الهام واللي كان الحلقة الاخيرة

 بوابة الوهم

                 ★الحلقة السادسة★

كتابة واقتباس
محمد منصور. **منص**

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

★فهمي

برضو يا صلاح. ما ينفعش اعيش وانا عارف ان في حد شايفني مجرم. وقتال قتله

هنا يرن جرس الباب فيستغرب فهمي ويقول 

انت مستني حد

صلاح

ما تقلقش هتلاقي عم حسن البواب راح ورجع بالعشا

وراح صلاح وفتح الباب علشان يشوف فهمي البنت اللي كانت قاعدة معه في جروبي فيتصدم وكان في نفس الوقت صلاح بيكلم البنت دي وبيقول بصوت واطي لكنه حاد 

انتي اية اللي جابك هنا

قالت

قولت لي امبارح في جروبي انك هتديني اللي انا عايزا بس اختفي خالص وانا قولت لك ما عنديش مانع وكان بينا ميعاد من ساعتين وانت ما جتش 

بص صلاح وراء منه يشوف فهمي. واخد باله و لا. لكن فهمي كان رد فعله اسرع ومسك مجلة كانت قدام منه وبدأ يبص فيها كانه مش واخد باله ورجع صلاح يبص للبنت دي وقال

وعرفتي عنواني ازاي 

قالت

من رقم تيلفونك. ما انا ليا حبايب كتير في السنترال العمومي 

صلاح

طيب امشي دلوقتي وهبقي اشوفك بعدين

قالت

لغاية ما تنفذ اللي اتفقنا عليه انا هروح واجي وهدخل جروبي في اي وقت. ومش بعيد ضميري يصحي واروح اطلع. المسجون ظلم 

صلاح بحدة اكتر

قولت امشي دلوقتي وبكرة الساعه 10 هشوفك في جروبي

قالت

النهاردة بعد ساعه من دلوقتي اشوفك في جروبي 

ومشيت البنت دي وصلاح قفل الباب ورجع تاني ل فهمي اللي قال له

اية يا عم دة كله. هو مين اللي كان علي الباب 

ابتسم صلاح وقال

دة عم حسن البواب قال اية جاي يقولي ان الفلوس اللي خدها علشان يجيب بيها اكل ما كملتش

فهمي

عملك قلق انا

صلاح

ولا قلق ولا حاجة العشا هيجي تاكل وتطلع ترتاح شوية،،،،،

ومن جوة مكتب رفعت كان قاعد رفعت علي مكتبة وبيقراء في كتاب بوابه الوهم وهو ماسك قلم وبيعلم في الكتاب علامات معينه علي كلمات معينه وهنا تدخل عليه كاميليا فيقفل الكتاب بسرعه فتبص له وتقول 

رفعت. انت بتعمل اية ل دلوقتي

بص لها رفعت وقال

غمضي عيونك وتعالي

استغربت كاميليا وقالت

لية

رفعت

عملك مفاجاة

كاميليا

مفاجاة اية بس. يلا رفعت علشان تنام

رفعت

اسمعي بس الكلام وتعالي وانتي مغمضة عينكي

وفعلا غمضت كاميليا عيونها وراحت ناحية مكتب رفعت ورفعت مسك ايديها وحطها علي ورقة كانت قدامه علي سطح مكتبه. وبدأت كاميليا تمشي ايدها علي الكلام المكتوب في الورقة وبدات ملامح وشها تتغير وتتغير وانتهت من اللي مكتوب وشالت ايدها من فوق الورقة وقال رفعت

تقدري تفتحي عينيكي

فتحت كاميليا عيونها وبصت له وفضلت ساكتة وهو قال

الظلمة والسكوت. هما سلاحنا.  

كاميليا

هنسافر امتي

رفعت

بعد تلت ايام باذن الله عقبال التاشيرات ما تيجي.  

