لكل قلب حكاية
★الحلقة الخامسة و العشرين★
من تاليفي
محمد منصور. *منص*
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
وتعدي سنة تقيلة علي ناس وخفيفة علي ناس تانية لكن السنة اللي اقصدها بالسنة التقيلة السنة اللي عاشت فيها مليكة من وقت ما رجعت من تاني تخدم في شقة حماتها وهسيب لكم تتخيلة كمية الذل والاهانه اللي شافتها. لدرجة ان في يوم كان وليد بيحط ايراد الميكروباص قدام مرات اخوة نرجس اللي مسكت مصروف البيت بدل وحيد اللي حالته بقيت في النازل وكلامه بقي بصعوبه. يعني نرجس بقيت راجل البيت والست بتاعته وكلمتها هي كلمة وحيد. نرجع لوليد اللي حط في ايدها ايراد الميكروباص ودة كان في اول عشر ايام من رمضان وقال
كنت محتاج 2000 ج. علشان يعني
نرجس وهي بتعد الفلوس قطعته وقالت
محتاج فلوس لية ما انت بتاكل وبتشرب انت ومراتك هنا. في الشقة
وبصت بطرف عينها ل مليكة اللي كانت بتكنس الشقة فقال وليد
وهي الدنيا اكل وشرب بس. محتاج اجيب هدوم جديدة ل مليكة
نرجس
هقول ل وحيد وابقي ارد عليك
وليد بعصبية
لا. بتقولي ولا بتردي. وانا قرفت بصراحة
نرجس
واية كمان.
وليد
نرجس بلاش الطريقة دي. احنا داخلين علي عيد ولازم علي الاقل اجيب عباية جديدة ل مراتي
نعمه
يا نرجس خير ربنا كتير ادي له اللي هو عايزة
نرجس
هو فين الخير دة. وعلاج ابنك ل وحدة بيتكلف الشئ الفلاني. ابنك المشلول واللي السبب في اللي حصل له اخو الهانم. الهانم اللي جوزها عايز يكسيها
ورجعت تبص ل مليكة تاني اللي كانت بطبق الهدوم المغسوله وسامعه ولا بترد ولا حتي بتبص لها ودة مش عايز اقول لكم كان بيحرق في نرجس ازاي. لكن نرجس قالت
وبعدين هتاخد 2000 ج. لية دي احلي عباية كبيرها 650 ج. ولا تكنوش خلفتوا عيال من ورانا واحنا ما نعرفش. بس هتخلفو ازاي و الارض بور
هنا مليكة بصت ل حماتها نعمه وقالت
انا كدة خلصت اللي انتي قولت لي عليه هطلع ارتاح شوية وقبل المغرب هبقي انزل علشان اسخن الاكل
وسابتهم مليكة وطلعت رغم ان نرجس كانت بتنادي عليها وكل درجة سلم كانت بدوس عليها كانت قصاد منها دموع عيونها اللي بينزلو تحت رجليها زي النزيف. ،،،،،،،،
واول ما دخلت الشقة راحت علي السرير ورمت جسمها فوق السرير وبدأت تعيط بحرقة. واول ما حست بي باب الشقة اتفتح مسحت الدموع اللي علي خدها وغمضت عيونها وكانها نايمة حست بايد بتمشي عليها وصوت وليد بيقول
حقك عليه انا
مليكة
ما فيش حاجة حصلت. دة الطبيعي بتاع كل يوم
وليد
انا لولا عارف ان علاج وحيد غالي كنت خد منها فلوس بالعافية. بس اخاف الناس تقول بيفتري علي مرات اخوة العاجز
مليكة
وليد انا عايزا انام
وليد
تنامي وانتي معيطة كدة
مليكة
ارجع واقول لك دة الطبيعي بتاع كل يوم.
