بوابة الوهم
★الحلقة السابعة★
كتابة واقتباس
محمد منصور. **منص**
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★صلاح بابتسامه سخريه
سيف حكي لك كل حاجة مع انه واخد مني فلوس كتير
نجمة
انت في دايرة انا اللي رسمها ومهما تلف جوة الدايرة تفضل بدايتك عند نهايتك
وبصت له اوي وقالت
مبروك عليك النهاية يا ضحية الشهامة
وهجمت نجمة علي صلاح ولكن صلاح جري باقصي سرعته ناحية احدي شبابيك الفيلا ونط من الشباك واخد الازاز في قوة اندافعه ونزل بي علي ارضية الجنينة وقام بصعوبه لكنه قام وجري بسرعه ناحية عربيته وركب العربية واتحرك بيها بمنتهي السرعه وهنا تظهر نجمة في الكرسي الخلفي للعربية وتقول
انت صحيح مصدق انك ممكن تهرب مني. انا عايشة هو مركز الذاكرة بتاعك. واقدر اخليك تشوفني في اي وقت وفي اي مكان
اتفزع صلاح ولسة هيهرب مسكت راسه وفضلت تخبطها في دركسيون العربية. اكتر من مرة خبطات سريعة اتفتحت دماغ صلاح والدم بدأ ينزل علي ارضية العربية وبطريقة مرعبه. وبصت نجمة للدواسة الخاصة بالبنزين وبدات العربية تبقي سريعه جدا. وبتقرب من سور حديد فقالت نجمة
رحلة سعيدة لجهنم
واختفت نجمة ودخلت عربية صلاح في السور الحديد وبمنتهي القوة. وكانت النتيجة انفجار تانك البنزين واصبحت العربية كوم رماد، ،،،،،،،،
وتاني يوم الصبح ومن جوة مكتب رفعت اسماعيل يقف فهمي وهو متنكر في صورة فلاح. وكان فهمي بيدور علي دكتور رفعت. والمكتب كان فاضي خرج من المكتب شاف الفراش بص له وقال
فين دكتور رفعت
الفراش
الدكتور رفعت اجازة 10 ايام
فهمي
لية الاجازة الطويلة دي
الفراش
ما عرفش
فهمي
طيب تعرف عنوان شقته
الفراش
ايوة. ياما وديت طلبات لمراته
فهمي بلهفة
فين هو ،،،،،،،،،،،،
ومن قدام شقة رفعت يقف فهمي وكان بيرن الجرس وفتح رفعت شاف فهمي في لبس الفلاح استغرب وقال
انت
فهمي وهو بيبص حوالين منه
ادخل الاول وبعدين نتكلم،،،،،،
ومن جوة الانترية كان رفعت قاعد قدام فهمي وهو ببشرب سيجارة كالعادة. وفهمي بيقول
من ساعه ما عرفت باتفاق صلاح مع البنت دي وهروبها مني وانا طول الليل بلف في الشارع زي المجنون مستني النهار يطلع علشان اجي لك واتكلم معاك يمكن تفهمني اية اللي بيحصل لي دة. وازاي اكون مريض بالوهم ومرة واحدة اخف وارجع انسان طبيعي خالص. انا كتر التفكير هيجنني
رفعت
بص يا فهمي مش انت اللي كنت مقصود باللعبة دي. انت كنت مجرد طعم اتحط في سنارة علشان تطلع بيا انا وبرجلي اروح ل بوابة الوهم. ومن هناك تبدأ حكايتي انا وتخلص حكايتك انت
فهمي
دكتور رفعت انت كدة بتصعبها عليه اكتر. ما هي صعبه فهمني تقصد اية بكلامك دة
رفعت
نجمة
فهمي
مراتي
رفعت
مراتك اختفت
فهمي
اتقتلت تقصد
رفعت
لا. اختفت واللي كانت معاك بنت لوسيفر قارئ اوراق التاروت. وسمت نفسيها نجمة علي اسم مراتك
فهمي باستغراب
انا مش قادر افهم. ولا استوعب اللي بيتقال
رفعت
الموضوع بمنتهي البساطة يخص عالم ما وراء الطبيعية.
فهمي
طيب عندك تفسير منطقي علي اللي عملو معايا صلاح
رفعت
تقصد انه ازاي يهربك وهو في نفس الوقت كان ببدفع للي في ايدها برائتك علشان تختفي
فهمي
ايوة بالظبط
رفعت
دي حكاية ملهاش اي تفسير عندي. وقلبي حاسس ان مفتاح اللغز كله عنده صلاح. اديني عنوان فيلته
فهمي
هتروح له
رفعت
لازم
فهمي
انا بقيت اخاف منه
رفعت
انت ليك حق تخاف علشان هو صاحبك ومخبي عليك سر يخوف. لكن انا. لا
فهمي
اجي معاك
رفعت
انت هتروح فندق رمسيس. وتقول لموظف الاستقبال انك تبعي وهو هيشوف لك اوضة ترتاح فيها وانا هبقي ديما معاك علي اتصال ،،،،،،،،،،،،
ومن قدام بوابة الوهم كانت بنت لوسيفر اللي اسمها جمر واقفة قدام نجمة الحقيقية اللي كانت مربوطة ومرمية علي الارض وبتقول
فهمي جوزك هرب. ومش قادرة اعرف هو فين. ساعديني باي معلومة
نجمة
اساعدك في انك تقتلي.