وخرجت كاميليا من اوضة المكتب ورجعت تاني تفتح الباب وتقول 

رفعت انت فين ولية مش نايم جنبي

رفعت بحزن علي مراته قال في سرة 

الوهم امتلك ذاكرتك. بس قريب هنخلص من كل دة باذن الله، ،،،،،،

وفي نفس الليلة ينام فهمي علي سرير. في احدي اوض فيلا صلاح. وصلاح بيبص عليه من وراء باب الاوضة علشان يتاكد انه نام. وقفل صلاح الباب وراء منه بهدوء شديد وخرج من الفيلا قام بسرعه فهمي من فوق السرير وخرج من الفيلا. وراء صلاح اللي ركب عربيته واتحرك بيها وبدأ فهمي يبص حوالين منه بيدور علي اي موصله يحصل بيها صلاح لقي راجل راكب موتوسيكل جاي من بعيد جري راح له وطلع ورقة ب 20 ج. اللي كانت في وقتها فلوس كتير واداهم ل سواق الموتوسيكل وقال

اطلع علي طول

وركب وراء السواق واتحرك الموتوسيكل وشاف فهمي عربية صلاح فقال للراجل

هدي السرعه. خلينا بعيد عن العربية دي. مش عايز اللي جوة يشوفني

السواق

هو في اية 

فهمي باقناع شديد

انا بوليس. نفذ اللي بقول لك عليه وانت ساكت

وفعلا بدات مراقبة فهمي ل صلاح اللي وصل جروبي ونزل من عربيته بشنطة مليانه فلوس ودخل جروبي وطبعا وراء منه فهمي اللي كان واقف بعيد وشاف فهمي صلاح وهو قاعد مع البنت اياها علي احدي التربيزات وبيحط قدام منها شنطة الفلوس وكان بيقول

عايزك تختفي نهائي. لمدة شهر بس.

قالت

واشمعني شهر

صلاح

علشان تكون القضية اتقفلت

قالت وهي بتبص علي الفلوس اللي في الشنطة

هو انت معه فهمي ولا ضده

وقف صلاح وقال بحزم

مالكيش في. تعملي اللي بقول لك عليه وخلاص. ونصيحة لو ظهرتي تاني ليا. اللي اعلي مني مش هيرحموكي 

ومشي صلاح وساب البنت عماله تبص للفلوس وهي مش مصدقه انها بقي معها كل المبلغ دة وقامت وخرجت من جروبي. ومشيت في شوارع وسط البلد وفي احدي الشوارع المقطوعه يظهر. فهمي قدام منها بالظبط لسة هتصرخ من الخضة حط ايدة علي بوقها وقال

هس. ،،،،،،،،،،،

بعدها بشوية ومن جوة احدي مطاعم القاهرة يقعد فهمي مع البنت دي اللي كانت بتقول 

والله دة كل اللي حصل. وانا قولت فرصة اطلع من وراء الحكاية دي بكام جنية امشي بيهم نفسي 

فهمي

يعني الجرسون قال لك ان صلاح عايز يقعد معاكي وصلاح قالك هديكي اللي انتي عايزا بس تختفي وماحدش يعرف يوصل لك. وبعديها حد يحاول يقتلني وانا بترحل للنيابة علشان تحصل بوليكة كبيرة ويظهر صلاح ويقدر يهربني. اية بقي اصله دة. لما هو بيخفيكي وانتي دليل برائتي. لية ما سابنيش في ايد الحكومة.

 ولو هو عايز يلبسني القضية لية يهربني ويعرض نفسه للخطر. هو في اية

قالت

انا ما عرفش بقي انت اعرف منه بمعرفتك

ومسكت شنطة الفلوس وقامت مسكها فهمي من ذراعها وقال

اية رايحة فين هو احنا لسة خلصنا كلام

قالت

انت عايز مني اية تاني

فهمي

تيجي معايا البوليس وتعترفي اني كنت معاكي ليلة ما اتقتلت مراتي

قالت

نعم. لا طبعا

فهمي

هو اية اللي لا.   