وليد
بس انا مش حابب اشوفك كدة
مليكة
خلاص يا وليد اعمل اللي يخليني ما بقاش كدة
وليد
اعمل اية طيب
مليكة
نشوف شقة ولو بعقد مؤقت ونسيب هنا خالص
وليد
لو عملت كدة مش هركب الميكروباص تاني
مليكة
اشتغل علي اي ميكروباص تاني
وليد
ابقي صاحب ميكروباص واشتغل علي ميكروباص تاني. دة يرضيكي
مليكة
ما يرضنيش. بس انت اللي يرضيك الذل اللي انا عايشة في
وليد وهو بيحط ايدة علي ذراع مليكة قال
مليكة. ان،،،،،،،،،
قاطعته مليكة وقالت
وليد الدنيا صيام وانا من الصبح واقفة علي رجلي. سيبني انام الساعه دي
وليد
هسيبك يا مليكة ترتاحي
وخرج وليد من الاوضة وساب مليكة وحيدة في سكة الاحزان، ،،،،،،،،،
ومن جوة شقة وداد يقعد عز في اوضة سرحان زي عادتة في الفترة الاخيرة. تدخل عليه وداد وتقول
اية اللي انا سمعته دة
عز
سمعتي اية
وداد
سيبت الصيدلية اللي في السوق ورجعت للصيدلية القديمة تاني
عز
هو صاحب البيت قال لك
وداد وهي بتقعد قدام عز قالت
لية راجع برجلك للمكان دة.
عز
انتي عارفة لية
وداد
حرام اللي بتعمله في نفسك دة. رجوعك للصيدلية دي معني انك تفضل تقلب علي نفسك المواجع. وتفتكر اللي كان
عز
اللي خايف. انه يفتكر هو اللي نسي اصلا. وانا ما نستش علشان افتكر.
وداد
عز يا ابني اللي بتعمله في نفسك.دة غلط
عز
امي سيبني اعيش زي ما انا عايز. وصدقيني هبقي كويس لما كل يوم ابص علي شباك اوضتها وهي تبص لي
وداد
دة مش هبحصل لانها مش موجودة في اوضتها
عز
ربنا قال انا عند حسن ظن عبدي بي. وانا عندي احساس انها في يوم هتكون ليا
وداد
تاني يا عز
عز
تاني وتالت ورابع. وكفاية بقي الله يرضي عنك
وداد
ماشي يا عز. براحتك، ،،،،،،،
ويجي العيد وتتجمع مليكة مع اخوتها في البيت وكانو كلهم مبسوطين الا مليكة اللي بان عليها الحزن دي حتي كمان خست كتير ولحظت شيماء الحاله اللي فيها اختها فراحت قعدت جنب منها وقالت
مالك يا مليكة خسا لية كدة
مليكة
رمضان والصيام.
وبصت شيماء للعباية اللي لابسها مليكة وقالت
مش دي العباية اللي بتيجي بيها ديما
مليكة بصت للعباية وقالت
اة هي. اصلي برتاح في لابسها
شيماء
مليكة هو وليد بخيل عليكي ولا اية
مليكة
لا. دة وليد احسن الناس. ومش حارمني من اي حاجة انا بس اللي بحب البس العباية دي
شيماء
احنا في عيد يا مليكة ورايحين نسهر مع بنات خالك يشوفكي ازاي بنفس العباية اللي بتلبسيها في كل مناسبة
مليكة
انا مش رايحة معاكو السنة دي. علشان تعبانه شوية
شيماء بفرحة
انتي حامل ولا اية
مليكة
لا.
