الهام واللي كان الحلقة الاخيرة

 دعاء الحب

     ★الحلقة السابعةوالعشرين★

من تاليفي
محمد منصور. منص

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

من قدام العمارة اللي قامت فيها الحريقة نشوف دعاء وهي في ايديها الكلبشات وبتخرج من العمارة وسط حراسة رجال الشرطة وبتركب البوكس واربعة من رجال الاسعاف بيخرجوا بجثتين غانم ويوسف المحروقين وبيحطوهم في عربية الاسعاف وبعض رجال المطافي بيطفوا الشقة من خلال الشباك الخارجي الموجود في وجهه العمارة، ،،،،،،،،،،

وبعدها بشوية ومن قدام الظابط صادق. وهو دة الظابط اللي قبض علي دعاء. تقف دعاء. وصادق بيقول لها

للمرة العشرين بسالك اية علقتك بالاثنين. اللي لقيناهم في شقتك محروقين

بصت له دعاء. وفضلت سكتة انعصب صادق وقال

انتي فاكرة انك كدة صح. انطقي بالذوق بدل ما اخليكي تتنطقي بطريقة محبهاش ليكي 

اتفزعت دعاء من اسلوبة وقالت

ما عرفهمش

صادق

ازاي بقي والبواب قال لما سالنا انهم دخلو العمارة معاكي 

دعاء بارتباك 

البواب كذاب

صادق

مدام دعاء. من فضلك احترمي دماغي. الشقة دي بتاعتك وباسمك ودول اتنين دخلو معاكي العمارة وقدام البواب يبقي ازاي ما تعرفهمش.  

دعاء.

ما عنديش كلام تاني يتقال

صادق

برضو 

وقام وقف وقلع الساعه اللي في ايدة وحطها قدام منه علي المكتب وراح ناحية دعاء وهو بيقول

انا العقيد صادق الصباح. معروف في الدخلية كلها ان ما فيش مجرم وقف قدام مني وقدر يعدي عليه الساعه من غير ما بعترف بجريمتة.  

ووقف قدام منها بالظبط وبص في عيونها بصة تخوف وقال

تفتكري انتي بقي تستحملي في ايدية ساعه. سؤال واحب اسمع اجابته. يوسف وغانم يبقوا اية ليكي. وكانو بيعملو اية في شقتك 

خافت دعاء اوي وقالت بارتباك شديد 

دول نصابين. خدوا مني فلوس كتير بالنصب ولما طلبتهم بالفلوس دي. طلبوا مني اننا نتقابل في مكان علشان نعرف نتكلم جبتهم عندي البيت واول ما دخلو الشقة حصل الانفجار دة والنار مسكت فيهم انا جريت برة ووقفت علي باب الشقة وهما اتحرقوا 

صادق 

بس كدة

دعاء 

دة كل اللي حصل

صادق 

يعني افهم منك كدة. ان سبب الانفجار دة مش بفعل فاعل. وانه حضل قضاء وقدر

دعاء 

اة.

صادق

هيبان الطب الشرعي هيبين ان كان الانفجار دة بفعل فاعل ولا قضاء. وقدر

ورجع صادق قعد علي مكتبة وقال

بس عندي سؤال لما هما نصبوا عليكي في فلوس كتير

 لية ما بغلتيش عنهم

دعاء

بلغت

صادق

تمام. ممكن اعرف رقم المحضر. علشان اعمل بحث عنه 

اتصدمت دعاء وسكتت. بص لها صادق من فوق ل تحت وقال

اية مش عارفة رقم المحضر. طيب اسهلها عليكي عملتي المحضر دة في اني قسم

برضو سكتت دعاء. فقال صادق بعصبية

كنت عارف انك كذابة. والموضوع بعيد عن حوار النصب دة خالص. اية اللي بينك وبين الاثنين دول. لدرجة تخليكي تولعي فيهم

دعاء. اتفزعت وقالت وهي بتعيط 

لا. انا ما ولعتش فيهم انا بنت ناس وما قدرش اعمل كدة صدقني 

صادق

انا عايز اصدقك بس اصدقك ازاي وانتي كل الادلة ضدك. 