جمر
انتي هتقولي زي ماقال صلاح. كلكم نسيتو بداية الاتفاق
نجمة
اتفاقنا كان ان فهمي يوصل للبوابة ويلمسها ودمه يختلط بيها وترجع بوابة الوهم. للحياة وتعيش وتتغذي علي ذكريات ضحاياها. وتبدأ حكايتك انتي مع رفعت اسماعيل وان فهمي يروح له علشان يعلاجة من مرض الوهم. لكنك خنتي الاتفاق وخلقتي جريمة قتل ما حصلتش وجثة خليتها تشبهني وكل دة علشان يلبسها فهمي ويموت بايد البوليس. فاكرة نفسك اذكي مننا يا جمر
جمر
كلكم بقيتوا ملايكة وانا الشيطانه اللي وسطيكم. خلاص يا نجمة نسيتي لما كنتي هتموتي وفهمي بس يبص لك بصة واحدة. نسيتي مين جوزه ليكي
نجمة
جوزتيني واحد الوهم بيتحكم في. يقولي بحبك بعد اي لحظة خناق ما بينا. جوزتيني انسان مجنون. ووعديني ان رفعت يحقق لك اللي انتي عايزا فهمي يرجع زي الاول لكنك عايز الغدر عايزا الموت ل فهمي عايزا البوابة ما حدش يقدر يهدها
جمر
من حقي اخاف علي كنز زي دة بوابة اللي يتحكم فيها يقدر يتحكم في ماضي اعداءة. ويكسب اي حرب قبل ما يبدها. ازاي اعرض بوابه زي دي للهدم في اي لحظة بسبب غلطة. موت فهمي يطمئن لي اني افضل ممتلكة البوابة واتحكم في اي عدو ليا وانهي حياته وقت ما اختار. ودة حقي انا كنت ولا اي حاجة قبل ما اكتشف سر البوابة دي اللي بنها الارواح المسجونة تحت قصر البارون. واللي بيبقو خدام للي بيمتلك البوابة
وراحت وحطيت رجليها علي رقبه نجمة وقالت بتهديد
زي ما انا دلوقتي اقدر انهي حياتك. قولي مين ممكن يلجا له فهمي في وقت زي دي
نجمة قالت بصعوبه
ما عرفش
داست جمر اكتر واكتر علي رقبه نجمة
يعني مش عايزا تتكلمي. وماله نخلي الماضي بتاعك واسوء ذكرياتك تخلص عليكي بالبطئ
وشالت جمر رجليها من فوق رقبه نجمة وبدأت البوابة تعمل مع نجمة زي ما عملت مع رفعت اسماعيل ونجمة بتصرخ وبتطلب الرحمة ولكن لا حياة لمن تنادي ،،،،،،،،
وبعدها بشوية ومن جوة جنينة فيلا صلاح يقف رفعت قدام ازاز الشباك المكسور ونقط الدم الموجودة علي ارضية الجنينة. وكان بيبص لهم بتركيز شديد وراح ناحية باب الفيلا اللي كان مفتوح ودخل الفيلا وبدا يمشي جوة الفيلا بحذر شديد وكان بينادي قائلا
استاذ صلاح.
وفضل يكررها اكتر من مرة. ورجله خدته للدور التاني من الفيلا وبدأ يدور ويفتح اي باب اوضة تقابله لغاية ما وصل لاوضة نوم صلاح فتح الباب وشاف علي السرير كتايه بوابه الوهم نفس الكتاب اللي عنده في مكتبته المفاجاة خليته يروح ناحية الكتاب ولقي صلاح معلم علي كام جملة في الكتاب وكلها ملهاش علاقة ببعض زي
★ومات البارون ★
★الابن هو المفتاح. لكل اسرار البوابه★
★الابن هو نهاية شر البوابة★
★الارواح تعيش في دائرة حوالين البوابة★
★1/1 بداية. شر. ★
★13/13. اخر الشر ★
وانتهت علامات صلاح عند هذا الحد استغرب رفعت وقال
هو نفس الكتاب اللي عندي لكن الجمل دي مش مكتوبه في النسخة اللي معايا. يعني اية. الكتاب اللي معايا مش نسخة اصليه. ودة النسخة الاصليه ولا اللي معايا هي النسخة الاصلي ودة نسخة تقليد. شئ يحير
وهنا تقف كاميليا عند باب الاوضة وتبص ل رفعت وتفضل ساكتة. فيستغرب رفعت ويقول
كاميليا اية اللي جابك هنا
ظهرت جمر وزقة كاميليا ناحية شباك الاوضة مشيت كاميليا وراحت ناحية الشباك ووقفت علي حرف الشباك ورفعت بيقول
كاميليا بتعملي اية
جمر
فين فهمي
بص رفعت ل كاميليا ولسة هيتحرك علشان ينقذها قالت جمر
خطوة تاني وهخليها ترمي نفسها.
جمر
فهمي فين
رفعت
انتي عرفتي ازاي انه كان عندي
جمر
الماضي وذكريات كاميليا ملكي. وعن طريقهم عرفت ان فهمي جالك. لانها شافته وهو بيدخل شقتكم لكنه مشي وكاميليا لا سمعته ولا شافته وهو ماشي من عندك
رفعت
عايزا اية من فهمي. حكايتك معايا انا.
جمر
دة حساب ما لكش في.
وقالت باعلي صوت عندها
فين فهمي.
رفعت
ما عرفش
بصت جمر ل كاميليا وقالت
كاميليا عدي من 1. ل 3. ونطي
وبدات كاميليا وهي مسحورة تقول
1.
رفعت
كاميليا فوقي
كاميليا
2.
رفعت
كاميليا. ما تخليهاش تسيطر عليكي بالشكل دة
كاميليا
3.
و،،،،،،،،،،،،،،،،،،،،،،
خلصت حلقة النهاردة اللي يارب تكون عجبتكم. سلام
روووعه حقيقي تحياتي
ردحذف