الهام واللي كان الحلقة الاخيرة

 دعاء الحب

        ★الحلقة التاسعة والعشرين★

من تاليفي
محمد منصور. منص

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

ومن جوة التخشيبة يقعد حامد قدام شريف اللي كان بيبص له بغل شديد وحامد بيبص له وبيقول

بلاش البصة دي اصلي بخاف 

شريف

الخوف لسة جاي. واللي عملته فيا وكسرك لمناخيري هدفعك ثمنه غالي

ضحك حامد وقال

ما الظابط رد الكسر اللي في مناخيرك وخلاص ما بقتش مكسورة هتخليني احاسب عليها لية طالما خفت

شريف

حسابك علي الكسر دة هو اقل حساب هتدفعه لكن الحساب التقيل علي اللي عملته النهاردة

حامد باستفزاز اكتر واكتر

كل الحرقان اللي انت في دة علشان ضيعت عليك 50 مليون ج. تعيش وتعوضهم

قامت شريف وهو متعصب ولسة رايح يهجم علي حامد قامد حامد وقف وقال

ضربه كمان في مناخيرك وهخليها حتة هريسة 

وقف شريف بجبن شديد ومسك مناخيرة ورجع قعد تاني مكانه وقال

انت اغبي بني ادم شوفته في حياتي تبلغ عن نفسك في جريمة قتل ما عملتهاش. تروح برجلك ل حبل المشنقة

حامد

اني علشان دعاء. اعمل اللي اكتر من كدة.

شريف

اسمعني لسة قدامك فرصة تخرج من القضية دي. انكر الاعتراف بتاعك قول مثلا انك ما كنتش في وعيك او قول ان صفاء. دفعت لك علشان تعترف علي نفسك كذب. وتخرج دعاء

حامد

انت مستحمل نفسك ازاي وانت وسخ كدة. انت ازاي كنت جوز نهي اطيب خلق الله. بس اقول اية. حظها عفش زي صاحبتها دعاء 

شريف

قربت هي اللي جابت لي الفقر. بعد جوازي منها خسرت كتير

حامد

انت اللي عفش وكان لازم نهايتك تبقي عفشة 

شريف

نهايتي انا اللي هختارها مش انتم

ضحك حامد اوي اوي وقال

انت لسة مصدق انك نهايتك مش هتبقي عفشة ما تبص حوالك اكدة وشوف انت فين. دلوقتي جوة تخشيبة وانكتب عليك السجن زي ما كتبته علي دعاء.

بص شريف حوالين منه وقال

انا مش هفضل هنا ومسيري هخرج والتهمة بتاعت نهي هتطلع اونطة وهطلع منها. انما انت لا. نهايتك حبل المشنقة

بص له حامد وقال

ما تفرحش اوي كدة لاني ممكن اطلع قبل منك

شريف

بتحلم.

حامد

وماله لما احلم هو الحلم حرام

وغمض حامد عيونه ونام ، ،،،،،،،،،،،

وتاني يوم ومن قدام الظابط صادق تقف دعاء وكانت بتقول

براءة ازاي هو انتو وصلتو للي عمل كدة.

صادق

جالنا واعترف بنفسه

دعاء 

مين هو. اكيد حد تبع شريف وضميرة صحي وقرر يعترف

صادق

لا. مش تبع شريف

دعاء 

اومال مين

صادق بصوت حزين

حامد

دعاء اتصدمت وقالت

حامد مين

صادق 

حامد بلدياتك

دعاء صرخت وقالت

لا. دة كذاب. اوعي تصدقة

صادق

كذاب ازاي بس والبواب اتعرف عليه وقال انه شافه وهو بيدخل العمارة في نفس يوم الجريمة الصبح

دعاء 

دة مش صح. حامد ما يعرفش اني كنت رايحة شقة مصر الجديدة. علشان اقابل شريف. الوحيد اللي عمل كدة هو شريف

صادق

البواب ما شافش شريف لكن شاف حامد

دعاء وهي بتصرخ

لا. حامد بيعمل اكدة علشان اخرج انا.  

وبدات دعاء تعيط بحرقة. وقالت

انا اللي قتلت يوسف وغانم. مش هو

صادق

اصدقك ازاي بعد ما البواب اعترف علي حامد. وحامد وصف كل اللي حصل يومها وانه قتلهم علشان ينقذك منهم 

دعاء وهي بتبوس ايد صادق

ما حصلش. ابوس ايدك خرجه. مستحيل يموت هو علشان اعيش انا

صادق

مدام دعاء القضية بالنسبة لي خلصت انتي براءة وحامد متهم. اوراق الافراج عنك هتخلص خلال ساعه. وبعدها تقدري تروحي. انا عارف حامد بالنسبة لك اية 

صرخت دعاء اكتر واكتر وفضلت تقول

لا. حرام. لا.

صادق

خرجها يا عسكري

بدأ العسكري يخرج دعاء بصعوبه وهي عماله تقول

انا اللي قتلتهم مش هو. حامد برئ

وتخرج دعاء من المكتب علشان تلاقي حامد ايدة في الكلبشات وجنب منه شريف تجري علي حامد وهي بتعيط وتبص للكلبشات وتقول

لية عملت اكدة. لية

ابتسم حامد وهو بيبص في عيونها وقال

علشان دعاء الحب

وسمعوا صوت صادق بيقول من جوة مكتبة

يا عسكري هات المتهمين حامد وشريف

وبدأ العسكري يسحب الاثنين. ودعاء ماسكة ايد حامد وعماله تعيط وهو بيبص لها وبيقول

انا كويس طول ما. انتي بخير.  

