بوابة الوهم
★الحلقة الثامنة★
كتابة واقتباس
محمد منصور. **منص**
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★وبدات كاميليا وهي مسحورة وواقفة علي حرف شباك الاوضة تقول
1.
رفعت
كاميليا فوقي
كاميليا
2.
رفعت
كاميليا. ما تخليهاش تسيطر عليكي بالشكل دة
كاميليا
3.
ويجري رفعت باقصي سرعه ناحية كاميليا ويزوقها علشان يلاقيها في الجو بتتحول لمجرد سراب ضحك رفعت وضحك وقال
كنت عارف انها مجرد وهم. الغريب انك لسة مسيطرة عليها يا نجمة
جمر وهي هاتجنن
انت عرفت ازاي ان دي مش كاميليا
رفعت
لكل شاطر غلطة وانتي غلطي لما حبيتي تلعبي عليه لعبه التنويم المغنطيسي وانك تقدري تتحكمي في كاميليا وتخليها زي المسحورة. و دي مش امكانياتك يا نجمة. انت اخر امكانياتك امتلاك الماضي والتحكم في. دي قدرات بوابة الوهم اللي انتي امتلكتيها
سقفت جمر وقالت
صحيح انت عبقري يا دكتور رفعت وشاطر اوي في المجال دة. وعلشان كدة احب اعرفك اسمي الحقيقي. انا جمر
رفعت
جمر بنت لوسيفر
جمر
بالظبط.
رفعت
طيب انتي ازاي لسة متحكمة في ذاكرتي وما عرفتيش انا وديت فهمي فين
جمر
انت في مرحلة ما بعد المرض وذاكرتك مش ملكي لكن اني اوهمك دة اقدر انا عليه. ودلوقتي طالما كشفنا ورقنا ل بعض. قولي فين فهمي وانا اشفي لك مراتك
رفعت
لسة في ورقة مستخبيئة.
جمر
ورقة اية
رفعت
عايزا فهمي لية. مش انا اللي كنت مطلوب من لعبتك دي
جمر
دكتور رفعت بلاش تدخل في شئ ما يخصكش
رفعت ضاحكا
ازاي طيب وانتي عرفتي تصطاديني ب فهمي اللي كان مجرد طعم
جمر
انت قولتها اهو فهمي مجرد طعم. وملهوش قيمة. بتسال عنه ليه
رفعت
ساعات بنحط في السنارة طعم اغلي من قيمة الفريسة اللي هنصطادها. ودة حالنا في الحكاية دي
جمر
رفعت اسماعيل. انت هنا في لعبتي انا وتحت تصرفي انا كلكم جوة دايرة من صنع ايديه. مش مطلوب منك تسال او تفهم. انت تنفذ المطلوب وبس. والا ماضي مراتك كاميليا هيحطمها
ابتسم رفعت وقال
ولما تحطمي كاميليا اية اللي يغصبني علشان اروح رحلة البحث عن لوسيفر. ورجوعه ليكي
جمر
بدأ صبري يقل. ولو انتهي الصبر صدقني هتندم يا رفعت في كل لحظة هتشوف فيها عذاب كاميليا قدام منك والوهم بيقتلها بالبطئ.
رفعت
هتقتليها حتي بعد ما عرفت مكان لوسيفر والدك
اتصدمت جمر وقالت
انت بتقول اية
رفعت
اللي انتي سمعتي. كاميليا سافرت امبارح لروسيا.
جمر
انت كداب يا رفعت. ذاكرة كاميليا خزنت زيارة فهمي ليك ودة ماعداش عليه ساعتين
ضحك رفعت اوي وقال
باين عليكي معلوماتك قليلة في خصوص الاحداث اللي بيسجلها مركز الذاكرة. اللي في دماغ كل بني.