قولي الحقيقية خليني اقدر اساعدك

عيطت دعاء. اكتر واكتر صعبت علي صادق وقال

تعالي اقعدي مدام دعاء

قعدت دعاء. وصادق قال

اجيب لك فنجان قهوة يهدي اعصابك

دعاء

انا مش عايزا حاجة غير اني بناتي يسامحوني

صادق

يسامحوكي علي اية بقي

دعاء. بصت ل صادق وقالت

هحكي لحضرتك كل حاجة لغاية الليلة اللي قابلت فيها يوسف وغانم

صادق

احكي وصدقيني لو هقدر اساعدك انا مش هتاخر

وبدات تحكي دعاء. كل الحكاية لغاية ما وصلت لليلة اللي جالها فيها مكالمة علي موبيلها فقالت ل صادق 

ورديت علي الموبيل وكانت مكالمة من الممرضة اللي متابعها حاله نهي صاحبتي وقالت لي ان نهي فاقت وعايزا تتكلم معايا ضروري. قفلت مع الممرضة وخرجت جري من القصر وروحت لها المستشفي ، ،،،،،،

ومن جوة الاوضة المحجوزة فيها نهي ووقت ما كانت نهي علي معظم الاجهزة لكنها حالتها افضل شوية تدخل دعاء. الي الاوضة وبمنتهي السرعه وتروح ناحيتها ونقف قدام منها وهي فرحانه اوي انها بخير وبتقول

نهي ما تعرفيش انا فرحت ازاي انك فوقتي من الغيبوبة

وجت دعاء. تمسك ايد نهي شالت نهي ايدها بعيد عن ايد دعاء. وقالت بصوت حزين وبصعوبه

من امتي كنت وحشة معاكي علشان تبقي انتي وحشة معايا

استغربت دعاء. وقالت

نهي انتي تقصدي اية

نهي

انتي بجد كنتي عارفة باللي بين شريف ويسرية

دعاء. وهي مصدومة

انتي مين اللي قال لك

نهي

شريف وهو بيكتم نفسي علشان ما صرخش قالي انك تعرفي باللي بينه وبين يسرية وانك وافقتي علشان خاطر الاتفاق اللي بينك وبينه يتم

دعاء.

نهي ان،،،،،،،،

كحت نهي قطعت كلام دعاء. وقالت نهي بصعوبه

قولي ان شريف كذاب. وانك ما قبلتيش علي صاحبتك واختك وعشرة عمرك انها تعيش مع واحد خاين.  

دعاء بصوت حزين

مش هقدر اكذب عليكي. ولا هقدر اقول لك اني ما خونتش اللقمة اللي قسمنها في يوم سوي.

نهي وهي بتعيط

عملتي كل دة علشان توصلي ل حامد ويبقي جوزك.

دعاء

انا كنت غلط في كل اللي عملته وبعترف اني غلط وقلبي ساقني ل طريق كله شر علشان بس افرح انا وما كنش يهمني علشان خاطر فرحتي تكمل هدوس علي مين. كنت انانية اوي 

نهي

كان نفسي يطلع كذاب. او كنت مت قبل ما اسمع منك الكلام دة

اترمت دعاء في حضن نهي لكن نهي زقتها زقة قوية ما تمشيش مع حالتها وقالت

انا مش عايزا اعرفك تاني. طول ما انا عايشة ولو مت اوعي تحضري دفنتي

عيطت دعاء اوي واترمت عند رجل نهي علشان تبوسها وكانت بتقول

لا. يا نهي دة انتي اختي واللي فاضلة ليا في الدنيا دي

نهي

كنا اخوات. لكن عارفة يا دعاء. اني كنت هبلغ الحكومة عن شريف واتهمه بانه حاول يقتلني لكن لا. هسيبة يكون سبب عذابك انتي ويسرية. 