قالت

انت عايز تخرب بيتي. دة انا واحدة متجوزة

فهمي

يعني يتخرب بيتك ولا افضل في نظر الناس مجرم

قالت

انا مالي انت هتبقي في نظر الناس اية. وسيب ذراعي خليني امشي من هنا 

فهمي وهو بيضغط علي دراعها اكتر واكتر

مش هسييك. دة. انتي دليل برائتي

قالت

كدة يبقي خد بقي

وخبطتة البت دي بالشنطة في دماغه خبطة خليته يفقد توازنه وجريت خارجه من المطعم وفهمي بيجري وراء منها لكنها كانت اسرع عرفت تنط جوة تاكسي وهو ماشي وفهمي وصل متاخر. حط ايدة علي دماغه وحاول يشوف اي تاكسي يحصلها لكنه ملقاش فضل يبص للتاكسي اللي هي في وكان هايتجنن انها ضاعت منه ، ،،،،،،،،،،،،،،

وبعدها بشوية ومن جوة فيلا صلاح كان صلاح بيلف ويدور جوة الفيلا بيدور علي فهمي وبينادي باعلي صوت عنده

فهمي.  

وهنا يتفتح باب الفيلا وتدخل نجمة. وتبص ل صلاح بشر مخيف وتقول 

لية هربت فهمي. دة ماكنش اتفاقنا

صلاح

انا ما اتفقتش معاكي علي انك تلبسي فهمي جريمة قتل ما حصلتش كان كل اتفاقنا اني اسلمك رفعت اسماعيل. ودة حصل 

نجمة

وفهمي البوليس قبض عليه بالغلط. 

صلاح

ما كنش بالغلط يا نجمة كل شئ من ترتيبك انتي 

نجمة

وانا اية مصلحتي في اني اخلي بوليس يقبض علي فهمي

صلاح

علشان يموت بعد ما ياخد اعدام. وما حدش يقدر يهدم البوابة. ولا انتي فاكراني غبي. فهمي ابن صاحب الدكان. هو الوحيد اللي لسة عايش ومن دمة وهو الوحيد اللي لو عرف حقيقية البوابة يقدر يهدمها بلمسة ايد . ولو اتقتل بايد اي روح من اللي ساكنين البوابة. البوابة هتتحرق بكل الارواح اللي حوالين منها.  

نجمة

برافو انت عرفت كتير اوي اكتر من اللي المفروض تعرفه.

وعلشان كدة انت هربته وكنت فاكر اني مش هعرف

صلاح

دة صاحبي الوحيد وموته كان برة اتفاقنا

نجمة

هي دي شكرا اللي بتقولها ل نجمة اللي خليتك تخف من مرض الوهم.

وصرخت نجمة وقالت

لولا انا كان زمان البوابة عايشة علي ذكرياتك وانت في نظر كل اللي يعرفوك مجرد واحد مجنون

صلاح

الجنان فعلا اني صدقتك وساعدتك في جوازك من صاحبي واذيته. وعلشان كدة ما استحملتش اشوفه بيتعذب قدام مني قولت له اني مسافر علشان اهرب من عذاب الضمير

نجمة

 الضمير. هو اللي خلاك تتفق مع سيف اخوه نجمة الحقيقية.  اللي انا منتحله شخصيتها.  علشان يعمل نفسه انه هيقتل فهمي ودة يديك فرصة تهربه من البوليس

صلاح بابتسامه سخريه

سيف حكي لك كل حاجة مع انه واخد مني فلوس كتير

نجمة

انت في دايرة انا اللي رسماها ومهما تلف جوة الدايرة تفضل بدايتك عند نهايتك

وبصت له اوي وقالت

مبروك عليك النهاية يا ضحية الشهامة

وهجمت نجمة علي صلاح و،،،،،،،،،،،،،،،،،

خلصت حلقة النهاردة اللي يارب تكون عجبتكم. سلام