دعاء الحب
★الحلقة الثامنة والعشرين★
من تاليفي
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★ومن جوة العربية بتاعتها تنطلق يسرية وراء. عربية شريف في مطاردة رهيبة علشان يبص شريف ل يسرية ويضحك ضحكة مخيفة ويدوس فرامل مرة واحدة علشان تقف عربيته فتستغرب يسرية وهي بتبص ولسة منطلقة باقصي سرعه ورجعت تبص للطريق لقيت ونش واقف حاولت تفادي الونش لكنها ما لحقتش ودخلت العربية في الشوكة بتاعت الونش. لكن دة حصل في جنب العربية اليمين ودة الجنب اللي مفيهوش كرسي السواق يعني يسرية انكتب لها عمر جديد وخرجت من العربية وهي مصابه ببعض الاصابات البسيطة وحوالين منها معظم اللي كانو في الشارع وقت الحادثة فضلو يطمئنو عليها وهي عيونها ما بتنزلش عن شريف اللي نزل من عربيته وفضل يبص لها وهو مبتسم وركب عربيته ومشي بيها. قامت يسرية بصعوبه وبمساعدة الناس. واللي كان بيقول
انتي كويسة
وواحد تاني بيقول
لازم تروحي المستشفي
ويسرية ماشية علي رجلها وهي بتعرج وما بتردش علي حد ورجعت القصر شافتها صفاء. راحت ناحيتها بسرعه وقالت
يسرية اية اللي عمل فيكي كدة
قعدت يسرية علي اقرب كرسي قابلها وهي بتقول
عملت حادثة
صفاء
شريف هو السبب صح
يسرية وهي بتعيط
انا السبب.
وقامت يسرية واترمت في حضن صفاء. وفضلت تعيط وصفاء. بدات تطبطب عليها وتقول
كلكم دلوقتي عرفتوا انكم كنتو غلط
يسرية
العز اللي احنا في دة ملعون. ما جاش من وراء. الا العذاب
صفاء.
شيطان زي عرفه هيسيب اية الا ورث ملعون زية. فلوس حرام واحنا حبينها وعيشنا فيها وبنحارب علشان نحمي الفلوس دي ونخليها تكبر وتكبر. بس جه الوقت اللي احنا لازم نفوق في كلنا ونخرج من العز دة. ونشتري حرية دعاء
يسرية بصت ل صفاء. وقالت
عايزا شريف ياخد كل اللي حيلتنا بالبساطة دي
صفاء
عندك حل تاني
يسرية
اة. عندي.
صفاء
تقتلي صح
يسرية
اة هقتله
صفاء
وضيعي زي ما اختك ضاعت. وتدخلي السجن في كلب زي دة. وضيعي علينا فرصة اثبات براءة اختك
يسرية
انتي تقصدي
صفاء
لو كان القتل هو الحل انا كنت قتلت شريف وهو هنا وقدام مني. زي ما عملتها قبل كدة وقتلت عرفه علشان احمي اختك من شرة. ولسة ما خدش جزائي ومستني نهاية تليق بمجرمة زيي. لكن شريف معه المفتاح اللي نقدر بي نخرج دعاء. قبل ما حبل المشنقة يتلف علي رقبتها. يعني شريف لازم يعيش
يسرية
تفتكري ان واحد زي شريف سهل نطلع منه باللي يبرءة دعاء
صفاء
الصح دلوقتي اننا نشوف محامي كبير يمسك قضية دعاء. وهو يعرفنا موقفها اية بالظبط في القضية دي
يسرية
ما فيش غيرة اشهر محامي في عالم الجنائيات عماد المقدم.
صفاء
يبقي قومي البسي خلينا نروح قسم مصر الجديدة نشوف دعاء. ونفهم منها اللي حصل بالظبط
يسرية
هقول ل شادية وفيروز يجوا معانا
صفاء
لا. هما لسة اعصابهم تعبانه وصعب اوي يشوفو امهم في قسم ومقبوض عليها. احنا هنروح لوحدينا وبعدين نقبي نقولهم، ،،،،،،،،
وفي نفس الوقت ومن جوة اوضة شادية. ووقت ما كانت شادية ماسكة الموبيل بتاعها. دخلت عليها فيروز وقالت
عرفتي اللي حصل
شادية بلامبالاة
اية ادفع فينا سعر اعلي من المرة اللي فاتت وخلاص ماما ناوية تبعنا تاني
فيروز
ماما ممسكوة في قضية قتل
شادية اتصدمت وقالت
بتقولي اية.
