دعاء الحب
★الحلقة الثلاثين★
الاخيرة
من تاليفي
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
وبعدها بشهر ومن جوة زيارة المساجين يقف شريف في المكان المخصص للزيارة ويلاقي حامد مع دعاء واقفين وبيبصوا له وبيضحكوا فيتصدم ويقول
انت طيب ازاي خرجت
ضحك حامد وقال
بكرة اقول لك
دعاء
لا. حرام عليك يا حامد هو يستحمل ل بكرة. قول له دلوقتي وفرحة بخروجك براءة
حامد
انتي يعني شايفة كدة
دعاء
ياريت شريف برضو هيفرح لك
حامد بص ل شريف وقال
انا خرجت عفو طبي
شريف باستغراب شديد
عفو طبي. ازاي
حامد
هو انت ناسي انك خليت دكتور فايز قريبك يكتب تقرير مزور بحالتي واني مريض بفيرس في الدم يخلي ايامي في الدنيا قليلة واني ميت ميت. لان الفيرس دة ملهوش علاج
دعاء
وعلشان حامد ميت ميت. هنا بقي القانون يقول كلمتة. وان حكم الاعدام ما بيطبقش علي اي مريض. مرضة ملهوش علاج. لان حامد في نظر القانون ميت
شريف اتعصب وقال بمنتهي الغضب
اة يا ولاد. الكلب
حامد غضب وقال. بمنتهي العصبية
لولا السلك اللي بيني وببنك كنت عرفتك، ابن الكلب دة هيعمل فيك اية. يا ابن ستين كلب
دعاء
معلش يا حامد هو برضو معذور كل اللي خطط لي ضاع وماخدش اي حاجة من الدنيا الا السجن
شريف
اوعي تفتكري اني هاسكت انا هبلغ وهقول ان التقرير الطبي اللي كتبه فايز دة مزور
دعاء. ضحكت اوي وبصت ل حامد اللي هو كمان كان بيضحك وقال
هو انت ما تعرفش اللي حصل
وبص حامد ل دعاء وقال
انتي لسة ما حكتيش لي
دعاء
هو اداني فرصة. لو يسكت شوية. هحكي
حامد
هو سكت اهو احكي بقي
دعاء
تحب احكي من اول فين
حامد
من اول فايز
دعاء بصت ل شريف وقالت
بص يا خنزير. معلش بقي اصل دة اسم الدلع اللي طلعته عليك نهي
مسك شريف السلك بمنتهي العصبية ودعاء بسخرية قالت
زعلت. انفلق. سابني احكي بقي. بعد ما اتحكم علي حامد بالاعدام، ،،،،،،،،،،،
ونرجع لنفس اليوم اللي اتحكم في علي حامد وكانت وقتها دعاء في العربية مع عيلتها ونهي وراجعين للقصر ودعاء بتعيط بحرقة ونهي وخدها في حضنها وبتقول
لو كان العياط هيخرجة من السجن ما كنتش بطلت عياط زيك لازم نفكر في حل مش نعيط.
