمك خلف يدة ماسكة شوية
حياة
من اتلف شئ عليه اصلاحة. حضر الورقة ،،،،،،،،،،
وفي نفس اليوم بالليل ووقت ما كانت ونيسة قاعدة في اوضتها لوحيدة تسمع صوت خبط علي الباب فتقول بعصبية
ما عيزاش اشوف حد
لكن الياب اتفتح مع دخلة حياة اللي قالت
حتي اني يا عمتي
بصت ونيسة ل حياة وقالت بجبروت
اية جاية تاخدي روحي دلوقتي
حياة دخلت وقفلت الباب وراء. منها وقالت
جاية لك اديكي حقك
ونيسة باستغراب
حق اية
حياة
ورثك في فلوس ابويا
اتصدمت ونيسة اكتر واكتر وقالت
ملعوب جديد دة
حياة
والله ابدأ
وقعدت حياة قدام ونيسة وقالت
كفاية ملاعيب اني جاية وقاصدة خير. وسالت شيخ كبير وعرفت ان بوي ماكنش لي حق يحرمك من الورث في
ونيسة
صوح يا حياة
حياة
صوح وكمان عرفت نصيبك حسب الشرع وتمنته وطلع ليكي في ذمتي مليون ج.
لمعت عيون ونيسة من شدة الفرحة الممزوجة بالطمع. وقالت
مليون ج.
حياة
دة حقك. وليكي عليه لما اتم السن القانوني وتترفع عني الوصية تاخديهم
حضنت ونيسة حياة وقالت
بنتي حبيبتي. ربنا وحدة يعلم اني بحبك اراي
حياة وهي في حضنها
عارفة
ونيسة خرجت من حضن حياة وقالت
طيب اطمئن حقي ازاي
حياة
هكتب مطعمين باسمك. حلو اكدة
ونيسة
حلو اوي اروح اجيب عقدين، ،،،،،،،،،،،،،،
واختارت ونيسة المطعمين اللي في سوهاج اكتر مطعمين شغالين لكن مش مهم. مش بقي تحمد ربنا علي اكدة دي بقت عن طريق كام عامل شمال من العمال اللي في المطاعم تمنع البضاعه توصل للمطاعم التانية علشان المطعمين اللي ملكها بس هما اللي يكبروا ويكبروا ورغم ان كل دة في رصيدنا احنا لغاية دلوقتي لكنها ما تعرفش كدة كل اللي كانت بتفكر في ازاي مطعمين سوهاج يبقوا هما الاساس. خد حنين من ايدها وفرجتها علي المطاعم بتاعتنا وازاي ونيسة خربتهم. علشان لما يبقوا بتوعها رسمي يبقوا زي الفرخة اللي بتبيض كل يوم بيضة ذهب ل صاحبها. وتعدي السنين. وتمينا 21. سنة. واترفعت الوصاية رسمي وجة وقت الحرية. ومع الحرية وقفت ونيسة قدام مننا وقالت لي
مبروك يا حبايب قلبي. بناتي
وخدتنا في حضنها وبعد الاحضان دي. قالت
جة الوقت بقي يا حياة اننا بكرة نروح ننقل ملكية المطاعم رسمي وباسمي
حياة
مطاعم اية
ونيسة اتصدمت لكنها قالت
بتهزري صح.
حياة
خالص والله. مطاعم اية
ونيسة بحدة
مطعمين سوهاج اللي انتي بيعاهم ليا
ضحكت حياة وقالت
اني بعت لك حاجة. ازاي طيب وانا عيلة بشخة وكنت تحت الوصاية لغاية النهاردة الصبح
ونيسة
دة العقدين معايا. في الدولاب جوة
حياة
العقدين دول ورق علي حبر ملهمش عازا. لان اللي تحت الوصاية ما يحقش لي يبيع او يشتري
ونيسة بغضب شديد
بتقولي اية يا بنت الكلاب
حياة
اقسم برب العزة تقوليها تاني ل كون قاطعة لسانك
ونيسة مسكتها من شعرها وقالت
تقطعي لسان مين. دة انا اجيبك يا بت تحت مني. واكتم نفسك بيدي لغاية ما روحك العفشة تطلع من بين ضلوعك
حياة
اني اللي روحي عفشة اومال انتي روحك اية. دة اني رجعت لك حقك في ورث بوي. وانتي كنتي بتخربي في باقي اللي ملكنا. اية يا مراة الشر دة.
ونيسة
اني مراة عبيطة وهبلة اني صدقت حرباية زيك
حياة
اكون حرباية احسن ما كون عقربة
هجمت ونيسة علي حياة ولفت ايدها حوالين رقبه حياة وقالت
اني هوريكي العقرية هتجيب خبرك كيف
وبدات ونيسة تخنق حياة اوي وبكل قوتها قوة الغل والظلم وحنين بتحاول تبعدها عن اختها وهي بتقول
مش اكدة يا عمتي
ونيسة بمنتهي العصبية
بعدي انتي ومالكيش صالح. دة حساب عفش بيني وبين اختك
مسكت حياة رقبت ونيسة وبدات هي كمان تخنقها وحنين بتحاول وبتصرخ يمكن حد يجي يسلك بين الاثنين ومع زق الاثنين ل بعض يخبطوا في اكتر من حيطة. وفجاة النور يتقطع. ويصبح الدوار ظلمة كحل ومع صرخات حنين. يسمع في الدوار صرخة ونيسة وحشرجة صوتها وكانها بتنازع وحنين بتقول
حياة في اية
حياة
ما عرفش. روحي ولعي النور خلينا نشوف اية اللي بيحصل
وبدات حنين تحسس خطواتها وسط الظلمة المرعبة لغاية ما وصلت ل كوبس النور ورفعته علشان النور يرجع ويلاقو علي الارض ونيسة مذبوحة وجنب منها سكينة غرقانه دم. صرخوا البنتين، ،،،،،،،،،
خلصت حلقة النهاردة اللي يارب تكون عجبتكم. سلام
روووعه بجد بس اوعي يكون صابر
ردحذفمش تضيع مستقبله تحياتي لك
بس سوال هو حضرتك بتقرا تعليقاتنا دي ولا ايه
بقراء كل التعليقات
ردحذفجميل جدا
ردحذف