فيروز
بقول اللي سمعته حالا من ماما صفاء وخالتي يسرية. وهما رايحين دلوقتي ليها القسم. انا سمعتهم وانا رايحة اجيب مية اشرب
شادية
ماما قتلت مين
فيروز
ما عرفش
شادية
دة ذنبنا. تستاهل
فيروز
مش المفروض نكون جنب ماما في وقت زي دة
شادية بجبروت
انا امي ماتت. لو عايزا انتي تروحي روحي
فيروز
ما عرفش. بس هي صعبانه عليه
شادية مسكت ذراعات اختها فيروز وقالت
فوقي واصحي. اللي صعبانه عليكي دي. جوزتنا لجوز نصابين علشان تخلص مننا وتتجوز هي. فاهمه يعني اية ام. ترمي بناتها علشان تتجوز هي. وتعيش. واحنا في ستين داهية
فيروز
معاكي حق. انا كل ما افتكر اللي حصل في الليلة اياها بتصعب عليه نفسي اوي
شادية
يبقي اللي بيحصل في امك دة حلال. وانتقام ربنا منها.،،،،،،
ومن جوة الاوضة المحجوزة فيها نهي يقعد شريف قدام نهي ويبص لها وهو ماسك ايدها وبيقول
حقك عليه انا مش عارف ازاي عملت كدة
بصت له نهي وقالت بحدة
ما تخفش مش هبلغ عنك. علشان ما يجيش يوم وحد يعاير عيالي بيك لما تبقي رد سجون
بص لها شريف باستغراب. وهي لحظت فقالت
مالك مستغرب ليه. مش انت جاي وبتجر معايا ناعم علشان كدة
شريف
لا يا نهي انتي مراتي وحبيبتي وام عيالي. واللي حصل ليلتها دي كانت ساعه شيطان
نهي
ويسرية
شريف
دي كانت نزوة وراحت ل حالها صدقيني
ابتسمت نهي ورنت الجرس اللي جنب سريرها جت الممرضة المعالجة ليها بصت لها نهي وقالت
من فضلك مش عايزا اقابل. اي مخلوق تاني خلقة رينا. لان البني ادمين اللي بيجوا عندي بيفكروني قد اية الدنيا دي مليانه ناس واطية
وقف شريف لان رساله نهي لي وصلت وقال
هسيبك ترتاحي وهبقي اجي لك بعدين
وخرج شريف والممرضة وسابو نهي غرقانة في دموعها،،،،
وبعدها بشوية ومن جوة قسم مصر الجديدة تقف يسرية جنب صفاء. مستنين دعاء. تيجي من التخشيبة وتقابلهم بعد ما قدرت صفاء انها تستعطف قلب الظابط صادق ووافق انهم يشوفوها وفعلا خرجت دعاء واول ما شافت صفاء جريت عليها واترمت في حضنها وفضلت تعيط. وهي بتقول
شايفا حصل فيا اية. انا تعبت اوي يا امي وحاسة اني نهايتي هتكون في السجن
يسرية وهي بتعيط علي حاله اختها
هتخرجي من هنا. باذن الله انتي برئية ومظلومة وربنا ما يرضاش بالظلم
بصت دعاء. لاختها يسرية اللي كان في وشها كام خربوش بسبب الحادثة اللي حصلت لها وكانت دعاء مستغربه دموع يسرية فمسحتها دعاء. بايديها وقالت
انتي بتعيطي يا يسرية. معقوله اكون صعبانه عليكي
يسرية
مهما يحصل بينا احنا اخوات. دة انا نا عشتش مع امي قد ما عشت معاكي
اترمت دعاء. في حضن يسرية وقالت
اومال حامد مجاش معاكم لية. لسة ما عرفش اللي حصل لي. وشادية وفيروز فين. معقوله يعرفوا اني في مصيية ومايقفوش جنبي
سكتت يسرية وبصت ل صفاء ودعاء. بصت لهم هما الاثنين وقالت
في اية. انتو ساكتين لية
صفاء
حامد بيشوف محامي وجاي. والبنات ما يعرفوش باللي حصل لك
دعاء وهي بتعيط
لا. انتو بتضحكوا عليه. بناتي لسة زعلانين مني
صفاء
دعاء والله بناتك ما يعرفوا باللي حصل لك
دعاء
طيب عرفوهم وخلوهم يجوا لو انتم مش كذابين.