صفاء
نهي بتتكلم صح العياط مش هو الحل
دعاء
طيب اعمل اية المرة دي مقفوله قفلة سوداء
يسرية
اكيد ليها حل
بصت نهي ل يسرية وكانت مش طيقاها. لكن مش وقته ولحظت يسرية بصت نهي ليها فقالت
عارفة انك مش طايقاني وانا مهما اقول حقك عليه اللي حصل ما فيهوش معلش او اي مبرر. بس كل اللي عايزا اقوله اني صغيرة وهو عرف ازاي يضحك عليه
نهي
ملهوش لزوم. دة انا اهو مراته وام عياله وقدر يغشني طول فترة جوازي منه. مش قادرة اصدق اني كنت عايشة تحت سقف بيت واحد مع خنزير
صفاء
انا شايفة اننا كدة خرجنا برة اساس الموضوع. مش عايزين اي مشاكل جنابية تنسينا حامد. حرام يتعدم ظلم
نهي
طيب نبدأ منين وازاي واحنا ولايا ولوحدينا
صفاء
انا هروح اسلم نفسي واقول اني انا اللي قتلتهم وانا كدة ولا كدة مشلولة يعني ما يطبقش علبه حكم الاعدام. وممكن اخرج عفو طبي زي ما عملتها قبل كدة دعاء معايا
وقت حكاية عرفه
هنا كل حواس دعاء انتبهت لكلمة عفو طبي وافتكرت فايز قريب شريف فقالت
لقتها
بصو لها كلهم وقالت صفاء
اية هي اللي لقتيها
دعاء
حامد هيخرج عفو طبي
نهي
ازاي
دعاء
في قنا هقول لك ازاي
نهي
قنا ،،،،،،،،،،
ومن جوة مستشفي قنا تقعد دعاء ونهي في مكتب فايز مستنينه يرجع من برة. ورجع فايز واول ما شافهم قرر يخرج تاني فقالت دعاء
هتهرب تروح فين يعني. تعالي انا جاي عايزا مصلحتك
قرب فايز منهم بشك وقال
انا ما ليش دعوي باللي حصل دة شريف ضحك عليه والله العظيم ما اداني مليم لغاية دلوقتي انا لسة دكتور في اول مستقبلي اي فضيحة زي دي تضيع مستقبلي
دعاء
بس انا مش جاية الوم عليك او اهددك بسبب اللي حصل قبل كدة دة انا جاية علشان عايزاك تاكد اللي قولته قبل كدة في حق حامد
استغرب فايز وقعد علي كرسي مكتبه وهو بيقول
هو في اية بالظبط
دعاء
كتبت انت تقرير بحاله حامد
فايز
دة تقرير مزور ما انتي عارفة
دعاء
تصدقة الحكومة
فايز باستغراب
يعني اية
دعاء
التقرير دة عايزا اقدمة علشان افدي بقي رقبة مظلوم من حبل المشنقة
فايز
حتي لو قدمتي التقرير للحكومة لازم تتعمل لجنة طبية تاكد اللي مكتوب في التقرير الطبي
دعاء
انتو بقي دكاترة مع بعض انا هاديك فلوس وانت تعرف ازاي تقنع اللجنة الطبية ان تشخيصك لحاله حامد كان صح
فايز
هتدفعي كام
دعاء
مليون ليك لوحدك. ومليون للجنة الطبية اللي هتكشف علي حامد
برق فايز من الرقم وقال
بجد. دة انا كدة هفتح العيادة. بالمرتاح
دعاء
فلوسك وانت حر فيها
فايز
اعتبريها خلصت، ،،،،،،،،،،،
ونرجع تاني للسجن ودعاء بتقول ل شريف
وفعلا خلصت. الفلوس تعمل كتير. بجد شكرا ليك لانك كنت سبب خروج حامد براءة.
شريف صرخ زي المجنون وقال
انتو تعملو كدة. انتو. تعملو كدة. لا. انا بحلم دة كابوس كابوس. اعمل كل اللي عملته وفي الاخر اطلع من المولود بلا حمص. دة انا قتلت بوسف وغانم علشان اكسر عينك وفي الاخر اخسر انا وتكسبي انتي. لا. لا. لا. اولع فيهم علشان احرق قلبك. يتحرق قلبي انا.
في اللحظة دي يدخل. الظابط صادق ويقول
اخيرا اعترفت هو دة الكلام مبروك عليك الاعدام
برق شريف اكتر واكتر وكان هيتجلط من الصدمة، ،،،،،،،
ونرجع بالاحداث لكام يوم فاته وحامد ودعاء في مكتب الظابط صادق اللي كان بيبص ل حامد وبيقول
مبروك الخروج عفو طبي
حامد
بس اني مش حابب اخرج عفو طبي واني عارف اني خارج باوراق زور
اتصدم صادق وقال
انت بتقول اية
حامد
دعاء حكيت لي عنك كتير وقالت لي انك مصدق اللي حكيته ليك وانت شاكك في شريف لكن مافيش دليل ضدة
صادق
دة حقيقة.
