الهام واللي كان الحلقة الاخيرة

 بوابة الوهم

               ★الحلقة الخامسة★

كتابة واقتباس
محمد منصور. **منص**

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

ودخل رفعت قصر البارون واتقفل الباب. وبمجرد ما اتقفل شاف رفعت نفسه قصاد البوابة وكانت ليها عيون من حديد وبتبص له وبتقول

رفعت اسماعيل. اخيرا بقيت ذكرياتك ملكي

صرخ رفعت ومسك دماغه وهنا ظهرت نجمة وبصت له وقالت

فين والدي لوسيفر

بص لها رفعت وهو مش قادر يتكلم ولا يتحرك. وهي بتشوف كل ذكرياته. وهو بيقول بصعوبه شديدة

انتي بنت لوسيفر. قاري اوراق التاروت

بصت له نجمة في عيونه وقالت

سجنت والدي لوسيفر فين. قول والا حرقت كل ماضيك. 

صرخ رفعت اكتر واكتر. ووقع علي الارض مغمي عليه والماضي بيتحرق ساعه ب ساعه. وفجاة. يفوق رفعت يلاقي نفسه واقع علي الارض وما فيش حد حوالين منه. وقدام منه البوابة بص لها بفزع شديد وقام وقف علي رجله بصعوبه شديدة وهو عمال يبص للبوابة وعمال يبص حوالين نفسه يشوف هو فين كان باين انه في بدروم ورغم ان ما فيش ولا. لمبة في البدروم الا انه كان منور بطريقة غريبة قرر يمشي وراح ناحية باب خشب قدام منه

واول ما قرب من الباب. شاف لوسيفر قارئ اوراق التاروت قاعد جنب الباب وبيقول

فاكر لما قولت لك وراء كل باب حكاية. النهاردة انت في قلب الحكاية. والوهم اتحكم فيك يا رفعت. والماضي هو العدو الاول ليك.

وبدأ يوزع اوراق الكوتشينة اللي عليها رسومات خاصة فقط باوراق التاروت. وقال لوسيفر

بنتي نجمة اول عدو ليك ومش هتسيبك. ترتاح. نقلت المرض ل صلاح صاحب فهمي وفهمي نقله ليك. انت المقصود مش هما. فهمي وصلاح خفوا وانت بقيت مريض الوهم يا رفعت

وهنا يشوف رفعت الباب بيتفتح وبيدخل عليه كائن يشية الشيطان وهو الجاثوم اللي ياما طلع لرفعت في اسوء كوابيسة. وكان الجاثوم بيمشي علي ايدية ورجله وبيجري ناحيته وبمتتهي السرعه جري رفعت وراح ناحية البوابة وحاول يفتحها لكنه ما قدرتش وقرب الجاثوم منه بص رفعت لي وصرخ من الفزع. والجاثوم هجم عليه وغرز انيابة في رقبه رفعت صرخ رفعت وتالم. من شدة الوجع وفجاة اختفي الجاثوم. وظهر تاني لوسيفر وكان لسة قاعد عند الباب وبيقلب في اوراق التاروت وبيقول بصوت بطي ومرعب

طبعا يا رفعت فاكر حكايتك مع الجاثوم وكانت نهايته ازاي علي ايدك. صعبان عليه يا رفعت.

رفعت كان حاطط ايدة علي رقبته اللي بتجيب دم. مكان العضة لكن دم متجلط دم عدي عليه سنين. وبيبص ل لوسيفر

عارف انت صعبان عليه لية. علشان انكتب عليك تخاف من الماضي. اصل البني ادم منكم. يخاف من بكرة ماشي. انما من ذكرياته اللي هتهجم عليه وتقلب حياته جحيم. صعب. مش اي حد يستحمل

رفعت وهو بيمسح الدم المتجلط عن رقبته.

عايز مني اية يا لوسيفر

بص له لوسيفر وقال

تعرف بنتي انا فين

رفعت

انا ما عرفش انت فين. نهاية حكايتك ما كنتش علي ايدي كانت علي ايد دكتور البرت. 

لوسيفر

انت عارف ان دكتور البرت مات. بعد ما قدر ينفني. 