جمر
انت تقصد اية
رفعت
تعالي بس بسرعه اعرفك علي مركز الذاكرة في الانسان.بيتكون من اية. هنبدأ بجزء في الذاكرة يسمي الحصين. و الجزء دة مسؤول عن الذاكرة في الدماغ، ودة بيسجل كل الاحداث اللي بتحصل لنا طوال اليوم. وعن طريقة بنحفظ الطرق والاماكن اللي احنا عايشين فيها. والجزء دة البوابة ملهاش سيطرة عليه بنسبة كبيرة. نيجي بقي للجزء الثاني في مركز الذاكرة ودة اسمه اللوزة ودي بقي بتتحكم في المشاعر زي الخوف والحب والفرح واللوزة هي المسئول الاول في استرجاع الأحداث المسببة للخوف، ودة بقي الجزء اللي من خلاله تيجي سيطرة البوابه عليه. لكن وقت الانتقال من ذاكرة التحصين ل ذاكرة اللوزة بيستغرق 24 ساعه ودة وقت كفاية جدا علشان كاميليا تكون وصلت في روسيا وتعرف المكان المسجون في لوسيفر
جمر بعصبية شديدة
وازاي ما قدرتش اشوفها وهي مسافرة
رفعت
هقول لك ازاي ،،،،،،.،،،،،
ونرجع بالاحداث لكام يوم فاتو وقعت رفعت ما خلي كاميليا تمسك الورقة وتقرا المكتوب فيها وعيونها مغمضة لان كاميليا تقدر تقرا. بطريقة فاقدي البصر. زي ما اتعلمت وهي صغيرة علشان تعلم اختها فاقدة البصر. وكان رفعت كاتب في الورقة
★انا اتعلمت الكتابة بطريقة الحروف اليارزة الطريقة اللي بيستخدموها فاقدي البصر ودة هيبقي طريقة التواصل ما بينا في الفترة الجاية. علشان انتي ذاكرتك اصبحت مش ملكك. ملك قوة غريبة تمسي بوابة الوهم تحت سيطرة ينت لوسيفر اللي بتدعي انها نجمة. وعلي طريق فاقدي البصر هنقدر نتغلب عليها. بس المهم اوعي تسجلي اي انقعال بخصوص الكلام. دة حافظي ديما علي ثباتك الانفعالي علشان بنت لوسيفر ما تعرفش. بالمخطط اللي هنفذه. لنهايتها ونهاية البواية الملعونه دي. انتي هتسفري روسيا مقر دكتور البرت اللي قدر ينفي لوسيفر وهناك هتتواصلي بابنه دكتور ادم. اللي عرفت منه مكان لوسيفر وهترجعي تاني بالمعلومة دي وطول رحلتك هتعبشي فاقدة للبصر. واوعي يظهر عليكي اي انقعال. ولا تتكلمي كلمة واحدة تكون ذاكرة. تستخدمها بنت لوسيفر ضدنا. بالظلمة والسكوت هنقدر عليهم★
ونرجع تاني ل رفعت. وهو بيقول ل جمر
وفعلا كاميليا سافرت. وقدرت تعرف المكان اللي اتنفي في لوسيفر ودلوقتي الصفقة هتم زي ما انا عايز
جمر وهي متعصبة
اية هي الصفقة
رفعت
نهاية بوابة الوهم. قصاد رجوع لوسيفر ليكي
جمر
كدة بسهوله. مش المفروض اتاكد ان كاميليا فعلا تعرف طريق لوسيفر والدي
رفعت
تقدري تدخلي علي الذاكرة بتاعتها هتشوفي لوسيفر مقيد جوة لوحة الجليد الاعظم. اللوحة اللي فيها دكتور البرت قدر ينفي لوسيفر لسنين
بدات جمر تعمل اللي قال عليه رفعت. وفعلا شافت ذكري ل كاميليا وهي واقفة قدام اللوحة. دي وجوة منها لوسيفر
قالت
هو لسة ما اتحررش.
رفعت
كاميليا جاهزة تحرره بمكالمة تيلفون مني.
جمر
ارجوك يا دكتور رفعت كلمها وخليها تحرره
رفعت
الصفقة هتم بشروطي مش باللي انتي نفسك في.
جمر
انت غبي. عايز تدمر بوابة تعتبر اعجاز علمي.
رفعت
اعجاز علمي هو الشر عندكم بقي اعجاز علمي العلم اللي اتوجد علشان يجعل حياة الانسان. من افضل ل افضل اخلي هو السبب في تشوية الانسان. يعني اية حد يتحكم في ذكريات مخيفة ل حد تاني. دة ربنا جعل لينا النسيان نعمه من النعم بتاعته الكتير علشان نقدر نغلب الاحزان ونعيش.
جمر
دة كلام انشأ ينفع موضوع تعبير انما الكلام الصح كلامي انا والبوابة دي مستحيل تتهد
رفعت
يبقي كتبتي علي والدك انه يفضل سجين لوحة الجليد
جمر
وانت كتبت علي مراتك ان اسوء ذكري عديت عليها تبدأ تنهش في لحمها
رفعت باستغراب
تقصدي اية
جمر
الطفل اللي مات في بطنها بسبب شغلها وانها اهملت في صحتها وقت ما كانت حامل في تفتكر لو قرر يخرج من الرحم مش دة عذاب ما حدش يستحمله. وساعتها صرختها هتخليها تفتح عيونها واقدر اعرف هي فين
رفعت بتهديد
عارفة لو عملتي كدة مش هيكفيني فيكي نهايتك مرة واحدة
جمر
فين فهمي. وقبل فهمي والدي لوسيفر. دي الصفقة اللي هتم
رفعت
مش هقول لك
جمر
وانا مش هعرف منك
وتختفي جمر من قدام رفعت. فيصرخ رفعت ويقول
جمر عذاب كاميليا معني نهايتك.
وخرج رفعت من الفيلا بسرعه وركب عربيته واتحرك بيها باقصي سرعه، ،،،،،،،
ومن جوة اوضة كاميليا كانت كاميليا نايمة وقت ما شافت بطنها بتكبر والرحم بيتجمع جوة منه طفل. والطفل بيغرر صوابعه في جدار الرحم وكاميليا بتتوجع والطفل بيحفر طريقة للخروج. وصرخات كاميليا لا تتوقف ،،،،،،،،،،،،،،
استنوني بكرة باذن الله والحلقة الاخيرة
خلصت حلقة النهاردة اللي يارب تكون عجبتكم. سلام
إرسال تعليق