وبدا تتشحتف دعاء. من كتر العياط وقالت
قولهم اني قتلت يوسف وغانم لو حتي بالكذب علشان يسامحوني. والنبي قولهم كدة
يسرية. مسحت دموع دعاء وقالت
ممكن ما تقوليش الكلام دة قدام حد. دة كلام يوديكي في داهية
دعاء
اية يعني هموت. اموت بس هما يبقوا مسامحني. والنبي قولهم كدة يا يسرية هما بيسمعوا كلامك.
بدا بسرية تندم علي كل اللي عملته في حق اختها وخدتها في حضنها وفضلو الاثنين يعيطوا ودعاء. بتقول
والنبي خليهم يسامحوني. والنبي، ،،،،،،،،،،،،،
وبعدها بيوم ومن جوة مكتب الظابط صادق يقعد شريف قدام صادق ودعاء. تقف قدام منهم وشريف بيقول وهو بيبص لها
كل اللي قالته كذب. هي بتعمل كدة معايا علشان عرفت باللي بيني وبين اختها يسرية وقررت تنتقم مني
دعاء
اة يا واطي يا زباله.
صادق بعصبية
مدام دعاء. ممنوع التجاوز في مكتبي. بعد اذنك والا هخلي العسكري ياخدك برة
دعاء.
دة كذاب قسما بالله
صادق
سيبيني اكمل تحقيق لو سمحتي خلينا اجيب لك حقك
سكتت دعاء. وصادق بص ل شريف وقال
ممكن اعرف انت كنت فين اول امباراح
شريف
كنت في مكتبي. طول اليوم. وممكن تسال كل اللي شغالين معايا في الشركة
صادق
هنشوف.
واستمرت التحريات وانتهت علي ما فيش. شريف كان مأمن نفسه جدا. وماقدرش صادق يثبت عليه اي دليل. وخرج شريف من القسم وبعدها حضر المحامي عماد المقدم وبدأ يراجع ملف القضية واستاذن من صادق انه يقعد مع دعاء علي انفراد وفعلا قعد مع دعاء. وبص لها وقال
اسمعيني كويس يا بنتي. قضيتك بالشكل دة هتكون نهايتها الحكم بالاعدام عليكي. لان كل الادلة ضدك مع كمان تقرير الطب الشرعي اللي اثبت ان حصل اتلاف بفعل فاعل في ماسورة الغاز الطبيعي الموجودة جوة الشقة مع زرع جهاز استشعار صغير جدا. يولد شرز عن طريق التحكم في عن بعد بجهاز ريموت كنتروال والشرز دة كفاية جدا. لحدوث انفجار زي اللي حصل. مع كمان ان مفتاح الشقة مش مع حد غيرك يعني ما حدش بيدخل الشقة غيرك. وكمان انتي كنتي برة وقت الانفجار كل دي ادلة اتهام ضدك. ما فيش اي دليل في صالحك
دعاء بعصبية وانهيار
ما عنديش اي كلام تاني انا قولت كل اللي حصل والله ما عندي اي كلام تاني. هو فين حامد يفهمك انا عايزا حامد
عماد
طيب اهدي. وخلينا نشوف نقدر نحلها ازاي. بالراحة كدة تفتكري شريف دة وصل لمفتاح شقتك ازاي
دعاء
ما عرفش
عماد
ساعديني. شريف اكيد لي حد جوة القصر يقدر يخرج له المفتاح
دعاء قالت في سرها
معقوله تكون يسرية.
وبرقت دعاء. من صعوبه وصدمة الفكرة، ،،،،
من جوة اوضة الاعدام تقف دعاء جلال مبروك قصاد منها عشماوي وشيخ من الازهر. وكان الشيخ بيقول
انطقي يا بنتي الشهادة.
بصت دعاء للشيخ وقالت
بناتي سمحوني
الشيخ
يا بنتي انا هنا مش مطلوب مني اكتر من اني القنك الشهادة.
دعاء وهي بتعيط وبتصرخ
انا ما عنديش مشكلة اني اموت بس اسمع من بناتي انهم سمحوني. ارحموني. وخلوني اسمعها قبل ما اموت
الظابط اللي كان مع الشيخ
ما ترحمينا من الحكاية بتاعتك دي بقي. دة الصعيد كله ملهوش سيرة الا سيرتك انتي وبناتك
وبص الظابط ل عشماوي وقال
حط الطقية حوالين راسها ونفذ حكم الاعدام
دعاء تصرخ وتقول
لا. اسمعها الاول. احنا مسمحينك يا امي.