دعاء تصرخ وتصرخ وراحت دعاء ناحية شريف وبدات تلطش في بالاقلام علي وشة وهي بتقول

ربنا ينتقم منك. انت السبب انت السبب. 

لكن العساكر بداو يبعدوا دعاء عن شريف وحامد بيدخل مكتب صادق واتقفل الباب والعساكر بصعوبه يمنعوا دخول دعاء وراء حامد المكتب، ،،،،،،،،،،،،،،،

ومن جوة قصر دعاء تقعد دعاء وسط صفاء واختها يسرية وهي عماله تعيط والكل بيحاولو يهدوء فيها وصفاء بتقول 

واخرتها. اية طيب

دعاء بصوت المر

حامد بيضيع مني تاني. وكاني الماضي بيعيد نفسه وهو جوة قفص والحكم نهائي. اعدام

يسرية

لازم نوصل لبرائتة ونثبت ان شريف هو اللي عمل كدة

دعاء 

نعملها ازاي بس. والبواب اعترف عليه

يسرية

نروح للبواب ونعرف هو لية قال كدة

دعاء

صح. نروح له

في الوقت دة تلاقي دعاء نهي وبناتها الاثنين واقفين قدام منها وبتقول شادية

احنا هنيجي معاكي

عيطت دعاء من الفرحة ونهي بتقول 

كلنا في ظهرك

فيروز

بعد اللي عمله حامد علشانا كلنا. ما حدش غيره ينفع يكون جوزك

اترمت دعاء في حضنهم هما الثلاثة وكانت فرحانه فرحة حزينه وقالت

حقكم عليه كلكم. الدرس كان صعب جدا. واتعلمت منه كتير

نهي

ما حدش زعلان منك. احنا كلنا قدرنا اللي انتي كنتي فين وفي قلوبنا ليكي رصيد كبير من الحب مش علشان غلطة نضيع كل الرصيد دة 

دعاء 

طيب يلا نروح للبواب

نهي

ملهوش لزوم المشوار دة

دعاء 

لية بتقولي كدة

نهي

علشان انا كنت مع حامد وقت ما طلب من البواب انه يشهد عليه.

دعاء 

حامد عمل اكدة

نهي

علشان يتاكد انه هتخرجي منها

دعاء 

يبقي برضو نروح للبواب ونخلي يقول ان دة ما حصلش

نهي

البواب مش هيقدر يغير شهادتة والا هيبقي فيها سجن لي 

دعاء بعصبية

يعني اية نسيب حامد يتعدم بسبب جريمة هو ما عملهاش 

نهي

انا زيك مش عايزا كدة. وعارفة ومتاكدة ان شريف هو اللي قتلهم

دعاء

انا كمان عارفة بس ازاي دخل الشقة

نهي

عمل نسخة علي المفتاح

دعاء 

امتي وازاي

نهي

انتي نسيتي يا دعاء ان اول شهر من جوازي من شريف احنا روحنا قاعدنا في شقة مصر الجديدة لغاية ما شقتنا تتشطب. ما انتي عارفة وقتها شريف كان مستعجل ازاي علي الجواز 

دعاء افتكرت وقالت

ايوة صح.  

صفاء 

يعني لو قدرنا نثبت ان شريف معه مفتاح للشقة نقدر نثبت انه هو اللي قتل يوسف وغانم 

نهي

ما فتكرش ان المفتاح اللي مع شريف دليل كفاية ياخد بي الظابط

دعاء 

يعني ملهاش حل

بصو كلهم ل بعض وسكتو. فقالت دعاء 

اكدة حامد هيتعدم فيها، ،،،،،،،

وتلف الايام ومن جوة محكمة الجنايات يقف حامد ومعه شريف وكام متهم تاني جوة قفص الاتهام وكان موجود في قاعه المحكمة دعاء وبناتها وصفاء ونهي والكل باصص للقاضي اللي كان بيقول

حكمت المحكمة حضريا علي شريف نجيب عبد الله. بالسجن المشدد. 15 سنة في تهمة الشروع في قتل مراته السيدة نهي خيري حمدان.  

صرخ شريف من جوة القفص وقال

لا دة ظلم ظلم.

لكن القاضي امرة بالسكوت وبص القاضي في الاوراق اللي قدام منه.

وحكمت المحكمة حضريا علي حامد حمدي جبر. بالاعدام شنقا في تهمة قتل مع سبق الاصرار لكلا من يوسف سراج عادل. وغانم عبد الرحمن التوني. رفعت الجلسة

صرخت دعاء وجريت علي القفص وحطيت ايدها علي ايد حامد اللي العسكري كان بيسحبة. وهي بتقول

مش هسيبك تروح مني. هطلعك

حامد

خلي بالك من نفسك. يمكن دي اخر مرة اشوفك فيها

دعاء وهي بتعيط

لا. هتخرج وهنعيش سوي. مستحيل ربنا يرضي بانه يفرق بيني وبينك.   

وخرج العسكري حامد من القفص ودعاء بتبص عليه وهي عماله تعيط، ،،،،،،،،،،،،،

وبعدها بشهر ومن جوة زيارة المساجين يقف شريف في المكان المخصص للزيارة ويلاقي حامد مع دعاء واقفين وبيبصوا له وبيضحكوا فيتصدم ويقول

انت طيب ازاي خرجت

ضحك حامد وقال

بكرة اقول لك ،،،،،،،،،،،،،،،

وانتو كمان بكره هتعرفو باذن الله. اصل اللي حصل ما يتقالش الا في الحلقة الاخيرة. استنوني