كتاب الموتي
في اول الزمان. كان في جزيرة اي روح خبيثة تطلع من جسم صاحبها بتتسجن جوة كتاب الموتي علشان الروح دي ما تهربش وتصيب اي حي تاني بالشر واتعرف كتاب الموتي بسجن الارواح الشريرة والشياطين الملعونه وفي يوم الجزيرة دي اللي كانت وسط المحيط ووقت ما كان الليل يغيم علي الجزيرة. ويسيطر يصحوا اهالي الجزيرة علي صوت المية وهي بتقتحم عليهم بيوتهم وبتدخل من كل مكان صرخات النساء بتعلي والرجال بيحاولو ينقذوا النساء والاطفال لكن كل دة كوم واللي كان بيحاول يعملو حاكم الجزيرة كوم تاني خالص
**القصة دي اقتباس من احلي الافلام **
★الحلقة الاولي★
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
البداية.
دم يشبة ثعبان الاناكوندا الضخم بيزحف علي الارض وسط اشجار الغابة. بسرعه مخيفة ورايح ناحية عريس وعروسة في احضان بعض قدام باب بيتهم وبدا الدم يتصاعد وكانه بيقف علي رجله وبعدها بدأ يلف حوالين العريس اللي عيونه اصبحت تشبة عيون الثعبان. القرنية في اصبحت بالطول. وايدة اترفعت ل فوق بطريقة لا ارادية ومسك شعر عروستة اللي كانت بتضحك وفجاة شد شعرها بمنتهي العنف والقوة لدرجة ان الشعر طلع في ايدة بحلد الراس صرخت العروسة والدم بينزل منها وزقت العريس بعيد عنها وهي مرعوبه وبدات ترجع للخلف وهو بيقرب وكانت بتقول
حبيبي اسبد. لية عملت كدة
صوت ملعون خبيث
انا الشيطان الخامس. اللي حبك. وانتي رفضي حبه واتجوزتي انسي ضعيف. هخلي يخلص عليكي بايديه.
وخرج لسان ثعبان من بوق هذا الشخص اترعبت العروسة اكتر وهو بيقرب وقبل ما بهجم علبها قررت تهرب وجريت العروسة وهذا الشيطان وراء منها. وكانت بتطلب النجدة.
واستمرت المطاردة ل كام ثانية لغاية ما الشيطان قدر يوصل للعروسة ومسكها. ومسك جزع شجرة. وبدأ يحط جزع الشجرة في بوقها وهي بتصرخ وبتطلب الرحمة بعيونها لغاية ما زورها. بدأ يجيب دم وحصل لها نزيف داخلي وهنا ظهر حاكم الجزيرة. ومعه كتاب اسود وكان فاتح الكتاب وبيقول تعويذة صرخ بسببها الشيطان وساب العروسة وبدأ يبص للحاكم بصة كلها شر والحاكم بيكرر التعويذة باعلي صوت عنده. والشيطان يصرخ ويصرخ لغاية ماخرج من جسم العريس في صورة ضباب اسود ودخل جوة الكتاب الاسود واصبح مسجون مع اربع شياطين اخري في وسط الكتاب اللي كان مصنوع من جلد البشر بص لهم الحاكم وقال
النهاردة قدرت انهي الجزيرة من اخطر خمس شياطين علي وجه الارض
وقفل الكتاب وراح بي ل تابوت اسود وحط الكتاب وسط التابوت وقفل التابوت بقفل ملكي مفتاحة مع هو بس،،،،،،
ونرجع تاني ل يوم الفيضان المرعب و حاكم الجزيرة بيجري باقصي سرعته سرعه لاتتناسب مع سنة الكبير علشان يقابله اينه وقال
رايح فين يا مولاي
الحاكم
لازم احرق كتاب الموتي
ابن الحاكم
ما فيش وقت البحر عضبان وقرر يبلع الجزيرة بكل اللي عليها
الحاكم
ما هو علشان احنا ما حرقناش الكتاب البحر غضب علينا وياما قولت لكم لازم نحرق الكتاب دة ونخلص من شرة
ابن الحاكم
كانت غلطة الكهنة اللي رفضوا الانتقام من الشياطين الخمسة بالنار.