دعاء
علشان اكدة احنا جانا ليك هنعمل محاولة ساعات الصدمة تخلي البني ادم يعترف بكل اللي مخبئ عن الناس
صادق
مش فاهم
دعاء
امر لنا بزيارة ل شريف وقلبي حاسس انه لما يشوف حامد واقف قدام منه هينهار ووقتها هيعترف
صادق
ولو ما اعترفش
حامد
احنا ما قولناش حاجة بخصوص التقرير الطبي المزور
صادق
اللي هو ازاي. ابقي عارف انك خرجت باوراق مزوره وتقولي انتو ما قولتوش حاجة
حامد
بلاش نقدر الشر قبل وقوعه خلينا بس نشوف مقابلتنا ل شريف هتكون نهايتها اية، ،،،،
ونرجع تاني ل صادق وهو بيقول ل شريف
ما ثبتش وراك ولا دليل واحد علي انك انت اللي عملت كدة. لكن اهو ربنا اراد الصدمة اللي حصلت لك لما شوفت حامد قدام منك تخليك تعترف علي نفسك. ودلوقتي الوضع اختلف والاعدام هو الحكم اللي يستاهلة واحد زيك، ،،،،،،،،
واتعرض شريف تاني علي المحكمة باعترافة الجديد واتحكم عليه بالاعدام. لكنة ما قبلش الحكم وطلع موس كان مخبي في هدومة. وقطع شرايين رقبته وقع جوة قفص الاتهام غرقان في دمة. وسط نظرات كل الموجودين في قاعه المحكمة. وصوت نهي الحزين وهي بتبص علي نهاية جوزها وبتقول
مش قادرة اترحم عليك ولا قادرة انسي اني كنت بحبك
وخرجت نهي من قاعه المحكمة وهي ناوية تقول لولادها ان ابوهم مات وهو في الشغل علشان تفضل صورته قدام منهم زي الاول ، ،،،،،،،،،
وتعدي الايام ومن جوة قاعه افراح يلبس حامد بدلة العريس وفي حضنة دعاء بفستان الفرح. وحوالين منهم شادية وفيروز ونهي ويسرية وكان بيرقصون سلو علي كلمات اغنية.
★أنا كلي ليك لوحدك
ودي مش محتاجة شرح
ده يا دوب من حضن واحد
خفيت من ألف جرح
لو حبك يبقى موتي
مين قال لك عايزة أعيش
أصلا موتي الحقيقي
لو يوم ما حضنتنيش
إمتى اللي حبوا كانوا
يا حبيبي بيعقلوا
ما اتخيلتش مكان
من غيرك أدخله
سيب اللي يقول، يقول
شايلاك في عينيّ دول
مين ذاق الحب مرة
مش سهل يبطله
إحساسي وإنت غايب
موجوعة ومش بخف
حملي بيثقل عليّ
لو شلته معايا يخف
هاتفيدني بإيه حياتي
لو إنت ما تبقاليش
تتمد لي ألف إيد
غيرك ما ينجينيش
إمتى اللي حبوا كانوا
يا حبيبي بيعقلوا
ما اتخيلتش مكان
من غيرك أدخله
سيب اللي يقول، يقول
شايلاك في عينيّ دول
مين ذاق الحب مرة
مش سهل يبطله★
عيطت دعاء ودابت في حضن حامد وهو شايلها وبيلف بيها. اكتر من مرة. وكل اللي حوالين منهم بيقولو
بوسها بوسها بوسها
حامد باسها في جيبنها وقال
دعاء الحب. ولاغيرها قلبي حب
دعاء
مش مصدقة اني بين ايدك
حامد
انا اللي مش مصدق ان صورتي في عيونك وانتي ملكي
واترموا الاثنين في حضن بعض. ،،،،،،،،،،،،
النهاية
يارب تكون الحكاية عجبتكم. ومستني راي كل اللي شرفني بقراءة القصة.
وبكرة باذن الله تكملة حكاية. الكاهن وراس الغول.
طبعا رووووعه وتحفه تسلم ايدك
ردحذفتحياتي لك
روعه روعه روعه برافو عليك
ردحذفروعه
ردحذفرؤؤؤعة
ردحذف