لكن عشماوي حط الطقية حوالين راس دعاء وسط صرخات دعاء ومسك الذراع واستعد لشنق دعاء ولكن يتفتح باب الاوضة وتدخل شادية ووراء منها فيروز فيشيل العسكري غطاء الراس عن وش دعاء. فتبص دعاء لبناتها وتقول بفرحة
كنت عارفة اني مش هاهون عليكم. انا قتلتهم علشان اصلح غلطتي سامحتوني صح
بصو الاثنين ل دعاء بصمت مخيف ومسكت شادية ذراع المشنقة وفيروز مسكتها معها وقالت دعاء
بتعملو اية. لا. مش عايزا اموت وانتم زعلانين مني.
شادية وفيروز في نفس واحد
بصوا لينا واحنا بنقتلك زي ما انتي قتلتينا.
ويسحبوا. البنتين ذراع المشنقة وتتعلق دعاء في الهواء من رقبتها. ،،،،،،،،
ومن جوة التخشيبة تصحي دعاء من هذا الكابوس وهي بتصرخ ومنهارة من العياط، ،،،،،،،،،،،،
وبعدها باسبوع ومن جوة قصر دعاء. يقعد شريف وهو منتصر وبتعالي شديد وحاطط رجل علي رجل وبيبص ل صفاء ويسرية وشادية وفيروز اللي لمو هدومهم في الشنط بتاعتهم. وقال شريف بغرور شديد
دلوقتي جايين راكعين وتحت رجلي علشان المحامي قال لكم انها هتاخد اعدام. وما فيش مفر
صفاء
وجاهزين نتنازل لك عن كل اللي حيلتنا بس هي تطلع منها
شريف
برافو. عين العقل وانا جاهز ابقي الملك اللي عنده كله العز دة. بيعي يا ماما صفاء. وانتي الكسبانه
وحط اوراق التنازل عن القصر وكل الاملاك قدام صفاء. لكن في الوقت دة يدخل حامد ومعه نهي من باب القصر ويقول حامد
ماما صفاء ماعندهاش حاجة تتباع
اتصدموا كلهم وبصوا ل حامد اللي كمل وقال
لان اللي قتل يوسف وغانم انا وكلها كام دقيقة والبوليس يجي يقبض عليه.
وقف شريف وهو متعصب وقال
انت بتعمل اية يا غبي. دي فيها اعدام
بص حامد ل نهي وقال
هو جوزك ما يعرفش اني اتحكم عليه بالاعدام مرة. ودعاء دفعت الثمن حياتها علشان اعيش.
ورجع حامد بص ل شريف وقال
تفتكر اني اسيبها تتعدم
شريف بعصبية
يا غبي. كانو خلاص هيمضوا. وهيبقي كل العز دة بتاعي ووقتها هاديك اللي انت عايزة
حامد
حياة دعاء عندي بكل فلوس الدنيا
شريف بص ل نهي بمنتهي الغضب وقال
انتي اللي عرفتي باللي هيحصل. غبية زية. لسة صعبانه عليكي دعاء بعد اللي عملته فيكي
نهي
اختي وعمري ما سابها تموت بسبب لعبة خنزير زيك
شريف وهو بيهجم علي نهي ولسة هيضربها
انا خنزير يا بنت ال،،،،،،،
وقف قدام من حامد وادي له بالراس في مناخيرة كسرها ل شريف. وبدات تجيب دم. وهنا يسمعوا صوت سرينه البوليس وجه الظابط صادق ومعه كام عسكري وبص
ل كل الموجودين فقاله حامد
انا اللي انت بدور عليه يا باشا. انا اللي قتلت يوسف وغانم
صادق
انا مش جاي لك انت وبس. انا جاي كمان ل شريف
شريف وهو ماسك مناخيرة
انا ما عملتش حاجة. وانت بنفسك حققت معايا قبل كدة وطلعت براءة
صادق
انا مش جاي علشان اللي حصل في شقة مصر الجديدة انا جاي علشان في بلاغ متقدم من نهي مرات حضرتك بتتهمك في بانك حاولت تقتلها
شريف بص ل نهي واتصدم والعساكر حطت ايدة في الكلبشات وخرجو بيهم من القصر، ،،،،،،،،،،،،،،،،
خلصت حلقة النهاردة اللي يارب تكون عجبتكم. سلام
رووووووعة وتحفة
ردحذفايوه كده كان لازم اشمت في شريف ده
ردحذفروعه
ردحذف