رفعت بعصبية 

انت عارف اهو انه هو نفاك. عايز مني انا اية 

لوسيفر 

ترجعني

رفعت

منين

لوسيفر

تعرف وترجعني

رفعت

ارجع بايدي الشر للدنيا. دة احنا ماصدقنا قدرنا نخلص منك

ابتسم لوسيفر واتفتح باب البدروم ودخلت نجمة ووقفت جنب لوسيفر فبص لها لوسيفر بطرف عينه وقال

انا صحيح شرير لكني مش زيها. ولو لميت اوراق التاروت الخاصة بيك. هيتم تعذيبك علي ايدها بطريقة ابشع مما تتخيل

رفعت

ما عنديش رد علي اللي انت بتقولو. غير انك بتحلم لو تصدق ان رفعت اسماعيل يساعد شيطان زيك في الرجوع من المنفي

بص لوسيفر ل نجمة وقال

واضح ان دكتور رفعت مش مصدق انك تقدري تخلي يرجع في كلامه. تقدري بعد كام دقيقة تخلي يقرر يساعدنا 

ابتسمت نجمه. وقالت

بعد 30 دقيقة.

لوسيفر

مش قليل علي رفعت اسماعيل

نجمة

دول كتير

وقعدت نجمة علي الارض قصاد البوابة بالظبط. وبدات تبص للبوابة وجسمها يترفع ل فوق بشكل غريب وعيونه تسلط علي البوابة وتبدأ البوابة تقترب من رفعت ببطي شديد ورفعت بيحاول انه يتحرك لكنه مش قادر وبدات البوابة تتحول لفجوة زمنية وتبتلع رفعت علشان يلاقي نفسه جوة شئ يشبة الفضاء الخارجي وشاشات صغيرة تعرض اغلب مشاهد حياته وايقن انه هو كدة في رحلة لذكرياته وتيجي قدام منه شاشة لي وهو عندة 17 سنة. وقت الاحتلال الانجليزي وكان في كام ظابط انجليزي بيجروا وراء ثوار وهو وقتها كان ماشي في الشارع لوحدة وشاف الثوار وهما بيخشوا احدي البيوت وبيستخبوا فيها والعساكر الانجليز بيدورو عليهم وشك في واحد من الانجليز ووقف قدام منه وقال بصوت مخيف

راحو فين ثوار مصرين

ما ردتش رفعت وبص بطرف عينه علي باب البيت وحط العسكري الانجليزي مسدسة في دماغ رفعت وقال

شكلك بيقول انك تعرف حاجة. انطق والا هتموت

خاف رفعت وطلع ايدة في مستوي جسمه وشاور علي البيت وهو مرعوب بصو العساكر مكان ماشاور رفعت وجريوا ناحية البيت بمنتهي السرعه ودخلو البيت واول ما شافو الثوار المصريين ضربوهم بالنار وقعوا ميتين وبداو العساكر بسحبوهم من رجلبهم برة باب البيت والثوار المصريين كانو بيبصوا ل رفعت وفي عيونهم اتهام صريح بانك انت قتلتنا. وصرخ رفعت من فظاعه المنظر وسمع صوت جاي من وراء منه بيقول

جة الوقت اللي ناخد في حقنا منك يا رفعت اسماعيل

بص رفعت شاف الثوار المصريين دول بهدوهم المليانه دم. وبيجروا ناحيته. جري رفعت باسرع مافي والغريبة انه وهو بيجري كان بيجيب دم من نفس الاماكن اللي الثوار المصريين جابو منها دم. وبرضو كان دم متجلط عدي عليه سنين. وبدا رفعت بحس بالوجع اللي حسوا بي الثوار المصريين لكنه فجاة تظهر قدام منه شاشة تانية بتعرض ذكري اخري مؤلمة. وهي لدكتورة انجليزية كان بيحبها رفعت شافها وهي بتتجوز قرر انه يرجع مصر وبتجوز اي واحدة. وفعلا اتجوز كاميليا. طبعا هو حبها بعد كدة لكن البداية ما كنتش صح. اتوجع رفعت لما شاف الذكري دي. وسمع صوت كاميليا جاي من وراء منه وكانت بتقول

للدرجة دي انا كنت بالنسبة لك واحدة والسلام

بص لها رفعت وقال

دة كان في الاول. لكن انا بحبك

كاميليا

ما بقتش فادرة اصدقك.  