الحاكم
واهو بسبب الغلطة دي كلنا هندفع الثمن
وبدأت المية تزيد وتزيد والحاكم بيبص. ليها وقال
اهرب بسرعه ما فيش وقت للجدال
ابن الحاكم
هاجي معاك
الحاكم بعصبية وهو بيزق ابنه
قولت لك اهرب
وجري الحاكم بسرعه ناحية كهف موجود في اعلي نقطة في الجزيرة ودخل الكهف وبص لتابوت اسود كان موجود وسط الكهف وقبل ما يروح للتابوت يظهر له كبير الكهنة. وفي ايدة سيف وبيقول
اوعي تفكر تقرب من التابوت يا مولاي
اتصدم الحاكم وقال
انت يا كبير الكهنة اللي بتحمي كتاب الموتي. طلعت تابع للشياطين الخمسة
كبير الكهنة
هم اسيادي واسياد الجزيرة. هما اللي كانو عايشين علي الجزيرة قبل مننا وانت وسلسالك اللي سرقتو ملكهم.
الحاكم
انت اللي بتقول كدة بعد حرب دامت بينا وبينهم الالاف السنين مات بسببهم الالاف من سلسال البشر
كببر الكهنة
كانو بيدافعوا عن حقهم في الارض
الحاكم
قدر الشيطان الاعذر يسيطر عليك. ما هي دي لعبته يختار الاضعف فينا ويسيطر علي جسمه. بعد الموت. لكن الغريب انه قدر يسيطر عليك وانت حي
كبير الكهنة ضحك واتغير صوته ل صوت تاني خبيث صوت ملعون صوت من جهنم وقال
كبير الكهنة قدم لي جسده قربان علشان انجي من البحر اللي هيبلع جزيرتك. وانت السبب انت اللي رفض اننا نعيش وسيطكم بخير وسلام. سلسالنا يتجوز من سلسالكم وتجارتنا تختلط بتجارتكم
الحاكم
من امتي كان بيجي من وراكم خير. انت وسلسالك الشر بيجري في دمكم
وبدات المية تدخل الكهف بص لها الحاكم. وسمع صوت الشيطان الاعذر بيقول وسط الضحكات المخيفة
ما بقاش في وقت تحرق الكتاب. البحر هيبلع التابوت وبعديها صاحب النصيب هيلاقي الكتاب ويفتحة ويرجع الشر المخيف من تاني
الحاكم بتحدي
وانا همنع ان دة يحصل
وخرج الحاكم من هدومة مفتاح التابوت وراح الحاكم ناحية التابوت لكن الشيطان هجم عليه وبدأ بينهم صراع شديد والمية بتدخل الكهف بمنتهي السرعه وبدات توصل للتابوت والحاكم بيحاول يوصل للتابوت ولكن الشيطان بيمعنه والصراع كان علي اشدة بين الحاكم رالشيطان لكن قدر الحاكم يتغلب علي الشيطان واول ما حط ايدة علي التابوت المية غطته وبدات تسحبة وهو بيحاول ويحاول لكن التيار كان شديد وابتعد التابوت عن ايدين الحاكم اللي فضل يبص علي التابوت وهو يغطس في قاع البحر ويغطس والحاكم بدا يغرق والمية دخلت للرئة وانفجرت الرئة وعيون الحاكم علي التابوت الي ان فارق الحياة وظهر الشيطان الاعذر وخد المفتاح من يد الحاكم ،،،،،
وبعدها بسنين كتير يجي 1000 سنة او اكتر تيجي سنة 2023. واحنا دلوقتي في الفيوم جوة بيت من 13 دور. وفي البيت دة تسكن في شقة في الدور العاشر الارملة عفاف. وولادها الاربعه. بالترتيب كدة
سيد 18 سنة . عزيزة 16 سنة . مدحت 13 سنه.
هند. 7 سنه
والارملة دي علي قد حالها واهو معاش جوزها مع شغلها مخلينها عايشين مش محتاجين ل حد. وعفاف وعزيزة عملو مشروع صغير كدة وهو انهم قلبو اوضة مساحتها كويسة ل مطبخ كبير يعملو في اكل ويبيعوا للمطاعم او العزومات الكبيرة وبقي ليهم زبون. لكن سيد ما كنش عاجبه حاله وكان بيدور ديما علي الفلوس الكتير بسرعه حلال بقي ولا حرام مش مهم. عفاف كان ليها اخت شغاله في مطعم بيتزا. مش متجوزة لكن سنها كبير. اسمها نيرة. عندها 30 سنة. ودة كان عملها مشكلة. وكانت بتغير من اختها عفاف اللي عندها اربع عيال وانجوزت صغيرة رغم ان جوزها مات لكنها بصت لها في الشقة التمليك اللي ورثتها عن جوزها وقاعدة فيها مع عيالها الاربعة. ودة عمل مشاكل بين الاختين واتخانقو خناقة كبيرة وفضلو سنة كاملة ما يكلموش بعض. في يوم تعبت نيرة وداخت في وقت شغلها في المطعم شكت في نفسها راحت صيدلية قريبه وجابت اختبار حمل. رجعت المطعم دخلت الحمام واستخدمت الاختبار وبصت في لقيت انها حامل لطمت علي وشها وقال
يا نهار منيل. يا نهار منيل
خرجت من الحمام وهي منهارة مش مصدقة نفسها وراحت ناحية طيار دليفري زميلها في المطعم اسمه عصام
بصت له وقالت
عايزاك
راح معها عصام ووقفوا علي جنب وقالت
انا حامل
عصام
نهار ابوكي اسود
نيرة
نهار ابوك انت.