دعاء

هتتعلمي القسوة فيا

نهي

طول عمري جدعه وطيبة اجرب مرة اكدة ابقي زيك واسيب شريف يذوقك المرار الطافح واقف اتفرج عليكي زي ما سيبتي يخوني مع اختك 

و رنت نهي جرس جنب منها بعدها ب لحظات دخلت الممرضة اللي متابعه حالتها. بصت لها نهي وقالت

لو سمحتي محتاجة الاوضة تفضي من اي حد مزعج 

بصت الممرضة ل دعاء اللي كانت بتعيط وبتقول

نهي. بعدك هينكسر ظهري

نهي ما بصتش ليها حتي وقالت للممرضة تاني وبحدة

لو سمحتي محتاجة هدوء.

طلعت الممرضة. دعاء. وهي بتقول

اطلعي بعد اذنك

بصت دعاء ل نهي بصة اخيرة ونهي بتبص بعيد عن دعاء. وخرجت الممرضة دعاء. وهي بتنادي علي نهي وبمجرد ما الباب اتقفل عيطت نهي بحرقة، ،،،،،،،،

ونرجع لمكتب الظابط صادق ودعاء مفحمومة من العياط وبتقول

خرجت من عندها واني ناوية اخلص من شريف سبب كل اللي حصل لي. وفعلا اتصلت بي واديته ميعاد يقبلني في وهو تاني يوم بالليل في شقة مصر الجديدة اللي مكتوبه باسمي وورثها عن عرفه جوزي ولما روحت عند العمارة لقيت يوسف وغانم واقفين مستنيني اتصدم وقولت لهم، ،،

ونرجع بالاحداث ل كام ساعه بالتحديد قبل الانفجار بدقائق ودعاء. واقفة قدام بوابة العمارة وبتقول بعصبية ل يوسف وغانم

انتو جائيين هنا عايزين اية

يوسف

شريف قالنا انك طلبتي علشان تدي له فلوس واحنا مش هنسيب مليم تاني يندفع اللي لما يتقسم علينا احنا التلاته

غانم

حاكم فلوسك حلوة اوي يا حماتي زي بناتك بالظبط. وخصوصا شادية

دعاء لسة هتنزل بالقلم علي وشة مسك ايدها وقال 

لا. احنا في الشارع وربي وما اعبد انسي انك زي ماما واقل منك

سحبت دعاء. ايدها من ايد غانم وبصت يمين وشمال تشوف حد لاحظ ولا لا. لقيت البواب مشغول في الموبيل فقررت تخلص منهم هما كمان فقالت

وماله تعالو نطلع نستني شريف فوق وبالمرة تاخدوا فلوس زي اللي ياخدها

ودخلو العمارة مع دعاء. وركبوا الاسنسير ووصلو عند الشقة فتحت دعاء باب الشقة ودخلت وهما دخلو وراء. منها وقعدوا علي الركنة وقال يوسف

اومال شريف اتاخر لية

دعاء.

اتصل بي شوفو فين خلينا نخلص

هنا خبط باب الشقة بصوا كلهم للباب وقال غانم

شكله هو دة

غانم

روحي افتحي له يا حماتي

بصت دعاء ل غانم بقرف وراحت ناحية الباب واول ما فتحته شافت حد بيجري علي السلم نازل ل تحت جريت تشوف مين دة. سمعت انفجار جاي من جوة الشقة رجعت جري للشقة لقيت النار ماسكة في يوسف وغانم، ،،،،،،،،،،،،،

ونرجع تاني لمكتب الظابط صادق اللي بص ل دعاء بشك رهيب وقال

بس كدة

دعاء.

شكل حضرتك مش. مصدقني بس والله العظيم دة اللي حصل 

صادق

ومين بقي اللي خبط الباب وطلع يجري دة

دعاء

ما عرفش. بس من اللي انا حكيتة ل حضرتك افتكر ان شريف هو اللي لي مصلحة يخلص من يوسف وغانم ويخلص مني انا كمان

صادق

وهو شريف دة عادي كدة يدخل شقتك وانتي مش موجودة

دعاء.