وطلعت كاميليا. سكينة وقطعت شريان ايديها. ووقعت من طولها جري عليها رفعت وقال

لا. يا كاميليا.  

وجري خدها في حضنه وفضل يهز فيها وهي ماتت. صرخ وقال

كفاية. عذاب. خرجوني من هنا. كفاية.  

وفجاة يلاقي رفعت نفسه علي الارض تحت رجلين نجمة ولوسيفر وبيبص لهم ونجمة بتقول

11 دقيقة بالظبط. وكنت مغير رايك

لوسيفر

عرفت اني راجل طيب جنب بنتي نجمة

وقف رفعت بصعوبه علي رجله وقال

عرفت

لوسيفر

يعني بقيت معانا

رفعت 

علشان اقدر اساعدكم هحتاج اكون في قمة تركيزي. يعني محتاج دماغي بكل اللي فيها وماحدش يسيطر عليها غيري 

وبص ل نجمة فقال نجمة

ليك اللي انت طلبته. بس في المقابل لازم مرض الوهم يتنقل ل حد غيرك. حد او ما يشوف البوابة يبقي تحت سيطرتنا. 

رفعت

حد مين

هنا يتفتح باب البدرم وتدخل كاميليا بص لها رفعت باستغراب شديد وقال

كاميليا انتي بتعملي اية هنا

كاميليا باستغراب اكتر

انت اتصلت بيا وقولت لي عايزك واديتني العنوان دة.   

وبدات كاميليا تبص في المكان كله وطبعا ما كنتش شايفة لوسيفر او نجمة وقالت

هو اية المكان دة يا رفعت

رفعت

بعدين هبقي احكي. بس تعالي نخرج من هنا، ،،،،،،،،،،،

ومن جوة عربية رفعت تقعد كاميليا جنب رفعت اللي عمال يفكر يعمل اية في اللي جاي وهنا قالت كاميليا

رفعت في اية. واية الدكان اللي احنا طلعنا منه دة.

رفعت

مش هقدر احكي لك دلوقتي لكن اللي اقدر اقوله ليكي اني هسافر برة مصر كام يوم. خلي بالك من نفسك 

كاميليا باستغراب

هتسافر وتسيبني يا رفعت

رفعت بعد م باس ايدها قال

غصب عني والله.بس بقول لك اية انتي هتسافري معايا

كاميليا

بجد

رفعت

بس احنا مش هنتفسح. احنا رايحين نحرق شيطان

كاميليا باستغراب

تقصد اية 

رفعت

هتعرفي في وقتها ،،،،،،،

ومن جوة فيلا كبيرة يقعد صلاح مع فهمي. بعد ما فك الكلبشات من ايدة. وكان بيقول

بقي كل دة يحصل لك وانا ما عرفش،

فهمي

الدنيا كشرت في وشي مرة واحدة. وما عرفش هترسي بيا علي فين

صلاح

هترسي علي انك تسافر معايا وتنسي الهم اللي هنا دة

فهمي

اسافر قبل ما اثبت برائتي. دة انا لو عملت كدة ابقي بثبت التهمه عليه

صلاح

وانت محتاج بس تثبت برائتك لية. ما انت هتبقي برة

فهمي

هبقي برة صحيح بس هتفضل سيرتي هنا علي كل لسان المجرم اللي قتل مراته

صلاح

ذاكرة العوام تلت ايام.

فهمي

يعني اية مش فاهم

صلاح

يعني مسير الناس تنساك وتشغل بالها بحكاية تانية.

فهمي

برضو يا صلاح. ما ينفعش اعيش وانا عارف ان في حد شايفني مجرم. وقتال قتله

هنا يرن جرس الباب فيستغرب فهمي ويقول 

انت مستني حد

صلاح

ما تقلقش هتلاقي عم حسن البواب راح ورجع بالعشا

وراح صلاح وفتح الباب علشان يشوف فهمي البنت اللي كانت قاعدة معه في جروبي فيصدم، ،،،،،،،،،،

خلصت حلقة النهاردة اللي يارب تكون عجبتكم. سلام