عصام
والعمل
نيرة
انت بتسال. لازم نتجوز
عصام
ازاي ومنين وانا بتعشي مية
نيرة
وانت طالما بتتعشي مية كنت عشمتني لية بالجواز خلتني سيبت لك نفسي
عصام
ما انا عايز اتجوزك بس انتي عارفة الظروف
نيرة
دة اي كلام. وكنت ممكن اعدي زمان لكن دلوقتي لا. انا مش هخلف عيل ابن حرام
عصام
نيرة اظبطي كلامك. علشان حاسس انك بدوسي في الغلط
نيرة
الغلط جاي لو انت فكرت تقل باصلك معايا
عصام
علي صوتك كمان وخليها فضيحة
نيرة حست ان صوتها علي. وطت صوتها وقالت
عصام والنبي ما تخلهاش تخلص معايا بفضيحة ابوس ايدك ورجلك
عصام
عايزاني بس اعمل اية
نيرة
تاني هي فيها تعمل اية. نتجوز طبعا
عصام
بصي يا بنت الناس انا مش قد الجواز
نيرة
واللي في بطني دة
عصام
نزلي
نيرة
انزله
عصام
اة. اقفي فوق السرير ونطي اكتر من مرة هتلاقي نزل. انا بشوفهم بيعملو كدة في الافلام
نيرة مسكت رقبه عصام لكن عصام شال ايدها بعيد عنها وقال
بت ورحمة ابوكي وامك لو قربتي مني هزعلك. والمصيبة اللي في بطنك دي ما تلزمنيش
نيرة
بتعمل كدة علشان ما فيش حد وراء مني يجيب لي حقي
عصام
بتحبي الرغي انتي وانا مش طالبه معايا رغي
وسابها ومشي وخلاها وسط احزانها نزلت دموع نيرة وقعدت علي الرصيف مش عارفة تعمل اية لقيت نفسها بطلع موبيلها وبتقلب وسط الارقام لغاية ما وصلت ل رقم عفاف وطلبتها، ،،،
في نفس الوقت كانت عفاف في المطبخ بتحضر اكل ل عزومة كبيرة سمعت موبيلها بيرن وكان وقتها مع هند بتلعب عليه فقالت عفاف
مين اللي بيرن يا هند
هند
خالتي نيرة
استغربت عفاف
نيرة واية اللي فكرها بيا دي
بعدها قالت
هاتي الموبيل طيب
هند
لو رديتي هتخرجي من اللعبة وانا قربت اموت الوحش
عفاف
وحش ياكلك. هاتي الموبيل قولت
عزيزة بنتها
قلبك ابيض انتي نسيتي هي قالت عليكي اية وقت الخناقة
عفاف
عزيزة لمي لسانك دي برضو خالتك ومهما حصل ما بينا انا برضو اختها الكبيرة
وقالت باعلي صوتها ل هند
انتي يا زفته هاتي الموبيل قولت
هند تديها الموبيل وهي بتنفخ وتقول
يووووووووو. بقي.
عفاف
دة موبيلي انا علي فكرة
ورديت عفاف وقالت
ايوة يا نيرة
نيرة وهي بتعيط
عايزاكي اوي يا عفاف، ،،،،،،،،،،،،،
في نفس الوقت ومن جوة اوضة سيد ينام سيد ويشوف في الحلم تابوت اسود. يفتح التابوت بالمفتاح اللي كان مع الحاكم و يلاقي ذهب كتير يمسك سيد الذهب وهو فرحان جدا. ويفتح عيونه سيد علشان يشوف قدام منه الشيطان الاعذر بيبص له وبيقول
تحت الارض. جراح العمارة. احنا مستنينك.
واختفي الشيطان الاعذر علشان يفتح سيد عيونه مرة تانية يلاقي نفسه جوة الاوضة ومتعلق في ايدة مفتاح التابوت بص للمفتاح واتصدم، ،،،،،،،،،
خلصت حلقة النهاردة اللي يارب تكون عجبتكم. سلام
جميله
ردحذفجميله
ردحذف