تقصد اية يا فندم

صادق

اقصد ان كدة الانفجار بفعل فاعل وعلشان يبقي بفعل فاعل لازم حد يقدر يدخل الشقة ويخرج منها بشكل طبيعي. علشان يجهز لعملته. مش كدة ولا اية

دعاء 

ما حدش معه مفتاح الشقة دي غيري انا

اتنهد صادق وقال

باين كدة حكايتك. حكاية خلينا دلوقتي نمشي خطوة خطوة. ونبدأ. باستجواب شريف ونشوف البواب شافه قبل كدة دخل العمارة ولا. لا. ،،،،،،،،،،

في نفس الوقت كان شريف قاعد في صالون قصر دعاء. دخلت عليه الصالون صفاء علي الكرسي المتحرك بتاعها وكانت بتزقها يسرية. اول ما وقعت عين صفاء علي شريف قالت

اية انت اللي عرفت تجيب عقود الجواز

شريف حط رجل علي رجل وقال

انا جبت اللي احلي من كدة

وطلع من جيبة حبل وكان عامله بعقدة في النص يشبة حبل المشنقة بالظبط ورمي تحت رجل صفاء بصت صفاء للحبل وقالت يسرية

شريف تقصد اية بالحبل دة

شريف

دة حبل شبة اللي هيتلف علي رقبه دعاء.

صفاء. بعصبية

انت بتقول اية 

شريف

عايزك تهدي كدة وتروحي قسم مصر الجديدة هناك هتلاقي دعاء مقبوض عليها بتهمه قتل. 

انصدموا الاثنين فقام شريف وقف وراح ناحية صفاء. وقال

علشان ما تقوليش عليه بعد كدة تاجر خايب. المرة دي البيعة ربحانة باذن الله. فلوس ماما صفاء. قصاد براءة بنتها دعاء.

يسرية

انت كدة عديت كل الحدود. ودعاء. خط احمر. 

شريف

واتفاقي معاكي

يسرية

انا ما اتفقتش معاك الا علي انك تبعد حامد عن طريقها. لكن تقوم تلبسها قضية قتل

شريف

انا ما عملتش حاجة دي هي اللي قتلتهم 

صفاء 

قتلت مين

شريف

يوسف وغانم ولعت فيهم في شقة مصر الجديدة 

يسرية

انت كذاب

شريف

والله قسم مصر الجديدة مش بعيد. روحو واساله 

ولسة هيمشي شريف مسكتة يسرية من ظهر القميص وقالت

انت مش هتمشي من هنا الا لما تروح القسم وتخرج دعاء

لف شريف وشة وبص علي ايد يسرية وضربها قلم من قوته وقعت علي الارض وخرج من القصر وساب يسرية علي الارض وصفاء بتصرخ فيها وبتقول

اقول اية بس روحو منكم لله انتو الاثنين سلمتو رقبتنا ل حيوان زي دة. نقف قدامه ازاي واحنا ولايا

وافتكرت صفاء. حامد فقالت ل يسرية

روحي اندهي حامد بسرعه. هتلاقي نايم في الفيلا اللي قدام مننا

بصت يسرية ل صفاء وقالت

حامد ساب الفيلا ومشي

صفاء 

بتقولي اية.

لكن يسرية تبص للحبل اللي علي الارض وتخرج جري وراء 

شريف وصفاء بتقول لها

رايحة فين

لكن يسرية ما ردتش وخرجت وراء شريف.،،،،،،،،،

ومن جوة العربية بتاعتها تنطلق يسرية وراء. عربية شريف في مطاردة رهيبة علشان يبص شريف ل يسرية ويضحك ضحكة مخيفة ويدوس فرامل مرة واحدة علشان تقف عربيته فتستغرب يسرية وهي بتبص ولسة منطلقة باقصي سرعه ورجعت تبص للطريق لقيت ونش واقف حاولت تفادي الونش لكنها ما لحقتش ودخلت العربية في الشوكة بتاعت الونش، ،،،،،،،،،،،،،،،،،،،،،

خلصت حلقة النهاردة اللي يارب تكون عجبتكم. سلام