شيماء رجعت قلقت وقالت
اومال تعبانه مالك
مليكة
تعبانه يا شيماء. هو ما حدش بيتعب
وبدات تعيط مليكة راح لها ممدوح وعماد وقال ممدوح
مليكة مالك
مليكة
انا بخير والله ما تتخضوش عليه
عماد
لا. في. انتي متخانقة مع وليد
مليكة
والله ابدأ. انا بس تعبانه. وعايزا ادخل ارتاح شوية في اوضي
شيماء
لا. انتي هتيجي معانا عند خالك. بناته نفسهم يشوفوكي
مليكة
بالله عليكي سيبوني ارتاح شوية في اوضي بالله عليكم سيبوني
ممدوح
خلاص يا شيماء سيبها تدخل ترتاح. وتعالي احنا نروح نسلم علي خالك ونرجع علي طول تكون مليكة هديت نشوف مالها،،،،،،،،،،،
وينزلو اخوات مليكة وتقوم مليكة وتدخل اوضتها وتبص لكل ركن في اوضتها وتفتكر ايام زمان وهزارها وضحكتها اللي ماتت. حد جملة انا عارفة كل حاجة وحشتها. مليكة قعدت في الاوضة مع مليكة اللي اتحرمت منها. مليكة العجوزة نفسها تقعد مع مليكة الهبلة اللي ماكنتش شايلة هم للدنيا وما بتعرفش تعمل اي حاجة غير انها تضحك وبس واترمت علي سريرها وفضلت تعيط وبحرقة وفي عز حزنها سمعت اللي خلتها تضحك من شدة الفرحة سمعت صوت عز بيعيد علي واحد في الشارع قامت جري وراحت ناحية الشباك ووقفت مرة واحدة وافتكرت انها متجوزة لكنها ما قدرتش الحنين خلاها تضعف وقفلت الشيش ووقفت وراء الشيش تبص علي عز اللي ماشي يسلم علي كل اللي بيقابلو. وخدها الحنين. لايام زمان ايام الحب اللي كان لكنها بعدت عن الشيش ورجعت قعدت علي سريرها والحزن رجع يصطاد احلي اوقات عمرها. وقالت
لا. انا مش هكون ست خاينة ولو حتي بالتفكير
وخرجت من الشقة جري، ،،،،،،،،،،،،
ومن قدام دولاب شيماء تقف شيماء وكانت بطلع هدوم من عندها ف دخل عليها فوزي جوزها واستغرب من اللي هي بتعمله فقال
بتعملي اية كدة
بصت له وقالت
دول كام طقم عندي بطلت البسهم قولت اما اطلعهم واديهم ل مليكة
فوزي
شيماء انت مالبستيش الهدوم دي اصلا
شيماء
مليكة اولي بيها مني
فوزي
ربنا يخليكم ل بعض
شيماء
بكرة هبقي اروح لها بيهم. وبالمرة اعيد عليها
في الوقت دة يرن موبيل شيماء وكان اللي بيتصل ممدوح فترد شيماء ويقول ممدوح
عرفت من عماد انك ناوية تروحي بكرة ل مليكة
شيماء
احنا مقصرين وماحدش مننا بيروح لها
ممدوح
طيب انا وعماد جمعنا 5000 ج. مساعدة مننا ل مليكة هنيجي معاكي نسلم عليها ونديها الفلوس دي. ولو حابة تساعدي معانا
شيماء
انا واقفة قدام الدولاب اهو وبطلع كام حاجة كدة اخدهم معايا بكرة ل مليكة
ممدوح
استاذنتي من فوزي
شيماء
فوزي واقف قدام مني اهو. وموافق علي كل اللي بعمله
ممدوح
خلاص بكرة باذن الله بعد صلاة العصر نتقابل ونروح لها،،،،
وفعلا وبعد صلاة العصر يتجمعوا اخوات مليكة ويعرفو مليكة انهم جائيين فتروق مليكة الشقة وتجهز لاستقبال اخوتها هي ووليد ويتم الترحيب بيهم ويقعدوا يتكلمو ويحكوا في كل حاجة. وفي عز القاعدة يفتح باب الشقة وتدخل عليهم نرجس. وتبص لهم وبعدها تبص ل مليكة وتقول بقلة ذوق
قدامها كتير الحفلة دي
استغربوا كلهم وقال وليد باحراج
عايزا اية يا نرجس
نرجس
مراتك قالت ساعه وهتنزل تشوف ورها اية. ولا هي نسيت ان اخواتي جائيين النهاردة
شيماء بصت ل مليكة واتعصبت وقالت
وهي مالها ومال اخواتك. وبعدين احنا قاعدين في بيت اختنا ونمشي وقت ما نحب
نرجس بطريقة الردح
بيت مين يا ام بيت. هي ضاحكة عليكم ومفهماكم ان ليها شبر في البيت دة. اختك يا حبيبتي قاعدة هنا هي وجوزها بلقمتها
كلهم بصوا ل مليكة اللي كانت بتغلي من جوة وقال ممدوح
الكلام اللي بتقولو الست دي صح
ما ردتش مليكة لكن دموعها رديت وقالت نرجس
اهي سكتت اهه يارب تكون فهمت. انتو يا اخوات امين كلكم كدة قاعدين في بيتي. وكويس اوي اني استحملتكم ساعه بحالها
ورجعت بصت ل مليكة وقالت
خلصي الحفلة دي وتنزلي تشوفي وراكي اية. مش حابة هي دلع
واديتهم ظهرها وهي بتقول
قال بيتها قال.
كلهم بصوا ل مليكة وقال عماد
اية اللي يخليكي تبقلي تعيشي العيشة دي
مليكة
جوزي محتاجني واللي انا وصلت له دة سببه امين واللي عمله في وحيد
شيماء
وانتي مالك تدفعي فاتورة مش فاتورتك لية
مليكة بابتسامة سخرية
بلاش نتحاسب ونجيب سيرة الفواتير لاني من زمان وانا بدفع ثمن حاجة ماليش ذنب فيها
وليد
اوعدكم ان دة وضع ومسيرة يعدي وكل شئ هيرجع لطبيعته
مليكة
ولا ما يرجعش انا مراتك وهفضل مراتك وهستحمل العيشة معاك زي ما انت ما ستحمل انك تعيش مع واحدة زيي عمرها ما هتخلف
اتصدموا كلهم لكن مليكة كملت وقالت
ما تستغربوش انا روحت مع وليد وكشفت والدكتور قال اني مش هينفع اخلف تاني لان النزيف اللي حصلي وقت ما سقط اول مرة. سبب لي مشاكل في المبايض. ورغم كدة وليد عمره ما حسسني اني ارض بور زي ما بتقول نرجس
وعيطت مليكة بحرقة وقالت
معلش بقي مضطرة اسيبكم وانزل علشان احضر العصير والاكل للناس اللي جاية. كنت عايزا اقول لكم بيتكم ومطرحكم. بس ماليش حق اقول كدة لاني ما فيش حاجة هنا ملكي
وسابتهم مليكة ونزلت والقهر قبل منها واخواتها بصوا ل بعض وقالت عيونهم
احنا السبب في الذل اللي عايشة في اختنا، ،،،،،،،،،،،،،
وبعد اللي حصل يوم العيد وقت زيارة اخوات مليكة ليها وعرفوا الحال اللي بقيت عليه اختهم. ما بقاش قادر وليد يشوف مراته اللي بيحبها في الوضع دة ورجع تاني للمخدرات ورجع ابشع من الاول وتعدي الايام ومليكة زي ما هي. لغاية ما جة يوم ومليكة كانت ماسكة حلة الشوربة وخارجة بيها من المطبخ رايحة بيها للطبلية. وقتها كانو ولاد وحيد بيجروا وراء بعض وخبطوا في مليكة وقعت منها الشوربة فوق عيل منهم اتحرق العيل وصعب حاله علي مليكة وهو عمال يصرخ ويعيط وهنا تخرج نرجس وتبص علي جسم ابنها المحروق وفضلت تلطم وتصرخ وتقول
حرقتي ابني يا مراة يا وسخة. يا بنت
اتعصبت مليكة وقطعتها وقالت
امي الميتة لو سيرتها جت علي لسانك هقطعه
مسكت نرجس شبشبها ورفعته ونزلت بي علي راس مليكة وهي بتقول
لسان مين اللي يتقطع يا بنت المراة الوس،،،،،،،،،،
هنا مليكة مسكت نرجس من شعرها وراحت بيها ناحية الشباك اللي في الصاله وقالت
كمليها كدة وانا اقسم برب العزة ارميكي من هنا
نرجس اترعبت وقالت
هترميني من الشباك يا مليكة
مليكة بعصبية
عملتها مع اخويا. هتيجي انتي اعز منه
نرجس
سيبني يا مراة مقطوع نسلك
مليكة
صح مقطوع نسلي وما عنديش حاجة ازعل عليها وقرفت من العيشة كلها ولما ارميكي اكيد هاخد اعدام ومش هطلع براءة زي المرة اللي فاتت. واموت وارتاح
ومسكت مليكة رجل نرجس ورفعتها لفوق وبقي نص جسم نرجس برة الشباك و،،،،،،،،،،،،،،
استنوني بكرة باذن الله والحلقة الاخيرة من. لكل قلب حكاية
إرسال تعليق